Video
Opening Hours
Mon - Sat
11:00 - 23:30
Sun
15:00 - 23:00
Above information is for reference only. Please check details with the restaurant.
Signature Dishes
上個星期四係我女朋友的生日前夕亦都係我地拍拖一週年記念日，由2月尾開始已經不斷搵地方慶祝。女朋友鍾意熱鬧，想搵個地方同一班朋友玩返晚，但又唔想佢D朋友用太多錢，搵咗好耐，終於係朋友口中得知呢間樓上CAFE。因為本身係港島人，不熟悉九龍區，又想不容有失, 令女朋友開心滿意，於是同朋友預先早幾日去試食兼睇下個場。去到環境都舒服，可以望到海景，而且仲俾我發現佢地有個鋼琴，可以俾D驚喜女朋友。試咗佢地個set dinner，豬仔骨、意大利飯 & 千層麵，味道唔錯，屬中上。食完就決定落訂book場……………到正日我預早打電話俾老闆夾個RUNDOWN，我想係攞個蛋糕出來時彈首女朋友最鐘意既歌”追”送俾佢。老闆好好人，完全配合我，仲幫我預先SET好D音響。女朋友當然又SURPRISE又感動啦~~~食物方面都OK，$175 PARTY MENU有以下食物:1. 田園蛋沙律 (Comment: 菜新鮮, 蛋和沙律醬的比例剛剛好) 2. 薯條 (Comment: 一般小食, 大大碟, 新鮮炸, 點沙律醬OR茄汁一流) 3. 春卷 (Comment: 不過不失, 可接受) 4. 咖哩角 (Comment: 不過不失, 可接受) 5. 忌廉煙肉薯蓉 (Comment: 賣相不是太好, 但堅好食, 好滑和好香忌廉味, 個個都話係unexpected!!) 6. 煙鴨胸 (Comment: 好重煙燻味, 皮有小小肥, 送酒一流, 但可惜我地個MENU冇包酒)7. 牛油蒜蓉時蔬 (Comment: 菜新鮮, 好香蒜蓉味, 老闆話睇下當日街市有咩菜新鮮先買, 用心之作)8. 瑞士雞翼 (Comment: 一如傳聞般好食, 每人都有3-4隻) 9. 香草烤羊架 (Comment: 每件大小適中, 肥廋比例剛剛好, 不會太"so", 女朋友本來唔太食羊都食咗2件.....HAHA)10. 肉醬意粉 & 咖喱肥牛炒飯 (Comment: 大家已經好飽, 所以只係食咗少少, 但個肉醬幾好味, 甜甜地, 同出面食到既有好大分別) 11. 涷檸檬茶, 汽水任飲 (Comment: 老闆不斷refill, 抵讚!) 總結: 食物份量剛剛好, 味道中上, 招呼好。P.S.: 唯一美中不足之處係佢地新裝的兩部65”大電視仲未用得，當晚只係可以對住部47” 電視唱K，老闆話D線未駁好，要月尾先可以用………..
continue reading
26/12 boxing day要包場(22人) - 又要有環境氣氛,乾乾淨淨,野食唔好太差,仲要就腳......價錢唔要太貴,合理價錢啦~~問過旺角個d cafe都幾貴下~好彩諗起佐敦有間moment cafe.地點係佐敦近尖沙咀又方便. 唔好講笑!開party緊係揀d就腳架啦~5湖4海既朋友都容易黎到同埋搵到正因為我係搞手,個晚搞左化妝party,班朋友仔要玩行catwalk, 好彩老闆都識做!幫我地set好d枱枱椅椅,將d枱枱椅椅擺埋一邊又有得坐,又有得行~辛苦哂佢地,特登整條路比我地行catwalk.(希望佢地唔好介意我地咁麻煩)開始party食野先~~~沙律 : 田園蛋沙律 、煙鴨胸小食 : 春卷、咖哩角、薯條、忌廉煙肉薯蓉、瑞士雞翼-要特別讚係瑞士雞翼. 嘩!d瑞士雞翼又香,d肉又滑, 最重要係d瑞士雞翼汁,超好食!!!我d朋友個個都話好食~-忌廉煙肉薯蓉. 之前我都有整過煙肉薯蓉, 佢整得個味道適中,又唔太咸,唔太淡,整得好好食~因為有小朋友係到, 春卷、咖哩角、薯條岩哂佢地。主菜:牛油蒜蓉時疏 青咖哩雞配蒜蓉飽BBQ汁燒豬仔骨香草烤羊架肉醬意粉西炒飯 飲品 : 凍檸檬茶, 汽水 任飲老闆娘好好,每次主菜煮好就即刻叫我地食.....主菜要讚係「香草烤羊架」同「西炒飯」 特別係個羊架!!我本人唔太鐘意食羊(怕蘇)~我見住個廚整好熱啦啦咁擺係個碟到,見好似都ok,就食啦!一食, 因為好"林",無蘇味。我食完第一件,想即刻叫fd咋咋林食, 點知已經無哂~哈哈哈哈...西炒飯,真係好ok!佢炒到d飯好乾身,唔似出面d餐廳咁"林"哂.真係食到一粒粒炒飯,有口感。Good!其他牛油蒜蓉時疏 ,味道可以啦!佢煮得d菜又"林",但食落去又"爽",都ok~食到差唔多.又多2個fd黎左,但我地d野食得7788...老闆娘同老闆好好, 佢地特登同我地講, 不如煮d野比遲黎個2位朋友仔....好細心呀!!!!佢地又驚我地食唔夠, 問我地夠唔飽, 唔夠佢可以整多d比我地食~~.......好好呀!!!!玩埋,最後班朋友仔幫我慶埋生日,個朋友整左個cake, 之後同個廚交流下心得....哈哈,好nice~食埋個甜品, 執下野埋單走人。環境非常靚,望到尖沙咀夜境老闆娘同老闆好nice, 野食都唔錯(瑞士雞翼,香草烤羊架,忌廉煙肉薯蓉好食)班朋友仔玩得好開心~~下次再開party都會係moment cafe搞過~值得推介!!!
continue reading
呢1晚我地1行11人約食飯~有人建議呢度好食~環境又好!咁我地就一於訂位啦~我地一早已經order定10 人 份量~11個人一齊share食!menu:1. 羊膝2. 豬肋骨3. 卡邦尼意粉4. 茄汁海鮮焗千層麵5. 烤雞凱撒沙律6. 芝士蛋糕7. 薯條上到去7點半~由於未人齊~我地未叫佢"起菜"~玩左一陣~其實我地都好肚餓喇~都叫佢照"上菜"~唔等其他人!!o個陣大約7:45pm~但去到9:45 pm先黎齊晒D野食….呢1餐~我地食左2個鐘~係2個鐘呀!有個半鐘以上係等上菜既時間~食只係用左大約半個鐘….知唔知點解要咁耐??因為佢煮左散客d野先囉之前訂枱時~我已經問過佢1人份量($120@)有幾多件ribs/lamb....佢話唔知點講喎....到最後....個個都食唔飽~而我....餓到胃痛左1晚首先講環境~其實環境幾好~落地玻璃望住警處署、中港城 o個邊~幾靚!!可惜既係~我同另外2個同事都唔知俾d咩咬到隻手1粒粒~好痕....地首先係腳痕~痕到dum晒地~之後到腳板底都痕埋....最後~我同同事既手都有俾野咬既紅印....全晚我地又唔見有"蚊芝仔"~咁你話係咩乜咬我地呢!!?其次係設備:佢有k唱~但冇開俾我地!冇乜board game玩~只有UNO同KILL GAME野食方面:等左差唔多45分鐘~終於黎左個沙律~呢個菜係最好食既~因為每1塊菜都有醬同芝士粉~正!但每人只係分得1件雞同5塊菜囉之後等左15分鐘~黎左2碟薯條~每日都有5-10條既~攝完牙罅之後~又等多15分鐘鐘有多先黎1碟豬肋骨~仲要都唔夠每人1件!!!!再等多大約10分鐘~先黎第2碟....終於輪到我食喇(已經餓到胃痛!!)件豬肋骨.....好似煲湯豬骨咁.....完全唔覺得有烤/燒/煎過!!!仲要有D"騷"味囉再等多15分鐘就黎左個羊膝+薯仔…..羊肉唔"騷"~味道OK!!但太生喇….唔係好敢食!薯仔好食~有D唔知係咪香草既野o係上面~正!!再等10分鐘~黎左1盤「卡邦」已經係最大碟既野…但都係每人分得少少 =.=味道唔錯~可惜太多汁…..似湯意多d….之後大約5分鐘~黎左1個焗海鮮千層麵~海鮮=魚+蜆千層麵=3層麵味道係ok~有少少辣+酒味….但焗都唔夠~同埋….又係….太少喇!!!再等左10分鐘黎多2個焗海鮮千層麵…..其實1個麵既份量係好少~所以3個都係唔夠食架!!甜品係new york cheese cake~都幾好味~餅底夠脆!係甜左少少~同埋唔夠實+芝士味!!仲有檸茶3渣(其實係任飲既)$120…..尖沙咀仲有好多選擇!!!唔會再俾機會佢架喇….我好少寫食評~但今次真係太激氣~仲搞到我胃痛!!所以一定要上黎話俾大家知事實既真相!!!
continue reading
經常在佐敦一帶出沒﹐從不知道在繁忙的十字路口某棟商廈的頂樓有這麼一間景觀一流的餐廳﹐望看九龍公園﹐下午時分晒著太陽嘆花茶吃蛋糕﹑與友人們開懷暢談﹐愉快兼注入大量正能量﹐各人無論在生活及攝影路上都繼續努力互相扶持吧~ 0.07
continue reading
呢次係我第一次係openrice leave comment。特登為左呢間cafe 開account為了慶祝生日，搵地方搞party, 我行左成個銅鑼灣的cafe 又上網seach 過。結果間間都唔o岩心水，唔係價錢太貴，收哂各樣雜費，就地方唔夠大唔夠靚，而且有好多間仲係已經係好"媒"cafe有幾次同cafe 問資料，仲谷到我成肚氣!一Ｄ都唔想係o個Ｄ地方慶祝我的生日。今時今日，同一個價錢，我搵到呢間MOMENT CAFE 真係好好彩最初睇到openrice 上面d 留言 真係有Ｄ擔心因為好多CAFE 搞PARTY 都諸多限制 overrun 要收錢 野食又少種類又唔得不過原來呢間CAFE 剛剛轉手 同d comments 真係好唔同一開始老闆娘仲就好易話為，唔收加一，唔收切餅費，仲反而問返我地想玩到幾點好到令我有Ｄ介心，係咁真係咁荀呀？地方：呢間cafe, 係我搵ge 樓上cafe 最靚ge一間 有落地大玻璃，有bar 台個FEEL 好好 又有Ｄ LIGHT EFFECT影相都效果好正! 而且我搞ge係Theme Party 佢夠private 洗手間好乾淨!娛樂：呢到有Ｋ 唱 有好多board games 有飛標等等，音響唔錯 可以自己帶party 歌播! 食品：野食款又OK 都係每間cafe 都有ge 小食 eg 薯條，芝士腸，咖哩角，不過唔同ge係有龍脷柳，雞扒，豬脾仔。 仲可以俾我order 我最鍾意食ge 凱撒沙律 同卡邦尼意粉老闆娘仲係咁問我地夠唔夠食 仲不停出野食 食到我地個個都夠飽!味道方面，我的朋友向我反應卡邦尼意粉真係好好食!係食呢方面已經藉回票價!服務：老闆同老闆娘好熱心幫助我搞呢個party, 例如我需要移開d 枱玩遊戲，佢地立即幫我清場，一開始我要吹波佈置場地，佢地都好樂意幫我手!老闊亦都幫我手做左camera man 影左好多好靚的相廚房的兩位姨姨都好好人 成晚唔停咁煮野食 而且仲好關心我地夠唔夠食!最後， 我無選擇錯呢間CAFE ＝） 我過左一個好開心好難忘的生日希望有機會再去玩過：Ｄ 今時今日 呢Ｄ服務態度先叫正確!
continue reading