Moment Cafe

Open Now

Now Closed

假日來了，終於有時間來食.坐位都算一般，吾會太窄。係元朗終將這個地方，有小小難搵。等位的人都不算太多，合理 出食物的時間有點耐。但味道都算ok。接受到。如果大家趕時間，就要考慮其他的啦。

今天打算與媽媽和妹妹吃過午餐後到濕地公園，早上一直下著毛毛雨，天氣又凍。於是到這裡吃一個豐富的早餐準備之後的步行活動。我們坐的是正鋪旁邊的小鋪，座位比較寬敞，不錯。妹妹一直都很喜歡這裡的 "全日早餐 ($82)"，就是她口中 "最強All Day" ，因為價錢平，份量足而且味道好。我和媽媽就點一些份量細一點的早餐 ($42)，我點了菠菜芝士三文治，媽媽則畸點了熱狗。菠菜芝士三文治份量剛剛好，很喜歡烘得很香脆的麵包，如果削了邊的話會更好。餡料方面芝士味比菠菜味更強，如果可以多一點菠菜就好了。媽媽很喜歡熱狗早餐，因為有沙律菜又有薯角，很豐富。熱狗腸很大條，而且醬汁亦多，她說味道很不錯又夠飽肚。妹妹說雖然"全日早餐" 比以前加了數塊錢，份量和味道依然很好，性價比很高。有三條味道不一樣的熱狗腸，黑椒腸很辣很惹味，不錯。薯角份量很多，還有一隻班尼迪蛋。事實上份量多得一個女孩子實在沒辦法吃光所有東西...跟餐的咖啡很香濃味道很好，實在享受了一個美味又豐富的早餐。我們三個人把所有東西吃光之後就出發去玩樂了。

在元朗吃東西有不少選擇，但不想食茶記，便宜得來又有All Day Breakfast供應的地方卻不多。昨天經過這間一連有兩個鋪位的Moment Cafe，居然在Menu上搵到$42包飲品的全日早餐，仲係我最喜歡的Egg Benedict，當然即刻order。上了咖啡後等了二十分鐘還未有東西來，原來是漏了單。幸好不趕時間，所以我亦沒有發惡。賓尼迪蛋送到，賣相唔錯，雖然內餡沒有肉，但總算有點蕃茄及一塊芝士，個賓尼迪蛋亦夠流心、荷蘭汁酸甜度OK，總而言之呢個價錢有咁既質素算係咁了，不能要求太多。

我又黎moment啦，平時食開早餐，今日太晏食午餐！蔬果蔬菜繼續新鮮！今日啲車厘茄超級甜手打牛肉漢堡呢個我揀既，好少可揀錯野既我，今次失手！件手打漢堡，一睇已經覺得好乾，煎過龍！食落真係無哂肉汁，而且連暖都算唔上，係凍既！肉味都叫做有既！好失望！好彩薯角熱辣辣！煙三文魚松露意粉我覺得整體係好食既，不過唔知點解會加黑椒去整，搶左啲松露味！其實就禁白汁野菌松露，已經夠，黑椒多餘左！連見松露就既老公都say no！不過天使麵整得岩岩好，無硬心！菠菜芝士三文字一如既往，good如果早餐，叫佢加杯咖啡，無敵奶茶照舊無白糖咖啡轉左豆，好易入口服務員姐姐好好傾可能兩點幾無咩人！今日禁岩坐左個睇到車既位（平時無理坐入面），點知今日真係遇到抄牌，走得切，同場有人走唔切，so sad！對出條路其實抄得密，少入黎食既朋友，要留意！

All day breakfast 只要多料少少都成舊水落樓，呢間moment既all day, 真心係低食，雖然呢個價位（$79）但絕對唔係話比啲粟米，茄汁豆，炒蛋同生果你就了事！有三種唔同既腸同火腿，多士班尼迪蛋，厚身奶醬吐司，沙律個醬係藍莓醬黎，夠特別（似係自制既）！另外芝士流心西多，芝士好足，唯一美中不足係啲芝士偏哂一二邊！我食左面個件，啲芝士可以瘋狂禁拉住食到比我老公食底個件，變左無芝士，係一啲都無感覺自己虐夫！我飲咖啡，我老公飲奶茶，竟然無白糖！平時啲餐廳，只會無啡糖，唔會無白糖，呢下笑左！局住奶茶落啡糖，唔知咩味，唔想試呢間其實成日食，仲有個波菜芝士三文字都好正！平時坐門口位可以睇車，今日凍，無門口坐

全日早餐的好處就是何時去吃都能吃到，對於我這過飄忽的人來說簡直是為我而設~ 吃了多年的moment cafe special day breakfast水準依舊好~ 這all day breakfast色彩繽紛，看了讓人胃口大開，心情大好呢~ 奶醬多士金黃酥脆，奶味十足，簡單美味。薯角同樣香脆，味帶鹹香，又不油膩。肉食方面有火腿，阿歷士黑椒腸，煙辣肉腸與法蘭克福腸，相當多元化，而且吃完後十分飽足。清爽的沙律，加上鮮甜的橙肉平衡了味蕾，消除飽膩的感覺。All day breakfast的精髓當然是班尼迪蛋，這蛋焦庸置疑地嫩彈，蛋黃的香氣整個也是超濃郁，我也不捨得截穿它😂最後當然要來一杯檸檬茶，整個「早餐」便完滿了。

餐飲要杯即磨咖啡，落糖後飲入口已嘗到好重的苦澀味，正宗平價茶餐廳嘅捷榮預沖咖啡！然後發生以下事件向服務員講杯咖啡有苦味，然後服務員拎杯入去，廚房淨係加淡奶無沖過杯新，我試多次都係有苦澀味，就同服務員講，問題出係咖啡，加幾多淡奶都無用。我要求服務員可否沖杯新，因為眼前呢杯淨得苦味同好重淡奶味，根本無飲即磨咖啡嘅感覺，點知服務員拎走，但好快又拎一杯出黎，話係「新」整嘅，我一睇... 竟然仲係頭先嗰杯，佢只係將面頭啲奶倒左，杯裡面得返4/5杯份量，而且杯邊仲有飲過嘅蹟，我指住啲蹟同佢地講出問題，因為我張枱係開放式廚房前，廚房就開始發爛講：「我地啲咖啡係咁，你覺得有問題係你問題，我地無問題....」講左好多爛仔會講嘅說話，言下之意就係佢一覺得無問題，一定唔會沖過杯俾你！！！！OK 你咁講明白晒，我雖然住係呢間餐廳隔離，但我都唔會再幫襯。今日係元旦，2017第1日就第1餐就食到一肚氣。

餐廳慢得不能接受，入坐40分鐘，一碟炒意粉都無能力完成，叫佢check order, 就話師傅炒緊，再等15分鐘，都係繼續再等！在場好幾枱客都等到火滾，走埋！餐廳完全未能達到基本能力要求。實在不忍心再幫襯佢，加重佢負担，只好可憐佢完全無能力應付。

去完大棠行完幾個鐘山，搭小巴返到元朗，經元朗區食友介紹去呢間Café，重點係要食egg benedict因為老公好鐘意食。本來想點佢個 all day breakfast因為乜都有晒而且個樣好似好正，但可惜本人唔食牛而佢個餐三種腸都有牛，所以只好點 twin egg benedict, 然後再同老公 share 流心芝士西多士。食物非常好味，再加上職員介紹蕃茄熱情果飲品，完美的一餐！如果可以多啲非牛嘅腸供唔食牛嘅朋友選就更好嘞！

一早出門去元朗食早餐！餐廳附近車位不多，揸車朋友預左要泊街，不過記得揀近窗口位坐方便看車，但餐廳姐姐都好好，一見抄牌仲緊張過你，不停大叫抄牌！叫左個All day breakfast 同牛角包餐！All day breakfast 好足料！味道還可，食材新鮮！麵包好味！牛角包餐，好抵食，牛角包超脆同香！水果好新鮮！飲品方面包普通咖啡，茶！其他特飲要另外加錢，每款不同！朱古力，好味，朱古力味重，不過甜左d ！可以試下叫佢少甜！奶茶，如果你對奶茶有要求，千萬不要點，因為佢d 奶茶唔似一般茶餐廳奶茶！有少少咖啡味甘，我個人極不接受

分量十足，價錢便宜，鍾意佢菜多，多士香脆勁多醬，但我唔like 花生醬，如果改用奶油多會更好😁😁薯角外脆內軟唔太鹹。腸仔有兩款，蜜糖同黒椒，蜜糖味一般無特別，黑椒夠惹味。如果水波蛋下塊芝士係半溶就完美了，而家就似剛由雪櫃攞出嚟放咗一陣嘅芝士咁，欠缺誠意。個脆豬唔得，包好韌又硬流心芝士西多，味道ok，個饀好多芝士，但你一定要襯熱食，一凍咗芝士就變唔流而且韌。至於咖啡方面，自從佢轉咗個咖啡師之後，好⋯⋯⋯⋯唔掂🙈🙊有待改善

去開果間cafe唔帶的狗狗，就行過來moment cafe。因為可以坐門外面。叫左兩個set。熱狗餐，大件夾抵食。欣賞餐廳配合沙拉，水果。均衡飲食既感覺。另一個系雞扒辣意粉，無唸過系炒意粉，不過味道配合幾好。如果少d油，雞排企細件d就更加好。

平日lunch time 去到已經見到一大堆學生妹在舖外等外賣，人頭湧湧！入到去8成係學生！價錢唔貴，心中都冇咩要求！我叫左牛角包餐（$39），有芝士火腿牛角包，沙律，炒蛋，法蘭克福腸炒蛋係最好味，好滑溜！牛角包鬆脆好味，入面塊芝士仲係一塊咁，因為個包唔係太熱所以冇溶化，沙律個千島汁太甜，法蘭克福腸就似普通雞肉腸... 朋友叫左照燒雞扒漢堡配炸薯角（$49）個漢堡有成塊面咁大，都真係好足料，入面有芝士生菜，可以雞扒夠熱，芝士溶左少少，塊雞扒係成隻手咁大，厚身，個漢堡整體上都算幾好味！薯角新鮮炸好特別野味！正！兩個餐都跟餐飲仲有兩片生果，對於味道冇咩高要求黎講算係大件又幾抵食！

元朗cafe 愈來愈多要食all day breakfast 嘅地方都愈來愈多試過幾間都只覺得還可以直至比我遇到moment cafe 我以後想起all day breakfast 就淨係諗起呢間價錢抵就唔使講一個大圓碟放滿食物的賣相是我最喜歡的很有外國的 fish & chips 的感覺一上台噗鼻而來的香氣係薯角同埋流動的花生奶油薯角夠脆又唔會太焦蔬菜同肉嘅比例係half half 啱哂我呢啲無菜不歡嘅人最正係佢個獨家沙律醬甜甜酸酸味道剛剛好多士上面嘅醬更加係用心之作唔係求其雖然每次過去都要等等位但係絕對值得加上餐廳是全玻璃窗設計如果係十一點左右去食陽光從外面照入來正正就是我想要的holiday mood Love it 👍🏿

我最愛就是炒蛋腸仔之類野, 雖然都知食得多無咩益, 但呢度有仲要聽講幾正咁就黎試下啦呢個係之前睇其他人食評推介嘅牛角包餐,有腸仔炒蛋, 芝士火腿同牛角包, 仲有水果沙律, 都係$38水果沙律好新鮮, 酸酸甜甜超好食, 炒蛋芝士火腿其實唔難整, 不過佢整得又幾細緻, 簡單得黎無咩挑剔位好彈, 總之好味 牛角包都厚薄適中, 口感好滿足有蛋同橙, 沙律呢D健康野, 正好平衡下