幸時烘焙小吃

Open Now

Now Closed

呢間係好出色，比較新式的麵包店，你以為佢應該會有返咁上下昂貴，豈料，細細間店舖，多款款式的麵包，竟然收費相當廉宜。你睇吓佢呢個吞拿魚包，只係賣$6 ，本身個體積又夠大，份量就已經勝一籌，上邊的交叉紋，那些質地帶點煙韌，另外味道又有少許甜，份量夠多，內裏吞拿魚豐富，簡直充滿驚喜。菠蘿包，亦都意想不到咁出色，底下和中間沒有太特別，亦都不算是空氣包，但是頂上的菠蘿皮，夠吹口，吃落脆香嗦一聲。下次有機會在經過附近，都要再幫襯吓。

呢間街坊餅店係元朗有3間分店～頭一次買係基源巧合下，經過見到原來甜品櫃除左有蛋糕仲有芒果泡芙同芒果班戟，又幾吸引眼球喎！！平價街坊麵包店都有芒果泡芙！比較少見！店內D麵包同蛋糕都幾抵食，唔會太貴，就係一般舊式街坊麵包店的款式和味道～第一次買過芒果泡芙同芒果班戟，2款芒果甜品都幾多cream，芒果肉就正正常常，唔酸又唔係特別甜咁，不過十幾蚊，都幾抵食呀！因為每件都做得大大嚿嘅！第二次買就試咗佢哋出品嘅芝士餅乾，味道好似細個食過嘅芝士薄脆餅咁！好脆口！勾返起晒D童年回憶🤭🤭

幸時烘焙小吃地址：元朗元朗安寧路89號文業樓地舖早排成日都去元朗路經過好多小店 就忍唔住入去睇下有冇咩想買🙈入到去當然俾好多甜品 麵包 吸引🙈好似呢2款 芒果雪山🙈（好似係甘叫） 好記得當日4點食 到7點都好飽 佢係好大塊糯米皮 大量cream 同芒果🙈無記錯好似10蚊🙈 如果你鍾意食糯米糍嘅朋友仔 可以去試試朋友食嘅芒果泡芙 比手掌甘大 嘅甜品都係15蚊 平日係其他地方買起碼都30蚊坦白講 味道都ok 價錢夠平 記得個次想買埋佢地嘅飽🙈不過🙈因為有行程 又無買🙈次次都係呢個原因無買 睇黎下一次要為買而去一轉元朗🙈🙈

係哩間買過好多次包，蛋糕都有買過，就連男朋友經過都一定要入去買野食，但係今次送咗個驚喜俾我，唔會再回頭！即刻有陰影！！13/2/2022係你到買咗兩個芒果泡芙、一個唔咩知合桃包，裡面混合提子乾。一個朱古力冬甩，一包8片方包。個收銀員仲要做到失魂咁，又聽錯，我當我講錯，跟住又計少咗錢。芒果泡芙同朱古力冬甩當日K.O咗，而合桃包我係14/2/2022拎來做早餐食，食食下食到一半，我見到疑似曱甴🪳既身影😂我即刻問自己係咪睇錯😂，係咪提子乾定係合桃皮？望清楚係有鬚有腳！！好彩我冇嚇到反胃，亦都冇嚇到即刻掉咗個包，影相留証！

原來幸時又開多左間新分店，近朗屏那邊，新店除左麵包蛋糕外，仲有魚蛋燒賣等小食，越來越多元化了。個膠袋未印新店地址買了一條班蘭卷蛋試試，好重喎，塞滿個盒的。蛋糕厚實很飽肚，班蘭味不強，新店少啲cream。另一日買了豬仔包，買三個有優惠。有手掌咁大個，新鮮出爐，軟綿綿的，好有芝麻香，好食。見個樣咁靚又買了一個冬甩，外賣不比冬甩專門店差啊，厚厚的朱古力醬好正，唔太甜。同場加影沙翁，其實個包底同冬甩差不多味，面無左朱古力換左做砂糖，個人鍾意呢個多啲，甜啲又平啲，哈哈，好鍾意食甜野。仲有舊店的朱古力卷蛋，同樣重手，但舊店多cream好多。朱古力味出過班蘭味，軟綿綿的蛋糕好好味，多cream正啊！因為好鍾意食cream，間中都會買下忌廉包，而加越來越少地方有賣了，人食得健康左，幸時個忌廉包好長，膠袋放唔直，包軟身又多椰香，最正係好多cream，一咬爆出黎，勁滿足。同小朋友慶祝生日又買左藍莓芝士蛋糕，外觀幾靚仔。芝士同藍莓足料，芝士餅厚滑，個人覺得好好味，小朋友好歡喜，家人就覺得甜左少少，各有各人口味啦。價錢跟同區的麵包店差不多，但size大好多，又唔係空氣包，屬抵食呢。