紅葉茶屋 (T.O.P This is Our Place) (Closed)

喺旺角想食日本嘢就諗住睇吓有冇啲未食過嘅喺附近鐵火堂同大勝丼都食過Openrice 睇睇下日本嘢食就見到呢間真係成日經過但係都好似未食過所以今次就試試佢因為都要睇吓食評先去見啲食評都係正正常常居多所以都冇太大嘅期望食嗰日係星期日晏晝三點左右就完全唔使排隊量個體溫填張紙仔就入得～～咁我就揀咗一個牛肉壽喜燒定食好似大概$98多咗兩個酸既前菜（因為我唔鍾意食酸野所以唔岩我）一碗正正常常嘅湯一隻溫泉蛋一碗白飯同埋一兜牛肉壽喜燒牛肉份量都唔少但如果再濃味啲就更好同埋啲飯硬咗少少🤏食完之後就揀咗個甜品（睇食評啲人都話甜品好食過正餐）就揀咗一個臉倉紅葉茶屋抹茶提拉米蘇個名都好鬼長食落又幾好食質感幾好味道都夠啲食評話甜品好食過正餐果然冇呃人

鹽燒鯖魚定食⁣Salt Grilled Mackerel Set Meal $108 ⁣食好啲啲，但係又想盡量健康美味之選! 無骨燒鯖魚味道焦香，口感外脆內軟。配搭鮮甜蘿蔔茸及檸檬汁，味道清新又解油膩! ⁣⁣但老實說 ，定食中的中流砥柱，莫過於口感煙韌飽滿的日本米飯! 佐以兩款香料醃製蔬菜作為配菜，以及熱辣辣又足料的味增湯，簡單的家常美食令人非常滿足。⁣⁣牛肉壽喜燒定食⁣🐄🍲 Beef Sukiyaki Set Meal $118 ⁣⁣滿滿的薄切肥牛及洋蔥等各種蔬菜，充分烹調至完全入味，乍暖還寒的初秋最適合祭一祭五臟廟。⁣⁣🍧 圖2⁣ - 自選特製芭菲 ⁣Make Your Own Special Parfait $68 (the Japanese translation of it is " Customized Parfait" which I think it's even more precise!) ⁣⁣⁣由高至低分別是：⁣🍈🍦自選的季節限定哈密瓜雪糕⁣🍵自選的抹茶蕨餅，及隱藏中間的白玉⁣🍪早餐脆片及忌廉⁣🍦自選的雲呢拿雪糕⁣🍵🍮 底部以清甜的抹茶啫喱作結😋 ⁣⁣

行過見到呢間餐廳個裝修都幾靚係星期日嘅下午想同朋友就搵個地方坐耐啲傾吓計呢間餐廳係一個唔錯嘅選擇 地方闊落裝修都好日式好啦！講下野食先！第一樣叫嘅嘢係牛肉壽喜燒定食（$118）味道正正常常嘅！ 略嫌唔係好夠湯！ 要不起撈飯有啲難！ 另外，啲飯唔係好珍珠嘅珍珠米！ 不過整體來講都可以嘅！第二個主食係明太子忌廉撈烏冬$98忌廉汁好夠味啲明太子又唔會太咸最後見啲人話呢間餐廳食甜品好食過主食食完表示我終於明白呢個道理抹茶提拉米蘇$55

上次去嗌咗個鐵板牛扒同埋海鮮丼飯再加自選材料parfait做甜品。個鐵板牛柳雖然肉質有啲乾但係勝在外皮都有少少焦香味，所以都覺得OK。個海鮮丼飯啲材料都叫新鮮，二魚生都可以遮蓋到白飯嘅面積，雖然白飯都唔算太多但係整體來講份量都算不錯。最後嘅甜品我覺得抹茶味雪糕嘅抹茶味唔算太濃郁，哈密瓜雪糕都中規中矩，都係偏甜。整體以呢個價錢來講不過不失，預算OK嘅朋友可以去試吓。

🍽紅葉茶屋💙🤍💙🤍💙🤍🐻小編餐單1️⃣ 溫泉蛋卡邦尼烏冬💲88🔹好味度: 4/52️⃣ 牛肉壽喜燒定食💲118🔹好味度: 3.5/53️⃣ 抹茶提拉米蘇💲55🔹好味度: 4.25/5💙🤍💙🤍💙🤍🙊小編卡邦尼配烏冬呢個組合幾特別，味道唔錯抹茶提拉米蘇好出色！本身唔係抹茶愛好者都覺得好好食，值得一試！💙🤍💙🤍💙🤍小編評分👅食物 🐻 4/5👀環境 🐻 3.5/5📸打卡指數 🐻 2.5/5總評分 🐻3.75/5

打開本menu，原來日本同台灣都有分店。😍但感覺呢間餐廳嘅抹茶比較吸引。😅由於係閒日嘅下午4點，餐廳冇咩人，我地揀咗個梳化位坐得舒服d。💆🏻‍♀️鎌倉紅葉茶屋特製軟雪糕芭菲 (蜜瓜軟雪糕 - 期間限定)蜜瓜雪糕味道幾濃，賣相幾靚！但唔講唔知🤐，原來呢個係個破壞系嘅食物。攪勻晒先係最好味。😋 唔會有太酸太甜、唔平衡嘅感覺。🤭Baileys Affogato因為baileys嘅關係，酒精嘅苦味蓋過咗牛奶雪糕嘅味道，有少少可惜。後尾將佢溝埋落杯抹茶拿鐵度，估唔到個味又幾夾。😬冰薄荷紅茶清清地嘅紅茶有少少薄荷味，不過不失。雪糕白玉抹茶拿鐵白玉有少少硬、少少煙靭，抹茶味好濃，唔覺得有latte嘅味道，溝埋baileys affogato一齊飲幾特別，好似飲緊抹茶酒咁，可以試試。🤤抹茶雲石紋芝士蛋糕一個蛋糕有3種味道。抹茶嘅苦、芝士嘅酸、蛋糕嘅甜。

系旺角人來人往，想搵地方落腳既好地方。前排去既時間發現開埋酒場，位置更闊落，而且環境都好舒服，沒有最低消費也更親民。同埋發現鋪頭加購左自動機械人幫手送餐，睇落都相當有趣。除左和式主食外，偏西式口味既溫泉蛋卡綁尼烏冬亦都好食，味道濃郁，而且口感都彈牙，飲料就不過不失。個人最中意既都系甜品為主，可惜今期無期間限定雪糕，只有普通既牛奶味。而且近期一直做緊儲印花優惠可以免費贈送指定食品，整體而言會一直長期幫襯。

紅葉茶屋🍁抹茶比主食更出色🤭🤭熱抹茶拿鐵，有抹茶甘苦味唔會過甜，牛奶好滑溜抹茶比例比較多👍🏼👍🏼和牛壽喜燒定食普通正常發揮😂😂有牛旁同類似雪菜d fd既拌菜送飯解膩反而之前食過烏冬好味過定食🤪

🥚雑錦滑蛋丼 $85呢個丼啱哂選擇困難嘅朋友有大量嘅肌肉肥牛同埋兩塊豬排個人認為炸豬排最好味 肉厚又炸得鬆脆食得出係即叫即炸雞肉都算嫩滑可惜牛肉比例麻麻 肥膏比肉多所以好多都食唔到☹️🐽吉列豬排定食 $88豬排都算厚肉 同樣即炸好酥脆 不過肉質略乾唔算juicy 相比之下滑蛋丼嘅炸豬排會比較出色。🦐海鮮壽喜燒定食 $108海鮮份量唔少而且材料都幾豐富有魷魚圈 蜆 豆腐 雜菇 蝦仁 蘿蔔絲 洋蔥絲 菠菜苗同埋兩大隻蠔壽喜燒湯底偏甜但唔會甜到惹痰😂另外附上一隻溫泉蛋將佢撈埋碗飯到就咁食都好好味🧀️芝士雞肉番茄忌廉烏冬 $85原先以為係番茄湯烏冬加芝士碎嚟到賣相唔太開胃🥲烏冬係包裝急凍嘅 但口感算QQ雞肉份量正常但有啲紅色而且滑嫩得可怕。醬汁超級濃稠而且份量超多食多幾啖已經超級膩。

吳邱太放左學有點肚餓, 老公黎咗太子接我, 就近近地行去旺角搵食。不過係旺角搵野食都幾頭痛, 好多好多選擇但又好多人。行到旺中附近,  就入左去行個圈望下。呢間野幾得意, 有兩面入口, 一面就好多人等位, 但另一面唔洗等就入得去,我地緊係行去唔洗等個面入。不過可能一面多人一面少人, 侍應就比較少, 想叫野就要等下。坐底之後, 睇下個餐牌, 感覺好似甜品為強項,  不過無理未食主餐就食甜品, 所以就睇定食。本來我老公揀左個西冷扒, 不過點菜時話所有扒類賣哂, 所以揀咗壽喜燒, 不過壽喜燒就有3款揀, 最後就揀左和牛壽喜燒。而我徘徊係日式咖喱豬扮定係生薑燒豚肉定食, 最後我老公幫我揀左豚肉定食。食物上檯個刻感覺都幾靚既, 不過食落去就唔算太大驚喜感, 豚肉同和牛都唔算"鞋"口, 其實方便都係一般, 不過一提就係定食既白飯係任添, 因為本身碗飯唔算大, 所以都要叫多一碗。

我覺得依間嘅甜品係好食過正餐🤣🤣，所以建議大家黎依間餐廳嘅時候記住試佢嘅甜品😌。✨濃郁抺茶味💚今次試左佢嘅飲品，抹茶味好濃，苦中帶甘，啱曬啲鍾意抹茶嘅人😍。好味指數👅：🌸🌸🌸🌸✨可能係我食過最好味嘅抹茶Tiramisu抹茶味濃，Tiramisu好軟滑🤤🤤，完全有令人忍唔住食完一啖又一啖，欲罷不能嘅感覺。嗰甜品好精緻，用木盒盛載，幾日本風🥰。不過份量太少啦，完全唔夠喉🥺🥺。🍽鎌倉紅葉茶屋抹茶提拉米蘇: HK $54好味指數👅：🌸🌸🌸🌸🌸

呢間喺T.O.P頂層嘅鋪頭 雖然成日都經過 覺得啲甜品賣相吸引 但冇入去試過 今次入到去發現原來鋪面分開咗兩邊 其中一邊仲有bar枱~🍴牛肉壽喜燒定食 HKD98應該係本店嘅熱賣定食~壽喜燒嘅牛肉汁偏濃 味道唔會太甜 牛肉就半肥瘦 另外嘅配料有豆腐 雜菌同蔬菜 好適合配飯食另外就附贈一隻溫泉蛋 同麵豉湯美中不足嘅係成日定食都係微暖 壽喜燒如果有個煲仔可以熱住就最好啦🍴芝士雞肉蕃茄忌廉烏冬 HKD79友人選項~初頭大家諗住係普通蕃茄湯 面頭加芝士碎點知上枱見到一碗杰撻撻嘅湯 都心知不妙 結果友人硬住頭皮食哂成個好膩嘅烏冬🥲💬本身諗住食完咸食就嗌埋甜品 可惜時間關係試唔到 希望下次可以食到芭菲杯🍦🚩紅葉茶屋 旺角彌敦道700號T.O.P This Is Our Place 3樓309-310號舖

這晚是星期五晚，第二天還要上班，與太太及兒子到了旺角TOP商場食飯。早前與兒子去過底層的美食廣場，曾經寫過食評讚賞過，與家人則光顧過一間食燒肉的餐廳。今次應該是第三次。星期五晚上，商場也算人頭湧湧，很多餐廳也要「攞飛」等位，因此我也叫老婆與兒子自己先逛玩具店，待我去尋找餐廳。這晚的「搵食」經驗令我學了一件事情，就是原來現在很多人也會在Openrice登記，不用親身在餐廳外取票。我這樣子逐層逐層按制取票，真是笨了。最後這間「紅葉茶屋」較早有三人枱，於是我便喚太太及兒子到餐廳等。首先，環境方面十分不俗，我們幸運地得到了一張有梳化椅的大枱，我們坐得很舒服。食物方面，太太叫了牛柳粒定食，我則叫了咖哩魚扒。因為有三個人，也另外添了炸物小食。最後我也叫了芭菲及抺茶拿鐡。全部食物都有一定質素。價錢也合理。服務方面，雖然抺茶拿鐡比較遲來，但其他上菜的速度也合理，餐廳地方大，又採用半開放廚房，可以看到廚師在煮食，值得欣賞。而點菜又可以用QR code，並且又有機械人，服務很前衞。

唔係朋友推介都唔會為意T.O.P嘅呢一間餐廳，同埋旺角太多餐廳選擇，所以平日晚市嚟講都唔會full house～朋友之前食過話幾好食，所以叫咗個最平嘅牛肉壽喜燒定食 ($118) 試吓🍲最平嘅定食係普通牛肉，份量唔少，不過的確係好一般嘅牛肉，有少少嚡口，牛味唔濃，不過好彩有隻溫泉蛋，將啲牛肉點蛋汁食，果然好食好多🤣壽喜燒入面仲有兩舊好大嘅豆腐，同埋少少菜，食完都夠飽～朋友食完同我講和牛明顯好食啲，下次可以試吓🤤覺得佢啲甜品都幾吸引，所以叫咗個自選特製芭菲 ($72)🍨今日只係得密瓜軟雪糕，所以冇得揀😂配料揀咗藍莓芝士忌廉、抹茶軟朱古力、蕨餅同埋雲呢拿雪糕～搞到杯芭菲顏色配搭有啲奇怪🤣我覺得軟朱古力同蕨餅嘅抹茶粉有少少太苦，減返少少粉呢兩樣配料都好好食！而藍莓芝士忌廉單食好香濃芝士味，都幾酸，不過同其他配料嘅味有啲唔太match，可能係我揀得衰😕兩款雪糕都好食，尤其係密瓜，好有驚喜😌本身芭菲都仲有啲cream、粟米片、銅鑼燒同寒天，所以口感同味道都幾豐富～兩個人食啱啱好😚如果想同朋友坐耐少少，傾吓計，食吓甜品，都係一個幾好嘅選擇～

今日在TOP擺完市集，拎住一袋二袋唔想行咁遠，不如試下呢間日本野。試左餐廳推薦的牛肉壽喜燒定食和green tea latte牛肉份量都算幾多，肥瘦適中，豆腐豆香濃郁，如果加上粉絲或芋絲會更好，湯底略嫌有點瀆。配上麵豉湯，食完整個人都暖哂（餐廳冷氣太凍🥲）老公專登叫個和牛壽喜燒定食，睇下有咩分別💁🏻‍♂️牛肉質素係好d 既，不過本人覺得帶點騷味，普通牛肉壽喜燒其實都okGreen tea latte, 濃濃的抺茶，很香，唔太甜👍🏻Affogato 職員提議後上，牛奶雪糕淋上espresso ，冰火交融，如果espresso份量再多d會更好😍整體來講，食物質素算ok，服務還好，下次經過不妨一試😉