紅葉茶屋 (T.O.P This is Our Place) (Closed)

吳邱太放左學有點肚餓, 老公黎咗太子接我, 就近近地行去旺角搵食。不過係旺角搵野食都幾頭痛, 好多好多選擇但又好多人。行到旺中附近,  就入左去行個圈望下。呢間野幾得意, 有兩面入口, 一面就好多人等位, 但另一面唔洗等就入得去,我地緊係行去唔洗等個面入。不過可能一面多人一面少人, 侍應就比較少, 想叫野就要等下。坐底之後, 睇下個餐牌, 感覺好似甜品為強項,  不過無理未食主餐就食甜品, 所以就睇定食。本來我老公揀左個西冷扒, 不過點菜時話所有扒類賣哂, 所以揀咗壽喜燒, 不過壽喜燒就有3款揀, 最後就揀左和牛壽喜燒。而我徘徊係日式咖喱豬扮定係生薑燒豚肉定食, 最後我老公幫我揀左豚肉定食。食物上檯個刻感覺都幾靚既, 不過食落去就唔算太大驚喜感, 豚肉同和牛都唔算"鞋"口, 其實方便都係一般, 不過一提就係定食既白飯係任添, 因為本身碗飯唔算大, 所以都要叫多一碗。