紅葉茶屋 (黃金海岸商場)

Open Now

Now Closed

呢間餐廳算開咗冇耐，見到佢有一個定食套餐，所以就入咗去食。入到去都有唔同牛肉豬肉雞肉套餐都有，三個人分別叫咗壽喜燒牛，生薑豬，同照燒雞套餐。不過套餐只係有麵豉湯，唔包飲品，如果百幾蚊一個套餐就有啲唔太化算。壽喜燒餐味道算唔錯，而且份量上算大份，就算幾大食都有一定嘅飽肚感，不過入到門口見到佢哋已經一早將一啲小菜同配菜放曬喺餐盤上，而且冇冚，衛生上可能未必咁好。不過餐廳算細心，會分開放蔥或者芝麻，等唔食芝麻糊或者蔥嘅朋友唔使夾返出嚟。

想遠離煩囂感受一下渡假風，黃金海岸確實係一個不錯嘅地方。呢日就黎悠閑咁食個lunch，好寫意呀！我哋揀左位於黃金海岸商場的紅葉茶屋，裏面座位好寬敞，裝潢非常日式，樓底夠高所以坐得好舒服。和牛肉壽喜燒定食牛肉份量好多，食落夠嫩滑，個底仲有好多菇，配埋湯底甜甜的好好味！豪華原條鰻魚茶漬飯鰻魚真係超級大條，厚身又肥美，啲肉冇細骨夠嫩滑，再加上湯汁作茶漬飯，十分清新鮮味，夏天食岩哂豪華海鮮丼茶漬飯成個面都鋪滿刺身好豐富，包括三文魚丶吞拿魚丶帶子丶甘蝦及三文魚籽，非常足料，味道仲好鮮甜佢哋嘅甜品都好吸引，尤其係個芭菲，賣相真係好靚，不過實在太飽啦，下次要留肚食先得！

甜品是另一個胃🥰之前已經嚟過呢間食，但上次食到太飽冇食到甜品，今次一定要試吓🥰有返晚市之後，黃金海岸呢間「紅葉茶屋」已經坐滿晒人，相信大家都覺得呢間唔錯先會咁多人排隊。🥰今次同上次一樣食返一樣嘅嘢「牛肉壽喜燒定食」$118雖然賣相唔係話相當吸引，但係份量足夠，牛肉嫩滑，壽喜燒味道又啱啱好，唔會太咸又唔會太甜。蝦子餅照舊叫佢最鍾意食嘅豬扒定食而我就叫返上次食過覺得幾好味嘅「炸牛肉薯餅」$32香脆外層包著幼滑薯蓉，口感豐富，好好味🥰今次幾飽都要食甜品點咗「鎌倉紅葉菜屋特製白玉錎蜜」$68最鍾意食煙煙韌韌嘅白玉，加埋錎蜜絕對無敵好味🥰旁邊仲有好多美味日本紅豆😍

一直以來去黃金海岸食晚餐，主打西餐為主，而且價錢比較貴，終於見到有間日式餐廳，價錢合理，可以一試。裝修就冇咩特別，一般日式風格，不過係現況就算比你裝修得好靚又如何，周圍都係膠板，一係就包書膠隔住，總之坐得舒服就算。我們點了兩個餐再加兩個甜品1.牛肉壽喜燒，湯底好咸，出奇地牛肉冇味，似湯渣，唔得。2.生薑豬肉飯，好食味道剛好，不過d豬肉下次可唔可以切細件d。3.綠茶Tiramisu，好滑，但綠茶味唔夠4. 綠茶紅豆軟雪糕，綠茶雪糕味好燶，但軟雪糕太多冰粒整體上間舖食甜品出色過主食。

見到佢間旺角top分店都有唔少人食，當日去到黃金海岸，就有機會試下🙌🏼門口都幾多人排隊，我地等左半個鐘先有位😵-牛肉壽喜燒定食$118牛肉都幾多塊，但肉質偏韌。底下有好多菇，洋蔥同埋豆腐。湯底飲落ok唔會太鹹😗但很遺憾壽喜燒係凍嘅!搞到我將牛肉沾生蛋都變得唔好食☹️-佢嘅甜品睇落都幾吸引，但坦白講因為有d失望，唔敢再叫怕中伏🌝呢個價錢又要排隊，質素仲要唔高，就覺得唔係太抵食，真係唔值得要排🙈

當天走到黃金海岸地帶，四周都包圍着西式餐廳的濃厚氣氛，中餐小館寥寥可數，當我們正在考慮那間西式餐廳之際，突然間看到這間門面特別的日式餐廳，再看看餐牌，價錢很合理，雖然在門外排隊的人數不少，都當機立斷決定試試這間日式餐館，餐館的門面分為兩部份，左邊為飲品部，大概也是給客人order外賣飲料及甜品，另一邊廂就是餐廳，餐廳空間算大，而且上菜時間很快，我叫了豪華吉列豬扒丼(吉列豬扒加吉列蠔）以及三文魚三色丼，比較欣賞的是三文魚刺身丼包一個櫻花蝦味的高湯，是用小茶壺裝着再倒落湯碗，味道很好，比起一般的麵豉湯好飲，三文魚丼分量適中，對於一般男士來說，飯的份量可以多番少少豪華吉列豬扒丼，豬扒肉質不會太硬，連滑蛋進食，剛剛好，吉列蠔也不會炸得過火！另外我們也多追了吉列南瓜餅，這個當甜品食也很好，因為南瓜很甜，加上一杯特飲，百香果茉莉花茶，甜度適中，味道新鮮可口

主打食茶漬飯的日本過江龍餐廳，好多款飯都可以當茶漬飯咁食。豪華魚生丼定食: 前菜都有一兩款，丼飯可以就咁食，或者加湯變茶漬飯。呢個定食叫左蝦湯，個湯清清地但係好重蝦味，同海鮮味道好夾，蝦同帶子仲要幾新鮮。原條鰻魚丼定食: 鰻魚真係好很大條又厚肉，昆布湯味道比較清淡，當湯飯食味道都不錯。小食加咗個薯餅，炸得鬆脆，外脆内軟，有陣香香的肉味。抹茶蕨餅: 有糖漿但又唔需要落太多，會太甜😂邪惡的芭菲: 望個樣都知道有幾邪惡，士多啤梨雪糕幾好食，質地似雪葩

趁住周未黎黃金海岸行大運！依頭帶少少異國風情，加少少幻想力就當自己去左旅行！除左半露天既西餐廳外，仲發現到日本鎌倉人氣茶屋開左新分店。身為日本控諗都無諗就入左去食！餐廳裝潢走和風簡約木色設計，牆身有掛畫，位環境舒適。MENU所有相都影得好吸睛，食物種類多。有熱食、刺身飯、拉麵、芭菲、抹茶提拉米蘇、窩夫等。▪️見餐廳支援Openrice Pay，打算試下。唔知係咪太新，餐廳職員好似唔知咩黎，話無😂最後以信用卡付款，無優惠🥲▪️＊－。－。－。－。－。－。－。－。－。－＊🔸鹿兒島黑毛一口和牛定食 $148肉定食和丼放係MENU比較前位置，相信都係主打之一。定食都有跟湯、兩款配菜、白飯(免費添加)。和牛粒脂肪豐富，肉質柔軟，牛味重夠鑊氣。再配份炒野菜，好豐富。＊－。－。－。－。－。－。－。－。－。－＊🔸豪華海鮮丼茶漬飯 $168有三文魚、吞拿魚、甘蝦、帶子、三文魚籽。刺身新鮮，賣相好吸引！職員上菜時附上茶漬飯指引食法作參考。方法1️⃣直接刺身飯咁食，加上醬油同WASABI，原汁原味。方法2️⃣將適量刺身放入細碗仔，加入熱湯食，比較暖胃。我揀左蝦湯，有香濃海鮮味，湯亦都夠熱。另有鏗魚昆布湯。＊－。－。－。－

寧靜的日本菜難得開返晚市，終於可以舒舒服服食餐飯🥰今晚試吓黃金海岸呢間「紅葉茶屋」入面裝修真係好似日本呀因為啱啱開返晚市，所以冇乜人可以好寧靜咁食一餐飯🥰「牛肉壽喜燒定食」$118睇餐牌個張相同上桌嘅賣相係有D唔同不過味道又可以喎牛肉好嫩滑，壽喜燒又唔算好甜岩岩好🥰另外叫咗「炸牛肉薯餅」$32好好味🥰餐廳仲有好多甜品，都好吸引😍好想試下，不過食完已經好飽了🥰下次一定要嚟試吓呢度嘅甜品先得🥰

平時去黃金海岸都唔知食咩好今次經過呢間餐廳門口好香😆就入左去食食物好快就到，有效率👍🏻叫左個壽喜燒同柚子峴烏冬份量都唔小壽喜燒味道略甜～不過送飯一流！不錯不錯柚子峴烏冬冬天食好舒服感覺好fresh但又夠味👍🏻

以前一直想食旺角個間，近期係屋企附近開左！今日放假終於去試！等左十分鐘就有位！好快落單話咁快有嘢食！個烏冬又真係幾好食～好有咬口！腐皮都係個啲～而涼拌小菜有驚喜，仲以為會係好酸個啲醃菜！不過原來無餐，係唔包飲品！唔知係咪因為假期？炸雞盛盒就兩件雞塊兩隻雞翼，炸得相當酥脆！雞翼嘅調味好好食！炸粉唔會好厚，又唔會太油膩！仲有好似係自家製沙律醬，不過我就覺得無咩特別！見到好多嘢想食，不過一個人食唔晒咁多，下次就要試甜品！

DAY OFF 去黃金搵朋友，夜晚朋友度打邊爐平時去前都會行下商場食個brunch，今日見到有間新既有人排下隊都試下先。個門口望落似日本郊區，好舒適同好貼心咁有おすすめ，等第一次黎既都知有咩推介。店員都好親切 都有日文歡迎 令我有家鄉既感覺佢地安排左窗邊位，見餐牌樣樣野都想試最我叫左柚子蜆肉烏冬 諗住清清地 點知有驚喜烏冬吸哂昆布湯既味，蜆肉佈滿烏冬面而且無沙好清甜，配埋柚子皮有淡淡既柚子味係湯綠色既好似海草(？)爽口同個湯幾match。整體好滿足下次一定要捉埋朋友試多D野同食埋個甜品

今日放假入左黃金海岸行見到有間熟悉既日本餐廳開左之前同朋友都試過淨係食左甜品唔錯今次路經順便可以試下佢地既主食外面睇好有外國屋仔feel內部裝修同奧海城差唔多但座位就比較寬敞啲 試左個海鮮四色茶漬飯同生薑燒豚肉定食茶漬飯刺身味道唔錯比較欣賞刺身擺法 好似花咁食左一半魚生飯食法 一半用鯛魚湯食鯛魚湯清清地但又帶出魚既味道仲好貼心俾多隻碗你 可以兩樣食法一齊食生薑燒豚肉定食就薑味夠重味道亦都岩岩好 送飯岩晒而且定食仲可以免費添加白飯我地都忍唔住加左一碗

大老遠來到屯門黃金海岸，除咗想放鬆一下心情之外，估唔到有意外收穫！呢個餐廳之前都有幫襯過，係吾錯的，黎到呢度都可以遇到，無拒絕的理由可能係新開張關係，都有好多人等，等左20分鐘度先可以入座，吾知係呢度限定還是改左餐牌呢，多左啲新嘢食點左個海鮮茶漬飯，同黑松露牛肉壽喜燒定食老實講，茶漬飯真係比較少見，每次都會試，呢度都能夠保持水準，讚果茶係一定會點的，試左百香果茉莉花茶，味道又幾夾呢最後想提及一下呢個的員工，係現時疫情環境下，加上都幾繁忙，都見到他們盡心盡力去做好每個服務，加油！

終於等到黃金海岸開新餐廳，見到裝修幾好，價格都算中間位。諗住都唔會差得去邊。點知一開波個排位系統已經唔得，會skip號，會消失左啲號碼。連啲客都都聽到啲staff問點解會咁。6點禁堂食黎講，5點依啲時間真係爭分奪秒，仲要skip鬼走左。叫左一碗黑蒜油拉麵，一份鹿兒島和牛定食。拉麵奇差，返返去味千嘅境界，同出前一丁湯底一樣。失望到極致。係依啲餐廳食拉麵麵唔會期望有同拉麵店食嘅水準，但都未去到咁差！個和牛定食真係令人想啪枱走，咸到痴晒線，仲要冇一粒似和牛，連係超市買嘅安格斯牛粒都唔係。唯一可以接受嘅係加左一份炸南瓜餅，不過大膽假設，通常依啲炸物都係急凍野，都唔太關佢地廚房水準事。我地坐個個位同佢地放抬盤個位一塊玻璃之隔，不斷食食下就有人勁大聲啪去我耳邊。