紅葉茶屋 (黃金海岸商場)

Open Now

Now Closed

51假期到黃金海岸staycation3日2夜，唔想餐餐自助餐，路過見到呢間日本野，本着一試的心情試吓，入到店後，裝修很有日本風格，有一刻覺得自己去了日本，order 了2份定食，2個大人加1位小朋友，加埋飯都夠食，一份定食是吉豬豪，水準拍得住日本食到的水準，另一份壽喜牛亦相當不錯，小朋友白飯加紫菜加豬加牛加漬物，食得非常開心，之後加了2杯雪糕，個人認為是日本食得到的味道，很滿意的一餐晚飯

早前，我 check Openrice app 才得知黃金海岸開咗 <紅葉茶屋>！一於找個週末去幫襯！要先自行取籌，等叫籌號安排入座！店內外的環境清幽寧靜又舒適，景觀充滿色彩！店員大約 4個，有男有女，當中，較為成熟那位女店員服務態度最好，其他人則懶懶行，就算我食完份定食時落單叫飲品及送上飲品，男店員都無意識執枱嘅？！Menu素牛肉壽喜燒定食 $128珍珠米飯、牛蒡+甘筍+芝麻、生雞蛋、面豉湯 面豉湯的口味，入口有那種似是木魚的獨特口味！素牛肉不論色澤抑或肉質紋理都幾似牛肉，勝在纖維高，卻缺乏牛肉的柔軟及肉香！軟雪糕牛奶抹茶 $48牛奶抹茶 $35，+$13 可以多份軟雪糕，既可食甜品，又可飲凍飲，一舉兩得！軟雪糕混合抹茶，變成抹茶雪糕！牛奶抹茶本身味甘而香滑，軟雪糕融化後，香滑甜美帶甘！

對芭菲失望cream 多 抹茶味極淡雪糕屬可接受 但其餘 不可接受可能只買雪糕更好 但也不值這價錢賣相不行簡單甜品做成這樣 實在不明白服務態度一般環境算是舒適的絕不會回頭再食

星期日12點左右去到，唔洗等位。食物質素同服務都正常水平，不過不失。豪華海鮮丼茶漬飯 $168丼飯嘅材料包括：三文魚、藍鰭吞拿魚、甘蝦、帶子、魚子。魚生都新鮮嘅，不過啲飯有啲硬，又食唔出平時日本米有嘅香味。茶漬飯可以揀鰹魚昆布湯或者香濃蝦湯，我揀咗蝦湯，都幾鮮甜。茶漬飯有兩種食法：1）將wasabi同醬油點刺身同飯一齊食。2）將少量飯同刺身放入細碗裏面，加入湯，按自己喜好加入wasabi食。牛肉壽喜燒定食 $128壽喜燒裡面有冬菇、豆腐、洋蔥，唯一牛肉有好少少太熟，但味道都唔錯，都唔會好韌。定食包埋溫泉蛋，係出色嘅。而個麵豉湯就略嫌太鹹，但整體嚟講都算合格。

order左海鮮四色茶漬飯、牛肉壽喜燒、鎌倉紅葉茶屋抹茶白玉。海鮮四色茶漬飯：份量少，吞拿魚啡色，極度唔新鮮，同相片完全唔同牛肉壽喜燒： 啲牛極老，煮左好耐，啲菜又苦正餐咁差，但我地都決定叫甜品，因為呢間出名甜品，打算比次機會，點知都係失望。鎌倉紅葉查屋抹茶白玉：完全同相唔一樣，一上台起曬泡，放落口似煮左兩個鐘化曬既湯丸。滿心期待入黎食餐簡單既日本定食，最後出黎既係等左勁耐，而食物黎到係同相片唔一樣，食落口更加嚴重。

我都未入去，就係見到入面有位先攞張飛入去，點知佢話等一陣，等左5 分鐘先派我去我原本見到空果個位，出面又落雨又凍又大風，我想入去入面等個收銀都想我出返去等叫number，真係差咁D。終於入到去（坐返我見到果個位），叫左個豪華滑蛋井（吉列豬排，吉列壕，滑蛋飯）同炸牛肉薯餅，原本以為佢地都會好快就出到貨，點知落單20 分鐘之後個飯先到，等多10 分鐘個薯餅先再黎，速度已經好失望。味道上都幾不滿。個豬排等咁耐，點知黎到一咬就覺得乾到想喊，有塊滑蛋墊住(真係未見過但係下面）所以一邊脆一邊唔脆我都算數，但係媽啊，豬排唔係紙皮啊，佢乾到連味道都唔係好食得出，極度失望。吉列壕就相反，佢係炸嘅，係夠水份嘅，係有味嘅…… 但係隻壕味道真係怪怪地，唔知係唔新鮮定係雪味，感覺唔太好，希望唔會肚痛。最後就係個炸牛肉薯餅，炸佢30分鐘都真係過份，原本想劈炮走人㗎啦，佢又話炸好，我就打包走。個薯餅就不過不失啦，薯蓉夠綿，炸得夠脆，牛肉粒唔夠都已經預左，好彩佢真係夠熱，唔係炸完擺係度無人serve。Overall，黎得黃金海岸，如果有時間限制的話，就唔好食呢間嘅炸野啦，真係好失望。

紅葉茶屋 屯門琴晚約咗朋友去屯門黃金海岸食晚餐，朋友想食日式，就揀咗呢間紅葉茶屋試下。叫咗兩個主食同埋一個小食，出奇地又幾好食😝🌟豪華吉列定食（吉列豬扒、吉列蠔）$138呢度嘅吉列食物真係幾好食！尤其是吉列蠔！咬落去外脆內軟，仲有少少汁，烹調時間冇得頂！炸粉又唔會太厚，仲食到蠔嘅鮮味😋😋🌟生薑燒豚肉定食 $108生薑係先磨成嘅薑，但佢嘅燒豚肉唔係豚肉片，係比較厚身啲嘅肉，配埋洋蔥同生薑有幾好食！🌟汁煮法國黃金螺$68黎到有六隻大大隻嘅螺，係凍食嘅，咬落去夠爽，唔會太un😋😋做前菜好開胃！定食包一碗麵豉湯，一碗飯，一個酸蘿蔔，同埋一個我都唔知係咩嘅前菜🤣不過幾好食😂飯係用日本米，如果唔夠食可以添飯，我都添咗一碗😜

第二次幫襯呢間分店，計埋其他兩間分店，不經不覺今次第四次了。 食物和服務質素保持穩定，每次都差不多水準：✅ 這間分店環境特別舒服，如果坐卡位，感覺更寬躺。今次坐中間枱，擺放食物就唔太夠位。✅ 服務好，待應都有禮。✅ 如果一個人，食一個定食，$100都食到飽，加埋環境，性價比屬可以。⚠️其實很喜歡定食旁邊的開胃蔬菜，有牛蒡絲⋯⋯可惜每次入舖頭，都見佢地擺在無遮無檔的盤上，出入開門，行出行入，呢個時勢感覺就不太衛生

好幾年沒有到過黃金海岸，此處的餐廳不知是不是因為少了遊客，變得比較適合附近的居民。原本想選一間比較特別的餐廳，但轉了兩個圈後，還是選了一間在其他區有分店的食肆光顧。外層麵包糠脆脆，蠔又鮮甜有汁。如果點了定食，還可無限添加白飯。無論你是大胃王，還是食量比較少的年老夫婦；一客定食絕對讓你吃得飽。同樣是脆脆的外層，中間是一片比較薄身的豬扒，火喉剛剛好，淋而不老。雖然價錢是貴了一點，但鰻魚算大條，厚度尚可，烘得不太燶，味道不算咸；可惜不太肥美，鰻魚汁又少了一點。選了昆布湯茶，味道不太出色。烏冬有口感，柚子味也適中，可惜蜆的質量太差了，一點鮮味也沒有，煮得又老了點。螺肉很有口感，味道也不錯，作為小食，份量剛剛好。

今日一家黎到黃金海岸酒店渡假，環境好舒服寫意，中午黎食紅屋，點左3個餐，分別滑蛋吉列豬扒飯，壽喜燒鍋同燒雞扒飯。豬扒夠脆，吾太厚粉，壽喜燒牛肉普通肥牛，正正常常，而燒雞扒，個汁甜左d,整體都可以，有配菜加埋，幾開胃。

黃金海岸酒店staycation後，下午去商場行吓搵嘢食，呢間食品同裝修較吸引我哋。當日下午只有兩枱客，加上用QR code落單，所以侍應較清閒賣相同張相差好遠豬骨湯味濃，但黑麻油味唔夠出，豚肉厚身唔嚡，麵條軟硬適中。同湯麵的豚肉一樣，加洋蔥炒，醬汁有薑味，再加少許碟邊的薑粒更好味。味噌湯同配菜就一般啦！飯後當然要試吓日式甜品啦！先將朱古力粒放入雪糕，再倒熱咖啡，幾特別綠茶味被雪糕甜味蓋過，差咗啲！

新開張的日本過江龍料理店，就即管去試下，見佢之前新開張咁多人排隊食。不過試完就有點失望。⭐️特盛黑麻油濃厚豚骨湯拉麵其實唔知佢特盛同無特盛有咩分別，黑麻油一定香嘅，叉燒一般現成的，麵都可以，唔算好重鹼水味⭐️豪華吉列滑蛋丼勁唔掂，完全唔知點解d蛋係底，仲要唔係滑蛋，係打唔勻嘅熟蛋。洋蔥又無煮諗，無用味醂煮過。炸豬扒同炸蠔係ok，不過就咁擺上面，成個飯都好乾又無味。⭐️自選特製芭菲見到成杯傾斜黎到都O左咀，一般好食

月初去左趟黃金海岸早餐，見到呢間日本餐廳頂左超市地舖個位，外觀乾淨簡樸，又見開飯好評稍多... 正值今日有市集，ok! 去試下。早11:30至開門，已有幾個客人搶先入閘我們第3張枱。靠牆卡位有勁風，巧涼呀！入正題，點兩個定食，都「紅葉」標誌㗎。👇牛肉壽喜燒定食見多人好評，梗試下啦！ 上枱擺設得嘅海帶湯夠熱。牛肉生熟適中，量亦多配菜內菇菇吸左汁，好味; 但那兩粒豆腐唔夠滑。隻溫泉蛋呢...吉家好過佢 雖然係咁，都5⭐ (4捨5入...) 👇生薑燒豚肉定食擺設基本同上。豚肉量算多。味道可以接受。不過生薑分開放(圖右下角黃色那小坨),其實食緊洋蔥炒豬肉片 唔食薑人士亦可點囉！👇海解炸物盛盒（蝦/廣島蠔）嗱，咁早食炸物，應該第一輪炸啦！典解顏色略深嘅？ 蝦，哈哈 食極都唔覺得有蝦肉蠔，我果塊係鯹的！另一個口話唔覺,但亦唔好味囉👇雪糕白玉牛奶 抹茶拿鐵$45一次過試晒甜品 ....點知極差(就到劣嘅) 抺茶味算有，香草雪糕冇意見。兩粒白玉,完全糯米粉糰,無添加呀,入口即 le最係冰粒，細細杯有11丁方粒,哇！特式後話：假日滿$300有兩小時免泊🚙 疫情周日半日遊，OK！

去黃金海岸酒店staycation，因為冇包早餐，我哋就走咗去商場搵嘢食，行過去好近好方便。行咗一圈，發現呢間日本嘢最吸引，因為除咗定食，仲有雪糕同好多款甜品，同埋環境睇落好舒服同乾淨。雖然話係定食，不過冇包嘢飲，淨係有2碗細細份嘅前菜。定食選擇都算多，我就揀咗4色海鮮刺身茶蹟飯，148一份另外要加一。飯可以直接食當魚生飯，又可以加湯食，因為飯唔夠冧，所以我倒晒成碗湯落去。湯嘅味道淡淡地，冇咩特別。至於刺身，唔可以話好新鮮，因為食唔出甜味，有啲失望。總體黎講冇想像中好味。

🍁紅葉茶屋 (黃金海岸商場) (屯門)屯門青山公路1號黃金海岸商場地下33號舖🍵抹茶控請注意⚠️#黃金海岸新開日系抹茶館#甜品篇🍵抹茶Tiramisu box $49✔️超級超級好食😋😋✔️抹茶粉濃而不苦，中和甜味😚😚✔️啲cream好軟滑😆✔️有兩層海綿蛋糕，份量適中唔會搶咗cream☺️✔️超級推薦-Golden Coast Japanese Cafe-Matcha Tiramisu Box-Recommended!-Tastes amazing-Matcha balances the sweetness of cream and sponge cake-Matcha powder does not taste bitter!🍵忌廉抹茶$35✔️好多cream!☺️✔️有點太甜，建議將糖漿另上😋😋✔️抹茶有回甘，不過係飲得出少少苦澀味😙✔️抹茶味幾香濃😛Cream matcha latte-Too sweet but nice cream-Matcha has aftertaste! Nice!Igable:8/10Taste:9/10(tiramisu) 7/10(matcha latte)Worth