桃園小品 (蘇豪東) (Closed)

食品質素一般，但無服務可言。你可以坐成20分鐘，不停叫人落單，都可以無人理你，你又時真係要親自行去搵個待應落單，你一直坐係位叫落單，係無人會理你… 待應聽到當見唔到。你會感到一肚氣！中肯一點，環境係舒服…只是人多時有點嘈吵。對比之前… 桃園小品的服務質素下降了, 待應亦沒有心做。

早上起來老公說帶我過港島區散步，出發往西灣河去，新界區長大的我從未踏足過西灣河，心情就如小學生初次去旅行一樣，加上藍天白雲的好天氣，真是一個超愉快的星期天早上。到達後，我們隨便找了家貌似茶記的餐廳「桃園小咕」，看店面裝修不難看出是「百分百」、「意樂」、「ITAMAMA」同一飲食集團的出品吧。單看餐牌中正港人心態，中西交錯，款式配搭多，客人總可以點出自己的心水。我點了中式粥品套餐 – 包括皮旦肉碎粥、煎籮白糕、燒賣和炒麵，還半價點了杯凍檸茶。老公即點了西式早餐 – 包括多士、炒蛋、茄汁焗豆、炸魚、腸仔和凍奶茶，還加了$6細碗火腿通粉，早餐來說已經是十分豐富。至於味道方面，就是一般快餐廳可想像的味道，沒有驚也沒有喜，勝在套餐樣樣有，填補自己的滿足慾。可以一提的是沒有檸檬片的檸荼，餐廳做法是將檸檬搾汁後再放進飲料裡，滿滿的檸檬味道。由於餐廳位置海旁附近，一帶有很多酒吧餐廳，不知道是不是因疫情關係酒吧都有推all day breakfast，下次可以找間試試。食飽飽後，沿海濱散步，迎著海風十分舒服，還可以參觀舊日的海上消防船隻，是假日可到之選。

如果有負分，會給負5分。女收銀服務差。剛落單，未付費，我要求更改飲品。女收銀非常沒禮貌，首先嘖我，然後怒视，“我已經打咗”，我友善表明要改，然後她開始掉東西在枱面發脾氣。我話“你唔洗咁炆”，只係要改嘢飲。佢話要搵人改, 人手改？！搵完人改再怒視，語氣無禮貌及動作大發脾氣。其實未付款前改單很普通，不明白他們的收銀system, 20年前的嗎？此店服務態度99％時間都差，只是不同程度地差。是否流程有問題，引致同事工作不愉快，發洩負能量予客戶? 食物一般，出菜慢。

剛剛轉到這區上班，經同事推介，午飯時候，專程去試一試...店內地方寬敞，光線充足，有部份座位可以望見海邊，枱與枱之間距離頗大，及用不透明的膠板分隔，令人倍感安全，食得安心...Menu 很多菜式，花多眼亂，有選擇性困難...午餐時間只有一個鐘，所以，只能選擇簡單的菜式，揀選了台灣貢丸酸辣米線$49，及凍檸茶，➕$3很快米線便送到，酸辣香味撲鼻，顏色鮮艷，菜脯粒，芽菜，豆卜，舖滿米缐上，貢丸有5粒，喝一口湯，夠勁度，米缐吸飽湯汁，滑嫩可口...超正食得很滿足...下次必再來，試其他菜式

今晚要來鯉景灣工作，順便食埋晚飯，因為天氣熱又唔想飲要落堂的東西，所以求其叫咗呢個姫松茸蟲草花燉雞湯食，因為佢標榜有原隻BB雞跟住燉的，估唔到超好飲，佢有方向的藥材味，隻BB雞燉完之後好稔，啲肉好鮮甜，所以我只係食咗少少白飯就飽了！絕對值得推介！

今晚決定去桃園小品晚餐，提前電話想預約，對方話唔洗預定，一定有位！果然，晚上到達時，點內空盪盪，三四檯零丁客人，大把吉位！按餐牌推薦，選了1主菜+3小菜（唔包米飯和飲品）比單點平d😀第一個，梅香鹹魚煎肉餅 HKD71.- 👇👇👇熱辣辣，非常的入味，下飯只是不方便分食，要向侍應申請🔪自己分切大約10分鐘後，來了第二道餸：👇👇👇乾煸肉鬆炒四季豆 HKD62.-夠火喉，肉鬆很香，豆瓣醬提味，也是下飯菜此時大家的飯已經差不多食㗰，在等下一個餸...大約又20分鐘，來了第三個👇👇👇紅燒玉子豆腐魚柳煲 HKD73.- 玉子豆腐和魚柳都過油炸了，外脆內嫩，極好味！香菇片也爆的乾軟出晒汁了，熱氣騰騰的煲很受歡迎👏👏再等了20多分鐘💤，終於來了主菜👇👇👇黑椒豬手煲，一隻完整的豬手！侍應說不管切，可以給刀🔪.....OK，自己來！無論如何，必須認同廚師是認真料理的👍，這份豬手切開後，皮，煙韌唔肥膩，肉，鬆軟唔乾柴，煲里的汁濃味香，我給9分！這晚餐的結論是：上菜不是一般的忙，是令人不能接受的超長時間的等待，這可能就是稀少客人的原因！桃園小品，食物好食，價格也OK，除非願意消磨時光，否則，應該不會再來了😔

今日去呢度食lunch, 落單時講得好清楚要蕃茄湯飯，俾左個鮮茄牛飯，落錯單再整過我接受到，但唔好怪返我無講清楚(事實係我講得好清楚，待應落錯單)，咁既服務態度真係無下次

Facebook的朋友圈見到我讚過過呢度嘅晚餐又好味、又平、又大份，今晚住喺香港島南區的朋友約咗我今晚嚟呢度食晚飯。我地點左：1. 第一次食呢度嘅麻辣味的鐵鍋烤魚，（$118），我們四人極之稱讚這道菜，辣得來及即使有少少酸唔搶後，食到麻辣的個人香辣味，但不會食食吓忍不住咳，比譚仔雲南米線的番茄湯效果更要好，係今晚最受歡迎嘅菜式！不過服務員沒有教大家用匙羹將魚篤開，用湯殼淋啲汁上去住一陣才食先至最好味，如果服務員有這樣覺就好了，因為係我第一次喺呢度食酸菜魚嘅時候臨離開才發現的，所以今堂我趟我地識點食最好食的了，係最後完成的菜式。2. 口水雞 - $72，好大碟好好食！口水汁可以媲美譚仔雲南米線，但係有連埋骨及皮的雞胸同雞脾，我食咗六件。啲朋友話口水雞冇麻辣鐵鍋烤魚咁辣，好彩食咗口水雞先，如果唔係就可能覺得口水雞淡左啲。3. 飲咗蘆薈檸檬冬瓜特飲$11的朋友話有少少偏甜，但係好好飲。4. 胡椒豬肚雞煲配燉湯套餐，$148，用明火煲仔上，煲裏面的的炸腐竹最好食，啲湯夠胡椒味，但係唔會太辣，佢哋爭食腐竹。5. 猴頭菇蟲草花燉排骨湯 - 係要連埋主菜+ 每煲仔加埋每個白飯一套$20，非常之好味，

今朝食完早餐返屋企工作1小時之後問爸爸去不去鯉景灣桃園小品食午餐，上次問過佢唔肯，今次mood到，所以話去，但係即興吹雞無人嚟，唯有得我哋兩個去，由沙田搭的士來回都花了$420，餐飯價值$112。爸爸話呢度嘅肉絲炒麵好過我哋屋企附近嗰間康城酒樓，肉絲醬和炒麵是分開上的，炒麵原先應該是炸的，但是餐廳用了低脂的方法就是噴了油之後用焗爐焗，所以好脆、不過看來好鬆散，有啲特別，連爸爸都發現銀芽居然用了星加坡的肥仔銀芽，乜香港邊度有得買呢？鹹菜豬肚滑雞湯飯的湯和飯是分開上的，啲湯有黑胡椒粒，唔小心咬咗落去就會爆開黑椒的香味，喜歡的人會好覺得盞鬼，滑雞有好大陣花雕酒味，豬肚好好食，嗰碗白飯有很稀少的啲黑色嘅藜麥（噱頭嘢），還有很多菜芯，灼的菜心時間掌握得很好，我很喜歡（除咗啲雞件的酒味太濃之外），個湯好好飲，撈飯一流 。凍檸茶少甜好好飲，同太興的凍檸茶味道相若，但係太興做唔到少甜。上菜快到不得了，大概15分鐘之後就上菜了，食完爭小小才一個鐘！不過原來爸爸唔係好抵得熱，食完飯之後出來諗住行去太安樓懷舊吓，行咗一半就話不如走囉！

由於鯉景灣商舖的業主話我知嗰度的「桃園小品」的出品非常之好，今晚約咗四位朋友請佢地一齊去食晚飯，順便提早兩小時去嗰度參觀一位住宅地產代理朋友做的「開放日」，再去附近酒吧每人飲杯野睇日落，可惜今日天陰看不到日落。大家一致認為「桃園小品」的出品真係好好食：-1. 咖喱牛腩 - 和翠華的比較都一樣好味，只係香料配搭不一樣，當然味道會不同啦！妹妹仔朋友將剩下來的汁用來撈白飯。2. 黑椒豬手煲 - IT朋友好鍾意，我就覺得如果某部份更加入味的話會更好。3. 濃湯菇菌灼菜苗 - 濃湯果然真的很濃，灼菜苗及菇菌掌握得很好，不會過稔。4. 酸菜魚（居然有薯粉，呢個要煮來啲才入味）- 原條鱸魚是炸過的才擺入酸菜湯入面煮，有朋友話酸菜湯的就酸，但係當煲野煮內阻就好入味，啲配菜包括大豆芽一些菇菌，用來送飯一流！5. 涼拌雞腎 - 這個不錯！6. 八珍豆腐煲 - 味道非常之好，豬潤夠薄夠嫩，其他配料配搭得宜，如果豆腐比酒樓做的一樣大件就更加好！ 7. 今晚叫小菜套餐的燉湯（蟲草花猴頭菇燉豬展）好好飲！而且材料十足！總之，全部都好掂！最奇怪五個人只花了$494（即是每人不需要多過$100）。這裏的面積很大，裝修

間唔中落去食早餐，見到佢話有燉湯，我成日都話要去試，結果又真係幾好味喎!我地叫餐，叫左胡椒豬肚煲，馬拉盞通菜牛肉同梅菜扣肉加燉湯!胡椒豬肚有驚喜，比預想中好味!無個尐臭味，酸菜等份量都唔少而個馬拉盞通菜牛肉呢，就咁睇，炒得好靚，如果佢話就咁通菜牛肉，我會覺得好食! 因為個牛肉好味同好滑，但佢寫住馬拉盞，咁我就覺得唔合格啦…梅菜扣肉呢個當然唔係我既cup of tea啦～但講左我會試多尐我唔食既，不過咁肉肉同肥，我真係頂唔順XD 但個味係ok既!要講埋個姬松茸燉湯，佢係咪燉我唔知，但飲得出佢無加水，加廿蚊黎講，我覺得好抵好好飲!

🐷 豬骨粥 配蘿蔔糕 HK$28 (唔連飲品)粥超大碗，都幾多肉，再加埋蘿蔔糕。下午茶想食啲嘢兩個人分都夠。呢個餐堅抵食。.🍟 吉列魚柳 配脆薯條 HK$39魚柳好大塊，大概好似平時大家樂大快活嘅2至3塊。不過佢味道比較鹹。

lunch time去叫咗碗魚片麵，落單後一陣，待應放低單牌，一看寫了公仔麵，立刻找回侍應說明我沒有要公仔麵，我要魚片麵啊！怎知她說，魚片麵就是公仔麵，你說要麵啊！我要求她改回，她説已下單不能改，我叫她立刻到厨房改，我要粉，她入地去後一回，另一待應就拿了一碗魚片公仔麵來，説改不了，我說我不吃公仔麵的，她說那就浪費食費嘅吧！放下便想離開，後來找來一位相信是高級些來處理，她說，她們這店一向都是用公仔麵，我當堂O咀！我又怎知道你店這麼特別，魚片麵是用公仔麵呢？（而且餐牌又沒有註明。圖片也是用生麵）。我說我們不吃公仔麵，要她換河粉，她說沒有河粉，只有米粉，最後都換了米粉給我。

其實我已經食過好多次呢間野，每次都係食溫泉蛋飯系列，野菌雞，蕃茄豬，咖喱坑腩，全部都好好味，有包嘢飲，係得呢個系列嘅餐我覺得最抵食，因為其他地方冇焗得咁好。食物❤️❤️❤️❤️記得我只係講緊溫泉蛋系列，其他唔講。份量❤️❤️❤️❤️❤️可能上面有芝士，呢個餐非常之飽足。環境❤️❤️❤️❤️全部都係卡位，幾好坐。服務❤️❤️❤️茶餐廳嚟，服務當然唔會特別好，但算唔差。價格❤️❤️❤️茶餐廳來講唔算抵食，不過包埋環境同埋食物我覺得都唔錯，間中嚟食幾好

每年佛誕，筲箕灣一帶都會好熱鬧，敲鑼打鼓慶祝譚公誕，我哋都鍾意去湊熱鬧，好過入長洲睇飄式咁解，一樣可以感受一下節日氣氛。今次去完湊熱鬧，就一路向西行，想過太古搵餐晏仔。途徑西灣河碼頭嘅時候，見轉彎角嘅桃園小品好似人頭洶湧，打開OpenRice 一探究竟，負評咁多，同肉眼所見好似係咪有啲出入咩？抱著呢份好奇，我哋決定中途轉胎，試個究竟。佢哋嘅裝修都幾吸引㗎，好多影相位，啲牌好多都係港式嘅路牌款式，感覺好特別，整體以木為主，座位都寬敞舒適㗎。午餐嘅選擇都幾多～檯面有張紙寫住啲奶茶用嘅係斯里蘭卡錫蘭紅茶不傷腸胃，既然係咁，就要試下啦～圖片只供參考，個杯換咗姐～清香嘅，可惜唔係好夠奶，唔夠滑。我哋一行三人點咗三款嘢食。賣相很好，材料也很充足，可惜朋友話個冬瓜應該冇燜過，硬嘅食唔到。不過個排骨反而好入味，淋身又入味，只係食排骨餸飯，都勉強夠嘅。呢味餸好香，冇孤寒，比足晒蔥，好餸飯，個豬扒都醃得幾入味，而且唔會嚡，唔乾。推薦度都有八分㗎～終於到我嘅飯啦，侍應姐姐仲比多個豉油，不過我冇用過，只係試過個豉油，偏甜。肉燥收埋咗喺個蛋下面，肉燥唔係台式，裡面竟然有木耳絲同紅蘿蔔絲，感覺有啲怪，不過都幾惹味