桃園小品 (蘇豪東) (Closed)

首先叫乜無乜，我叫水煮魚，無哂，咕嚕肉，無哂，最後叫豬潤雞煲，又無豬潤，d雞喊到嘔，飯又硬到石頭咁，價錢又唔平，侍應又無禮貎，鯉景灣都係叫soho east，點解可以有間咁差既餐廳，去附近茶記質素好好多，價錢差好遠，以後唔會再來，垃圾中垃圾，不知所謂！

剛巧來到蘇豪東，午餐時間剛開始，卻不想吃西餐，於是選了桃園製作，勝在泊車在門口可以睇實，不怕抄牌。餐牌選擇似茶餐廳，我選了星洲炒米+凍奶茶（少甜，走飲管），有驚喜：米粉幼身、乾身不油膩、🦐爽口、叉燒有叉燒味、芽菜粗而短有質感；奶茶夠滑但茶味欠了一點。我坐下點了單才看OpenRice ，方看見有很多負面評論。我今天的經驗卻可以，食物質素有驚喜，服務效率和態度也合格（算不上優質）。我應該會再來，想試試乾炒牛河和咖喱。

餐廳位於海邊，外表內在裝修都十分美觀， 好吸引想試試。 柯打了兩餸一湯，賣相十分美觀精緻， 引人入勝，好想把它立刻吃掉，試過了，但味道就是鹹鹹鹹。 喜歡食鹹的朋友應該會喜歡，但是這一個鹹是非一般的，食完之後腸胃都不舒服，成兩小時都未能平復。 雖然地方寬敞 ，但是他們不需要用對講機 ，因為他們從餐廳頭叫到去餐廳尾 ，全部人都可以聽到，送菜員拿著我的四季豆經過我身邊而繼續向大門方行， 廚房門口的夥記大嗌過去:"你經過咗喇，係63號枱呀!63號呀!63號呀!"

去過兩次，地方大但員工不足，送餐的又不負責落單，星期六早上十點幾取位坐下，等了很久才有待應來落單。收銀又收錯錢，收的錢碼是另一張較貴的單，要經我提點才更正。食物選擇多，味道一般。

收工坐懷舊船到西灣河等朋友，等到人都餓，行經見到呢間餐廳就入去邊食邊等朋友我叫左咖哩牛腩飯牛腩夠淋入味係好食既！咖哩帶點微辣，但咖哩汁就太稀了飯有點硬，但還可接受啦！整體是是旦旦食個一人餐算唔錯，不過不失啦！

這家餐廳裝修挺不錯，靠窗位置有落地玻璃，景是對著西灣河海堤，晚上來吃感覺挺好。但是服務態度真的不太好，由於一開始安排的位置比較吵鬧，近廚房以及職員一直在過道推著很吵鬧的送餐車，我們就要求換位置，但是樓面就諷刺了一句說你是不是喜歡看風景之類的話。之後在看menu的時候便一直站在一旁等下單，下單的時候還要叫我們逐個念出餐的號碼。點了一個水煮魚和豆腐魚柳煲水煮魚底下有很多芽菜墊著，還有薯粉條。味道不辣，不是太正宗，比較切合廣東人口味。兩人份剛好，吃得挺飽的。

I live nearby and thought of supporting this restaurant since many have gone bust in this area.It wasn't very busy, they are very fast to seat you but when you need service, they seem to ignore you or pretend not to see you.I requested for another menu since my husband was reading it and i wish to also read it at the same time. The waiter then answered, "it's the same one he is reading!".We stood up and left.Hope they will close down soon for a better restaurant.

呢間野個management不知所謂。今日平日下午茶時段，客人唔多，大約5成滿。入到去坐似，啲伙記(4個人)自己開緊餐，無問題，人都係要食飯。但樓面只剩下1-2個人在執枱、送餐。等左 (應該話舉起手) 5 分鐘，終於人行過來落單。落完單，一等就等左15分鐘，連野飲都無，叫左個人伙記黎，問佢係咪漏單，佢竟然可以話"好忙，未出得切單，等多陣"。OK, 我又等，再過5分鐘，見隔離枱遲來先上"飯"，心知不妙。再叫人黎，伙記B話無單出黎，都無辦法，轉頭就走左去。呢個時侯，已經唔想再食，起身走去落單電腦度，問伙記C係咪漏單，佢呢一刻先話俾我聽無落單。前前後後，浪費左30分鐘。啲伙記係完全無歉意，仲問我"咁你想食咩?" XYZ! 仲食條毛咩! 以後你俾錢我都唔會再黎!

有乜理由咁大間野得幾個事應。Lunch time 我去就叫左個"焗番茄豬扒飯” 佢比左個"咖喱牛坑飯”。 我三反四次咁問個男經理 “你係咪俾錯我" 佢都好好好理直氣壯咁話係"焗番茄豬扒飯，d 番茄係底" (大家請睇一睇我發嘅圖）。我一秒信咗佢料嚟睇有冇佢所講嘅番茄。咁當然我又再叫嗰位男經理證明呢個唔係焗番茄豬扒飯。講完嘅下一秒佢好快一野就將碗其實都叫好似好好味嘅飯飛左去個下欄盤。我當事真係 咗，其實佢話唔好意思佢搞錯我都會食左佢，佢咁樣我覺得好浪費食物囉。 然後又要再浪費我20分鐘嘅時間。呢到d 野食其實唔差。但個老細都好需要反省反省！ 咁樣做生意唔得！

下大雨了！風雨不改出去鯉景灣海旁找吃！覺得桃園環境不錯，裝修幾好。風景又不錯😋早餐都幾好食。早餐到11:30 a.m. 大概11點就會收早餐餐牌架啦！遲來了要問店員拎餐牌睇架！最愛叫的早餐，香煎豬排湯米線，蕃茄湯底配半焗流心蛋🍳🍅蕃茄湯底好好味，鮮蕃茄調配，豬排醃得夠入味。半熟蛋我至愛。 加$3 蒜蓉厚多士 烤得夠脆，蒜蓉味好夠香，正！蒜蓉重既雞扒，香腸感覺似廚師牌雞肉腸，🤣好有bbq feel, 滑蛋一般。服務方面，其實係麻麻地，可能比較忙，要叫好耐先搵到侍應，落錯單機會都多，而且常常都要追單的，心急想快食要有耐性喔😬

去食下午茶，叫咗沙嘜牛肉蛋麵，蒜香多士，凍奶茶，食到一半，見蛋上有藍綠色異物，立即叫經理來，她好快立即一手拿走異物整爛，溶的，之後立即收走碗麵，毁滅所有証據，並退回麵錢了事，一碗麵材料點都不應有這藍綠顏色異物，食完之後極度不安，再上網搵知識，老鼠藥都是這顏色，雖然我無証據碗中藍綠色係老鼠藥，但衛生情況好差！食完後令人極度不安！！！！！食落肚的食物煮成咁完全不能接受！！不會再去！！！！！！！！！！！

間嘢就好似好多嘢食，但實際上無乜嘢食！我喺出面睇到個menu見到好多嘢食，點知入到去就中伏唔好食唔會再嚟！炸醬麵辣到趴街，跟果個清湯，咸到阿媽都唔認得南乳豬手撈面味道好怪，難食過惠康D豬手！茄汁豬扒豬叫做最正常，但無乜味，得豬扒有味! 奶茶紅豆冰唔夠甜，經典紅豆冰冰好嗱甜，攪完成杯都係白𠽌𠽌！一睇就知唔夠紅豆水啦！同阿姐講，點知佢用鄉音同我講紅豆冰係咁㗎，用花奶係白色，我無出聲，唔想同講嘢！搵返個香港人同佢講，佢即刻話整過杯比我。紅豆冰都係美心，大快活果D正宗D! 最正常應該得阿華田脆脆！油炸鬼果然油淋淋，似係返炸，好油！

午飯忙碌時間幫襯容許四個伙計一起午飯 可否分班食飯呢？ 埋價時候沒有人幫你落單、加餐具當值那個做到**食物質素可接受 但是服務「太好」 應該暫時不會再光顧都是一句：管理沒有foreman 隨便比伙計自由吃飯冷氣不夠 真的攞胆

朋友正在減肥，話想食清淡一點，所以揀左桃園小品。但可能是星期六晚上，人手明顯夠，沒人帶位，沒人收錢，沒人點菜，終於要自己揾位坐低，真是有些不高興！呢個泡飯好足料，裏面有蕃茄，小雲耳，野菌，嫩雞肉，還有滑蛋，蕃茄湯底，味道不錯，份量足夠三個人食，都只係50元，抵！有别於一般的肉絲麵，這個麵的麵質比較粗，但都炸得幾脆，而份量亦比較大，汁另上，裏面有肉絲，木耳絲，冬菇絲和韮王，味道比較淡，應該適合口味清淡的朋友如order套餐的話，飲品半價！食到後期已没有那麽多客，可慢慢和朋友傾下計亦沒人打擾，這點不錯！

睇到最近的負評，真係好有同感！因為今日完全感受到。住附近，之前都幾常來。但質素越來越差，不會再來。落單後，啲餸來到，差一碟煎肉餅20分鐘都未嚟，其他餸都食咗一大半。請職員追一追。30分鐘後煎肉餅仲未來，再問另一職員，佢話睇睇。40分鐘後，嗰位職員話，肉餅要再等15分鐘，因為依家整要煎.....!!!!嬲咗!!! 第一次追是否完全無跟進？以致落單後40分鐘先開始整？因為晚飯後要趕回去工作，所以不想再等咁耐，我哋問職員可否改為order啲快啲整好的餸，例如炒牛柳粒。佢竟然話「你依家再落單，張單要由頭再排過，所以都唔會快咗」。完全沒有歉意去作出補償.....就算同啲職員理論，都係無意義。你鬧咪鬧，燥咪燥囉，they don't care. 睇之前啲comment，都知啲職員係點，仲惡過你話返你轉頭。所以唯有唔好去幫襯....初開舖時都要排下隊，依家已少咗好多人去！