Video
Opening Hours
Mon - Sun
12:00 - 00:00
Above information is for reference only. Please check details with the restaurant.
Signature Dishes
眾多壽司店中，小妹最愛怪獸壽司，喜歡它用料新鮮，魚生抵食，店來環境舒適。晚市餐版款式較多，而午市定食則相當經濟，不用一百元就能享用一道豐富午膳，包括前菜、沙拉、主食、茶碗蒸、Miso、甜品和飲料，在尖沙咀店吃過多次，但用手機拍下的照片總未能令小妹滿意，所以遲遲沒有分享。是天Regina和其姊妹Vivien前臨香港逛街，心想作為澳門英國留學生大概很少機會嘗到日本菜，自己又對此店食品的水準有信心，就介紹她來這裡享用午餐，順道拍拍照，與大家分享吞食怪獸的滋味。第一次光臨銅鑼灣店，卡位依然寬闊如尖咀店，中央有張大回轉檯，裝修如其他分店一樣，燈光較暗但有格調。三個胃口小的女生點了兩套午市定食、一客鰻魚壽司和一客黑松露野菌鵝肝玉子分吃。先送上雜錦魚生丼定食，樣子吸引。前菜是薄脆蓮偶，清清地，不錯。茶碗蒸雞蛋滑溜溜，濃重的雞味和香菇，味道不太甜，似中式水蛋，內裏有雞肉粒、雜菌和蟹柳，非常豐富。簡單的沙拉配小妹愛的胡麻醬，新鮮可口。味豉湯不過不失，水準平平。魚生飯刺身份量超多，中央有一大份肥美海膽，色澤金黃，十分新鮮。魚生粒中希靈魚份量較多，玉子較少，與尖沙咀出品的那充滿三文魚、立魚和吞拿魚的雜錦魚生飯略有差異，但此店提供的海膽份量則慷慨，依然是我的最愛。另一份午市定食是Monster 丼，咦？是不是忘了放海膽？？不過沒關係啦，幸好其他配料夠份量，鵝肝粒煎得剛好，入口溶化，甘香味美，吞拿魚茸伴壽司飯同吃亦十分滋味，而刺身片仍然新鮮。這樣幾個女孩子分吃可以嘗到多款不同的配料，實在令超級貪吃胃納又小的在下大大大滿足！！！！Vivien另點了鰻魚壽司，小妹早前嘗過，肉嫩肥美，賣相與其差異不大，厚肉而且色澤對版。個人對玉子興趣不大，總認為日式玉子甜甜的，很古怪。不過這客黑松露野菌鵝肝玉子配搭新穎，就膽粗粗嘗嘗它到底是什麼料子！一吃下去，玉子比想像中嫩滑，雖然沒有蛋汁，但口感滑溜。鵝肝和野菌份量適中，餘韻有少許松露香，略遜的只是稍甜的玉子碰上甘香的鵝肝和濃香的松露味道錯綜複雜，有點過於花巧。最後埋尾是一杯香濃即磨咖啡和柚子慕絲蛋糕。柚子蛋糕酸酸甜甜，慕絲香滑輕身，小小的一件比尖沙咀分店提供的軟皮profiteroles更有誠意。丶不太苦，不加糖更美味。難得好朋友前來香港，沒有什麼特別熱情的款待真不好意思了XDXD （不過我想妳不會介意吧，不竟重點是來見我，對不對？）幸好怪獸出品的日菜一點也不失禮，小妹也吃得津津有味。兩份定食、壽司和一客玉子，「無飯」家庭出身的我也認為「KO無難道」，因為真的很好吃。是天也很高興認識了Regina的好姊妹Vivien，久聞大名哈哈！細說下發現原來在澳門人心目中，來香港指定要品嚐的菜式居然是燒鵝瀨！「鏞記或裕記的？」「不！我呀媽話求其縱入一間都好好味，黎親都要食！！」又嘩言香港出品凍檸茶比澳門的味道好多了。身為本地人，除吃膩了學校提供的那些禿飯時會久不久吞碗燒味瀨，還有每年為肚子進貢三兩杯凍檸茶外，真的甚少用心欣賞過這類本土特產。每天都尋求新味道、新嘗試，原來最簡單、飽肚又味美的經已在左近，卻時常被忽略，小妹果真身在福中不知福。
continue reading
自從食過旺角間Monster Sushi後,我簡宜覺得呢間野好味到人生盡頭.由其佢個歌斯拉卷鰻魚包住邊邊,外面再有層脆粒,我古原個炸完之後再切半.好好食,雖然有少少油哩!!不過可以接受.壽司面頭唔知咩黎,似沙律既物體三文魚刺身肉滑又肥美,一流!!呢杯strawberry乳酪好好飲,凍凍地有種睡士糖既味道,而且好香.我好中意!!
continue reading
今天冬至, 打算跟幾個同事吃頓好些的午餐, 最終選擇了灣仔Monster Sushi...之前吃過幾次, 經歷都不是很好, 但我們總給他們機會, 希望下次會有進步, 可惜一次比一次差我們一行五人, 點hot dish的同事等左無耐就有得吃, 我跟另一點了魚生的同事等了25分鐘都沒有, 後來我們跟催促店員很多次, 但換來的唔係禮貌回應, 而是冷淡敷衍:係呀, 今天很多客!!!再過15分鐘, 突然有個人匆匆走來, 很沒禮貌的丟下一句: 俾住個魚生飯你先, (但我呢個係set lunch), 算! 好過沒有, 但都要給我食具0掛? 最終我以極速征服碗飯, 個胃超級頂住!!!之後到餐茶, 個阿姐託住五杯餐茶, 在我們面前對了有對, 我們說她沒錯, 著她快點給我們, 還是要確認又確認, 餐茶到我們把口已經不是熱的, 是涼的!! 這樣差的服務已經不是第一次, 前一次還試過上菜得太遲, 個同事吃不到, 反而要回公司叫外賣, 如果沒有能力做午市, 就別做好了!!! 今天雖然是冬至, 但都應該有足夠人手吧? 怎麼整個場都只有三個人服務全場二十多抬客人?? 連賣單都找不到人!!!一間食肆, 先不說食物好唔好食, 但D服務差成咁, 要人無人, 有人又幫唔到手....誰來幫襯!!!!機會已經俾得太多, 下次絕不會再幫襯!!!!
continue reading
以往去monster sushi都係去朗豪坊分店，印象麻麻，壽司賣相係好靚，但味道同食材都未見有咩特別出色價錢偏貴，就算去食都係約埋朋友用$100優惠劵食夜場今次買呢個團購，全因為被黑松露三個字吸引住，$199 六樣菜連飲品，另外要比返正價加一$501. 鮮蟹肉野菜沙律~份量比想像多，蟹肉好濕食落好似梅梅地咁有一陣接近腥嘅蟹膏味，反而旁邊嘅蟹棒絲味道仲自然生菜絲同青瓜絲清新爽脆 , 沙律醬份量味道適宜 , 不錯2.黑松露雞肉蒸蛋~ 其實係普通蒸蛋 , 上面加左松露油 , 所以略嫌油膩 ,松露油香味當然不及松露醬 , 而且雞肉變左做瘦肉蒸油不過不失 , 唔夠滑但不致於鞋 , 最可惜係唔夠熱3.黑松露牛油炒野菌~ 本身菇們味道己經很突出 , 加上牛油 , 又香又爽滑 ,黑松露醬所起o既作用唔大 , 拌勻後都唔係太食得出味道4.和風鐵板黑松露牛肩扒~ 比想像中份量多 , 整塊手掌般長的牛肩扒 而且配料豐富 ,有薯角 , 西蘭花 , 椰菜 , 紅蘿蔔 , 配上燒牛肉汁 , 很惹味牛肩扒反而較失色 , 睇落係六,七成熟 , 但韌o既程度逹九成味道其實有燒汁己經好好味 , 加上松露醬 , 有點 " 夾硬黎 " 5.鮨盛~三文魚及鯛魚：不過不失~帆立貝：肥美鮮甜，幾厚肉~玉子：甜味唔平均，又鞋口，屬平價貨~黑松露和牛卷：每人兩件，食唔到松露味，皆因份量比柚子漬，薑茸還要少，味道被搶去6.油揚小本菇味噌汁~即面豉湯，油揚幾好味，有豆香，小本菇無乜味7.荔枝茶~落左單轉頭就上左杯荔枝茶，上檯時已經唔係好熱放到食完先飲就凍晒喇，唔明點解餐飲唔係最尾先上，味道就係一般嘅果茶，加左少少罐頭荔枝肉，帶來少甜## 呢個團購餐如果係 $ 199 , 會因為抵食而得到笑臉一個加 $ 50 , 係因為正價本是 $ 499 , 咁就真係完全唔值喇 ,團購寫明餐後會送一張 $ 100 現金劵 , 店員卻忘了給 .....
continue reading
小妹雖然唔食生野( 例如刺身), 但卻有一鋪壽司癮,平日食開同區的一壽司, 但要等到十點後半價, 今次有coupon, 計落又好似差唔多, 就試試:起初行錯路, 去左搭lift, 原來搭扶手電梯便可早左到, 餐廳外有梳化可以等, 不像平時那間要在馬路旁等初次來到唔識拿等位票, 見到其他人有先去拿入得了, 枱與枱之間都是迫迫的,食品都比其他多款式選擇, 亦見創意壽司大小比我曾經食過的正常, 沒有被纖體味道質素可以, 沒什麼特別,侍應會自覺加水
continue reading