MOOJOO Lifestyle Cafe

Open Now

Now Closed

星期六諗住食個下午茶，見到呢度有位，咁就入去，叫咗「煙三文魚牛油果配酸種麵包」，份量細得可憐，個包又硬到冇辦法切到，問個服務員有冇把利D嘅刀，佢俾咗另一把，但係都係切唔到，激鬼氣拿住就咁咬，硬到…. 差D牙都硼！ 仲有，明明menu 寫住$88 ， 但張單show $108（仲未計加10%） 問佢哋點解？ 原來話假日要收多$20 ，我望返Menu，喺個邊位好細隻字寫住假日加$20 ，好，係我自己睇唔到！但係你哋咁樣做法，都真係好趕客！ 況且收得呢個價錢，埋單$144 ，個份量同質素真係超級唔OK ！唯一令我開心D嘅係嗰杯coffee tonic 係啱我口味！

今日同朋友帶狗狗去咗圍方一齊食晚飯～雖然成個商場都係寵物友善，但係唔係所有餐廳都比狗狗入去～呢間算係比較多人食嘅寵物友善餐廳! 不過因為假日嘅關係所以餐點都會加附加費～安格斯牛肉漢堡配薯條～薯條都幾脆! 熱辣辣幾好食~ 不過佢唔係好粗嗰隻薯條, 牛肉都幾多汁同埋幾重牛味, 麵包就普普通通黑松露蘑菇意大利飯唔太重黑松露味, 同埋份量好少冇乜餸~個賣相麻麻地忌廉蟹肉意粉正正常常, 白汁唔夠濃郁, 整體份量都係偏少呢間餐廳性價比好低, 假日仲要有附加費, 份量唔多, 整體唔係好抵!

約咗朋友未夠鐘 ...路過見到下午茶餐 HK$38+ 份咁抵食 ...又忍唔住入去嘆杯咖啡食個甜品先 ~~。法式焦糖燉蛋 + 熱美式咖啡 (HK$38) Creme Brulee 都幾大份仲有少少水果伴碟，賣相唔錯入口香甜滑溜加埋薄脆焦糖一起食，唔太甜膩配埋杯香濃美式咖啡就 perfect 喇 ~~餐廳座位闊落舒適有一大片落地玻璃，景觀開揚，感覺悠閒寫意 ~~** 以上分享是以我的口味、體質和情況作出分享及感受，一試 / 合用與否請自行決定

本身住附近，見到呢間餐廳冇人排隊，諗住求其食啲嘢。但呢一間餐廳我相信任何人去一次，永遠都唔會再去嘅餐廳。首先入去嘅時候已經有空位，但當顧客坐低了，店員竟然要求顧客企反起身，要求顧客企喺隔離等佢哋慢慢清潔張枱。重點：食物求其垃圾，份量小，店員態度差。環境污糟。一個$118燒雞沙律，用嘅所謂燒雞係7仔即食雞柳，仲要係凍嘅。雞翼同薯條等，先不討論價錢，我相信任何人都能夠食得出餐廳對出品嘅求其敷衍。所有食品出品都係絕無要求，一個中學生都能夠處理得到嘅食材，有理由相信廚師連一個普通家庭主婦的要求都到達不到，員工態度亦不見得好。

閒日下午，見到有間Cafe下午茶，餐牌上嘅焦糖燉蛋吸引到我平時都好鍾意食焦糖燉蛋，但係喺出面好難食到有啱自己口味嘅，所以每次見到都會試一試第二樣嘢吸引到我嘅就係舖頭有落地大玻璃，自然光好充足，一於就行入去試吓向店員要求坐窗邊位之後就即刻點餐叫咗個焦糖燉蛋同埋檸檬梳打梳打：一上枱只係得八九成滿焦糖燉蛋：蛋嘅份量太少，質感比較稀。燉蛋內有雲呢拿籽，味道係幾香38蚊下午茶餐加一$42冇嘢做搵個地方坐吓都唔錯下次可能會試其他食物

寵物友善餐廳，可坐門口3, 4張枱，自己去order 野食， 自己去賣單，職員冷淡點了黑松露意大利飯，不過不失，飯質就一般雙莓窩夫雪糕， 雪糕太甜， 窩夫太硬太乾好似餅咁， 不建議食窩夫， 食到嘴都損埋如果唔係帶左狗狗，無得揀，一定唔會食呢間

實在忍唔住，第一次寫評論$188蚊嘅 English breakfast，果然係令人有驚喜！！！只有兩隻蛋，一條腸仔，一啲菇，一粒車厘茄，一啲茄汁豆，兩塊煙肉，一底雞蛋仔，一杯咖啡(跟餐本來有一杯Americano，但我加咗22.5轉做Espresso Tonic)。連塊薯餅或者麵包都冇。味道只可以話係正正常常。服務就當然係一如既往嘅冇服務。最值得稱讚嘅就係環境，非常之清靜，去到中午午膳時間都係拍烏蠅，唔使等位。入去食之前要三思，圍方有更多更加好嘅選擇。

星期六早上10:30am到，入面已經有枱人，外面有一個狗狗主人同狗狗等緊嘢，我哋一家人無帶寵物，在門口睇餐牌後職員帶入去。坐低晒斟晒水，我哋睇多陣餐牌叫餐，職員話所有餐牌嘅食物只係有2樣有，其他要到11點後才有😆😆，我問係咪4個唔同嘅餐牌合共都只有2樣嘢可以叫？職員話係。心諗算啦，叫杯咖啡飲等吓冇問題啦，而且呢個員工係好有禮貌的。老實講，入門時就應該講清楚啦，放咁多餐牌出面，入到去坐低斟晒水先講，博人唔好意思走咩。叫嘢飲嘅時候，員工話不如你叫埋嘢食，11點就會有，咁就叫，結果，11:25分先嚟。仲有漏咗單，有一份等到11:45分先嚟。由於呢位職員好有禮貌(呢位好有禮貌嘅職員有少少口音)，其實就算心覺得唔ok都算，點解我會寫負評？就係一個應該係主管嘅女仔(純香港口音) 佢把口就好有禮貌，但態度完全係：couldn’t care less個樣！佢表面好好口，但做嘅嘢係睬你都嘥氣。例如，我仲有杯餐飲未上，我轉身搵人，個主管咁啱行過，佢就話係咪要特飲？我話咩特飲，佢都費事解釋，擰轉面就走咗，反而係個職員走上嚟講返。當時餐廳得4個客，唔係好忙喎。仲有其他嘢，唔係個職員好有禮貌，我會再寫多啲。on

係PACIFIC COFFEE同一個集團既餐廳, 而且仲係寵物友善餐廳, 可以帶埋寵物一齊來👍🏻👍🏻👍🏻1. 俄式8層蜂蜜蛋糕$58好奇心驅使下點左呢個俄式蛋糕, 但可能因為蜂蜜既源故, 真心太甜！兩個人食左半件蛋糕已經食唔落去！係會不停想飲水/食返啲鹹嘢中和下！2. 雪糕雞蛋仔配手工果醬$58士多啤梨雪糕有兩球，配蘋果醬，果醬仲有啲蘋果肉，有口感得來都幾好味😋雞蛋仔都脆，都就冇乜特別啦，正常野！(以上價錢未計加一服務費)

吸引我嚟呢間cafe嘅原因，係因為佢係pert friendly嘅餐廳🐶🦮但可能係公眾假期個陣去，感覺員工服務麻麻地明明有位但又唔叫我地坐，好奇怪🤔 - 牛肝菌黑松露醬意大利飯：好多cream，仲有啲橄欖油，好在啲飯入面有啲豆可以減輕油膩感啲芝士粉灑得唔平均，賣相唔算好吸引 - 帶子三文魚籽寬條麵：一上枱就覺得份量有啲少，好彩寬條麵都煮得啱啱好，有少少咬口，但又唔會太硬帶子唔算大粒，呢個價錢，咁嘅質素有少少失望 另外送嘅檸檬特飲，其實係檸檬茶塊檸檬上面仲黐咗個招紙（張相高炒都影到張貼紙...） 菜式：- 牛肝菌黑松露醬意大利飯：$118- 帶子三文魚籽寬條麵：$128套餐配檸檬特飲 味道：🤤🤤🤤/5性價比：🤤🤤/5

來逛逛新商場圍方 路過見呢間餐廳門面🐱吸引 剛好有位 試下先～🩷英式早餐配雞蛋仔 $128雞蛋仔脆口 配料有煎蛋🍳腸 菇菇🍄 番茄🍅 仲有湯圓最愛食既焗豆 賣相打卡able 🩷特製牛肉丸意大利麵 $128意大利麵硬度剛好 掛汁美味 🩷蘑菇雞批 $38熱辣辣 酥香開胃🤤🩷法式火腿芝士三文治（半份） $28有得嗌半份 好岩樣樣心思思想試既人🙌 唔感覺「法式」 但係好味既👻🩷焦糖鮮奶咖啡☕️ $41甜度剛好 不錯喝 🩷抹茶鮮奶 $41🩷熱朱古力 $41呢兩款都有肉球 打卡📸必備🤩餐廳光猛 座位舒適 店員親切 可再訪

安排門口座位俾我哋，表明我有寵物貓想坐入面得唔得，職員唔俾，因為聖誕就到，佢哋出面的位好吵，系咁聽聖誕歌，咁算啦，我哋坐outdoor，仲好清靜少少，點知枱面勁污糟，冇人抹，好，我哋自己來😂對比新城市樓下間寵物餐廳呢間太差

圍方新開，梗係要去留條腳毛啦，仲帶埋狗狗去打卡添🐶pet friendly餐廳唔多，而呢間餐廳都算係多主人會去既.一早book定左位，已經寫明會有一隻狗狗隨行，但餐廳似乎唔知，安排左坐入面位置，但帶左狗狗既主人只可以坐舖外位置，臨時臨急要請其他客人調枱先得.因為係下午茶時間，唔太肚餓，叫左兩個野飲加一個main dish.✨Fish and chips✨首先係好細份🙈價錢又唔平，得兩小件魚柳🐟雖然係新鮮熱辣炸起，但個炸皮好易甩晒出黎🍟薯條就正常，反而個他他醬就幾好食✨美式咖啡、士多啤梨沙冰✨咖啡係連鎖店質素，無乜特別☕️杯沙冰就唔好飲…係人工香精味😥十分失望

一向都不寫食評，但今次真的氣難下。看過不少對Moojoo 的差評，但仍然想試一試，結果真的極度失望。服務不錯，但食物水準確實差到極點。一向很少外出用膳，因為對外面大部份餐廳已失去信心，很多都是虛有其表，只賣弄綽頭。當天我點了泰式大蝦沙律，沙律上枱後一看已經極度失望，第一：所謂大蝦完全是一個笑話，沙律要$138一份（如果沒記錯），居然給我的是急凍蝦，一點蝦味都沒有。第二：味度更不知所謂，完全吃不出一丁點兒泰國風味，就連青檸都欠捧，只有甜到吃不入口的所謂醋（說是糖漿比較貼切），簡直不倫不類不，完全想放棄整份沙律不吃。餐牌上很多餐的配答也很奇怪，只能給與一個評語就是「亂嚟」。這次之後令我更加相信外面實在太多未達標甚至標準以下但收費不低的所謂餐廳。

舊同事由外國返嚟,當然要約下嚟聚舊啦👦👧👩~揀咗新商場圍方入面嘅pet friendly cafe🐱🐶~店面好新好光猛,設計都幾靚~佢揀咗個泰式大蝦沙律🥗~啲蝦都幾大隻又爽口🦐,沙律睇落都好新鮮~另一位朋友揀咗特式川味大蝦意大利麵🍝~上檯夠特別,味道都聞到好川味🌶。我自己就揀咗個慢煮手撕豬肉漢堡🍔~啲豬肉一絲絲咁,咬落有少少柴,但味道總體唔錯👌~加埋入面嘅沙律絲好多,味道清爽🍟~而美式咖啡我唔飲嘅,但睇落ok,味道都幾香☕~可能因為平日中午嚟,店面無乜人,侍應招呼都好好👍~不過最後簽咭佢唔知八達通信用咭唔可以拍💳...一路簽唔到,最後仲拍咗八達通俾😑...我呢啲小師奶就係靠積分回贈維生㗎嘛(大誤)🙈🙈