月街小館

Open Now

Now Closed

月街上的日本菜餐廳 環境很安靜銀雪魚套餐味道很好有湯 沙拉 刺身 和烤銀雪魚 配飯 雪糕 茶適合金鐘灣仔打工仔午餐的選擇中午12點到人不多 服務也好來過好多次了 還會繼續encore

lunch time 係日，月，星街食飯，好食嘅都要等位/book 枱係金鐘番工咁耐，都係聽同事介紹知道有呢間月街小館專登搵都未必搵到嘅 - 月街小館呢間真係唔係有人介紹都唔會知唔係開住地圖搵都好難搵到嘅一間日本餐廳日本午餐不過不失，算係大碟之選雞翼飯係最穩打穩陣嘅setlunch set有飯，4隻雞中翼連雞翼尖，有沙律菜同面豉湯另外食過炸蠔set，一次過食4隻蠔好滯，所以都好少叫面湯面/烏冬方面，湯底好清淡，配上唔係日本菜，而係本地菜心，幾搞笑，但想食清淡可以揀湯面系列

入到餐廳，見到啲沙律全部「嗶」好晒放响廚房出面張枱，係無遮無掩嘅。成間餐廳招呼我同煮嘢食嘅，都應該係同一個人。係後嚟先有個好似老闆娘嘅人！坐低，張枱同埋櫈都係「痴立立」！叫咗壽司+烏冬定食。嗰沙律已經係最正常嗰樣嘢… $168包咗六件壽司，當中包括腐皮、魷魚（平嗰款）、帶苦味嘅吞拿魚、無味嘅油甘魚、同埋兩件三文魚！更大嘅問題係，啲壽司同埋飯都係室溫、切到厚薄不一，仲要完全唔理啲魚紋…根本就係求其切！跟住嚟嘅，係齋烏冬，食咗一啖之後，決定要埋單走人，雪糕都唔洗啦！嘗試同老闆娘講啲魚生唔新鮮，佢立即否認…俾錢埋單嘅時候，佢一方面話唔好意思，但係又話可能係啲嘢唔啱我食！呢間嘅質素，只可以同平價外賣舖作比較！以佢而家收嘅價錢，絕對值得有更好嘅選擇！

路過想食日本野，又想試下新餐廳，見依間麵有d人流，就去左試。點左個刺身定食餐$188，諗住都唔會太差，點知依間野可以差到我忍唔住寫食評😮‍💨前菜沙律係好普通麻胡醬沙律菜，正正常常，除左醬多左d。然後我等左20分鐘都未有野上枱，依個時候侍應攞左一堆即沖麵豉湯包出嚟！然後跟餐麵豉湯就上枱了……等多一陣，刺身同飯都上枱，一睇，仲以為自己俾幾十蚊食緊爭鮮🙄🙄同價係灣仔食過幾間日本餐廳，都有擺盤靚刺身，依間既刺身同食自助餐自己夾既一樣樣，唔明點解要等成20分鐘出餐🤬飯食落唔似平時日本餐廳既日本米，零彈性零米味。最後跟餐要左芝麻味雪糕諗住唔會衰，點知食落淨得一口雪氣味，完全食唔到芝麻味💩依間野適合推薦俾同自己有仇既人食😮‍💨😮‍💨😮‍💨同價位既日本野係灣仔大把高質過佢，無必要浪費錢去食依間垃圾…..

今日喺附近嘅workspace 做野所以喺附近搵食 見到呢間食日式野就試下 叫左個燒牛舌飯 等左我諗十分鐘內就有得攞✨香燒牛舌飯 $110賣相都靚靚仔仔咁 有六大塊牛舌😋😋😋 份量都幾多 牛舌味道都好香 👍👍 除此之外仲配有沙律 沙律有芝麻醬 食完咁多肉有啲沙律食可以解下膩🥰 仲有個湯都幾好飲 有啲海帶有啲豆腐咁總括黎講係幾好食嘅 但有啲貴囉🥲🥲特別係我知道經openrice 外賣自取係$88 🥲🥲 味道❤️❤️❤️❤️抵食❤️❤️💔服務 (外賣）環境 (外賣）💰午餐人均～$110如果係openrice 價錢會再幫襯

星期六去完灣仔嘅聖堂，就入咗來呢間餐廳，可能因為轉角位，所以入去嘅時候只係得一台客人，完全唔似外面的月街或者日街這麼旺。 - 入邊其實好細間，見到評價都話刺身麻麻地，所以我哋三個都選擇了烏冬。我就叫咗個野菜稻庭烏冬，朋友就叫咗豬軟骨到庭烏冬同 日式叉燒稻庭烏冬。- 烏冬其實都正正常常，唔算彈牙，亦都唔算太過林。反而冇諗過野菜 居然會用菜心😂，不是用日式嘅椰菜，有點好笑，而且個湯底係非常好食，係甜嘅。 另一樣有啲特別嘅就係，朋友嘅豬軟骨烏冬和日式叉燒烏冬都有菜心，所以呢間嘅營養配搭比較均衡，不會只得肉類和碳水化合物類。 在灣仔來講，呢間日式餐廳嘅價錢真係唔算貴👍🏻

今日搵到呢間內街既內街的日式料理店。店舖細細， 都有不少人來食拉麵。 環境好靜，同大街係兩個世界。叫左魚生飯， 隨餐有湯，餐飲或雪糕， 沙律。沙律都好多菜又好多汁。魚生份量唔少，新鮮道都ok。 小店就不能要求豐洲直送啦。咖啡不錯個人覺得最好係呢間店好有人情味。店員姐姐好nice， 又有不少熟客。

🇭🇰月街小館·我係openrice見到呢間餐廳既魚生飯好似好靚咁 就決定lunch time黎試下 點知超失望😭😭·魚生飯定食$150佢上到黎我仲係超有期望 見佢D魚生好似好有光澤咁 點知超失望😭佢D魚生食落無咩味 而且口感好淋 佢D飯亦都落得太多壽司醋 食落好酸而且比較濕🤦‍♀️🤦‍♀️·壽司稻庭烏冬定食$150個烏冬相對黎講好味D 但係D壽司都係好麻麻 尤其係D魚生大片左 個口感問題更加嚴重🙊🙊·📍灣仔月街17A號月豐閣地下C號舖

Lunch 好選擇同同事share海膽丼，再加配燒牛肉飯，及天婦羅拉麵！大滿足！仲食唔晒添！因送餐原固，常打開門！食食下，有熱既感覺！仲有其他選擇，值得下次再去試

日街，星街，月街，依頭已經發展成為灣仔一個好別樹一格既小區依度有好多既餐廳同酒吧，每一間都好有自已獨特既風格所以吸引左好多文青，網紅都会去依頭既食肆打下咭，食下野有機会我都希望多啲黎依邊搵下食，扮下文青今日行過月街，見到係黑蚊蚊既小巷入面有一個幾雅緻既招牌見到個招牌就覺得有啲隱世小店既感覺門口有餐牌，見到價錢唔算太貴就入去試下餐廳好細，只有幾張枱，但亦總算整潔見到餐牌其實都知小店選擇唔会太多，甘就揀左個魚生飯定食嗌左之後唸下唸下，海膽丼都係貴十蚊，點解我唔直接試海膽呢定食有沙律同味噌湯個沙律係麻醬沙律，無咩特別反而個湯幾好飲，好香麵豉味，同有好多昆布，幾足料魚生飯上有吞拿魚，三文魚，帶子，同一隻甜蝦，仲有一啲飛魚籽150蚊我唸住距唔係俾角切魚生我，可惜餐牌無圖，要上菜先睇到🙂🙂但剌身質素都ok既埋單$165個人覺得性價比唔太高

小店一間, 地方唔大, 但伙記超親切, 服務態度好好, 而且好食, 第日再去灣仔會再幫趁!!!今次點左香燒牛舌飯,, 全部野都熱辣辣咁上菜, 份量好足, 白飯仲可以再添, 肯定食得飽。朋友食魚生定飯都好大份,同附近食店比性價比高!!!位置雖然有小小僻(不過都可能因為我小去lee頭唔熟路哈哈),, 不過真心好食, 有機會行過灣仔,, 可以試下)))環境就只有两三張台 少客換來環境清優 海膽飯亦唔貴 只要$160就食到 海膽味濃又唔醒 雪糕香滑芝麻味重 前菜仲有沙津 極度推薦😙

打電話訂位，職員熱情接聽，晚餐定價人頭費，再設計晚餐set，包括前菜、麻醬沙律、拖羅、刺身、芝麻雞翼、燒和牛、稻亭烏冬等自由配搭。這晚的季節限定北海道毛蟹😋😋😋😋😋😋 多肉。要預訂！

lunch 時間，找新食點，探路是我的興趣，行到上來日街、月街找食，普遍是西餐，都過百完，除咗唯一嘅大排檔平的之外，就只有此處是兩者間之中等價錢，坐得舒適。义燒拉麵，湯底不要跟真正日本甚麽猪骨濃湯底，醬油湯底比較，拉麵質素都是一般，無前菜，無粟米粒，無紫菜，無竹荀，無獅子狗，多中國白菜，甜嘅，义燒無令人失望，醬油及酒醃制過香，份量多是事實。生薑豚肉，沙律生菜伴碟，豬肉肉質彈牙，有豬肉肉鲜味，爽甜，唔太咸，接受。又要扭吓扭吓落去做翻阿四，唔做邊有得食😋

老闆十多年前已在月街（係整條月街）做批發。就係『大亞』，好多日本餐廳都係問佢攞魚生。睇吓個list 先。識食一定係食魚生，燒物。但今日趕時間，所以只係食咗义燒拉麵，⋯⋯。咁大碗？，一個半麵！抵抵抵。

係附近搵食，開住openrice 搵食睇到前文話係隱世小店，仲講到好好食咁即刻去試下點知，伏到不能再伏同前文一樣叫左豬軟骨烏冬烏冬：係滑既，好明顯入貨唔差湯底：就咁飲都仲ok，放埋烏冬同菇/菜食，咪偏淡囉豬軟骨：份量都多，肉質真係好唔ok，真係咬到但係唔係淋，豬軟骨舊骨係脆口，硬硬地添，醬汁煮過，味道過咸，連味千舊豬軟骨都好過里間野88蚊一碗咁既野，連前菜都冇，真係情願食味千服務：服務生堅新手，叉燒 同豬軟骨， 烏冬同拉都調轉哂，幾碗野冇碗落岩單，好彩佢再重覆一次同人講野時，我地聽到，即刻再同佢講多次總結：午餐食得飽，味道普通，價錢唔算貴，但唔值×99次，如果係40-60里個價位既茶記水平都接受到既