二悅

Open Now

Now Closed

久仰二悅大名，平時食開第二間台式面，今日路過就俾佢吸引左入去。門面唔算顯眼，鋪位比較細，枱數亦唔多，但勝在好傾理。去到都多人等位，好食既野係要時間。入到去店員（定其實係老闆娘？）服務超級貼心，所有野都講解得好仔細。叫左一碗乾拌面＆紅燒牛肉面。乾拌面仲可以揀２款小食，揀左墨丸同台灣腸，就價錢同款式黎講個人比較推介乾拌面，送小食不突止仲有碗牛骨湯跟埋。但紅燒牛肉面個湯底真係好出色，牛味超級濃郁，又大壺，Ｄ牛腱肥瘦適中仲非常彈牙，牛肚就爽口，一次過滿足晒２個願望。呢間係我係香港食過最好食既台灣面，一碗價錢都係＄５Ｘ—６Ｘ，但真係好飽，最緊要係堅高質，服務又好，絕對可以無限ＥＮＣＯＲＥ！

呢間店舖嘅位置比較隔涉開頭都用左一段時間去搵，最後憑着白淨嘅門面終於搵到啦！呢度嘅座位唔多，呢度可以嗌單碗嘅牛肉麵又或者係定食，個人認為定食比較抵食因為仲可以簡小食！今次就試咗肉操乾拌麵既定食🍜而小菜就揀咗台式香腸以及香炸花枝丸每個套餐呢都會包一碗牛湯同埋一碗切菜。個人覺得拌麵呢個口感幾好唔會太淋，啲肉燥呢亦都唔會太油膩。配上一啖帶有淡淡牛香味嘅湯 感覺竟然好相襯！值得一讚嘅係佢嘅香炸花枝丸，脆脆嘅外皮，超級香口，有台灣夜市嘅感覺🤩

餐廳嘅位置比較隱蔽，喺後巷而唔係大街，所以都搵咗一陣。去到嘅時候見到有好多人等緊，加上呢間餐廳算係小店，座位唔多，我地都等左一陣。諗到我哋嘅時候，店員好細心拎定menu同落單嘅紙比我哋order左先，唔使我哋坐低嘅時候再等😆我哋叫咗一個二悅紅燒牛肉麵🍜一個手工肉燥乾拌麵定食🍲，同一杯蜂蜜柚子茶🍹。牛肉麵有特定嘅食法，除左menu上面有寫，店員都會好詳細咁講解一次。牛肉麵原本係蔥油拌麵，隔離有一碗牛肉湯，餐廳建議食客先試咗個麵，再試呷下個牛肉湯，最後將個湯倒入碗麵度，當湯麵食。原本蔥油拌麵都已經夠味，香口得嚟唔會太油膩，好開胃；牛肉湯好濃，好香牛味，倒入去個麵到成個感覺更加昇華，變成好香濃嘅牛肉湯麵。而且麵配有兩片牛腱兩片牛肚，都好入味，口感軟熟。🤤手工肉燥乾拌麵定食比較豐富，包括麵同兩個小食、前菜、同牛肉湯。前菜係微暖嘅菜，清新得嚟又唔會有草青味。小菜朋友點左牛肚同埋糖心蛋，糖心蛋溫度同流心程度啱啱好。重點係手工肉燥！份量同麵配合得啱啱好，唔會太多太漏，而且味道都唔太鹹，同熱辣辣嘅面好match😋價錢便宜，環境衛生，食物配搭得好適合，令味道更加提升到另一個層次🤩，加上服務態度良好，絕對

為左食二悅 揾左好耐路😂 兜黎兜去 終於揾到佢啦好彩仲有位 再遲少少就無了但大家都好合作 見到有人等位 就快快手食埋讓比其他人💛菠蘿青檸蜜 $18大家都推薦呢個等我都試下💛 小店既服務真係好好叫找地試下個甜度 太甜太淡可以比返佢再溝但真係好fresh 好特別手工肉燥乾拌麵定食  $62好豐富！個牛肉湯真係好香濃感覺到佢哋用咗好多心機去煲啲肉燥真係超級多而且係半肥瘦口感好豐富而且肉燥都好入味💛雞翼炸得好香脆🤩流心蛋真係做到一半流心成間鋪頭都好高質素！！💛💛💛

又到去唔到旅行要食好嘢慰藉心靈嘅時候😌難得出現元朗，其實好多野想食，不過決定試新野！ 呢間元朗小店<二悅>嘅坐位唔多，但裝修俾人感覺好warm ❤️主打台灣牛肉麵，其實食物選擇不多，但係佢個牛肉麵🍜係一定會想再食嘅程度！今次試咗紅燒牛肉麵同牛骨濃湯牛肉麵，兩個除咗個湯之外其他嘢都係一樣，個麵有牛腱同牛肚。店員建議先試一試個湯嘅味道，再選擇加唔加落個麵一齊食。佢哋嘅牛湯係每日用新鮮牛大骨配上蔬果中藥材熬煮而成，所以湯底好鮮甜！我覺得個面就咁乾食更好味，因為麵底已經有汁好似撈麵咁，麵條係台灣製造嘅純手工日曬面，食落唔油膩仲好彈口🤤🤤個湯可以分開飲。另外個牛腱真係非常出色，好入味而且煮得好淋😋😋有時餐廳真係唔需要太多選擇，最緊要食物做得出色，呢間誠意推介！

呢間台式牛肉麵由佢一開業已經開始幫襯門面白色為主調睇落簡潔乾淨店舖細小 座位唔多如果六點先嚟到基本上都要等位我嗌左二悅濃湯牛骨牛肉麵湯底用壺裝起可以先將湯倒落小碗品嘗湯底 湯底非常濃郁 話比較清淡 但其實都好夠味 好好飲之後將湯倒落麵度幼麵 好入味牛腱同牛肚炆得好淋好入味最後食唒成碗連湯都飲埋😋😋😋朋友嗌左二悅紅燒牛肉麵湯底同樣非常濃郁 比濃湯湯底咸微辣 同樣好好味😋😋😋呢間係黃店一定會繼續撐野食好食 性價比都高👍🏻

食台灣野點止牛肉麵咁簡單？近排試左二悅既手工肉燥乾拌麵定食，仲有湯同兩款餐前小食😋小食揀左花枝丸同牛肚❤️牛肚比預期多同炆得淋☺️咬落口有汁唔乾身👍🏻花枝丸都幾有咬口有粒粒的😄個牛湯送麵非常夾當然要講下最重要既主食肉燥乾拌麵😌肉燥份量都幾多，肉汁鮮美，加埋麵條極開胃😋😋😋食完肚入邊嘅脾脾都讚好

話說要去元朗，緊係上網搵下有咩好食啦講起新野，元朗呢排算係靜左淨係搵到呢間不妨一試🤤🤤6點幾黎到就要排隊小店座位得10個，排左半個鍾就入得———————————————-二悅紅燒牛肉麵（$68）麵底唔錯，有口感可以就感食唔加湯麵夠味牛腱同牛肚麵燘到好淋個湯好有牛味，飲得出落左唔小心機❤另試茶壺，可以自己控制個湯既濃道..............................手工肉燥乾拌麵定食（$62）相比起牛肉麵就遜色左少少，無咩驚喜叫做有d肉燥拌麵食配料要左溏心蛋，反而有水準，真係流心，又夠入味

#中意嘅請分享請點讚🍻----------🐮二悅紅燒牛肉麵 $68呢款特別之處係有兩款食法，可以揀拌麵或者湯麵。先試拌麵，拌麵麵條已經有濃濃嘅醬汁，就咁食已經好夠味。之後可以用湯碗試下紅燒湯底嘅味道，在慢慢加湯變湯麵。湯底用茶壺裝住，唔怕好快凍曬。牛腱厚切肥瘦適中，牛肚爽口入味。-重點係 #黃店💛有黃店推介可以inbox我，要大大力推薦北更多人去懲罰佢！！！----------🔎二悅🚩元朗合益路9-15號紀業樓地下G號舖

一間唔起眼既小店, 但係食物環境服務都好好, 性價比好高, 所以想係open rice介紹俾多d人識我食左個台灣肉躁乾拌麵, 晚餐60幾蚊有主食麵 一碗牛骨湯(好清甜,正) 仲有3個小食 其中一個係菜 另外兩個我揀左雞翼同糖心蛋 真係好抵 味道絕對唔會hea你另外一個係牛骨濃湯牛麵 (湯分上), 牛夠厚 75蚊有3大塊, 食法係叫你飲湯先 之後可以食左個拌麵先 之後就可以加埋個牛骨湯食麵 味道都好好食最後叫左個肉躁茄子 水準就average la以性價比黎講真係好高分 元朗人去食下啦 推介!

知道元朗有間好評既牛肉麵店，二話不說就去試一試啦～～又係一間小小小店，只係十多個位，同埋都有特定既時段開店！要食既話真係要留意開店時間啦！叫咗個肉燥乾伴麫定食同濃湯牛肉麫！各有特式啲肉燥真心好味，好有台灣味仲叫咗個肉燥菜🤤真係好有水準！值得再黎試試

男朋友收工之後，話同同事之前食過一間牛肉麵好好味。要帶我去試下。二悅既位於係一條唔起眼既巷仔入邊。但我地去到既時候，已經有6-7個人排緊隊。等左15分鐘左右就有位啦。店員會比張menu 你自己剔想食既野。十足十台灣既小店咁。二悅牛骨濃湯牛肉好入味同好腍。最驚喜既一定係佢果一壺牛骨濃湯。好重牛味。 行過一定要試下👍🏻

元朗呢間台灣牛肉麵既小店bookmark左好耐 終於有機會食小店位於小巷 店裡面座位唔多比較狹窄 但環境都好整潔主要售賣台式麵食同小食價錢合理之餘食物都出色濃湯牛肉麵有兩種食法隨麵送上一個裝住牛骨湯既茶壺所謂一麵兩食就係拌麵同湯麵成個賣相睇得出係有心思有兩塊厚切牛腱同牛肚滷得好入味牛腱厚肉得黎肉質又夠腍 好好食牛肚煮得剛剛好 唔會韌本身個麵有醬汁比客人乾拌都夠味麵質唔錯 彈牙有口感！牛肉湯先係重點既重點飲得出係真材實料濃郁又有牛香味清清淡淡 齋飲已經隊左半壺比較推薦乾拌食法湯麵反而會令個麵失色左

二悅一直都見到有唔少人介紹, 雜誌呀 social media都見唔少！佢賣相又唔錯,今日就去試試啦！佢係一係小路入面, 如果路熟路都幾難會搵到！舖面錚細, 所以要等大約5-10分鐘我地就叫左2個麵, 2個小食首先到嘅係佢地招牌湯面, 有牛肚, 牛𦟌, 分開上嘅湯我地叫左一個紅燒湯, 飲落就飲到微微酒味, 好香！不過湯黎講就有啲咸, 都係加落麵比較好, 牛𦟌剛剛好！好好食！麵亦好夠味！唔需要加湯食就可以變撈麵食！之後就到我叫嘅肉燥撈麵, 呢個可以自己選擇2個餸, 我就揀左牛𦟌同花枝丸, 牛𦟌就同頭先個麵一樣好食, 花枝丸係即炸, 好香口好好食！肉燥麵都好好食, 個肉燥都係帶酒味, 好正！佢附送嘅湯係同牛骨湯底一樣！好清甜！之後仲有2個小食, 分別係台灣香腸同肉燥豆腐！台灣香腸真係好好食！又係新鮮炸好, 十分熱但好好食！肉燥豆腐的肉燥同個撈麵係一樣, 個豆腐又係新鮮炸好再放肉燥！所以唔會腍左仲好脆架！呢間真係好值得再食！同埋支持下小店嘛！

本來落元朗本來想食吉列牛定食， 點知去到就開始落大雨， 行到門口先見到冇開就試試隔離呢間台灣牛肉麵，賣相擺盤都靚，打卡一流 我地兩個都叫左紅燒牛肉麵，湯是用茶壺分開上，因為店主介紹咁樣可以試到幾種食法1.淨係飲個湯 2.淨係試下麵，麵底已經有調味 3.想食濃味可以沾麵咁食 4.鐘意湯麵就落晒去麵度就ok牛肉淋身但係唔夠入味， 淆多陣入味d會好d, 同偏乾身。 食食下我叮一聲覺得食落去個肉質咁似我最近新歡壓力煮出黎咁？ 我一講出黎老闆就抬頭望向開放式廚房， 就同我講有一堆電子壓力煲放左響上面櫃。哈哈，我都係食返我牛肉麵另外重有叫左個台灣腸， 都係現成貨色，冇乜特別，。後記： 雖然間店細細，但坐得都舒服唔覺迫， 有種坐緊響cafe 食麵感覺。 野食方面擺盤的確係精美， 不過我同老闆都認同返轉頭食ga機會唔大家， 因此元朗實在有太多間台灣麵食出食店家。