Video
Read full review
2020-04-13
649 views
餐廳嘅位置比較隱蔽，喺後巷而唔係大街，所以都搵咗一陣。去到嘅時候見到有好多人等緊，加上呢間餐廳算係小店，座位唔多，我地都等左一陣。諗到我哋嘅時候，店員好細心拎定menu同落單嘅紙比我哋order左先，唔使我哋坐低嘅時候再等😆我哋叫咗一個二悅紅燒牛肉麵🍜一個手工肉燥乾拌麵定食🍲，同一杯蜂蜜柚子茶🍹。牛肉麵有特定嘅食法，除左menu上面有寫，店員都會好詳細咁講解一次。牛肉麵原本係蔥油拌麵，隔離有一碗牛肉湯，餐廳建議食客先試咗個麵，再試呷下個牛肉湯，最後將個湯倒入碗麵度，當湯麵食。原本蔥油拌麵都已經夠味，香口得嚟唔會太油膩，好開胃；牛肉湯好濃，好香牛味，倒入去個麵到成個感覺更加昇華，變成好香濃嘅牛肉湯麵。而且麵配有兩片牛腱兩片牛肚，都好入味，口感軟熟。🤤手工肉燥乾拌麵定食比較豐富，包括麵同兩個小食、前菜、同牛肉湯。前菜係微暖嘅菜，清新得嚟又唔會有草青味。小菜朋友點左牛肚同埋糖心蛋，糖心蛋溫度同流心程度啱啱好。重點係手工肉燥！份量同麵配合得啱啱好，唔會太多太漏，而且味道都唔太鹹，同熱辣辣嘅面好match😋價錢便宜，環境衛生，食物配搭得好適合，令味道更加提升到另一個層次🤩，加上服務態度良好，絕對
我哋叫咗一個二悅紅燒牛肉麵🍜一個手工肉燥乾拌麵定食🍲，同一杯蜂蜜柚子茶🍹。牛肉麵有特定嘅食法，除左menu上面有寫，店員都會好詳細咁講解一次。牛肉麵原本係蔥油拌麵，隔離有一碗牛肉湯，餐廳建議食客先試咗個麵，再試呷下個牛肉湯，最後將個湯倒入碗麵度，當湯麵食。原本蔥油拌麵都已經夠味，香口得嚟唔會太油膩，好開胃；牛肉湯好濃，好香牛味，倒入去個麵到成個感覺更加昇華，變成好香濃嘅牛肉湯麵。而且麵配有兩片牛腱兩片牛肚，都好入味，口感軟熟。🤤
手工肉燥乾拌麵定食比較豐富，包括麵同兩個小食、前菜、同牛肉湯。前菜係微暖嘅菜，清新得嚟又唔會有草青味。小菜朋友點左牛肚同埋糖心蛋，糖心蛋溫度同流心程度啱啱好。重點係手工肉燥！份量同麵配合得啱啱好，唔會太多太漏，而且味道都唔太鹹，同熱辣辣嘅面好match😋
價錢便宜，環境衛生，食物配搭得好適合，令味道更加提升到另一個層次🤩，加上服務態度良好，絕對係值得推薦嘅小店！
Post
