Video
8-min walk from Exit A, Yuen Long MTR Station
continue reading
Payment Methods
Above information is for reference only. Please check details with the restaurant.
掃街一向係我嘅至愛 呢條元朗又新街更加係成日都嚟食 真係由細食到大 不過佢不停有唔同嘅舖頭開 呢間摩芽雞蛋仔就係其中一間開咗冇耐嘅鋪頭 叫咗個宇治金時格仔餅 佢係加咗紅豆入去綠茶味嘅粉漿入面做格仔餅餅底 入面再加上煉奶牛油花生醬同砂糖去做格仔餅個餡料 呢個做法真係好創新 綠茶味好濃 而且紅豆肉又大粒又林 綠茶同紅豆超夾 加上面煉奶牛油等等嘅餡料 真係好邪惡 而且半價就可以加個飲品 藍蝶花柚子飲品 酸酸甜甜個樣仲好靚添 廿幾蚊食個下午茶 好抵
continue reading
今日晚上好想食星星朱古力雞蛋仔，但係佢竟然話今晚冇星星，所以係餐牌上就點左其他味道，就係流心蜂蜜雞蛋仔，第一次試呢隻味道，但係不似預期，原來裏面只係一啲蜂蜜嘅爆珠，即係擺喺台灣飲品入邊嗰啲粒粒爆珠，蜂蜜味好人工，味道同雞蛋仔都唔夾，所以好後悔試咗呢隻味。星星朱古力好味好多。下次都係唔好亂咁試其他味
continue reading
食完放題，返到元朗，又想食雞蛋仔了，排隊時見到好多人叫抹茶紅豆味，好奇心驅駛下就試下。雞蛋仔同樣地外脆內軟，入面軟糯，但老實說無乜抹茶味，但不是完全零，但同佢個顏色唔太match，底雞蛋仔既綠色咁深，你會期望係濃味的，可惜真係好淡抹茶味，咬落除非好刻意感覺，否則同普通的沒兩樣。而且沒有獨特的抹茶香味，好彩仲有有粒粒紅豆，數量算不錯，有咬口，可是同樣無咩紅豆味，有少少失望！
continue reading
黎到元朗呢個我勁唔熟悉嘅地方，周圍行都覺得好新奇，好似去左旅行一樣，食肆多、街邊小食店又多，簡直要帶4個胃去先得，樣樣都想食囉 （笑）第一次食摩芽雞蛋仔，揀左土鳳梨口味，朋友話上次喺葵芳食，塞到滿滿鳳梨餡，但我對它就「不」，因為太多餡就食唔到雞蛋香，又會過份甜😣 好彩。。呢底每粒只有一半/少於一半嘅餡，外脆內軟，中間仲有少少濕潤感，而且鳳梨餡酸酸甜甜的，唔算太甜太漏，係好食嘅。如果可以一半有餡，一半原味仲正吖 😎下次再幫襯應該唔會食同一味，可能會係芝士吧！我見到蜂蜜味，但感覺佢會堅甜，試唔試好呢 （笑）
continue reading
又新街真係好邪惡呀，次次黎親都會失手，明明已經食晚飯，仲係食得好飽個種，黎親都仲係會買野食，今晚買左雞蛋仔，摩芽都進駐左元朗好一陣，次次黎親都好多人。因為即叫即整嘅關係，落完單起碼要等十五分鐘先有得食，拎起上手熱辣辣。買左雙層朱古力味，好香朱古力味喎。粒粒雞蛋仔都有朱古力㗎，朱古力蛋醬好香蛋味又有朱古力味，微甜。外脆內軟唔係得個殼，熱辣辣香噴噴，好好味。夜晚掃街好選擇，不會食得太飽，食完又唔會整污穢隻手
continue reading