森．湯咖哩 (Closed)

🍊 餐廳名稱：森．湯咖哩 (觀塘)🐝 味道：8/10環境：7/10整體分數：7.5/10💰人均：$150+———————————————————慢煮炙燒雞叉燒蕃茄湯烏龍麵 💰78慢煮炙燒雞叉卷肉嫩，唔會係好柴嘅口感。蕃茄湯濃郁，配埋烏冬食好滋味！飛驒和牛漢堡扒湯咖哩 💰108湯咖哩會比一般咖哩水態啲，但係味道完全無輸蝕。咖哩調味得好好帶點少少辣，重口味人士都岩食！飛驒和牛漢堡名不虛傳，牛味有，肉嘅口感好！配菜都係炸過先，令到成道菜都好惹味！芝士年糕 (2件)💰33 吉列蠔(2件) 💰38 串燒💰15~18覺得串燒都好值得試下，尤其係蒜心，有驚喜！

心血來潮想食湯咖哩，然後上OpenRice搵到呢間最近屋企嘅 ，冇睇營業時間就過咗嚟，原來中間有兩個鐘落場時間，好彩我都係等咗十分鐘就到六點，影吓佢個餐單放上嚟開心share先 😆我就梗係嗌返個野菜魚餅咖哩湯烏龍麵同即叫即炸嘅吉列厚切豬扒咖哩飯，配小食就嗌咗魷魚卷同吉列蝦，另外再嗌咗啲雞串同蔬菜串，樣樣都好濃味 ☺️最後甜點抹茶味刨冰，係醇厚嘅抹茶香和鮮奶蓋香，足足有四碗飯咁高，呢餐勁滿足呀 🤤埋單嘅時候，員工仲同我講而家做緊堂食八折，外賣七折，重點係餐單所有嘢都唔貴 😍

❤️吉列炸雞咖哩飯 即叫即炸嘅吉列炸雞，外層炸得金黃酥脆，內裡雞肉嫩滑多汁，配埋濃郁嘅咖喱汁，配飯一流呀!! 配藥仲有超香麻油味既炒粉絲，好豐富好滿足～🧡慢煮炙燒雞叉燒蕃茄湯烏龍麵 雞叉燒經過慢煮處理，肉質軟嫩多汁，表面仲有一層炙燒過後既微焦嘅香氣，配埋酸酸甜甜既蕃茄湯底，好滋味～💛燒鳥串燒套餐 有齊日本岩手雞肉串+雞翼+雞脾菇+翠肉瓜+秋葵等等串燒～ 燒到火喉岩岩好，特別係雞膝骨充滿膠原蛋白，好好咬!!💚野菜魚餅 x 脆皮燒魚卷 野菜魚餅口感彈牙，而脆皮燒魚卷外皮脆口，一樣咁好食💙小山圓抹茶味刨冰 賣相已經好吸引，濃郁既小山圓抹茶香味，微微苦澀但又有淡淡甘甜～最中意係個抺茶丸子，煙煙韌韌好加分

森。湯咖哩以北海道湯咖哩喺觀塘打出名堂原來呢度除左湯咖哩仲有串燒食估唔到連夏日大熱甜品刨冰都有難怪日日坐無虛席！最近餐廳仲推出新品厚切吉列豬排咖哩飯$49咋～呢個價真係平絕觀塘！雖然平價但出品無偷懶厚切豬扒鬆脆肉厚睇得出仲有肉汁配招牌咖哩真係飯都扒多兩碗慳左飯錢可以叫下小食炸物炸蝦⼀樣有水準酥脆香口串燒拼盤A啱晒我口味⼀半菜蔬⼀半日本岩手縣雞肉雞脾菇juicy雞中翼香脆刨冰口味多樣竟然有大熱開心果😍刨冰巨型絕對要分享！開心果醬底面層都有成個都夠味👍仲有好多丸子口感彈牙軟糯餐廳用PayMe俾錢仲有9折優惠相當抵食！

近排有點熱氣，所以不吃出名吉烈厚切豬扒飯，改食烏龍麵。🏮飛驒和牛漢堡扒蕃茄烏龍麵厚身漢堡扒，一口咬下，充滿肉汁、有牛味，入口即溶。餐配我揀了香煎大蝦3隻，鮮甜、彈牙、爽口，鮮味十足。🏮香煎帶子蕃茄烏龍麵帶子厚身、有咬口，味道鮮甜，配置慢煮炙燒雞义燒，肉汁juicy 。以上兩款蕃茄湯配料豐富，均有半隻溏心蛋、粟米、京蔥、紫菜等，蕃茄湯 香滑濃郁，烏龍麵彈牙。🏮餐配還有麻油香炒粉絲。🏮脆皮燒魚想起叮噹喜歡食獅子狗的食材，魚肉用上特別燒法，外脆內軟，加上秘製醬料，提升食物甜味。🏮野菜餅2 件香煎剛剛好，唔會太熱氣，配上自家製醬汁，特出了洋蔥和蔬菜甜味。食檔環境乾淨整潔。用QR Code落單，方便快捷。

有陣子無見朋友了，所以約了朋友係觀塘搵食，見到呢間餐廳嘅刨冰同咖哩好似好吸引。⭐️吉列厚切豬扒咖哩湯烏冬麵咖哩味湯底好香好濃郁。炸豬扒好大塊好厚身，配咖哩汁食好正。超推薦。⭐️北海道帆立貝蕃茄湯烏冬麵湯底清清地，蕃茄味同帆立貝互相配合，唔錯。⭐️魷魚卷、吉列蝦、吉列雪魚柳餐點另加配了小食，最鍾意吉列蝦，點埋咖哩汁食，正。⭐️串燒套餐A串燒有兩款套餐，呢款有日本岩手雞肉串、生開邊雞中翼串、酢橘雞膝脆骨串、雞脾菇、翠玉瓜、秋葵。每一串都燒得剛剛好。⭐️伯爵茶刨冰好多款刨冰都好想食，伯爵茶味唔會好甜，作為飯後甜品，好推薦，而且好大份，好清爽消暑。⭐️綠茶⭐️無糖烏龍茶

觀塘真係好多食市，今晚放工就約埋朋友去觀塘試衫順便搵間咖哩出名餐廳試吓先美食推介：💛慢煮炙燒雞叉燒咖哩湯烏龍麵：雞叉燒十分嫩滑，烏龍麵煙靭，配上香濃咖哩湯非常掛汁，而且仲配上糖心蛋、嗚門卷、粟米及紫菜等材料，非常豐富。💛飛驒和牛漢堡咖哩湯飯：和牛肉質鮮嫩，啖啖肉的咬一口，非常滿足，而且咖哩湯甜甜辣辣非常配搭，還有各式新鮮蔬菜🥬感覺不會很膩。💛日式串燒：雞翼、雞軟骨、雞肉、雞心、雞腎、蒜心、秋葵、冬菇、翠肉瓜等等，選了多款串燒，鹽燒味道已經很好吃，充滿日式的串燒味道，不妨也試試吧👍🏻💛開心果刨冰：濃濃的開心果醬汁，配上滿滿的開心果碎，非常清涼好食😋

冇諗過平日放工時間都坐滿人🤩糧尾必來的飯堂🥹而且有我最愛的烏龍麵😋 想像唔到係低至$49😉1️⃣飛驒和牛漢堡扒湯咖哩鳥龍麵香煎後漢堡扒，一口咬落去肉汁就流出來了🤤而湯咖喱味道很香濃及濃稠，鳥龍麵吸晒咖喱湯，口感軟糯，讚👍🏻2️⃣吉列厚切豬扒定食跟餐已包含麵豉湯、炒粉絲及冷芝麻豆腐，而吉列豬扒即叫即整，表皮鬆脆，肉質juicy👍🏻3️⃣燒鳥串燒套餐$100 6串日本岩手雞肉串、生開邊雞中翼串、酢橘雞膝脆骨串、雞脾菇、翠肉瓜、秋葵。每款都燒得剛剛好，不會乾柴🤤4️⃣魷魚卷及芝士年糕5️⃣小山園抹茶刨冰🍧必點🌟大癲個刨冰巧巧味🥹用咗小山園抹茶炮製的醬汁味道很濃厚😍而刨冰上的忌廉甜而不膩，還有抹茶脆脆增添口感😋📍森．湯咖哩地址: 觀塘駿業街56號中海日升中心2樓C號舖#觀塘 #湯咖哩 #吉列豬扒 #飛驒和牛 #漢堡扒 #刨冰

約咗喺觀塘覓食， 朋友係觀塘地膽， 帶我哋嚟到日式咖哩專門店。 真係好多人嚟朝聖， 超厚切咖哩豬扒飯。 仲有最震撼見到隔離枱的日式刨冰。 過咗午市時段 ，部分小食已經售罄。 店員推薦食串燒， 又抵食又好味。吉列厚切豬扒咖哩飯厚切吉列豬扒真係 超震撼， 吉列外層炸到酥脆金黃， 豬扒雖然係厚切，仍然保持到多汁彈牙。 珍珠米煙煙靭靭，加埋咖哩汁真係非常ok。香煎大蝦咖哩湯烏龍面咖哩湯夠香濃，烏龍麵煙煙韌韌， 加上吸收左咖哩汁，很惹味好香濃， 大蝦份量真係唔少， 爽口彈牙厚身。串燒套餐六串(送suntory啤酒)，日本岩手雞肉串 ，生開邊雞中翼串，酢橘雞膝脆骨串，雞髀菇， 翠玉， 瓜秋葵。另外再加set自選蔬菜串燒，京蔥， 蒜心 ，冬菇。 串燒真係好抵食，一大堆都係百幾蚊咋， 而且質素ok。 仲有啤酒送， cp值超高。開心果日式刨冰見到隔離食焙茶日式刨冰， 已經引到我心思思， 本來想食小圓山抹茶刨冰， 但已經售罄。 店員推薦開心果刨冰，真係好好食。 首先就係開心果醬個味道好香濃， 然之後加埋白玉團子 、QQ麻薯、 仲有香滑奶蓋同埋開心果碎, 冰涼透心 消暑解渴。

喺觀塘中午突然之間好想食咖喱，估唔到中海日昇商場開咗一間咖喱舖。我特別鍾意佢嘅吉列厚切豬扒咖哩飯，這道菜需要即叫即炸，需時15-20分鐘，但等待絕對是值得的。豬扒炸得香脆，配上濃郁的咖哩汁，配飯一流。然後佢另一個飛驒和牛漢堡扒咖哩湯烏龍麵同麻油香炒粉絲套餐都好正，再加配香煎帶子同魷魚卷就更加夾。飛驒和牛漢堡扒質感豐富，湯烏龍麵湯汁濃郁，配合烏龍麵的Q彈口感，好食。麻油香炒粉絲入味鮮香，搭配綠茶更加開胃清新。另外串燒餐A餐都好抵食，套餐包括一杯啤酒🍻，有3串肉和3串素。串燒肉質鮮嫩多汁，燒烤香氣撲鼻，搭配啤酒更加開胃。

飛驒和牛漢堡扒湯咖喱配烏冬飛驒和牛漢堡扒咬下去充滿肉汁，入口即溶，對比下更有肉味，其他配料都非常豐富，半隻溏心蛋、粟米，京蔥等，另外湯咖喱較一般咖喱稀，但香氣味道十足，烏冬相當掛汁，整體都幾match!!吉列厚切豬扒咖喱飯即叫即炸，話明厚切所以豬扒都幾有份量！小食加左野菜魚餅、吉列炸蠔，魚餅咬落軟軟糯糯，吉列炸蠔炸粉剛好，咬開亦無蠔的腥味～另外，超推薦呢款日整岩手縣燒鳥set A：一set6串，當中最出色雞肉串、雞髀菇、翠肉瓜，咬落帶淡淡炭燒味，同時亦多汁juicy~~試埋新推出開心果日式刨冰，賣相好吸引，好多開心果粒粒混合埋奶蓋、刨冰、麻薯粒粒，味道唔錯～

今日同朋友突然好想食咖喱所以黎e到食價錢真係好抵食物都超好味最愛炸豬排份量多 豬排大塊重要唔洗$100我fd 完全食唔曬性價比好高我果個咖喱都好正咖喱同我係日本食味道好似而且好適合配飯我最後d飯都食曬飲品和甜品都好正我最愛係刨冰份量好多而且唔輸糖水舖好難想像一間咖喱餐廳連甜品都咁好味我哋兩個人食咗好多嘢埋單都唔洗200每個人而且好飽我會建議大家試下咖喱豬排和各類咖喱飯佢哋咖喱好正配飯一流完全就係送飯神器

今日同朋友去觀塘行完街，順便係附近搵野食🤓🤓 咁岩係附近見到有間日式咖哩店就揀左呢間。我叫左吉列豬扒定食 🩷🩷🩷🩷🩷估唔到佢一黎到咖哩味勁香濃，而且佢個豬扒即叫即炸，好鬆脆同埋都好有肉汁，再加左一個小食吉列炸蝦，同有個配菜粉絲，同埋加左一杯烏龍茶，咁樣都唔過$100好抵食。而且佢個小食都係即叫即炸，都幾好味最有驚喜係配菜嗰個粉絲，佢係涼拌甜甜地嘅粉絲幾開胃🤤👍🏻朋友叫咗飛驒和牛漢堡扒蕃茄湯烏龍麵🩷🩷🩷🩷🩷佢個漢堡扒又係即叫即煎，勁腍，但係又唔會好散食落去牛味都好濃👍🏻，加埋啲粟米🌽甜甜地同埋幾有咬口，最驚喜係佢個蕃茄湯底勁濃，好似好多個蕃茄濃縮埋喺個湯底度👍🏻甜甜酸酸勁開胃。佢都有跟吉列蠔小食，同埋配菜粉絲仲有一杯可樂🤤，呢個餐係都好好食🤤我仲叫多左個串燒拼盤😍:有雞肉，雞軟骨，雞翼，翠玉瓜，雞髀菇，秋葵🩷🩷🩷🩷🩷佢即叫即燒嘅關係，熱辣辣真係好好食👍🏻好加分，因為有時出去食嗰啲串燒通常都係暖暖哋，所以燒出嚟唔夠油香同埋唔夠熱個串燒唔好食，佢個調味又唔會太濃食得出原本食物嘅鮮甜味👍🏻估唔到依家觀塘開咗呢啲小店咁有驚喜，我地最後唔夠飽，都忍唔住再叫多個伯爵茶刨冰，呢個刨冰真係勁大個😂😂兩個

今天天氣太熱，約朋友去完觀游泳池游泳，游完水就去觀塘食午餐，朋友想吃咖哩，所以帶左佢黎森．湯咖哩食午餐，我地睇完餐牌就出去收銀櫃付款，然後就等食物上枱。我地叫左吉列厚切豬扒咖哩飯（即叫即炸，需時，15-20mins）及小食魷魚卷（2條）。厚切豬扒食落香脆金香鬆化，飯粒粒分明香滑，再加入一些微辣咖哩汁十分開胃，仲有2條魷魚卷，內有條鮮魷魚，十分鮮甜好好味。香煎帶子咖哩湯烏冬，有4粒新鮮的帶子，用慢火煎到兩邊金黃，感覺好新鮮，烏冬好滑加上一些咖哩汁湯底 ，有些辣辣香味，仲有半隻流心蛋伴烏冬，另配2隻新鮮彈牙炸大蝦 ，非常滿足 。飲料就飲凍可樂 ，邊食邊飲可樂簡直是絕配天氣太熱。最後叫了個伯爵茶沙冰，上面有一大舊香滑既cream和兩粒麻薯，食完咖哩可以解辣，十分透心涼！😉+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

估唔到閒日嘅夜晚都咁多人呢間專食咖喱嘅餐廳有飯、麵、小食、甜品店鋪環境簡單 座位數量算多我18:30坐低唔洗20分鐘已經坐到FULL曬🍱吉列厚切豬扒咖喱飯 +麻油香炒粉絲、小食、飲品好抵食 呢個優惠價$49蚊炸！而且即叫即炸 新鮮熱辣🥘帆立貝咖哩湯烏龍麵+麻油香炒粉絲、小食、飲品帆立貝好大粒有3粒咁多 咖喱湯面味道好濃郁🍢燒鳥6串 套餐A日本岩手雞肉串生開邊雞中翼串雞膝脆骨串雞脾菇翠玉瓜秋葵串燒有套餐A同套餐B 套餐A就樣樣都岩我食 都係即叫即燒 尤其鐘意翠玉瓜夠厚身😋🍧焙茶味刨冰食完正餐同小食 仲可以食埋甜品刨冰都係即叫即整嫁 份量其實3個人都夠食阿！天氣咁熱 刨冰真係解暑一流！整體味道唔錯 下次LUNCH TIME都可以食佢 我哋7點幾食飽出面都仲排緊隊 晚市嚟講呢間算係非常成功阿！