MOS Burger (東廣場)

Open Now

Now Closed

Mos burger 登陸香港16週年，所以出咗個新包「吉列魷魚漢堡」，身為burger迷嘅我，點會放過😤緊係一出即刻拉埋🐣衝去試啦🤗🤗講真有驚喜，初時以為佢好似蝦餅咁，但唔係wor，佢入面係粒粒魷魚，唔係打成膠狀，食落去有口感同層次，加上佢個炸粉好脆，但唔厚身，咬落去滿滿嘅魷魚🦑佢嘅他他醬絕配無得輸，但佢再配多個南蠻醬，呢個味道好夾，值得一試🥰個人認為好味程度超過蝦堡😎

呢間係去過最污糟嘅mos burger 😣環境殘舊，地下周圍都好污糟，食物質素好差，唔單止鹹，連平時最好食嘅薯條都又乾又硬，估唔到質素咁差坐左差不多45分鐘，眼見職員只收餐盤，完全冇抹過檯，疫症期間衛生意識非常低，有時間閑談傾偈都唔抹枱，失望😞

個人口味較常規單一，食慣的口味就會每次回訪都叫。但最近出了新口味，松露啡菇特選和牛漢堡，個人本身就很喜歡黑松露，試過一次這個漢堡，就難忍隔日再回訪，啡菇大塊厚實，且很有誠意地釀上佐料，如煙肉粒和洋蔥粒，口感多層次而又層層分明，配合黑松露醬和厚身和牛漢堡，風味一致，大滿足感。然而唯一不足為漢堡扒較乾，如能更多汁，口感會更佳，而且試過增量版，感覺和普通版尺寸分量無大差異。配合我最愛的南瓜薯餅和粟米湯，南瓜薯餅外脆內香，粟米湯配上粒粒黑胡椒，香氣更顯，粟米脆甜，百吃不厭，每到中午想不到吃什麼，就喜歡到這裏覓食。

今日下午要到觀塘工作，午飯繁忙時間後到達觀塘區就揾咗MOS burger醫肚先。本身一直都係MOS fans，而且亦係金會員，買嘢食就有額外折扣。叫咗個chilli dog, 配大薯條及凍抹茶鮮奶。- 熱狗辣辣地，好啱夏天時候，而醬汁裏面的洋蔥粒係好正- 大薯條大致上都夠脆，只係有少量爭咗啲- 凍抹茶鮮奶的茶味夠濃，通常我幫襯MOS就只會叫呢款飲品另外MOS店舖的環境都算保持得整潔，現時雖然疫情並無咁嚴重，不過幫襯MOS會較為放心。

每次趕時間又唔知食咩就會嚟食MOS Burger🫣分店多，價錢唔高，亦會有職員幫手上餐有好多包款同小食自由配搭食物更係比另一間漢堡連鎖快餐店好食好多🙈-摩斯芝士漢堡（單層）💲28+摩斯雞塊 配汽水💲25🍴漢堡幾足料，爆晒醬😉麵包夠厚，同埋好乾爽，食落有口感可惜食落唔夠熱，可能因為舊番茄太凍😣😋摩斯雞塊一如既往嘅好食👍大家除咗嗌熱門嘅厚切薯條都不妨一試MOS Burger嘅雞塊🤣-最後埋單💲53

-//位於觀塘burger，香港有31間分店咁多😱真係總有一間係你附近😂😂仲有好多口味📍摩斯芝士漢堡 （單層）$28呢款芝士漢堡都幾多人叫～個包好軟熟🤓每一層都清楚睇到有咩餡料，勁大塊蕃茄🍅雖然漢堡扒唔會話超Juice，爆汁嗰隻但係勉強都可以接受，味道係唔錯嘅～加埋啲洋蔥一齊食，口感又豐富咗以呢個價錢來講，都算抵食啦🤣讚啊📍MOS Burger (觀塘)觀塘成業街7號東廣場地下1-6號舖

由細到大都係食美式快餐居多，但自從Mos Burger打入咗香港市場之後，我就好鐘意幫襯佢！😜佢引入咗日本式嘅漢堡包，例如蝦堡、和牛堡等等，係漢堡包E樣食物在亞洲人之中在地化嘅一個證明。👍🏼講返Mos burger嘅漢堡，我嚟親多數都會點佢嘅吉列蝦堡嚟食！🍤不得不提，Mos Burger的而且確能夠做到佢嘅堅持，佢嘅吉列蝦堡都係即點即整，雖然要等候一段時間，但整好熱辣辣奉上食嘅感覺就係唔同！而且佢嘅吉列蝦餅入面嘅蝦係完整一隻一隻嘅，唔似其他餐廳用啲蝦碎整成吉列蝦餅，E個點值得加分！😎

今天收工去了附近一間漢堡包店食晚餐，叫了一個意式牛肉漢堡包及南瓜薯餅加一杯綠茶牛奶。大致上幾好食，南瓜餅外脆內軟有很香的南瓜味，綠茶牛奶較細杯唔夠飲，至於漢堡包冇乜特別，下次會試其他口味。

每次去MOS Burger，我都會叫黑醋雞同埋炸雞髀食。我覺得都幾好食嘅，因為佢嘅份量足同埋味道都好好味😋。當我食嗰陣感覺上比麥當勞嗰啲好食好多，同埋價錢都唔係特別貴。除咗食飽之外，我都有食其他嘢，例如麥樂雞、薯條等等。佢嘅份量都足夠，其實都唔係好差，咁食落去味道都好好嘅。同埋佢杯嘢飲都特別好飲啦，例如凍檸茶、奶茶。咁我覺得日本嘢其實都好食，同埋環境都幾好嘅，氣氛都吸引嘅，比較安靜。同埋又近地鐵站可以好方便去食。

朝早去左觀塘分店買杯咖啡，返到公司飲到一半突然feel到嘴邊有啲野，然後一打開杯蓋發現個杯全部都係曱甴腳，之後去退錢, 店員竟然淨係退$6比我，再追問之下先退返飲品正價比我，以後唔會再去………

叫咗他他醬蝦堡配南瓜薯餅同粟米湯。他他醬同炸蝦好夾，令到個包加咗少少酸味好開胃。南瓜薯餅炸得好脆身，食落帶少少甜味，入面仲有南瓜蓉，好真材實料。粟米湯好creamy，加多少少黑椒會好惹味，飲完成個人暖粒粒好舒服～

星期日下午，在我準備前往「新蒲崗」，享用潮州「牛腩飯」晚餐之前，先陪伴細佬前往「觀塘」「東廣場」，他自費請客下午茶茶餐，之後他要上班還是另有節目，我就不是太記得清楚，因為他也沒有告訴我。他選擇在「東廣場」「Mos Burger」裡面享用下午茶，他之所以選擇了在「觀塘」，或許是因為「東廣場」附近有他經常會去的地方吧，總之我先叫他先點餐，等到我想清楚什麼食品，之後才開始選擇。結果我選擇了享用「吉列豚漢堡」，至於套餐「小食」，我選擇配「摩斯雞塊」。至於套餐裡面的飲品，既然是細佬請客，我自然選用比較貴的「Mos Burger」飲品，結果我選擇了手調果汁梳打飲品「夏日甜夢」。「Mos Burger」所謂的「夏日甜夢」，其實即是類似「百香果」混合「草莓」，再加入有汽「梳打水」跟「糖漿」製作而成水果梳打飲品。「夏日甜夢」飲品裡面的重要味道部分是「百香果」，「百香果」果汁甜味感覺非常濃厚，濃厚得把「草莓」裡面原本的酸味感覺都暫時掩蓋過去。所以「夏日甜夢」實際味道感覺，都是偏甜為主。至於小食食品「摩斯雞塊」方面，調味醬汁主要還是一般的甜酸味道，加上一些辣味味道醬料「是拉差」醬，所以「是拉差」醬實際上的整

最近食mos burger食到有啲上咗癮，因為真係好好食🥰今日嗌嘅係炸蝦漢堡配南瓜薯餅。mos burger啲漢堡上枱果陣都一定好靚仔，餡料超級多。漢堡包嘅麵包非常鬆軟，帶微溫；蝦餅好厚實🥰 仲食到入面有一粒粒嘅蝦肉，真材實料啊👍🏻 椰菜絲俾得超多，入口爽脆；醬汁方面我揀咗芥末蛋黃醬，芥末嘅味道啱啱好，有刺激感之餘唔會辣到你標眼水，配搭蝦堡真係好match。南瓜薯餅繼續係超好食，熱辣辣炸起，唔會「冧」油，南瓜蓉香甜，今次仲食到有少少南瓜碎🥰唯一要彈下嘅係舖頭內好多飛嚟飛去嘅昆蟲，希望餐廳可以改善一下。

今日早餐想食得清啲，見到mos burger 個煙雞胸早餐好似唔錯，入嚟試試店內環境裝修簡潔，走日式清新風格， 但係地下有少少碎屑，感覺上清潔可以做得更好同一般快餐無異，自己行去櫃檯點餐，落單員工一開頭已經講日文，感覺到幾有禮貌煙雞胸早餐，有煎蛋、火箭菜沙律、煙雞胸、兩塊麵包+即磨咖啡煙雞胸係食，唔算好鞋，有點兒微鹹，有5-6塊，都好唔錯沙律係用火箭菜，火箭菜都算新鮮，感覺好健康炒蛋唔算滑，但係少油，同埋都有蛋味麵包都幾大塊，有用多士爐翻熱，上枱時仲微溫，唔錯即磨咖啡略為失色，咖啡豆偏苦，要落好多奶同埋糖去中和我覺得呢個餐都幾啱想食清淡或者想keep fit嘅人，$32有呢個配搭， 性價比唔錯揚揚整體評分：7/10揚揚環境評分：6/10揚揚味道評分：8/10揚揚服務評分：8/10揚揚抵食程度：8/10揚揚返食機會：7/10

之前仲有得食m記前，成日都去食，自從無得食m記之後，就轉左食mos burger比起m記，mos burger係貴DD，但唔食由至可，一食就開展左新世界，因為味道十分好叫左蝦堡，外脆內軟，加上沙律菜絲感覺好fresh 比起一般嘅漢堡少咗一份油膩感