MOS Burger (東廣場)

Open Now

Now Closed

吉列蝦漢堡平時成日都係食牛肉漢堡，今次就試吓佢個吉列蝦！估唔到個吉列炸蝦都幾好味🍤，入邊有啲原隻嘅蝦。啲蝦都幾正常，好爽口！重點係嗰塊吉列蝦係熱嘅，應該係啱啱炸起，好滿足啊😋。配埋啲醬汁，食落去冇咁乾，裏面仲有啲菜👍🏻。細厚切薯條加熱奶茶今次啲薯條凍咗，淋哂，唔太好味！不過有茄汁搭救😂，點完好食啲～奶茶都幾好飲，見到佢係用twinings嘅茶包👽！

同朋友去拎完野，咁啱放lunch，好耐冇食burger！咁我地就話就去mos burger 啦！kt呢間我都去過唔少次。補習有時會去下咁。環境其實我覺得都算係咁。今次就試左芝士雙層漢堡，加錢買埋薯條同汽水，薯條一如既往，唔錯唔錯，薯仔質地係我鍾意嘅。但漢堡扒實在太乾，冇咩肉嘅味道，得肉嘅口感，個質素差過以前，當日又唔係話有太多客人。漢堡裏便茄汁又唔夠多，成個包比我感覺係乾。不過價錢合理，填肚黎講係OK嘅。

好耐冇去食過Mos Burger，於是乎又走咗入去幫襯吓，最鍾意食快餐。嗰日其實唔係太肚餓，淨係想食個burger加杯嘢飲，點知佢哋分開嗌仲貴，結果都係嗌左個餐。間舖頭嗰日冇乜人，但係都幾多外賣等緊。咁我就拎咗個牌返埋位等，結果佢哋都隔咗好耐先至拎份餐過嚟俾我。其實Mos Burger嘅原意就係佢哋即刻整，新鮮熱辣。但嗰日我份餐完全係凍嘅，薯條同個包(蝦堡)連暖暖哋談唔上 ಠ_ಠ，仲衰過麥當勞！得杯可樂係啱溫度嘅咋。呢間鋪其實真係可以執，啲位逼到咁。Food quality又咁差，我真係唔會再幫襯！

今天要到观塘办事，早上在附近找店吃早餐。经过成业务街东广场，本来是想去 Starbucks, 但对面有一家 MOS Burger, 也是有咖啡供应。以前没试吃他们的早餐，今天倒不如试试新口味。从外面望进去，餐厅很干净，光线充足，令人有好感。早上有不少人外卖早餐，收银台前有条小人龙。早餐很简单，套餐有点选择，最贵的是32元，跟大家乐等快餐店差不多。付款后会拿到号码牌，收银员说需要等候7分钟，这是正常的时间，没什么所谓。套餐跟一般快餐店差不多，鸡蛋、香肠和多士等等，食物质素还可以。他们的香肠和鸡蛋不怎样油腻，加上多士和沙律，配搭还可以。虽然没多大惊喜，但东西水准还不错，以后是多一个选择。

行開觀塘開倉順路經過，順便食下Mos burger，已經好耐無食，感覺依舊依然好食。價錢和早幾年差唔多沒有太大分別。店內環境唔好大，幸好仲有位坐。黑醋雞肉漢堡 $27麵包皮厚身，夾了好多椰菜絲，雞塊唔大塊但就厚身炸粉唔多，雞皮脆脆的醮滿美味的黑醋醬汁，酸酸甜甜幾好味，咬落去口感唔錯外脆內軟，雞肉保留到肉汁，好味足料漢堡唔錯。厚切薯條(大)加汽水 $23薯條厚切我最愛，炸得唔濃無咁熱氣，淋淋地厚厚的薯肉好食。玉泉薑味汽水少有餐店提供，幾好飲有得揀好過飲可樂無咁悶。

今日同朋友一齊去咗觀塘分店，其實係打算求其食飽就算，諗住佢會係穩陣啦，我叫咗個黑醋雞包，朋友就傳統芝士牛肉漢堡，各自加錢加餐，我朋友個薯條係凍㗎，個包係温，一啲都唔熱，而我個雞包係冰凍㗎，好似係雪櫃拎岀嚟咁，個薯餅就叫做熱少少囉，真係非常唔理解同一個品牌唔同分店可以有咁大分別，明明應該新鮮製成嘅食物竟然可以好似係雪櫃拎岀嚟咁，個包我食到一半都因為佢太難食搞到我冇胃口食唔落啦，我雖然冇食均全香港所有分店，但係佢真係我食咁多間入面最差嘅，做壞個招牌呀

嗰日經過觀塘成業街，周圍最靠得住就係佢。講真我後尾先知，裏面咁多嘢食。如果唔係我一定會入去支持小店都係食和牛Burger呢啲唔會中伏嘛咁今次我醒啊就叫咗雞鎚，上次中咗計有侍應送餐都幾好，叫完嘢食坐低，就馬上玩手機講真我唔係特別鍾意呢間野只係佢中咗我心態佢啲位全部夠方便同埋佢哋嘅水平係好過金拱門我開始頂唔順金拱門嘅服務水平因為真係要體現乜嘢人就去邊度食其實我去金拱門都係嗌最貴嘅嘢食例如蘑菇安格斯講真我就唔想寫佢嘅食評因為我覺得已經大把人寫

今日去見工，面試時間係11:30，早餐食得太早見肚餓，離面試時間仲有半個鐘。唔想係面試中途餓到唔想講嘢，於是就快步行入面試地點隔離間Mosburger。單叫咗一個照燒雞肉漢堡，味道真係唔錯！我認為係好食過M記嘅板燒雞腿包。塊雞扒好Juicy！肉質好嫩。同埋個包烘得啱啱好，好香口。好耐都無食過MOS BURGER啦，今次有比到驚喜我。下次會再想試下。不過價錢就當然無M記咁實惠啦！M記二十幾蚊就有個餐，佢就二十幾蚊得個包。

食物完全冇問題 但係戴眼鏡經理態度極之差🙄本來正正常常咁食野 都冇咩問題 食到一半唔止我一個客人，連其他客人都一路抺汗一路食，咁我就去問吓個比較年長嘅員工可唔可以開冷氣或者較大少少，因為食得都有啲辛苦，亦都見到姐姐做野都做到出曬汗睇見都辛苦，佢答我唔知叫我問經理，咁我都明白打工嘅辛苦，我都冇追問落去咁就坐番去食野，之後姐姐都好好人幫我問經理，咁問題就嚟🤷🏿‍♂️，姐姐問完之後經理個態度就極差仲要勁大聲咁講：我都唔知喎 我點知點解？ 然後就走咗🤷🏿‍♂️你見到自己員工做到身水身汗都冇冷氣你都唔解釋吓 我覺得都係一句啫 唔解釋咪算 反正我又冇追問 不過我覺得唔需要咁冇禮貌同咁大聲囉🤷🏿‍♂️BTW 姐姐好好人

今天点了一个汉堡，推荐的甜醋鸡，很好吃，鸡肉嫩嫩有水，酱汁也酸酸甜甜很好吃，薯条是粗粗的，很好吃外脆里嫩非常喜欢，而且可以叫外卖超级方便，以后还可以继续吃咯，开心

去咗觀塘等朋友仔收工食飯見下面，點知佢臨時OT，我足足等左成個鐘頭，收工見到面都成九點鐘喇朋友仔公司對面就係呢間Mos Burger ，所以就決定快食漢堡包啦，可能太夜嘅關係啦, 漢堡扒煎到乾爭爭黑蚊蚊，真係好失望囉仲要成50個大洋一份Set，咁我寧願去M 啦

今晚同朋友係apm睇戲 睇完之後朋友就推薦不如去東廣場揾食 果度有吾少高質ge小店 例如東南亞菜 cafe 台灣菜等等😋😋😋 東廣場門口就係mos burger 因為太耐無著 我同朋友就入左去🥰🥰🥰 我就叫左每次都會點的脆雞burger😚 醬汁甜甜酸酸 帶一點辣 好惹味 雞塊好大件而且好脆 今次食仲係熱辣辣tim😍😍😍 漢堡包脆脆地 明顯係有烘過 入面仲夾住好新鮮嘅椰菜絲 成個包好豐富😝😝😝另外我仲左加左隻炸雞脾同熱咖啡☕️ 炸脾就吾係熱辣辣 雞肉都幾紮實 整體好多m記頹包👍🏼😊推薦:⭐️⭐️⭐️

想食好味漢堡包又趕時間，可以選擇既鋪頭真係唔多，遇到呢個情況，基本上去MOS Burger一定唔會失望👍🏻大約7點去到東廣場分店，人流唔算太多，坐得幾舒服，買野食又快，唔錯唔錯。今次依舊係食我最愛既摩斯漢堡配薯條，超鐘意佢個包係即叫即烘，拎到黎仲係熱辣辣，包面微微脆身，底面都搽左牛油，半溶狀態下勁香同埋餡料落得好足，完整一塊大芝士加上厚身既漢堡扒，都係簡單既配搭最好食；厚切薯條亦都大大加分，食落夠晒滿足如果鍾意飲綠茶，真心推薦大家叫抹茶鮮奶，茶味奶味都夠濃，又唔會太甜，次次黎食都忍唔住要飲

去麥當勞食burger除咗睇款式，仲要睇分店，同一個包，唔同分店嘅資素係可以相差好遠。相反，係MOS burger食就好唔同，無論係邊間分店食都好，水準都可以keep到。今次我就去咗觀塘東廣場嘅分店。如果麥當勞嘅signature係big mac，咁mos burger 嘅signature一定係摩斯漢堡🍔🍔。漢堡、蕃茄、肉醬，呢三種係神奇嘅配搭。如果只係得漢堡同肉醬，成個包就好膩，但加咗蕃茄之後就中和返，成個感覺唔同哂。果然冇令我失望😋

係我心中係貴價快餐比同行貴啲 款式多啲粗薯條係賣點好好食 我最鐘意係吉列蝦堡熱辣辣既炸蝦餅 加埋凍凍地既他他醬啲蝦餅一啲都唔假 啖啖都有蝦肉😀貴就係貴啲 但好食呀嘛🥰🥰🥰