MOS Burger

Open Now

Now Closed

聽講Mos Burger係注重新鮮同健康既食材，所以我不論係午餐還是晚餐時間都好鐘意去呢間餐廳食野！APM既呢一間我就係第一次食，餐廳位於一田隔離，舖位唔算好大，但枱與枱之間都有空位，尚算舒適。黑醋雞肉漢堡，呢個餐係我至愛，次次都係食呢一個。成個包都好足料，包皮鬆軟，雞扒即叫即炸，熱辣辣香脆又可口，配埋酸酸甜甜既黑醋汁令人食極都唔停。沙律醬令雞扒味道更加豐富，越食越開胃。薯條係厚薯條，熱辣辣上菜，表皮香脆，內裡鬆軟，出色。成個餐連汽水$51，比起另一間可能有少少貴，但呢一間夠晒足料已經嬴左了。