MOS Burger (MOKO新世紀廣場)

Open Now

Now Closed

我嚟MOS Burger唯一會食嘅一定係佢哋嘅招牌蝦堡 因為係公司附近都有間 所以有陣時收完工就會食返個當晚餐 今次我就買咗外賣返屋企 返到去都唔會覺得唔新鮮- - - - - - - - - - - - - - - - - - - - - - ❤️招牌蝦堡我好鍾意佢哋嘅蝦肉炸得香好脆 而且個蝦肉都係幾厚下 而且菜都好新鮮 我都好鍾意佢哋嘅麵包皮 好軟熟 加上沙律醬 同個蝦肉+菜一啖落去真係勁滿足 而且份量都好大 女仔食完一個都唔會覺得唔夠飽🥹🙈不過男仔嘅話可能要再加啲小食先得😂

趕時間最岩食快餐 當期主題係海賊王 雖然唔係fans但都覺得幾靚個包裝 餐廳係moko 一田個層 係正自助收銀機對面 店面好細 無堂食位 只能坐係一田範圍 有兩張枱 唔係繁忙時間可能都有位坐

好喜歡呢間的漢堡包，價錢實惠，水準高！而且不同地方都有分店，非常方便…店員非常有禮貌，可以令到食客感覺放鬆， 我已經係食過好多次試咗：北海道和牛漢堡，脆雞塊， 脆薯條， 飲品凍奶茶漢堡入面的牛肉，入口嫩滑， 肉質鮮美，本人非常喜歡， 之前的我，一直只會食，香脆蝦漢堡包， 今日試過呢個和牛漢堡之後，睇來我下一次，有更多選擇凍奶茶，仍然保持水準！脆雞塊， 肉質鮮甜，口感脆卜卜， 非常香口店舖座位寬敞，座位舒適，食物等候時間，亦都好快

自從少食牛肉之後，我鍾意食牛蒡珍珠米堡 同埋 魚柳包~ 發現牛蒡珍珠米堡 比起牛肉珍珠米堡 更啱口味添~ 鍾意一配粟米湯同埋野菜生活, 如果口渴嘅話就會揀凍檸檬茶 比較大杯嘛~ 自從炸雞塊唔知轉左供應商定係乜嘢, 有 四塊 變成五塊, 口味 口感 完全大幅度滑落, 跌到我都唔尸想再食了~ 所以就會食其他嘢，例如薯角, 都幾好味. 佢就鍾意摩斯雞塊的~ 南瓜餅都係我嘅心水之要, 綿綿的口感 都唔錯~ 和牛堡就係佢嘅心水, 炸雞塊佢都嬲咗, 其他嘅 佢冇乜所謂的~

The patty inside the burger was a lot covered and filled with black burnt things, which lost my appetite. Mos is priced a slightly higher and with this quality? No next time.

Mos Burger（旺角）旺角太子道西193號MOKO新世紀廣場5樓一田超級市場內中午lunch路過一田見到Mos Burger新出期間限定半熟溏心蛋壽喜燒漢堡，睇圖片相當吸引，立刻買來試下先，另外再要左杯芒果乳酪特飲。當我想食個包的時候，打開一睇勁多芝士粉系面，餐牌張相唔見有芝士粉，一個大大圓碌碌雞蛋夾系個包中間，當時我都唔知道由邊度食起好，一啖咬落去我成塊臉都系芝士粉，個蛋有少少流心，牛肉偏甜，其實成個包一起食都OK，只系食起來唔方便。芒果乳酪特飲，不過不失，好普通，唔算出彩，但系都OK

富士山珍珠堡 $32早排Mos Burger出咗個富士山珍珠堡🗻見佢個宣傳照好吸引就買咗個試下，一打開個飽比個樣震驚咗🤯嗯，說好的富士山呢😦最特別莫過於啲wasabi，唔知仲以為係有啲綠茶雪糕溶咗喺上面🍨講返個包先，其實味道唔錯😛啲配料都幾豐富，有一隻一分為二嘅炸雞蛋、生菜、烤牛肉同埋芝士醬，烤牛肉嘅醬汁甜甜地，啲牛肉都有啲肉味🐮而芝士醬非常杰身，芝士味都幾香濃🧀隻炸雞蛋就有少少失望🍳本身以為會係糖心蛋嘅狀態，點知原來只係一隻普通嘅水煮蛋🥲而啲山葵就好似消失咗咁，完全唔攻鼻🧐可能啲芝士醬比較滯嘅關係，就咁食完一個包都已經好飽😌吉列豚漢堡 $28而另外仲叫咗個吉列豚漢堡🐷呢個包嘅賣相正常好多☺️有一塊吉列豬扒同埋一堆生菜絲，豬扒嘅外層搽滿咗炸豬扒醬，酸酸甜甜咁，可以中和返炸野嘅油膩感😙

Puri Puri三本蝦漢堡🍔$13Mosbuger生日期間限定優惠😍連續四日都可以半價食到😉$13一個優質漢堡，好正😬我諗到唔駛諗，即刻買兩個當早餐食🤣隻蝦好大隻，好好味，好抵食🤩Mos Burger (旺角)旺角太子道西193號MOKO新世紀廣場5樓一田超級市場內

Mos burger既包不嬲都唔錯，係我鍾意食既日式快餐，都係香港唯一既連鎖日式漢堡包快餐店。所以我間中就食，不過我就少d叫餐，通常齋叫兩個包。我呢d鍾意食醬既人，就係會成日都唔記得喺叫果陣叫多醬。不過，最唔開心都係我叫左多醬但佢冇俾多醬。今次moko一田呢間分店既人，就十分抵讚！真係有俾到多醬，而且係夠多既量。係就係會食到成手成臉都係，但呢個就係佢係夠多醬既證明！我個芝士摩斯漢堡，因為d肉醬真係多到周圍都係既關係，就冇影。多醬黑醋雞，正。

旺角現在的「Mos Burger」分店，位於「新世紀廣場」五樓樓上的日本超級市場裡面。雖然現在旺角「Mos Burger」沒有座位，立食不會比坐着享用「Mos Burger」食品輕鬆，但是整體享用旺角「Mos Burger」過程也不會站得很累。「Mos Burger」雖然不像「Mos Cafe」那麼有碟頭粉麵飯食品提供，但是「Mos Burger」本身長期也有對外提供售賣，由米飯作為材料製成的「珍珠堡」，所以想在晚餐時間在「Mos Burger」「食飯」也不成問題。雖然「Mos Burger」的版本牛肉米漢堡「燒牛肉珍珠堡」裡面的牛肉，只是一般的薄切牛肉，而不是任何的「牛腩」或者「牛」，但是「燒牛肉珍珠堡」裡面的牛肉製成品口感不會太韌，而且牛肉裡面也沒有筋。「燒牛肉珍珠堡」再加上份量不算非常多的甜味燒汁，牛肉加上醬汁再加上米飯製成的米漢堡，已經變得一個可以滿足個人心癮的「Mos Burger」版本「牛肉飯」。「烤牛肉珍珠堡」裡面的米飯份量雖然不算非常多，但是已經能夠滿足我在晚上，一定要食完「牛肉」「飯」才能滿足的要求。「珍珠堡」裡面的米組織雖然比較鬆散，但是換來「珍珠堡」裡面米粒的口

經過一番轉折，我終於完成「傷殘津貼」續期，跟港鐵裡面的延續「個人八達通」的「殘疾」人士身份手續。不久港鐵終於寄信通知我，可以前往各港鐵站裡面的票務中心，更新延續我的「殘疾八達通」身份和使用期限。換言之，我經過短期時間內，無法使用「殘疾八達通」進出香港九龍新界的苦況之後，我終於可以重新上路，以「殘疾八達通」價錢乘搭港鐵前往「屯門站」，延續我在「青菱徑」、「井財街」的光顧試食體驗。怎料我乘坐港鐵，沿着「東鐵綫」前往「紅磡站」期間，列車去到「旺角東站」就忽然停下來，列車裡面的廣播說由於「紅磡站」仍然關閉，所以列車暫時無法前往「紅磡站」，我也被迫在「旺角東站」下車。跟著我又發現，想折返「九龍塘站」，轉乘「觀塘綫」跟「荃灣綫」，在「美孚站」坐港鐵沿「西鐵綫」前往「屯門站」，就算「殘疾八達通」轉乘優惠仍然有效，去到「屯門站」恐怕為時已晚，轉乘優惠已經失效。所以我放棄了前往屯門，選擇在「旺角東站」上面的大型購物商場「新世紀廣場」五樓的日式超級市場「一田超市」裡面食晚飯之後，就完結整日旅程，和乘車返回西貢好了。上到「新世紀廣場」五樓樓上的「一田超市」裡面之後，我在「一田超市」裡面不斷走來走去和反覆搜查

區內其中一間連鎖快餐店，但從各方面比其他略勝一籌。食物方面: 食材新鮮，無論係肉定菜都好juicy，而且肉味出，所有食物即叫即做賣相方面: 生菜切絲，漢堡每層分明，D料不會左一片右一片方便方面: 包裝大小適中，可以用某手機app 外賣自取，提高叫餐自取彈性價格方面: 價位比同類型快餐店的高，但水準質素一路keep得好，抵食過M記Score 平均分 <7.5/10>Taste 味道：*  *  *  *  Present 外觀：*  *  *  *  Decor&Hygiene 環境衞生：*  *  *  *  Value for $ 性價比：*  *  *  Service 服務：*  *  *  *  

早上在旺角區開會, 大概11時左右, 大部份餐廳早餐時段已過, 午餐時段又未到, 走走下走到了旺角新世紀廣場的頂層, 發現了這裏有一間一田日式超市, 內有幾間小型食店, 摩斯漢堡是其中一間隨便的單點了一個炸蝦漢堡($28), 漢堡是新鮮即叫即做的, 炸蝦熱辣辣, 配上爽脆的椰菜絲和他醬汁, 確實是快餐的一好地方順帶一提, 距離食店位於超市內有少量座位可提供以方便即買即食

同女朋友食佢最愛嘅mos burger。今次見到有新野，叫做富士山漢堡，最重要係薯條有紫菜粉，佢諗都冇諗就揀咗呢樣。富士山漢堡外貌都幾失色，同廣告上面嘅完全唔同。雖然明白理想同現實有好大出入，但今次都未免太誇張。味道方面算係不過不失，牛肉加薯仔呢個組合真係唔錯，牛肉嘅調味都幾好。不過試一次就算啦，佢嘅固定餐牌反而更加出色。薯條就真係唔錯，紫菜粉量多，亦唔會太鹹。同埋加分嘅係薯條真係熱辣辣，同埋好有薯仔味，令人好滿足。食完跟餐嘅薯條，我哋再買多一包薯條都用唔晒。如果呢個可以加入固定餐牌就好啦。

已經試了兩次,兩次都發現有問題本身見新開,心想質素會高D點知質素有好多問題,這間店完全無心搞回想當初這餐廳初來時水準之高,又由日本人處理食物舊時日本人處理時,食物品質出問題會直接掉,現在竟然出D咁差的品質,照賣比客食.......先講問題1,個包係凍2,衛生有好大問題我本身叫即整,個包睇住佢整,點知我一食,竟然個包即整都可以係凍佢整了5分鐘到,我睇住,我到手後一分鐘已經即食,但個包竟然可以係凍......我叫了一個牛肉包凍...........重衰過M記,M記個包都熱過佢地.............第二個問題,衛生好差我見到佢地整包個員工,隻手摸完生肉,又摸熟肉又摸個包完全無衛生常識你隻手摸完生肉,就直接整個包,超級唔衛生而且我發現其他客人竟然照食.......明明只需要用個廚房工具就可以避開隻手接觸生肉,佢地竟然唔用,直接用手摸完生肉就整個包.....好驚人評分我都唔想寫了,直接0分我無法推介一間衛生問題咁差的餐廳