MOS Cafe

Open Now

Now Closed

今次去左奧海城Mos Cafe叫左2個套餐雙層芝士漢堡包牛肉口感比一般快餐店更優，肉質更豐富，多汁吉列蝦漢堡包吉列蝦炸得好鬆脆， 又唔不油膩，我至愛👍炸薯條出名左大條又香脆凱撒沙律味道可以凍咖啡 X 2$143每次也滿足的漢堡包, 吉列蝦漢堡包和薯條也好膽， 雙層芝士漢堡包肉質好有口感📍大角咀海輝道11號奧海城1期UG層23&25號鋪

本身都好喜歡MOS Burger的澳洲和牛漢堡,晚上去奧運站分店,見到餐牌有幾種不同的口味選擇,兼漢堡又可揀選雙層,實在非常吸引.今次點了雙層北海道芝士和牛漢堡套餐,小食揀南瓜餅和凍咖啡,總共73蚊.雙層北海道芝士澳洲和牛漢堡~漢堡扒夠厚多汁,肉味濃郁有少許微鹹,要連同包和芝士一起咬下去才是至高享受. 芝士本身味道好濃,幾個小粒就能提升味覺和口感的層次,又無搶去原有牛肉的味道,綠葉角色演繹得非常恰當.北海道南瓜薯餅~ MOS Burger幾款小食中我最愛南瓜餅,外皮酥脆包著軟綿香甜的南瓜蓉,非常滋味又不油膩.最後一提是餐廳客人不多,唯好幾張空置的餐卓上都有水漬和少量油漬,整潔情況確有改善空間.

我強烈推薦Mos Cafe的吉列蝦堡，這道漢堡真的是世界級好食！每一口都能品味到鮮嫩多汁的吉列蝦，搭配著酥脆的麵包，口感絕佳。吉列蝦的鮮甜與麵包的香脆完美結合，給人一種非常滿足的感覺。另外，蜜糖芥末雞堡也是一個不可錯過的美食選擇。雞肉肉質鮮嫩多汁，加上蜜糖芥末醬的獨特調味，帶來豐富的口感和風味。甜中帶辣的組合讓人驚艷，每一口都非常美味。如果你喜歡吃副餐，我推薦試試他們的南瓜薯餅。這個副餐選擇非常獨特，南瓜的甜味與薯餅的酥脆相得益彰，讓人驚喜不已。吃起來口感酥脆，充滿南瓜的香甜味道，絕對是一個非常特別的選擇。最後，他們的薯條也是一絕！外皮炸得酥脆金黃，內部則保持著軟熟的口感。每一根薯條都非常美味，是一個完美的伴餐選擇。總括而言，Mos Cafe提供的食物品質非常優秀，吉列蝦堡、蜜糖芥末雞堡、南瓜薯餅和薯條都是絕對值得一試的美食。無論你是喜歡海鮮還是肉類，他們的菜單都能夠滿足你的味蕾。我肯定你會愛上這裡的美食，不妨去一試！

入到去好多張枱未執 跟住 我唯有搵啲執咗嘅枱 但係執咗嘅枱枱面同埋 凳都係污糟邋遢 又有啲汽水又有啲汁乜都有 檯面又有啲食物碎 啲職員執咗個盤但係佢哋唔會抹枱 跟住我見有個職員走去執另外一張枱嘅時候諗住 可以揀張好嘅 跟住個職員張張枱都係只會執枱 但唔會清潔 一個職員係咁第二個又係咁 連地下都有污糟嘅食物 成條薯條遺留喺張枱都唔理 我未去過一間mos burger係咁 之前去過其他區都唔見有呢個情況咁恐怖 呢一間我永遠唔會食 根本冇一張枱櫈可以坐到人 全部要自己清潔 啲職員就喺度吹水 都唔清理下 我心諗你都唔係睇唔到咁明顯嘅成條薯條喺枱面同埋一大堆食物碎跟住仲要張枱係濕嘅 我已經盡量搵一張好嘅坐低但係竟然情況張張都係咁 唔係誇張係真係咁誇張 我去其他地區未見過有咁嘅情況你仲要代表喺一間日本嘅餐廳點解會搞到咁呢 呢間分店特別係咁樣!?

夜晚唔想煮飯又唔想食得咁 heavy 嘅話嚟 MOS BURGER 就啱啦！餐廳座位同環境一向舒適闊落，一個人靜靜地溫書又得、一班人吹下水又得😌唔講唔知，MOS BURGER 最近推出左新嘅漢堡，用日本北海道七星米包住大大塊芝士照燒雞。七星米食落甘香軟熟而不黏口，TERIYAKI 照燒雞香烤惹味，配上香濃芝士同柚子胡椒粒，令味道更加昇華，肚餓嘅你快啲落去分店試試啦！😋MOS BURGER 而家推出全新app 啦！提供堂食落單同外賣自取功能，仲唔快啲下載落單🐻‍❄️🐻‍❄️評分：🐻‍❄️🐻‍❄️🐻‍❄️🐻‍❄️4/5

是日返office 加班，又想食罪惡野，又想食意粉。於是就揀左burger，同意粉套餐，佢個burger真係好mini，但牛肉味就好濃，好正，下次要叫個大嘅來食下先得。屬於意粉就剩返蕃茄意粉，普通水平。

這是早晨選項的雞肉漢堡另加黑咖啡。生葉很新鮮爽脆,包是凍的(冇加熱),雞肉漢堡排有啲似加入BBQ sauce 嘅雞肉薄餅乾。(食落去似美珍香蜜汁雞肉乾)咖啡OK水準,冇乜好講喇!😝😝希望有用啦!🙈🙈

MOS Buger通常都係午餐或晚餐食漢堡包今次就試下佢個早餐先奧海城呢間分店都幾舒服☺️☺️朝早十點幾都唔係好多人早餐款式分burger,plate,croissant我揀左吞拿魚牛角包🥐牛角包都幾鬆化👍🏻👍🏻吞拿魚嘅沙律醬唔會過多🐠份量亦唔係得表面先有食到尾都仲係有吞拿魚架👍🏻👍🏻同埋佢係餐包埋飲品不過呢間叫MOS Cafe見佢都有漢堡包賣唔知同MOS Buger其實係有咩分別架呢😛😛

今日又去食下午茶，因為今日落雨，所以喺商場裏邊食，去咗MOS Burger，佢嘅下午茶都好抵食，今次要咗個牛蒡burger，加Blueberry凍飲，另外就要咗一個拼盤，加凍檸檬茶，兩人份量嘅下午茶，感覺份量啱啱好，CP值高！😋

叫咗個特級和牛漢堡，但食落啲和牛肉冇咩肉味的，真係好失望！個人覺得麥記嘅安格斯牛肉漢堡食落比較有肉味。原本只想叫個包加杯汽水，但見套餐加埋小食比較抵，所以加咗個炸雞塊，都係一般喇！

疫情下，外賣成為常態，而這一天，外賣的地方就在這間 MOS Cafe分店。吃的是店裡的「自選沙律餐」（$50/5款配料），先在三款沙律醬汁中揀選了「柑橘醬」，然後就在店中提供的九款配料選擇中揀了「煙三文魚」、「雞肉」、「煙燻牛肉」、「蛋沙律」和「西蘭花豆沙律」五款做我的午餐。此外，還加了 $13揀了我喜歡的「粟米湯」，讓這午餐更豐富些。這色彩繽紛的沙律的「煙三文魚」、「雞肉」和「煙燻牛肉」各有兩片，不算多，可也不算太少，「西蘭花豆沙律」有很多白豆，雖然西蘭花又少又細碎，不過我在家經常都吃到西蘭花，就沒有甚麼所謂了，更何況，這沙律的西生菜十分爽脆新鮮呢！這沙律中還加了「合桃」和「藜麥」兩款超級食物，看來更加健康。柑橘醬酸酸甜甜的，好味又開胃。再加上味道濃郁可口的「粟米湯」，這一餐，真是既美味，又健康。

Mos cafe其實食物都係大同，最愛食一個和牛漢堡，同厚厚切薯條，仲要加個mocha latte簡直人生享受。Cafe比快餐好就係新鮮好多，包都係整🉐️好有心機，唔會散曬凍曬。

食過Mos嘅幾款burger，以呢個價錢黎講算係幾好食。當中我特別鍾意佢嘅魚柳包，塊魚柳都幾厚，唔似麥記紙咁薄，個沙律醬入面有生洋蔥，味道好夾又有口感。包類可以自由轉做set，可以揀薯條同者雞件等。佢d薯條係肥厚薯條，唔太脆，比較適合鍾意d薯條口感淋淋哋又厚肉嘅人。雞件較為普通，個人覺得麥樂雞好食 d。

想食漢堡包而又唔想食麥當勞嘅話，mos burger絕對係一個好選擇。平日Lunch time時間嚟到都唔算好多人，可以直接入座，記得要落左單先好入去就坐。個人最愛嘅係蝦堡，同埋好鍾意厚切薯條，可惜係冇得優惠價加購摩斯脆雞。

早前見好友推介，今日就一於來試吓；店舖不算太大，但見早上來幫襯的人客，大多是以外賣為主，可以坐下食的人，比例明顯偏少；真係店外排長龍，店內就有大量坐位。看過餐牌，本來也打算吃魚柳包($30)加粟米湯(+$3)，但以我的食量來説，實在太少了，所以改叫了這個「摩斯魚柳」($32)，份量多咗兩條雞肉腸和沙律菜，包就改為兩片多士；本想加多杯咖啡，但要另外散叫($22)，計過唔多化算，還是算了吧。多士應該不是剛剛烤好，唔熱帶韌，有啲失望；炸魚柳外層香脆，魚肉嫩滑，加上惹味的塔塔醬一起食，也是很不錯；粟米湯帶有濃郁的粟米香味，可惜湯汁攪得太溶，完全沒有固體，如可加上少許原粒粟米在內，相信口感上會更為出色。以這價錢來説是食得過的，尤其係好喜歡那杯粟米湯，超好味道。#摩斯魚柳 $32#粟米湯 +$3MOS Cafe地址: 大角咀海輝道11號奧海城一期UG樓UG23及25號舖電話: 29972879