圓貝 (景隆街) (Closed)

雖然天氣好凍但仍然唔會影響大家買嘢飲嘅慾望😬 呢間手搖店以健康養身概念為主，以椰糖、羅漢果糖、黑糖蜜、燕麥奶、杏仁奶、芝麻奶、巴西莓珍珠、奇亞籽蒟蒻、等各種天然食材取代一般茶飲店所用到嘅材料，希望減低客人嘅身體負擔🥰 假日去預咗大排長龍，唔想排隊嘅就建議平日先去啦～ 店員推介新年新出嘅「紫醉金迷」系列，所以就叫咗其中兩款試試～ Dazzling Jenga以杏仁奶為基礎，加入日本紫薯及黃薯蓉，再配上黑糙米蓉、芋泥蓉同活性炭珍珠🍠 入口綿密，層次分明，而且因為蓉多過水所以整體感覺似糖水多過一杯飲品🤣 好啱我一啖你一啖咁飲🙈另一款係Violet Velvet，口乾嘅話就比較適合飲呢杯😆 以少見嘅黑糙米奶為基調，上面有桂花碎同雲尼拿米蓋，而下面就係日本紫薯蓉同薑黃珍珠，口感幼滑，珍珠煙韌Q彈，味道甜而不膩，兩款都各有千秋～

相隔半年幫襯，中伏！懷疑是否轉了老闆，用料差左，珍珠唔同以前的珍珠，似出面一般珍珠奶茶店的珍珠用料，奶茶的味道沒有以前的香濃，少了奶味。以前職員是兩三個女仔，今次是兩個男仔，不如是否新人，以前的女職員較細心，我外賣，要拎走，會在杯面加上白色的膠膜，然後再蓋上半圓形嘅透明膠蓋，以防面口的玫瑰花濺起，但今次沒有！總之覺得味道同質素下降咗，沒有下次！

𝟙𝟜.𝟙𝟘.𝟚𝟘𝟚𝟚📌圓貝 (景隆街) (銅鑼灣)銅鑼灣景隆街2號地下D號舖🔎#hkfoodieat_銅鑼灣💸人均消費: $60內🌿評分: 4/5🈚️加一服務費餐廳分類🔖 #hkfoodieat飲品🧃食完餃子後突然好想飲珍奶🧋但其實已經幾飽唔係太想飲啲咁膩嘅飲品😥記得啱啱有經開一間用咗橙色同綠色做門面主色嘅奶茶店🔶呢間奶茶店就係主打用植物奶製作奶茶🙌🏻而且有非堅果嘅植物奶可供選擇🍃好貼心咁照顧埋堅果敏感人士嘅需要🌸仲係低糖配方而且冇人工添加糖所以係連糖尿病患者都係適合飲用㗎🙀𐂂 圓貝之戀 ($36) (P) 初嚐植物奶茶系列🥳玫瑰花瓣加上奇亞籽同埋活性碳珍珠配搭嘅奶茶口感非常豐富😌燕麥腰果奶嘅口感非常順滑完全冇顆粒感🥰本身對植物奶印象唔太好因為之前買過覺得佢好難飲🤢不過呢度嘅奶茶唔會有嗰啲奇怪嘅植物味😹飲落亦都完全唔膩👻活性碳珍珠口感亦出奇地唔錯🎃食落覺得佢有啲似麻糬嗰種煙煙韌韌嘅感覺😎可能係因為佢係低糖配方所以珍珠都係唔甜的😳奶茶嘅甜度算幾適中而且玫瑰花茶嘅茶底都好香🌹整體嚟講係幾夾幾值得一試✨📍其他分店位置#hkfoodieat_鰂魚涌 #hkfoodieat_灣仔 #hkfoodi

之前都試過呢間純素珍珠奶茶店，好欣賞佢哋係從想飲珍奶又驚飲得多唔健康嘅角度出發最近出左秋冬系列，有棗秋篇嘅圓貝綱目🧋棗杞桃膠雪蓮薑奶茶呢杯好啱我飲，好鐘意，平時自己都鐘意薑味、紅棗味，好健康養生嘅感覺呢杯以紅棗奶茶作茶底，入口有順滑椰子奶泡，有紅棗天然甜味，仲有生薑味，啱晒我咁怕凍嘅人暖一暖最後仲有我一樣咁鐘意嘅桃膠、雪蓮、原粒紅棗、枸杞，可以安神改善睡眠🥤黃金定栗有金栗燕麥奶、甘栗、燕麥脆脆，口感豐富有堅果味栗子有維他命、礦物質，可益氣補腎、養胃健脾、改善消化🚩圓貝 (銅鑼灣) @motherpearl.world 📍銅鑼灣景隆街2號地下D號舖

本身係會員，今個禮拜諗住試下冬日新飲品，點知中哂伏。我平日都甚少寫食評，寫親次次都有D野(中伏)，而且多數都不被批文。今個禮拜在銅鑼灣試左3杯熱飲，其中2杯好淡唔夠熱。1. 金栗燕麥奶 $44/大原價買。唔記得影相。呢個夠熱，但係好淡，無咩薑黃味，活性碳珍珠原來係無味(唔知食緊D咩咁QQ彈牙)2.  棗杞桃膠雪蓮薑奶茶 $38/小諗住有優惠就試下佢2款新熱品(2，3）。拿上手紙杯已變成微微暖，料係非常之少，有薑味，原粒紅棗，但蓋哂奶茶味。3. 金薯棗杞桃膠奶茶呢個D料足過第(2），有原粒紅棗。 溫度又係微微暖，又淡，唯一好既係有層椰子泡(有少少甜)。希望今次可以順利出post。

平時行街都會買茶飲，見到sogo後面呢間mother pearl好似幾健康咁，就試下佢地既茶飲啦，揀左個大杯裝既圓貝之戀，可能剛開鋪無耐只有一位店員，而咁啱接左張大單可能有啲壓力，所以我都預左等既，我亦好有禮貌咁話如果要等既我可以先落單，再係附近買外賣之後再返黎拎，點知佢就好大聲咁話，唔好行開呀我而家整你嗰杯先喇，第一次買問佢有無手抽，佢勁無禮貌咁話: 你要咪比你囉😒茶飲係好飲既不過服務態度咁差，好難會再回購😤

星期五Happy Friday試下新嘢，點知就中伏。心想珍珠奶茶可以有幾差呢，況且“圓貝之戀”應該是signature?點知一打開，眼珠都凸🤪不能說圖文不符，只能說是毫無關係。已經額外加咗珍珠，點知蝌蚪一樣的幾粒好快無咗，大海撈珠未遂，唯有當水咁飲嗮🤣一班人一齊叫，結論是熱嘢全軍覆沒，辨認唔到是邊樣嘢，甚至想否認是自己叫果杯。凍嘢未至於好差，但同圖片差亦好遠，只能說呢間的PR photo影得十分優秀，於是打電話比鋪頭，提咗佢下次唔好影咁靚🫣

今年夏天真係特別熱，想飲廢水嘅慾望比起往年都要強🥵 但係又怕肥，除咗我介紹過嘅唇茶，其實仲積極發掘啲健康廢水😆 今次行過銅鑼灣見到呢間裝修幾ig-able嘅手搖飲品就試吓，估唔到幾有驚喜🤪今次嗌咗杯圓貝之戀 ($36)✿ 奶茶底係用燕麥腰果奶同祁紅玫瑰茶調製而成，茶底都幾滑，有淡淡嘅玫瑰花香🌹加埋面嘅玫瑰花瓣❀ 賣相加返幾分🥰 特別在於呢間嘅珍珠係活性炭珍珠，冇平時啲黑糖珍珠咁甜🥳 除咗珍珠，佢仲有啲仙草同奇亞籽，所以成杯口感好豐富😝加埋啲superfood感覺都幾健康(⁎⁍̴̛ᴗ⁍̴̛⁎) 佢default係半糖半冰，所以唔會好甜，自己覺得呢個甜度啱啱好，唔會太heavy😛舖頭天花裝咗好多波波燈，自己覺得都幾ig-able🫧佢哋仲有好多又健康又靚嘅手搖飲品，望落都幾吸引，下次經過都會考慮再買✧*｡٩(ˊᗜˋ*)و✧*｡

之前行銅鑼灣成日都見到呢間賣健康飲品既茶飲店，有好幾次想試但又驚咁健康既野會唔岩我口味🫣 但今次因為返緊工同事係外賣平台order, 佢地話之前飲過覺得好飲，所以就膽粗粗打算試下😋😋我打開個menu 見到杯杯都$50-$60😱不過點都要試下既加上我同事大力推薦，雖然好多選擇但我都好快決定到飲咩，因為我個人本身都幾鍾意芝麻既味道，所以我就order 左杯黑糍芝麻。收到時覺得杯飲品幾靚同想像中一樣，飲既第一啖就飲到好香濃既芝麻味，仲有啲煙煙韌韌嘅嘢，應該就係純素麻糬，不過睇張Menu介紹話有活性炭珍珠，但我好似完全飲唔到🧐🧐 成杯飲品既甜味都係來自啲黑芝麻，所以飲之前記得攪勻，如果唔係就會有啲甜有啲冇味👻overall 來講，試過就👌🏼 一來價錢真係比其他茶飲店貴，不過都明白既，因為人地用既材料點都會有唔同。二來就係我唔係健康人士，所以都係飲返啲冇咁健康既野😜 但如果你唔想飲咁甜，而又間中想放肆下，就可以飲呢間啦🤩

🥤百果之香🥤：💰$52巴西莓珍珠係冇甜味，偏諗，有椰果，成杯都好多野咬，可以增加飽肚感，沙冰芒果重味啲好似smoothie 。🥤黑芝麻抹茶🥤：💰$42成杯比芝麻糊搶晒味😂個底有好多芝麻碎…飲到成排牙都係黑色…就飲唔到抹茶味,而辣木珍珠都係無咩味。.好味程度：⭐⭐抵食指數：⭐環境指數：⭐⭐⭐

買了2杯，一杯是抹茶蓋紅豆，用了羅漢果糖做的飲品，飲到羅漢果味，幾特別，唔難飲，抹茶配腰果奶，再加紅豆及巴西莓珍珠，整體來講係好飲的！另一杯同事試了鳳凰茉莉米蓋，茉莉茶配羅漢果JELLY，羅漢果糖剛剛好，唔會好甜，同事話好飲，值得再試

以家人人都話要食得健康啲，要少甜。但係一到買珍珠奶茶類，大家通常頂多都只會要微甜。呢間就唔同啦……佢冇糖㗎所有啲飲品。唔使叫少甜。超健康。成分都好有營養又好味。每杯飲品在menu 上都有詳細介绍成分。我嗰杯就有薰衣草碎,薰衣草米蓋,薰衣草烏龍茶,燕麥腰果奶,奇亞籽,活性炭珍珠。飲落紫色部分好濃厚的薰衣草味。一啲都唔會覺得似藥水。茶低有茶香。珍珠唔會好似平時咁甜到叫救命，剛剛好。整體我覺得好飲。唔會覺得飲完要點做gym或節食。

因為標榜純素同用健康的糖，所以同同事們慕名一試，試完大家都有點失望，配方有很大的進步空間。。。我地試左6杯：1. 圓貝之戀：感覺不到茶香，植物奶味甚淡，珍珠少2. 非常可仁：一杯樸實的朱古力植物奶，沒有半點驚喜3. 姜粉烏龍：香氣像白切雞的姜蔥油味，口味淡4. 黑蜜香芋奶：芋味濃郁，珍珠少，口味淡5. 雪燕山茶：質感啫喱，像膠原飲，但沒有半點甜度6. 鴛鴦2.0: It tastes good...總結：唔可以用一般植物奶產品去理解的手調飲品。適合想飲珍珠奶茶但要求超低糖，低碳，vegan的人士。

銅鑼灣純素珍珠奶茶新店 最近仲每日送出100杯珍珠奶茶 活動做到下個月 月中 純素奶茶香港比較少見 而且主打健康 有興趣一定要去試下呀.⭐️圓貝茉奶茶佢地用左鳳凰茉莉花茶 加燕麥腰果奶👍🏻飲落茶味幾清香 唔會搶左奶味👍🏻活性炭珍珠 奇亞籽 佢地珍珠細細粒 好好咬⭐️白雪栗子米蓋 呢杯係冬天限定雲尼拿米蓋 杏仁奶 低卡酮糖 活性碳珍珠 栗子蓉🤔因為攪勻先飲 雲呢拿米蓋唔太覺👍🏻主要栗子蓉甜味 感覺呢杯夠甜 設計應該偏低卡鐘意栗子朋友 而且減肥朋友 呢杯正呀.#圓貝 (銅鑼灣)地址：銅鑼灣景隆街2號地下D號舖.⭐️評分：味道：3.5/5環境：-/5服務：-/5抵食：3.5/5

平時飲開珍珠奶茶都要忍下口，最多一個禮拜一杯🥲飲完又覺得好肥好漏🤭今日經過銅鑼灣，見到寫住vegan珍珠奶茶，真係第一次聽！終於試到純素珍珠奶茶🧋佢用左植物奶，純素珍珠，冇添加，飲咗都冇罪惡感，好健康🤪飲落一啲都唔覺得係植物奶，仲有啲珍珠係正方形😍好特別！啱晒我呢啲想過吓口癮，又怕肥嘅港女🤣 銅鑼灣店嘅裝修仲好適合打卡添😎銅鑼灣分店新開張，每日100杯都係免費! 做到一月中咋 !圓貝📍銅鑼灣景隆街2號地下D號舖