屏山跑車餐廳

Open Now

Now Closed

特意駕車由粉嶺到元朗想試下啲避世啲既地方食野.選擇左屏山呢間跑車餐廳.um 野食方面我可以講句不過不失.無咩大驚喜.pizza 係比較上有特色 個底係用類似煎餅底既材料去整 上面啲芝士 濃郁好食. 肉醬意粉咸味比較突出. 少左平時番茄既酸酸甜甜既味道. 牛扒雖然無影相 但係食落口果時生得黎又唔會出晒血水 黑毛豬肋條 我本身以為係一條條有骨但黎到之後就類似燒肉咁 入口係濃郁肉味但就唔係rib 係我自己誤會左btw朋友玩果張櫈玩得好開心氣氛都好 適合朋友聚會暢談

今日特登去到屏山睇車，點知就比我發現咗呢間跑車主題嘅餐廳，成間餐廳裝修到非常特別，仲有好多關於車嘅資料，而座位亦係跑車座椅，覺得非常特別，餐廳門外仲有幾步古董嘅車供給食客欣賞餐廳不算太大但坐得非常舒服，職員仲非常細心一坐低就放低兩杯暖水大大朵的大啡菇$88,肉厚、鮮味又多汁，表面鋪滿厚厚的蟹肉！然後灑上芝士焗至金黃，香軟富蟹肉鮮味，啖啖蟹肉及蟹膏，每一口都有濃郁的蟹肉鮮味，仲好creamy！一件釀了餡料鋪滿芝士蟹肉的大啡菇，即使是食肉獸都很難抗拒香煎鵝肝配黑醋汁$128, 鵝肝煎到非常香口，而味道仲好香甜，鵝肝煎完之後留有好多嘅鵝肝油，口感軟綿綿，煎到金黃色，食落夠晒香口，配埋旁邊嘅黑醋汁，平衡左鵝肝嘅味道，增加左味道嘅層次黑毛豬鞍$228,煎至金黃色，入口帶有獨一無二橡果香味，擁有大理石紋般的油花，使人唇齒留香，肉質細膩，肉味濃郁及鮮嫩。 豬鞍肉質鬆軟而嫩滑無筋，肉味香濃多汁，近骨位置油脂豐香，配菜菠蘿片，酸酸甜甜， 十分開胃，非常健康，廚師值得一讚！焗羊鞍扒 $228元,羊鞍扒分量好多有四件,配上醬汁同埋薯條,羊扒醃得非常入味,羊肉味好香濃,完全唔會有騷味,羊扒焗到啱啱好,肉質好嫩

今日跟舅父車去元朗食，原本去對面食，不過要等位，所以行下~~2個仔一睇到架跑車就話想食呢到🤣咁啱有佢哋鐘意嘅意粉同pizza賽車手pizza 呢個係幾好食嘅！超拉絲芝士💕係超薄底，但唔係脆嘅，軟pizza底肉醬意粉一上枱🤣我就同舅父講，唔夠再嗌😅因為好大個碟，好細個窿🤣不過我哋2大2細，叫咗2個lunch set,加一個side dish ，再黎個甜品，其實好飽。講返個意粉，佢係用幼少少意粉，我覺得好好食呀，肉醬嘅份量夠撈均成個意粉麥拿侖朱古力跟餐加$20，其實係俾佢個名吸引，我覺得…其實可以唔加但好飲嘅..都係為咗小朋友賓利特飲即係fruit punch，個人覺得嗌黎係for打卡🤣炸魚薯條個炸魚有鹽醃過，有啲鹹味。炸得幾脆薯條要快食！因為凍咗，冧晒唔好食，會回油。個魚柳醬都好食！有啲creamy感覺南瓜湯大仔發現，用牛角包點南瓜湯係勁好食！🤣牛角包佢哋會再用焗爐焗熱，幾好！鬆、脆、軟，都食到美國yogurt cheesecake呢個我個人覺得抵食嘅！因為真係好好食！初初想嗌tiramisu ，姐姐話幫我望下仲有冇，但冇又冇同我哋講返，我食完再追問先知冇晒，問我哋轉唔轉其他，大仔話想食

跑車主題餐廳車迷必去成間餐廳以跑車為主題同埋裝修，有好多車既資訊，座位亦係跑車椅，餐廳外亦有幾架古董車可以大開眼界！🌸香草蕃茄黑毛豬意粉$88 ⭐️⭐️⭐️⭐️☆蕃茄味香濃偏酸十分開胃，黑毛豬塊亦十分多，每啖都能食到黑毛豬，同埋煎到脆卜卜，吃落口也不覺油膩。但意粉相對較少，不過意粉煮得軟硬適中又不錯的。🌸炸軟殼蟹墨汁意大利飯$88⭐️⭐️⭐️☆☆只有4分1既軟殼蟹，性價比比較低，不過都炸得十分香脆，墨汁意大利飯夠creamy 而且都幾大碟，食完都幾飽下。🌸賽車手薄餅$128⭐️⭐️⭐️⭐️☆有咸牛肉、辣肉腸、火腿、蘑菇、芝士，薄餅底的，夠脆，口感層次豐富，而且有香濃千島醬配搭。🌸意大利芝士蛋糕$48⭐️☆☆☆☆這款咖啡酒味不重，忌廉層唔夠滑身，不會再叫。🌸美式芝士餅$48⭐️⭐️⭐️☆☆不過不失啦！芝士味太重味，而且有點溜。🌸麥拿倫朱古力特飲 跟餐+$20⭐️⭐️⭐️⭐️☆呢杯重朱古力而且有一個獨特味道，傻婆r都幾中意，而且飲落好滑好香濃呀！🌸瑪莎拉蒂特飲跟餐+$20⭐️⭐️⭐️⭐️⭐️呢杯係薄荷朱古力味，好飲呀！薄荷味清新但不會搶左朱古力既味道！傻婆T超鐘意呀！🌸餐湯餐包⭐️⭐️⭐️☆☆餐包係牛角包，正正常常。餐湯係蘑菇湯，蘑菇味十分重

✨🎊🎉結婚週年記念🎉🎊✨同老婆黎擦餐飽，今晚黎到包場😁，坐得好舒服，黎過幾次，週末假日都幾多人，所以可以嘅話都係揀閒日黎好啲。食物一如既往，超好食就唔講得，不過不失啦，保持到水準。磨菇忌廉湯：磨菇味好出，唔錯😋溏心蛋煙三文魚凱撒沙律：如果溏心蛋暖暖地就好喇，煙三文魚同沙律無乜特別😊。牛肋骨配薯角：賣相無得頂👍🏻，味道都可以，薯角好味道😋。夏威夷薄餅：我次次黎食都會叫薄餅，我覺得呢度啲薄餅好好食😋，可惜只得2款😅。總結黎講係唔錯嘅👍🏻👍🏻👍🏻。

今日好好彩😁去到吾洗排隊 然後即刻落左個最鍾意嘅卡邦尼意粉🍝，等左10分鐘已經有得食啦 吾洗等好奈😍意粉火候恰到好處，🤤🤤🤤 意粉彈牙有嚼勁🍝足料好味又不失意式風味🇮🇹 最後飲埋杯 保時捷oreo朱古力咖啡特飲🍹 飲完簡直好似渣緊波子咁 好暢快🏎️👏得閒過梨超下都吾錯架😋😋😋

早幾日老公🤴🏻生日，帶埋兩個小朋友👨‍👩‍👧‍👦一家人去屏山試吓依間裝修好特別嘅跑車餐廳食晚餐慶祝，個賽車手薄餅🍕好好味又受小朋友歡迎，我就嗌咗份牛扒🥩，老公就嗌咗個豬鞍，真係好好食😋，上菜速度適中，唔會一次過上晒全部野，最受小朋友歡迎又好味嘅都係不得不讚嗰三杯特飲🍹🍹👍🏻👍🏻，未埋單兩個小朋友就已經問我幾時再嚟過☺️

香港少有特色用跑車便主題既餐廳，pizza脆得來 皮薄喊靚 意粉軟硬度岩岩好 再聽餐廳老闆介紹 大廚係五星級酒店出身 試過就知味道唔係一般食完野想行下仲可以去後邊車行參觀下老闆既珍藏周超跑，一次過滿足哂幾個願望

叫咗一份牛扒，等咗超過半個鐘都仲未有，跟住同我講話煎緊，痴線的，我住附近嘅，想話試吓好唔好食，，呢間嘢又貴，又要等到2046先有得食，真心希望大家趕時間嘅就唔好去了。如果唔係，我諗大家會發脾氣！嘢食都叫還可以，不過我見好多枱都係咁，我見其中一枱客，都有問，點解咁耐囉，真心我一定一定一定一定無下次，如果同我老公嚟嘅話，我老公一定發脾氣，佢係一個勁無耐性嘅人，個侍應話因為好多單，所以先咁耐喎。。。。。。

上餐慢 waiter唔識睇單一直漏 叫咗個墨汁意大利飯整到成pat水泥咁款 凍檸茶唔凍要自己加冰 明明入面冇乜人話入面有人book成32度要人坐出面去到食完入面都係冇人坐

星期日仲要係遇上一連幾日嘅復活節假期，下午一點幾黎到，有心理準備要排隊，但好彩有位唔使等，不過就係坐室外。我見在座無食煙嘅客人，今日天陰涼涼地，加上疫情期間坐室外空氣流通d，又對住文物徑的古建築，仲好啦。講返食物先，餐包用牛角包好似係呢度嘅特色。但好可惜，個包唔熱又唔脆，仲要有少少濕氣同埋變韌咗😓落單時店員無介紹今日係咩餐湯，我諗住無得揀都費事問啦，送上枱先知道係磨菇湯。唉…又係令人失望之作。唔夠濃郁都算，但罐頭湯d粒粒都攪唔勻，唔得囉。到主菜喇，揀咗好多食評推介嘅燒豬鞍扒，終於攞返分少少分。賣相同味道都唔錯，一上枱就聞到豬鞍的燒烤味。薯條達到基本要求，熱同埋脆。切開豬鞍，邊位第一件，入口幾爽，有少少厚切豬頸肉的感覺，中厚部份就無咁爽口，但都ok, 唔會實的的，配搭燒菠蘿同埋蘋果蓉，就會無咁乾，酸酸甜甜惹味又開胃。餐飲加10蚊配即磨咖啡，味道都ok，但崩口杯又忍唔住要扣番分。而且落單嘅時候，店員問我餐飲幾時上，本來仲想讚服務細心。我話同食物一齊上就可以了。點知個主菜食咗一半都未上，仲要另一店員拎住一疊單出黎逐枱reconfirm 餐飲嘅orders 。主菜食完喇，比我遲來嗰枱客催餐飲，

週末想嘆返個Brunch, 找到這間特色餐廳！這間餐廳裝潢全都跟車有關，坐的是車的座椅，玻璃枱用車胎砌成，別有一番風味！.🍖燒豬鞍扒豬鞍大片及肉厚，配上燒菠蘿及果蓉做醬汁，令到豬鞍香甜，味道更好。還有少量的烤蔬菜及薯條，建議薯條分開擺放，因為醬汁的影響，欠缺香脆口感。.🍚蘆筍蟹肉意大利飯口味清淡，有奶油香。之前食過偏硬的意大利飯，說這樣才正宗，這間的飯就不會太硬，符合口味！.午餐都配有麵包、湯及餐飲，食完非常滿足！

星期六唔想落元朗市區逼，同屋企人入咗屏山食午餐😋估唔到餐廳都坐滿人，好彩等咗5分鐘左右就有冷氣位，唔洗熱辣辣坐户外🥵室內位少少逼，但幾有特色，每個位都係車seat😂幾有feel🏎飲食記錄：燒豬鞍扒午餐今時今日，我無諗過仲可以用118蚊喺cafe食到好味嘅豬鞍扒set lunch🐷切嚿豬鞍扒睇睇，肉質唔乾唔柴，仲要juicy㖭🤤塊扒簡單用咗黑椒同鹽灑咗係面，食落少少咸香仲有豬味😋唔點蘋果蓉食都好夠味。講返蘋果蓉唔會太酸或太甜，點吓豬鞍扒食都幾清新🍎side dish有翠玉瓜🥒大大片菠蘿🍍加大量薯條🍟午餐set仲包一個牛角包🥐一碗餐湯、一杯嘢飲，感覺好完整～飲品我揀咗熱咖啡，無加錢揀即磨咖啡☕️難得嘅係，跟餐咖啡嚟講，依度杯咖啡ok ga wor！唔苦唔澀唔smoky👍🏻

昨日見電視介紹呢間餐廳，今日就來試下啦！好容易就會搵到呢間餐廳，因為門面有架紅色車🏎餐廳對出都有好多跑車，實見到！可惜無book位，只可以坐出面喇！叫左兩個午餐，先黎餐湯同餐包：忌廉蕃茄湯+牛角包個人覺得個湯酸左少少，但大熱天時有呢個湯都幾開胃，牛角包就一般，唔係脆身既。仲貪得意叫左個麥拿倫朱古力特飲（套餐加$20）味道就係普通既凍朱古力囉。主菜係香草蕃茄黑毛豬意粉，個汁就一般，不過個黑毛豬真心唔錯！另一個就係Margarita pizza 🍕 超有水準！總之好味啦特式餐廳黎講價錢唔算貴，野食都唔差！

午餐都要book位，真係第一次牛角包作為餐包，暖同鬆軟，都合格以上賽車pizza, 薄肶餅底唔錯，鍾意食芝士既人可試下，但我唔鍾意食芝士豬鞍餐，薯條係勁粗又夠熱，好食，豬鞍係合格以上，都有豬味，唔太un凍檸茶好好味，本人對檸茶要求好高，有檸味有茶味，夾得好好蕃茄湯，太酸，酸到無飲