牛涮鍋 (Closed)

之前有3人同行2人價錢既lunch優惠約埋d同事一齊去恰下呢度有一樣野令我非常喜歡....就係新鮮佢d配菜真係好正 就好似有金菇,,生菜,,娃娃菜,,草菇,,白蘿蔔片,,蕃茄,,栗米....我地叫左泡菜湯底 味道唔會好辣好適合香港人口味而且我真係好喜歡娃娃菜配泡菜湯底 感覺猶如食新鮮整既泡菜 熱辣辣xppp另外 油揚都係推介架 質感有少少似中國既生筋 好快就熟索左d湯底既味道就更濃郁 如果喜歡澱粉質既人 呢度仲有烏冬 泡菜湯烏冬都係一流!!哈哈 我真係十分喜愛泡菜湯底 最重要亦都唔少得豚肉同埋牛肉啦 薄薄既一片會令到你更想食多幾口如果喜歡食肉既 就要選擇任食啦 哈哈除此之外 原來citi bank都有優惠架 真係好抵呀!!!黎緊既冬天呢間moumou應該係我既開飯首選!!

過去的星期六已沒有什麼`特別節目,好好休息了一天,難得的星期天什麼也不用做,雖然在減肥中,可是晚上也去食一餐豐富的~之前在荃灣吃過牛涮鍋實在太好吃,所以決定了就牛涮鍋為了不等位我和男朋友6點就到了我們叫了兩個$118的牛+豬之前在荃灣吃過高一個價錢的好像和$118的沒分別所以今次就以為可以叫$118但怎料牛非常的肥美,不是不好吃只是不適合正在減肥的我如果我知道,我一定選其他的總言之~好似無之前咁好食不過比起中式打邊爐還算扺食的~

之前已經食過一次過得幾好味成日都心思思想食最近見開始有少少涼意, 就同兩個fd黎食一點去到間店, 等左十分鐘到有枱本身都已經勁肚餓同fd一坐低就開餐叫左三個set, 兩碟牛一碟豬, d牛可能薄左少, 但以咁既價錢都ok上次試左海帶湯底, 今次就叫左個泡菜湯底試下泡菜湯底好好味呀, 配年榚同埋生菜一流同埋我最鐘意食個油豆腐皮, 吸哂d湯底, 勁好味><而且佢d自助配料真係樣樣都好新鮮,粟米超甜, d菜又好爽, 蘿蔔都好甜好入味仲要大讚下佢個芝士魚肉丸, 之前食無見過今次一食食上癮!!!好味過芝心丸, 好特別~~我同個fd一人食左起碼五粒, 食唔停口最後一輪仲食左烏冬同埋雪榚, 烏冬配個湯底一流, 同d fd都食左勁多至於雪榚呢, 我地因為掛住食個鍋食左好耐, d雪榚已經所餘無幾不過當飯後甜品都OK既埋單先知原來最近做緊個買二送一優惠, 本身個lunch set其實都只係五十幾蚊, 宜家有呢個優惠就更加抵食最後每人埋單只係$42, 勁抵!!!!!我同個fd都食到好飽好飽

試咗2次牛陣, 見到呢度又有間類似形式嘅餐廳, 一去試吓對比吓先~~~~原來世貿地下嗰層有個大TOUCH SCREEN 可以PRINT張 9折COUPON出嚟~~~大家要去就要攞咗先喇~~~入到去, 揀咗個鴛鴦湯底, 一邊豆乳一邊清湯, 不過2隻湯都冇乜味, 湯底嚟講都係牛陣好味d~~好啦~~~叫咗個上級牛肉set, 都係嗰句, 我見隔離又叫高grading d嘅牛肉set, 但我真係就咁用肉眼睇唔出有咩分別囉~~~~開始烚喇~~~~點知...............輸曬~~~~連牛味都係牛陣好味d~~~~下次都係去返牛陣, 唔會再幫襯呢間~~~~~

聽聞Mou Mou Club 的lunch set 十分抵食，今日便來抗一下通漲。果然＄57 一個 set 包一碟肉，配菜任食，百事， 七喜任飲， 又的確幾抵。湯底選了荳乳， 普普通通，牛肉約有十片， 質素可以接受。至於配菜， 選擇比較少，脆皮腸，魚蛋，洋蔥， 蘿蔔， 素麵， 也有烏冬，但質素很差， 入口如粉一樣。菜類很快被掃清， 但侍應不會自動自覺添加， 要顧客要求才會拿新的出來。論服務， 食物質素也不發牛陣， 只可以肯定吃到飽面已。

現在有很多這類日式涮涮鍋店，另一間已成為我的飯堂，偶爾也想試試其他，所以就來了牛涮鍋。那天很多人，等了一陣子才有位，由於店員人數太少，幾乎沒有人招呼我們，要三催四請才有人幫我們點菜，我都明白很忙，所以都算了，我是為了食，而不是享用這裡的服務。要了一個午市餐，包一碟肉，配菜任吃。當天的確滿座，所以自助食物幾乎都掃清光，又沒有人refill，每次也要等很久，真的很惱人!食物種類尚算接受，而且有我喜歡的年糕，所以特意一來，其他還有菜、烏冬、粟米、芋絲等等的食物，但可惜沒有南瓜。而那碟牛肉的質素是不能接受的....我懷疑擺放得太久，所以到我抬時已經變色.......味道怪怪.......問店員為什麼這樣，他只說因為每隻牛的顏色都不同，我也不想與他爭辯太多，所以都算數了.....到甜品時間，這裡的雪糕應該是牛奶公司，普普通通，但綠茶味很難食。這裡的食評其實都不錯，不明白為什麼我那天當黑...............不會再試了~

之前個月爸爸生日去左將軍澳個間ｍｏｕ　ｍｏｕ　ｃｌｕｂ慶祝～～諗住食好Ｄ～～一家五口叫左　”和牛涮涮鍋”　＄２４８／位，食美國和牛．第一碟黎嘅牛肉同豚肉都好靚架！！不過細佬真係太快手，我仲未影相，佢就撥左Ｄ肉落個鍋．．．但係之後個Ｄ．．．好多肥膏，要同佢講佢先會換Ｄ比較好Ｄ嘅俾我地．．．今次轉過地點～去ＣＷＢ嘅世貿中心！！聽左朋友講，去左ＷＴＣ　ＭＯＲＥ　２樓顧客服務中心攞ＣＯＵＰＯＮ，係＄５０現金劵，但係就要食＄１４８以上嘅餐先用得，２位可以減＄５０，４位減＄１００．今次就同男朋友同２個ＦＲＩＥＮＤＳ食，都係叫返＄２４８個ＳＥＴ，咁就可以比較下２間分店有無分別啦～～～提早ＢＯＯＫ左，但係都要等一陣，如果無ＢＯＯＫ的話，我諗肯定要等成個鐘，好彩～第一碟黎嘅肉，當然都係好靚啦，大家都食得好滋味，薄薄一片，好快熟呀～～但係大家都係度諗，之後個Ｄ未必咁正．第二碟終於都黎啦，嘩！大家都意外地講～～都係好靚ＷＯ～～唔通地點唔同，Ｄ材料都有分別？？？除左肉之外，我地都食左好多菜，黎平衡返Ｄ油膩感．雖然大家都食到好飽，但係因為佢有雪糕任食嘅關係，所以大家加埋，總共食左九杯～～　好ＣＨＩ　ＳＩＮ　呀～

之前做晒rearch, 知道7:00後一定要等位, 所以約了朋友6:30食, 好彩未有人食, 慳番啲時間!!! 我哋揀咗上級涮涮鍋, 上級牛肉, 豚肉 $148 任食90分鐘一入座就送一隻牛涮鍋牛牛.....可選鴛鴦湯底: 豆乳湯+和牛清湯, 豆乳湯幾特別, 好味....和牛清湯一般, 好普通..... 店員見冇湯都好快自動加湯, 係真係加湯唔係加水, 讚!!上級牛肉, 豚肉, 好新鮮, 賣相好靚...我不嬲都好鍾意食牛, 但呢到啲牛都可以, 但我覺得豚肉仲好味過牛肉, 淋啲, 好好味.....其他好味的有粟米, 好甜.... 炸魚旦, 菜, 呢啲都係自助的....雪糕都係自助, 雲呢拿, 朱古力, 芝麻, 豆腐, 綠茶, 五款選擇...但90分鐘真係太趕, 好多嘢都未嚟得切食, 烏冬, 冷麵都未食, 就要趕人走.....我朋友話真係嘢都唔好講, 淨食, 食完先講.......

朋友上次食完 今次介紹一齊來食,滿心歡喜地等. 6點尾等到9點先頭入座...真係等到腳軟. 但好彩等到個位係窗口位 見到夜晚咁清楚既海景真係抵番晒, 出面有一個區係專放D 菜,豆腐 麵烏冬, 同D 丸呀腸個D食物. 當然豉油 醋 芝麻醬 蘿蔔蓉就自己任溝~ 3個人都點了138$ (上等肥牛+豚肉餐) 用左上網列印既單 -100$@_@ 但要食138$ 以上先有 抵左好多, 雖然我唔可以肯定 138$ 比起108$既 牛係咪真係上等左 但上碟時份量同賣相都OK..昆布湯底 同 泡菜湯底一滾就放料入去煮,我地仲加左10$ 任飲汽水 (但原來係一杯杯侍應過來加 唔係自己去汽水機拿OR 一罐罐既) 湯滾加蔬菜類一齊滾增加味道, 粟米 紅/白蘿蔔 冬姑 豆腐 當然唔少得 再加埋D丸同肉好快就滾起, 豆腐非常滑,牛肉少肥嫩口 食落一D渣都冇, 豚肉都係,最開心係唔似出面D 肥邊多過肉...食落去好肥好漏個種.. 見到附近既人都係食差唔多既野,所以都冇咩好睇, 反而一邊食一邊望住海境好舒服, 限時個半鐘一邊番叫肉 (竟然唔走單) 實在食得滿足, 但係侍應有時落完單 轉頭又唔記得 要催多幾次 最後..

本人在6月17日晚上到銅鑼灣世貿分店食晚餐,7時半拿了籌,店員叫我們8時再回來才有位,最終8時回到去,但要多等半小時,8時半才有位...在時間方面實在預計得不好!食物水準一般,不知是否太多人,很多食物盤都是吉的....是次用餐,令到本人及朋友感到最不愉快的是店員的態度!我和朋友8時半入座,照理是可吃到10時...而9時45分店員拿單給我們埋,我們亦合作地付款...怎料在9時55分時,其中一位男店員用命令的語氣和我們說:"小姐,唔該你o地食快D,出面好多人等緊你地張枱!" 就憑呢句說話,一定冇下次!!!最令人不忿的是隔離枱比我們早入座及埋單,但是否因為他們吃最貴$238的餐,就可以坐耐點,而我們吃百多元我餐就要及早讓座和受到不禮貌對待!?

女朋友同我都口痕心癢想食火鍋食過幾次牛陣 今次決家轉戰MOU MOU CLUB同牛陣最低消費一樣(印象中)湯底揀左昆布同清湯 味道正路女朋友見到甜豉油就喜上心頭 用來點綴一下又真係胃口大開牛味亦都不弱 / 雪糕雖然唔係「哈根丹」不過食落都唔錯自助配料方面就較牛陣遜色 不過主要食牛既關係 哩個唔係重點要彈:SERVICE 麻麻.. RE-FILL 慢~ 可能係最後一ROUND D 哥哥姐姐做到散晒食到1050 就1100 收工 都唔見有RE- FILL 菜...正當同女朋友埋單執拾細軟之際 突然又捧住一大盤菜出現算了~ 熄晒爐都懶得坐返低食菜...

因為剪左報紙2個人減$100的優惠就10個人去食(總數減左$500)張單總數幾錢就唔知但最後每人就夾左$114分開叫左豆乳,清湯,泡菜,甜鼓油做湯底推介:甜鼓油都係粟米,丸,菇,蘿蔔,菜,年糕,金菇,烏冬推介:粟米---甜甜的...蠻好味比較特別的有素麵仲有甜品---自助雪糕叫左9碟牛肉同3碟豚肉(都唔記得係唔係...大概LA...)不過到最後3碟牛肉催左幾次先黎...仲要黎少左碟服務也算不錯...只係有時候想搵WAITER幫忙時,搵唔到...遲左都無催我地走...

記得第一次食牛涮鍋係一大班同事放工gathering .. 係cwb搵地方 .. 最尾係世貿見到依間野 .. 又係任食和牛shabu shabu既 .. 結果我地一致都agree去依間食喇 !!! 但係等既人實在係太多 .. 我地拎完飛都行左陣先返黎 .. 都仲要等一陣先到 .. 不過食完餐飯就覺得等多陣都值既 .. 我地一埋位 佢就上左兩碟牛同豚肉俾我地 .. 我地要左個番茄湯底同埋甜豉油 .. 兩個都咁正呀 !!!! 我地食班食肉瘦 .. 其實佢另外揀既送就唔算多 .. 但係目的都係食牛姐 ! 不過老實地我地都覺得其實豚肉係好食過牛的 .. 雪糕任食 .. 都算係咁啦 .. 牛陣有hagandez所以就貴d囉 ! xd不過主要都係食肉姐 .. 如果肉唔好食 .. 其他野好都無用 xd話90分鐘任食 .. 但其實我地食左一個中已經嗌晒救命 .. 宣告死亡 .. 不過waiter好好人無吹我地走 .. 唔知mattew仲有無做呢 .. 食得極之爽皮 .. 但係又唔貴 .. 真係開心 .. 一定會再黎 .. ( 其實已經去左好幾次 )

在銅鑼灣逛街肚餓又想坐好點的地方，便來世貿逛一看火鍋任食60分鐘，$52？抵到爆啦普通去吃個拉麵也這價，看到也有人在吃便進去一試第一印象，配料好少.........不過豆腐好滑!! 正!!另外有讚歧烏冬! 正! (不過refill得有點慢)還有素麵......不過這應是用冷麵食法 (應試麻醬冷麵？XD)因為看到冷麵，我想這烏冬和素麵都是十元商店的產品怪不得味道十分熟悉我這個烏冬王最後吃了4碗小烏冬有年糕試，頗有趣。不。過太細塊，很易不見了。油豆腐都好得意豆乳湯，初時開太大火，結果豆乳黏底，有怪味牛肉很不錯，不太肥，但不能煮太久煮到還有點紅色便要吃，否則會太老不過份量很夠，不會因才$52就很少有麻醬，正! 這裡麻醬不咸，加點豉油剛好想起在東來順一碗麻醬也RMB10!!! 這裡任裝，抵!包一杯飲品，點了凍柚子茶因太甜，再叫了杯水。柚子茶加了點水甜度剛好(又可以變大杯)這邊比較光，悠閑。待應也常站在店面，不會躲在廚房。走時遲了10多分鐘也沒來催我們付錢可能個個都吃任吃牛啦，配料區成日無人去而且見到有兩個好熟行的靚女一入去就在配料區拿一大堆，全程唔駛周圍行惟一唔好就係桌子太少，又不常收碟...

3月22號系我同honey既 1週年拍拖紀念日;;緊系食豪佢喇 ;)所以我同佢就簡左食牛涮鍋;;我地6點幾去到;無咩人,,又吾洗排隊就入去坐底左喇 坐熱左張鄧後,,就叫左個 $108 上級涮涮鍋套餐 (上級牛肉 + 豚肉)另外配料就要自己出去拎,,個感覺好新鮮,,好似去食自助餐甘;自己食幾多就拎幾多,仲好環保,,1 d刀吾會晒料 不過我個人覺得黑薯糕吾太好味,,可能我自己吾鐘意果隻味道喇 不過不得不提既就系嫩滑豆腐,,因為滑得泥仲保留到豆既香味;;所以我同honey都忍吾住口要再拎多個碗 > <呢一間我1定會再去食咖 ;)抵食得泥又有水準;雖然只系限你食 2粒鐘;;旦系講真 1.5小時就已經飽晒咖喇