牛涮鍋 (Closed)

以前都成日食呢間日式火鍋，不過多數揀較平價嘅牛，自從一次揀左價錢3字頭靚牛就落左坑，真係一分錢一分貨，靚牛食落去係鮮甜好多，油脂好均衡，令人一塊接一塊咁食落去，簡直係停唔到口

有陣時收工都唔知食咩好，見會員仲有積分我就快過期就不如食個日式牛肉火鍋。我哋就揀咗$198呢個任食嘅套餐，豬肉豚肉同埋雞肉都係任叫任點，仲可以出去自助區拎唔同嘅丸類同埋蔬菜類，款式都唔算少，丸類大概有五至六款，蔬菜就係一般嘅金菇生菜椰菜都會有，醬料嘅選擇都唔算少，有麻將豉油辣椒蒜蓉呢啲。讚一讚佢哋嘅肉類，唔會話剩係得第一頁係靚，質素都算平均，同埋佢哋嘅侍應將服務態度都好好加肉都會上得好快。食到最後仲可以食雪糕或者其他甜品，呢個價錢其實真係算唔錯

我第一次見識過火鍋店嘅雪糕係好食過打邊爐本身，入口即溶，未入口都秒溶！！D豆卜好神奇！食落去好似脫水海綿咁！味道仲有啲似苦瓜添！一舉兩得！至於啲牛就其實冇咩問題，普普通通正正常常咁囉，但係對促進消化系統非常好，我兩個朋友一食完即刻就有得屙，相信有便秘問題嘅朋友仔一食呢間野就搞得掂！服務態度算OK啦，香港人壓力太大啦，啲店員串少少都可以接受嘅！

一大班人食嘅嘢千祈唔好去,寫完紙仔擠入去仲要有勁大塊非透明嘅顏色板隔住,逼你一定要用安心出行,仲要逐個逐個睇返手機,搞到勁掃興,啲牛就一般般,出去出面攞嘢食仲有勁大舊冰,上菜速度算快,雪糕反而係最好食,去完呢次之後唔會再去

🌎我朋友最近生酮飲食，決定陪佢去食高蛋白質食物，今次揀咗牛涮鍋狂食牛牛，我哋都揀左level4 美國SRF和牛級放題！揀咗一個清湯一個櫻花蝦沙嗲湯。▫️一開始點了美國SRF 和牛，和牛級別既牛肉質，牛味香濃而且食落肉質腍滑，未至於入口即溶，之後再encore叫咗幾碟。呢個套餐仲有其他牛肉豚肉雞肉揀，之後逐一介紹。▫️美國上級牛胸腹：呢款牛肉較多脂肪，牛味不算重，食落比較有入口即溶嘅感覺。▫️丹麥皇冠豚胸肉：呢款豚肉肉質有彈性而且不會韌，食落都感覺到肉味鮮甜。▫️雞腿肉：肉質比較粗糙，沒有雞味，好似少少雪味，我只食左一碟。▫️仲有其他配料有丸類、豆腐、芋絲同蔬菜等 。任飲任食▫️最後，我揀左朱古力雪糕收尾，少少遺憾無乳酪雪糕..💵人均消費：$228✨環境衛生：7.5/10🙋🏻‍♀️推介指數：7/10

牛涮鍋是香港日式火鍋的經典品牌，食物質素和服務態度一直保持高水準今日和朋友來到九龍灣分店午膳，選擇了Lv2的90分鐘放題($128) ，有美國牛胸腹&丹麥豚肉&美洲雞腿肉，鍋底是昆布及黑蒜油豬骨在這個價位中，第一盤牛肉不錯，但加點的卻愈來愈肥，反而豬肉和雞肉更好食各種配料補充得很快，特別推薦新出的芥辣魚肉腸，芥辣味和芝士融合得唔錯。蘿蔔和蕃茄切得算薄，易熟又吸湯飲品種類多元化，甜品有分雪糕和小點。哥倫比亞朱古力雪糕不會太甜，帶點甘味。阿薩姆紅茶雪糕的茶味不突出，略為過甜

星期日同男朋友去打邊爐，呢間餐廳我哋已經幫襯左好多次，食物質素、味道亦一慣地好。我地大約十二點左右入座，唔知係咪落雨關係，唔算太多客人等位，但門外後生女侍應一開門接待左圍客人之後已經黑面不過都無損我地心情。等左大約五分鐘左右已經有位，位置就有少少迫夾。入到去招待我哋既另一位女侍應就相當有禮貌，解釋詳盡清晰。之後出左去自助區，仲發現有驚喜，食物選擇多咗，有花生麻吉燒、芝麻麻吉燒、甜不辣等等，試食左，幾好味但係始終最愛嘅都係佢嘅餃子至於甜品方面，紅茶雪糕係甜咗少少，但係都好好味今次我地選擇咗60分鐘任食，埋單都係$160左右，抵到爛，以後都會繼續支持牛涮鍋

今日放咗學之後，約咗朋友嚟九龍灣打邊爐。晚市有唔同嘅套簽，任君選擇。我今次揀咗第二平嘅套餐，有牛肉、豬肉、雞肉任食。牛肉質素唔錯，有牛味，厚薄適中。豬肉都唔會好韌、好鞋。雞肉有驚喜，件件都好大舊，好滑，好重雞味。裏面都有唔少配料，有好多丸同蔬菜嘅選擇。我覺得最特別嘅係佢哋有花生麻薯、芝麻麻薯同甜不辣俾我哋係湯底都滾。我第一次食甜不辣，原來係煙煙銀銀嘅。食完火鍋仲可以食甜品，除咗嗰啲小蛋糕之外，今次仲有兩款雪糕可以食，有牛乳同紅茶味，味道都唔錯。

試過好多日式火鍋，呢間牛涮鍋算唔錯！🤩湯底方面，二人入座可以8選2，我地簡左日式濃湯同辛辣豚骨湯。辛味辣豚骨湯可以追加辣湯醬，加左一次，辣味好到位！😋💡最精彩係肉！🐮美國上級牛胸腹、丹麥皇冠豚梅肉🐖，呢兩種肉非常易入口，薄之餘肥瘦平均，無乜筋位，吾會咬到牙肉攰，推介大家試下👏🏻👏🏻。想試份量少d，叫半份又得，好貼心😽！不足既地方就係，餐廳QR code 📲落單，但無wifi提供，如果手機訊號收到慢就好影響落單速度，不過，今次食呢兩款肉算係咁。👍🏻BTW，入座前要揀定想食邊個套餐，因為肉既種類、級數都吾同架！😗

星期六5:55pm 拎飛等10分鐘入得～提供酒精搓手液和探熱。每台都有版隔著～～湯底點了黑蒜油豬骨湯和蕃茄湯味（沒什麼蕃茄味，只有紅色），個人覺得豬骨湯淥牛比較好吃～選了lv5的和牛肩瘠肉 $278+1第一碟的又是最好吃的😂最嫩和最重牛味～之後點的美國S R F和牛比較瘦，肉質比較粗糙。牛肩隻肉不錯👍🏻也是偏向瘦肉，但不會太瘦/粗糙。至於牛空腹和上級牛空腹就是半肥瘦，味道差不多。另外，豬肉不好吃，很鞋口。#火鍋放題套餐 90分鐘任食 ，環境不錯，不會太迫。多款火鍋配菜和醬料（有柚子醋和黃金芝麻醬）自己出去挑選，不過很多都沒有蓋。炸魚皮、豬肉餃子🥟都不錯。另外拉麵是甜的😂不過口感跟港式日本餐廳拉麵也相似。 #自由斟 飲品款式也比較多😃除了汽水還有清熱飲和多款果汁🧃如要環保飲管需要加兩蚊一支#雪糕 #🍦 有西瓜味、軟雪糕、和牛奶雪糕 ，但是全部都是雪葩，不是雪糕，有點失望。#甜品 反而比較好食，呢款都不錯😂全部都不會太甜。全部都小小一份，不怕吃太飽～ᶘ ᵒᴥᵒᶅ個人口味評分：6.5/10

💛#支持良心餐廳💰汁煮豬軟骨飯 $36.8 (外賣自取)🤩抵到爛丼飯！最平嘅牛肉飯只需$29.3！又係一間窮人良心恩物！豬軟骨有3-4舊有2舊大大舊係有軟骨位 但除左軟骨位比較正常之外其他位肉質都十分乾柴 應該係近期食過最鞋最柴嘅豬肉🥵但都叫一啲都唔孤寒 有菜有全隻溏心蛋 同埋下面有汁 飯量都好多 唔會浸得好淋 都叫可以汁撈飯 粗粗地食返餐😎下次絕對會再幫襯 點解？因為個經理態度超好+有良心+抵食！🤩不過就一定係試其他款😂

美國上級牛胸腹放題，三年前初開的時候，要等個多小時才入座，現在疫情關係來到也不用等位了⋯已經來過3，4次，覺得現在的牛胸腹質素比以前都好，沒有以前那麼肥，刨到很薄的牛肉，入口軟滑不會靭，個人吃了六碟牛胸腹，都已經很足夠了⋯⋯但90分鐘時間吃真的很趕，拿飲品都要來回三，四次吧

呢到絕對對得住$1xx 呢個價位，指定肉（牛或豬或雞都得）同其他配料都係任食，當然都包括甜品同飲品。不過今次個湯底淡左D，四川麻辣還可以。最鍾意係有牛奶軟雪糕任食🤣要重點講下，呢到D 職員好有禮貌

叫左個肉骨茶鍋+烏冬自取因為屋企無微波爐唯有用飯煲整熱番但咁架價錢有肉骨茶食哦! 仲有+個烏冬已經好滿足 (^^)  套餐價 連 飲品 *(包裝雪梨茶) 一共 $53.7個經理好好人,同佢反映過少少意見佢都好接受始終呢個時勢最緊要食得開開心心

牛涮鍋 九龍灣 今日經過九龍灣淘大就想試下食牛涮鍋放題今次我同朋友叫咗個$179個個set 任食90分鐘 不過我地食到超時都無趕我地走😂係疫情下都有提供紙信封放口罩同埋有提供酒精 野食就出面自己拎 有丸 菜 芋頭 菇 番茄等等😇仲有啲拉麵 烏烏冬 拉麵 份量細細份 唔會好大份食麵飽牛肉質素都唔差 都幾大份 有肉味 但肥牛太肥 好易就好腬野飲有好多選擇 我覺得齋啡 朱古力 都好好飲但係啲雪糕就真係差啲都係要睇你本身鍾唔鍾意豆腐味朱古力味就真心好難食 可能係太怪 我唔太鍾意整體都好好食 有菜食都幾健康😏