牛涮鍋 (Closed)

農曆年之後一直疫情😷都嚴重。。香港出現咗打邊爐家族。。。所以牛刷鍋都曾經關閉了一段短時間。。但係佢重新開業我梗係再會幫襯啦不過實在有點失望為咗安全牛刷鍋降低一半座位招呼客人。。還用一些活動屏風間着。。。所有食物都唔可以再喺出邊自助領取。。。就算係辣椒蒜蓉蔥花都只能夠用平板電腦落order。。有店員送上。。。最失望嘅係冇咗任食沙律吧🥗。。如果我一開始知道冇我唔會入去食囉☹️☹️由於客人唔多所以餐廳投放嘅職員比較少。。所以用平板電腦落咗order之後有時要等很久才有人拿火鍋生料🥦🌽🍅🥔🥕🐷🐮🐔給我們。。特別係執碼的店員我覺得真係玩嘢囉。。。十分吝嗇。有些東西我特別喜歡吃特意落order時寫多一點。。但是職員送到來還是每樣得兩粒。。。是兩粒啊😵😵😵。。。明明寫了5份豆腐卜。。但送上來只得兩粒豆腐卜。。無論你寫幾多佢也只不過給你一份。。。感覺好像被別人限制取食物這樣便失去了放題的意思。。短期內我唔會再去啦🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️。。因為食得太沒有意思🤦🏻‍♀️。。甜品和雪糕也不能自己拿取又是在平板落order。。很多時職員漏單愛理不理🤷🏻‍♀️🤷🏻‍♀️。。要主動去催促才拿到食物感覺很冇

疫市下打邊爐，少少地2個人我覺得可以接受。呢間鋪做得唔錯，入去前量體溫，之後仲會提供信封入口罩。本身係自助形式，宜家轉哂用平板點菜，雪糕都轉左盒裝，咁就安心得多啦。肉質素唔差，如果食肉獸間唔中黎食佢幾碟肉都唔錯。有間板同唔識既人隔住，體溫過高又真係拒絕入店，所以都食得幾安心。甜品叫齊哂咁多款，但唔係樣樣好食，大家注意啦。

之前因為打邊爐家族事件後而暫停營業嘅牛涮鍋，今日終於重開九龍灣店。首先講下店面有咩防疫措施1. 入店前要探熱2. 入店後會派一個信封比客人放口罩（但就忘了派比我，要我出去講先有比）3. 枱同枱之間有易拉架檔住4. 飲品係自助形式，但其他食物例如拉麵、菜之類要用平板電腦落單5. 豉油要出去拎，但就無得混醬，葱、蒜果啲係無嘅6. 加湯都係自己去拎食完嘅感受係1. 因為所有除左飲品同豉油要自己拎，全部食物都係要搵人傳菜，而樓面得三個人，所以上菜速度慢2. 食物質素同以前一樣3. 因為食嘅人唔多，所以空間感幾好4. 不過食嘅時候要除口罩，有人咳兩聲都好敏感，食都食得唔太安落第一轉嘅食物我食左兩塊先影……牛肉第一轉嘅套餐菜

平日放工時間7:30到餐廳，已經勁多人排緊隊。等左差唔多半個鐘終於安排入座，係入咗之前餐廳職員會問定要乜嘢湯底同埋要邊一一個等級嘅牛肉。咁岩見到匯豐卡做緊美國特級黃牛有七折就覺叫咗呢一個套餐，連+1每人$300左右。擬人為可以一人一鍋湯底十分之好，我哋叫咗一個番茄湯底以及一個四川麻辣湯底。兩個湯底都不過不失。職員先上咗款澳洲和牛俾我哋，話係匯豐卡送嘅連埋一隻蝦同蠔，蝦同蠔都10分新鮮好好味，但係因為冇加錢食海鮮放題所以只係得壹隻。而佢嘅黃牛都幾香，油脂分布平均有肉味，略嫌切得太過薄，影響咗佢嘅口感。自助區啲蔬菜同埋丸類同其他自助打邊爐嘅差唔多，醬汁選擇都算多。如果要加牛哥話就會用iPad落單，牛肉上嘅速度都算快。厲嘅牛肉質素都算可以接受，但係有啲就會比較靚。唯一值得一行嘅就係佢所謂嘅海鮮，粒飯立貝有好多沙又細粒，如果蜆亦都唔新鮮，可以唔洗試。全晚最令人失望嘅係飲品同埋甜品。佢有部機係果汁機，我去咗針兩次提子汁出的手都只不過係清水。佢啲甜品根本係你唔會想去掂佢，而雪糕機又不停漏水啲雪糕十分之稀同水，可以唔使試總結嚟呢度食牛係OK嘅但係甜品飲品都唔okay

午飯時間淘大其實有唔同嘅選擇，但價錢一般都係$80左右。牛涮鍋喺淘大開咗一段時間，之前終於有時間去試。午餐嘅時候，你可以選擇叫一份豬/牛/雞或者海鮮，。我叫咗一份雞，雞肉算比較有質感，但略嫌細份。之後出邊有好多配菜可以選擇，亦都可以選擇食炒飯。食完之後仲可以有雪糕同埋甜品贈送，性價比算高。

一眾同事午市出黎食火鍋放題，揀左食美國特上牛肉餐，加埋coupon同積分等優惠，人均一百蚊左右，價錢真係好抵，哈哈，可以瘋狂食牛肉！由於有成十個人，訂左枱都要等一陣，咁一有位即刻爭取時間拎飲品同其他食品。飲品有汽水機同熱水，拎左杯提子味汽水，激甜...湯底要左甜豉油，個人覺得佢同牛肉火鍋最夾。等左成十五分鐘先有湯底到，即刻掉啲蔬菜落去啦。豬肉同雞肉，豬幾滑喎，好味，雞件就一般般啦，好厚好難熟。牛肉非常薄切，基本上一淥即熟，無牛味…呢個級數嘅牛真係好一般，豬肉仲好食啲。食左十幾碟牛後個湯底，哈哈，油到咁敢再淥菜食了。隻碟太大隻，而張枱又好細，搞到勁迫好難放野。午市一個鐘真係好趕，但全班人陪你一齊瘋狂食牛又真係好開心，有下次嘅。

繼上次黎食已經係3年前 個陣食lunch都覺得幾好食，3年後既今日再同朋友黎食 真係好大差別。首先 自助bar款式少左好多 甜品區都係 無以前咁多選擇。其次係湯底方面 我地揀左食番茄同豬骨湯 個番茄湯無番茄味。。。好似溝晒水咁，真係吾好嗌 同豬骨湯都無味。然後 店員態度差 部點單機壞左想叫店員落單 佢啲口氣好差 好似好趕時間咁 但朋友話其他分店選擇多好多同湯底都好好多。。所以 我可能都會試其他分店既 但九龍灣呢間真係不了。。。

岩岩去完葡萄牙玩，日日食包.好掛住香港野食.訓醒即去打邊爐.168任食. 都算合理.頭一碟牛超滑，168有咁貨色真係唔錯.兩個人食左5碟.😂應該都回唔到本.不過真係好飽.配菜選擇都算多，沙綠或者蔬菜都好多選擇.飲品有香印汽水.幾清新特別.滿意.

想吃火鍋，很久沒吃了。就來到了牛涮鍋位於九龍灣的分店。已經是晚上八點了，所以等的人不是太多。這次吃的是牛胸腹套餐，已經吃過好多次了，是性價比挺高的套餐，每人178。牛肉的脂肪比例不錯，不會太差。我覺得雞和豬肉就一般，因為肉質不夠嫩滑。今日食既係甜豉油和蕃茄濃湯。甜豉油煲左一陣覺得咸左啲，要加水。反而蕃茄湯有驚喜。沙律，蔬菜都係任食，仲有飯桌同麵。環境幾舒服，闊落。有雪糕任食係加分位。不過未到9 0分鐘就冇曬雪糕嚕，等左好耐都未有refill. 整體黎話百幾蚊一個人，都幾抵既。

今天相約同事在午飯時間打邊爐，位於九龍灣的牛涮鍋非常full,上班午飯時間需要book枱才有位置。因為有同事不吃牛肉的關係，我們點了豬肉雞肉的任食套餐。餐廳使用智能系統去點餐，因此上菜速度非常快。豬肉質素比較普通，豬肉味帶點雪藏的味道。雞肉略嫌有點大，如果可以細一點就更好。由於午飯時間十分人多的關係，座位雖然寬闊，但人與人的距離十分狹小，幸好店內冷氣充足，亦不至於侷促。自助bar的食物種類比同類的連鎖火鍋店算比較多，蔬菜亦算新鮮。丸類亦有點心思，部份會印上店舖的logo,十分有趣。另外店舖亦提供咖啡奶茶朱古力汽水等飲品任飲，有果汁提供亦十分小有，但今天汽水機有一點故障，雖然店員亦盡快維修，但應在開店前檢查清楚。今天的雪糕是青蘋果和雲呢拿口味，分開來吃不錯，但混起來就不怎好味道。由於使用了午餐優惠，因此每人不需$100,性價比十分高。

因天氣有少少凍, 所以My Queen選擇去食火鍋! 這裡中午的火鍋有不同選擇, 有60分鐘 和90分鐘任食火鍋放題! 由於不想食太多, 最後選擇60分鐘放題! 肉只有一碟, 但可以加15元增加一倍份量! 牛肉可選擇不同級數的牛肉, 不過我們只選最平的那一種! 不過個人覺得最平的那一款牛肉, 味道都算不錯, 而且切得很簿，所以放入熱湯一會便可以食, 味道唔錯! 另外, food bar有其他食物可選, 雖然款式不多, 但質素ok!而且飲品有不同款式可選, 亦是任飲!! 79元一個人, 再加一! 抵食!

落10碟牛 來得一碟 同一個好高噶戴眼鏡噶服務員講 佢就問「甘你地而家係咪要10碟」然後就走左去，之後拎左超級高一碟牛上來 話10碟，但係以第一碟為標準 起碼有20碟牛。平時2個人食開都係10碟 今次3個人 我地食飽 果碟所謂噶牛 仲有一半。而且從入門口開始 服務態度就極差

去過幾間牛涮鍋都係旺角moko最好，瓊華都唔錯，坐得幾舒服。九龍灣呢間野食都ok的。只係d服務唔太ok。張單寫明幾點離座，時間未到係個職員傻更更話過晒鐘，俾張單佢自己睇仲要拗過鐘。想講既係個場已經好靜，仲要係假日，唔係無原因。

身為金會員，見到電郵有會員買四送一嘅新春限定優惠，當然係狗衝咁樣仆過去啦。因為有金會員係唔使排隊既。仲要加埋呢個優惠。冇辦法唔去食～入門口嗰陣時侍應同我地講，如果用買四送一優惠嘅話，不如試一試貴少少嘅午市和牛任食放題。我哋幾個就好從善如流咁樣接納左佢嘅建議。和牛放題啲牛肉又真係比起平時叫嘅普通套餐更加好食，食落口唔會太肥膩，呢間野亦都唔會話一開始嗰兩盤肉就好好睇睇，然後你再叫多幾碟就俾啲爛嘅牛肉你，質素幾好～啲蔬菜依然係咁新鮮，唯獨是佢啲甜品我唔係太鍾意。個人口味問題掛，食落口又唔係發霉嗰種嘅。原價188+1，因為有四送一，每人150幾蚊買單。成張枱四個人都好擦得，如果去散嗌應該就唔係呢個價錢。

餐廳位於淘大花園，與九龍灣港鐵站10分鐘距離。餐廳主打 打邊爐的套餐，分別有牛肉套餐，豬肉套餐，和雞肉套餐。套餐分為可任食或一碟。個套餐都包含了外面的食材可以任拿。肉類方面，牛肉和豬肉每一碟份量不多但我選擇的是任吃套餐所以分別不大。外邊的食物亦非常新鮮，如果吃一碟的套餐定一定夠飽的。午市的時間，人流不算十分多。但餐廳控制時間方面十分嚴謹，夠鐘了就必須離席。整體而言，對於年輕人來說，這間餐廳是十分抵吃的。