牛涮鍋 (Closed)

今日兩公婆去奧海城拍下拖，其實係因為想牛涮鍋😋去到試咗個期間限定嘅prime牛小排放題，原價$188per person，我哋係會員就用左$100 coupon，所以感覺上抵啲😉今次主要介紹唔同嘅牛，因為其實其他配菜都係同平時差唔多冇特別，同埋我哋係「牛魔王」，肉類淨係食咗牛😂Prime牛小排呢款肉最好食，煮完之後肉質好林，而且比較多脂肪，因此食落去一啲都唔鞋口。再加上每片切得好薄，煮幾秒就食得，所以唔覺唔覺會食咗好多❤️❤️美國和牛呢款牛係比prime牛小排低一級，比較有牛肉味，但肉質較鞋口同韌，因為佢脂肪較少，而且厚身少少，所以個人覺得唔係咁抵食。美國上級牛胸腹呢款牛肉食落都唔錯，肉質都係偏林同脂肪較多，有啲似prime，但當然會差少少，不過就冇咩牛肉味。但個人來講我認為呢款比起美國和牛性價比更高👍🏻👍🏻另外要介紹嘅係我哋叫咗個四川麻辣湯底，好香花椒味，不過就唔係好辣，所以放多啲食物喺呢個湯底都唔錯，同埋同牛味都幾配合！😍

二人打邊爐，臨急臨忙買唔切嘢，醒起牛涮鍋有外賣set。平日食晏放題已經覺得唔錯。大概七點半打去問，員工話到咗先order, 唔可以落定單先，十五分中去到，即刻叫咗799 set 。但就等咗好耐有啲嬲嬲地。個煲係幾靚，其實唔計個煲，個食物都係333，其實都好底玩。肉嘅質素都好好，好大片好完整，有丸有菜有餃，份量岩岩。海鮮雖少，但新鮮就好。蝦靚，蜆仔全都開到。湯底點咗甜醬油湯。配料簡單，只有豉油同麻醬。話晒都日式火鍋，有麻醬配豬肉就夠好。

Encore左無數次牛涮鍋外賣自取，今次終於記得影齊相，第一次喺Openrice同大家分享。由20年4月 4人餐 $638 半價 $319，之後加價變成6折$382.8，都一直支持；至11月尾再加至7折$446.6，就覺得無咁抵，暫時唔幫襯了。可能反應冷淡，12月餐單加左自蜆及換了丸丸種類，重回6折，現時$658折後 $394.8。美國和牛大大片600g，雪花靚仔，牛味濃，建議淥兩淥就食，淥耐左會韌及鞋口。牛胸腹300g，薄薄片，但油花更香，不過有時會較肥，淥一淥好快熟。豚梅肉150g，絕對不比牛差，豚肉鮮甜，試過單買煮麵也很抵。虎蝦、帶子、白蜆，當然唔夠自己喺街市買咁新鮮，不過套餐有埋，配搭一齊食都唔錯唔錯。丸丸蔬菜盛盒有2大盤，每樣人人有一件，滿足樣樣試試既心態。最後仲有4個拉麵，通常即晚都食唔曬，留返第二日連甜醬油湯再煮當午餐食。套餐已配有湯膽(推薦甜醬油，配牛肉就好似壽喜鍋咁)，也有醬油及麻醬，自己不用準備。

Extremely inefficient. Staff was stupid enough to spend 5 min on each party just to get them seated when there is a huge line in front of the shop. I’ve been here before and the food quality is also not worth the time you waste. I rust me, don’t go when you see people waiting before you.

因為疫情關係，打邊爐都有外賣，大開眼界。豐盛四人餐$638，還有六折，外賣自取$382.8。份量很多，我一家五口，要分兩日才吃完。$383。 一家五口，連續食兩晚，真係抵到爛。有美國和牛、美洲牛胸腹、丹麥皇冠豚梅肉。 肉的質素中等， 這個價錢，我不會要求過高。配料有炸三文魚丸x4，龍蝦丸x4，豚肉餃子x4，芝士海鮮豆腐x4，仿魷魚片x4，脆皮腸x4，烏冬x4。 我家五口，所以不能平均分配，哈。海鮮有虎蝦和帆立貝。在家打邊爐的好處，就是可以自己再買其他丸，和飲品。在家打邊爐的壞處，是夏天不想開冷氣打邊爐，另外蒸氣又會搞到成間屋一陣味。外賣自取很方便，上網攪掂。希望疫情快點過去，可以再去餐廳打邊爐。

開番喇 ～ 上次撲空， 今次終於願望成真～入店前，被問是否需要信封放口罩又示意有搓手液消毒。分配坐位時亦刻意把客人距離隔開一點。貼心～ 重開，加＄10可試新推湯底。 有兩款選擇： 一個是辣的， 我選了比較滋潤嘅猴頭菇花膠湯底。 然後挑了黑毛和牛一人套餐。 套餐包括－碟黑毛和牛、 －碟雞髀肉拼豚肉、 －碟海鮮（ 蝦和帶子各一 )拼蔬菜(包括－個烏冬）、 一杯雪糕和自助飲品。份量十分足夠。原本對只須加十蚊的花膠湯底沒抱太大期望。吃下去發現湯很鮮甜, 細看湯底原來還有杞子蜜棗沙參玉竹等材料。怪不得～滿意滿足的一餐～謝謝～

平日難得放假，就梗係食餐好嘅，我最鐘意平日去食野，因為唔多人又唔駛等位。今日去打算去依間食Shabu Shabu，我見餐牌有幾個牛肉價格揀。有Level 1 淨豬同雞$108 (加海鮮就$128)Level 2 嘅美州牛胸腹$118 (加海鮮就$138)Level 3 嘅美國上級牛胸腹$148 (加海鮮就$168)Level 4 嘅美國SRF和牛$178 (加海鮮就$208)Level 5 嘅美國見島特選和牛肩脊$218 (加海鮮就$248)澳洲和牛肩脊肉$258(加海鮮就$298)日本鹿兒島極上黑毛和牛肩脊肉&海鮮放題$368最後我地決定叫 日本鹿兒島極上黑毛和牛肩脊肉&海鮮放題$368（90分鐘）侍應問我地想一人一鍋定一鍋過，咁我地就一人一鍋啦。我老公叫左櫻花蝦沙嗲湯，我就四川風麻辣湯係我地前個有個order野食嘅電子屏幕，好方便。（肉類可order半份非常好）自動黎左第一碟黑毛和牛第一碟碟色水麻麻，不過多肥肉，所以幾滑口自動黎嘅海鮮拼盤，以下都可以任點的。係虎蝦有少少梅之外，其餘都ok嫁，所以之後我地都再encore帆立具同廣島蠔。第二轉叫黑毛和牛依次好靚仔，有肉味第三轉黑毛和牛

真係好嬲，打算支持黃店，結果換來失望以下內容吾關政見事首先我手上係拎住$600商場coupon 入去，呢類coupon我用過幾間食肆，絕對可當現金用20:50入到去，個姐姐幾好人話等多10分鐘係宵夜時段88折，禁我地一行3人就等到9點入去，揀左$288果個set,我地亦好清楚問左係兩個優惠可同時使用，到埋單時由於我無睇清楚（係我吾岩），純粹留意扣左coupon 就比左錢，事後老公發現，第日打番去，有位姓曾既經理一開始話兩個優惠吾可一齊用，我話吾係呀，你同事當時話可以一齊用，而且我係其他食肆都用過，之後佢話轉頭覆之後打番黎既回覆，我估唔到佢會禁答：小姐，我地個宵夜時段係60分鐘，吾係90分鐘呢隻，同埋係只係嗌一次果隻好（個名吾記得）既牛肉，所以係無88折我話：你同事叫我9點入去，話宵夜時段，又無clarify 番我嗌果隻吾係宵夜餐！喂呀，無人會知你原來暗地裏係宵夜時段自己分左宵夜餐同非宵夜餐架，又無人講既之後佢話：其實你已經用左coupon ，今次係我地無講清楚，下次黎既時候再揀番宵夜餐囉咩意思，姐係話：平左比你已經算係禁？大佬你吾想平比人，你吾好將個名擺入商場discount list

同屋企人去食，一開始拎左5位，突然加多個雖然坐低左但想轉大台，經理都好好態度最後仲轉到比我地全程經理服務都好好，宜家香港好少有咁好服務，真係印象深刻，好抵讚環境又舒適👍🏻👍🏻👍🏻野食不過不失，但勝在服務好、坐得舒服會再幫襯

第一次嘗試吃這種半自助式的日式火鍋，說真的，這種限時60分鐘或者90分鐘的火鍋放題，質素有多好，就是乎你肯付出多少錢，一分一分貨！以這個價錢來說，的確算是性價比高，不過吃得急一點，而店員不停在趕我和同事走，即使我們沒有再出去取東西，以及沒有人坐。我點的是海鮮餐，而同事點的是牛肉，主菜一碟，飲料、蔬菜、魚蛋等都是任取的，味道都叫做入得落口，最後還是吃了一杯牛奶雪糕，都不錯吧以HSBC card惠顧90分鐘放題，還享有九折優惠，都是很實惠。

圖裏面右手邊係第一轉牛肉、好銀。。圖裏面左手邊係第二轉牛肉、仲銀。。P.s. 雖然今日星期日 但晚市唔多人 我地食到9點幾食完之後發覺留咗一件物件喺枱底個籃度一發覺嗰時就即打俾餐廳話返去攞返佢地話「好 幫你搵下丫」我行左幾個字撲返去去到間餐廳話搵唔到嗰樣嘢個員工仲同我講話係佢搵既話搵到實比返我仲問我幾點入 幾點走（明明張枱我哋食完之後冇人再食）連隔離枱個阿叔都記得係我食過點解我嗰樣嘢會消失左呢？？所以我以後唔會再食。。。

我同老公帶住bb星期六下午唔知食咩好，隨便喺屋企附近行吓，walk in入咗牛涮鍋，第一次幫襯，見環境寬敞舒服，食物質素新鮮又乾淨，bb嚟到安靜全程一聲都冇喊過，但出奇點解星期六下晏都咁少客，我地打算join member 以後多d去食。因為bb得幾個月大，夠鐘飲奶，埋單時我問收錢嘅男職員(身型較瘦)，可以餵埋奶先走嗎？男職員答：「可以，而且你地仲有十分鐘，慢慢食啦，如果join member只需俾$200蚊，我轉頭拎張會員咭俾你吖。」埋單之後突然有一名光頭造型帶眼鏡男職員，黑口黑面咁衝住嚟話：「你地夠鐘㗎喇，唔該睇住時間啦！嗄！」再舉手指住隔離枱一名單身中年女仕：「你都係呀！」當時我同老公已經都冇進食任何嘢，我手持奶樽亦即時停止餵奶，大家就即刻執拾行裝預備去搵育嬰室，我老公企咗起身預備走，我就坐住幫bb著好件外套仔，嗰個光頭造型男職員即在遠處衝過嚟大叫：「你地坐咗好耐呀！過咗時間呀！會唔會耐得滯呀！」我地驚訝到呆咗同佢講：「我地走㗎喇⋯⋯」隔離枱女仕即同我講：「我之前黎過一次又遇著佢！d態度真係衰到冇人有！頭先埋單見第二個人嚟埋，仲以為轉咗人，我下次都唔嚟呢間。」食個晏受到咁嘅對待，

有一日午餐突然好想食火鍋，行開奥運見到呢間痁，就決定入去試下。而我就揀左個60分鐘餐，蔬菜同丸都可以任食，而肉類就得一份無得任食。我最後揀左份澳洲牛，因為平時晚市食靚少少嘅牛會好貴，但呢個餐食就平好多。當日我叫左一人一鍋，唔洗驚食錯人地落嘅野先講個湯底，我叫左日式甜醬油湯底，好夠味，而牛質素都好好，雪花分明，食落無跟，正!而且一份牛已經好夠，食完已經超飽。蔬菜都有幾款揀，除此之外仲有唔同嘅丸，沙律，等等。最後仲有雪糕食，可以自己吱，又可以自己加配料，食完好滿足

Sabu Sabu「X陣」同「X氣」就試過，但最近發覺牛涮鍋CP值高又抵食，今晚一行5人去食生日飯晚市時段用餐時間90分鐘任飲任食，火鍋配料豐富，仲有日式咖哩同珍珠米飯🍚啱晒要有飯到肚嘅朋友！建議大家去等位就要諗定食咩等級的肉類，仲要揀埋湯底先入座後，火鍋配料醬料汽水全自助，想飲熱飲仲有部即磨咖啡機任斟如果想食海鮮，可以加點$49海鮮盛盒如果要追加肉類同火鍋湯，只需要按枱邊的平板去order，店員就會送到。我覺得追加肉類速度比加湯快，大家要加湯底記住提早少少就要追加啦！

一食就食咗兩年！食過咁多間日式打邊爐最好食係呢間！不過最近改咗餐牌，牛肉質素唔同咗！真係可惜～冇以前咁平靚正！呢度啲芝麻汁好好味，必食！好濃郁唔似出邊嗰啲水咁樣～我哋叫咗價錢第三高嗰款牛肉，質素先同以前最平嗰款牛肉一樣～價格高了很多～呢款牛肉比較淋身，好香口！半肥瘦入口溶化！今次試咗新出嘅湯底，黑蒜豬骨湯！黑蒜味好香～呢度有小朋友餐具，BB櫈提供，90 cm以下用餐免費的！日式咖喱唔辣嘅，係甜咖喱，小朋友都食到！今期有新口味，香蕉味雪糕！好香好滑～不過我都係覺得原味牛奶味最正！雖然牛肉質素有變，但係仍然排係我地打邊爐嘅第一位！款式選擇多好食！大人小朋友都好鍾意！