牛涮鍋 (Closed)

作為牛角集團嘅忠實粉絲見到六折已經心心眼但我想講上個月係半價變相已經加左價優惠如下:即日起食客只要惠顧牛涮鍋粉嶺、藍灣廣場及天水圍分店，即可以超激安價6折*享用澳洲和牛90分鐘放題。澳洲昆士蘭John Dee穀飼和牛一去到首輪佢地會先拎一碟和一碟雞拼豚肉首輪都算係快手食過幾次 出肉既時間算係可以接受但今次黎我21:05入坐，21:20分加左兩碟肉中間已經吹左好多次我台面上已經無曬野食 結果我等到成22:0X 先等到我碟肉真係超失望我係荃灣 之前葵芳個間都吾會咁對d客跟住一黎就黎4碟 雖然質素真係吾差入口好冧，吾會鞋口但如果你同我講明要等9個字先出肉我吾洗特登來天水圍分店受氣你任食得就預左人叫加肉但你又吾出肉比人就太少家啦咁大問公司個除左出肉慢得過份之外味道、衛生係ok嘅

90分鐘好快就過叫左蕃茄同豬骨湯底豬肉不錯 雞亦都夠滑上菜夠快必食既沙拉🥗脆脆芝士麵包粒好味🥰蔬菜都正路夠新鮮重點目標就系泡芙同雪糕🍦！雪糕牛奶味好重同滑泡芺一出就拎入面仲硬硬地🤭

是日約了兼職比較要好的同事晚餐，為了不用花時間等位，我事先用了電話程式BOOK位，準時在下午六點半拎位=]入到去發現被安排了一人一鍋，心裡面就覺得正呀！大家可以選擇自己喜歡的湯底，又唔怕食人地的口水味呢間分店座位有好多，如果元朗市都有一間就好了~~~由於其中一位同事有匯豐銀行信用卡，我們就決定享受美國見島特選和牛放題的優惠~~~＿在湯未滾前拎自己想吃的食物~~~呢間牛涮鍋分店都幾大間，感覺真係不錯~~~而我喜歡吃的豆腐真係又滑又好食~~~見到但唔夠時間食的甜品~~~而飲品位本身有兩個，我喜歡的雪糕位可以到最後拎來食~~~一開始職員拎咗四盆牛和一盆豬加雞，原來我們當中有兩人唔食牛，最終我和其中一位同事就食唔晒D牛，皆因我在唔知的情況下點多了一碟牛和一碟羊= ="我們四人暢談順便享用個餐包了的啤酒放題，第一次打邊爐飲啤酒感覺好暢快，之後我們就同事的家中睇寵物和延禧大結局^^"

早餐吃什麼？不如約吃火鍋～香港到處都是連鎖日式火鍋店，大多是午市或晚市60或90分鐘放題。這間『牛涮鍋』離奇的出現周六、日及公眾假期早餐火鍋。身為一個火鍋鬼，被約吃早餐火鍋，當然是公眾假期也翻身下地，狗衝遠道而來啦！餐選方面可以選肉類、丸類或蔬菜餐盤。火鍋餐盤包含一個烏冬或公仔麵。火鍋料其實不多，但過過癮的早餐，可以成功壓壓火鍋魂啊。選了沙嗲湯底(蕃茄、豚骨)，不會過咸，剛好。一小時的用餐時間，可以飲品放題，喝過熱巧克力和熱豆漿，也喝過熱情果汁，很難得是不太甜的，非常適合我呢。時間：09：30 - 11：30(1hr用餐，11：30前離座)價錢：$34 - $39不等餐點：早餐火鍋是一人一個餐(肉類、丸類、蔬菜)，包飲品放題

我同小朋友一齊進入餐廳打算進食早餐，當時職員帶我們進入座位，我其後叫左一個早餐，職員當時並沒有表示任何不妥，之後仲遞上一張單據給我，一會兒後還送上食物及爐具，當我準備用餐之時，一位職員走過來，我確信他是一位高層跟我說早餐需要每人都要叫一份早餐，係計人頭，我當時反映給職員聽，事前並沒有告訴我此等規條，係餐牌上亦沒有標示任何人均消費或最低消費，之後職員用極之唔好既態度同我講，咁我唯有跟小朋友離去，不留在此等餐廳內。我覺得職員如果一早同我講明你地公司有咁既規定，我會衡量我小朋友是否能完成一整個餐去決定我係咪進入你地餐廳，因為唔應該浪費食物。

我當天因肚餓的關係，在五點多就去牛涮鍋吃晚餐。由於能夠在七時十五前離座，我能以7折優惠吃較高級的餐(平常都時吃最平的餐)。由於太早到的關係，顧客並不多，環境不俗。

公司同事分享食日式放題「牛涮鍋」。突然給我一張優惠咭，原來是牛涮鍋午市第二位半價優惠，心思思💕去試試啦! 於是今天中午搭輕鐡到天水圍頌富站（天水圍分店）位置十分方便啊。店舖特色設計海洋主題樂園。好清新嘅感覺分格座屏風設計是可愛牛牛🐮及可以靈活變動。一人一鍋，可以自選喜歡湯底味道，我選擇了蕃茄濃湯，湯底濃郁好味自助區食物擺放整齊乾淨，都有很多種類基本上吃火鍋常用的醬料都有：麻醬，沙爹醬，蒜蓉，蔥，辣椒等食材各有唔同鮮味與質感這裡的選擇非常多，我們主要就是叫牛肉，牛肉夠淋，不太肥好味最後食埋杯熱情果芒果味乳酪，滿足一餐唰唰鍋

突然有鋪癮想食和牛火鍋，但如去一田買，$200幾蚊先得10塊，去和民個d 日式餐廳又怕係劣食，所以一於去食牛涮鍋和牛放題。之前都已經試過幾次紅磡黃埔及奧海城既牛涮鍋分店既和牛放題，但黎10碟牛，得1-2碟係滿意，其餘都係大型肥膏(一塊牛，肥膏佔半塊，不過牛肉部份味道都OK既)，甚至唔知俾左d 乜部位，又“鞋”又硬。問經理點解咁難食，例牌求其打發你。心諗，又係既，晚餐$400幾蚊任食和牛，梗係俾d 廢野你食架啦，就好似大X屋放題任食拖羅，梗係俾赤身你食，唔通任食大脂咩.....但今日好想食和牛，所以抱住勇者心態，去天水圍牛涮鍋食和牛火鍋放題。Lunch 平幾十蚊，就算中左伏，條氣都順d。心諗天水圍應該都唔多人食貴野，我諗d 靚貨都唔會係天水圍出現。不過，竟然有驚喜。第1，2碟牛，竟然冇大型肥膏，比較奧海城同黃埔店，厚身，牛味重，好食。第3，4碟，有少少唔同，但尚未出現大型肥膏，都好食第5，6碟都keep到表現，依然未出現大型肥膏。第7碟，冇咁靚，未出現大型肥膏，都好滿意。雖然第一，二碟明顯較靚。牛涮鍋既牛肉切得較厚，口感好好。牛陣既和牛放題雖然都有靚牛，但太薄，唔好食。食奧海城及黃埔分店

一向都係牛肉既狂熱份子,所以打邊爐的話都會揀牛肉做主打既食肆牛涮鍋有好幾種級數既牛作為選擇,同時亦伯配一份豬同雞肉,食起上黎都冇咁寡..加上出面有自助既火鍋配料任君選擇,仲有我最愛飲既橙汁添!食完仲有甜品,有雪糕,糕點,生果等...總結: 泡菜湯底+牛肉=PERFECT MATCH

上星期五黃昏時段去左天水圍T-Town(頌富商場)食牛涮渦 去到大概17:15，拎位時店員向我地推介最近一個超荀優惠- 「食牛者聯盟」優惠:晚市首50名客人享買一送一，即二人同行一人免費 ，任揀套餐 咁抵真係超驚喜，於是就試左最貴既套餐:日本極上黑毛和牛放題$388 喱個套餐包哂所有類型既牛肉，而且仲有海鮮任食(蠔、墨魚仔、蝦、帶 子)，可以試哂所有野 $388之外，仲要加一個$22既啤酒放題，但兩個人都係$4xx埋單真係 太抵! 由於時間尚早，食飯時餐廳都無乜人，安靜又舒適 湯底就揀左昆布同蕃茄，本身無咩特別的，但由於加埋海鮮，湯底變得非常鮮味!基本上唔洗點豉油，落烏冬真係一流! 試食既次序係跟價錢排(最貴>最平) 最貴既日本極上黑毛和牛，賣相好好，可惜生既時候一夾起已經有d散開 ，碌熟左要用個殼兜番哂。無咩特別肉味，油花極多，入口即溶，有少少 令人失望。 澳洲和牛+美國特上牛小排就非常令人驚喜，兩款肉味都非常重，無諗過喱個價錢+喱個牛肉厚度可以食到咁重牛味，夾起唔會有日本牛散開既問 題。兩款中，我比較偏好特上牛小排。 至於海鮮方面，蠔麻麻地，縮水得有d勁;墨魚仔無特別;蝦就

4月做緊午市半價，好抵食， 配料款式多，有沙律吧，飲品吧，有雪糕，有甜品……90分鐘任食，七十幾蚊真係好抵，無影其他食品……飲品係自己添，有汔水有果汁橙汁，蘋果汁，熱情果汁，我覺得飲品唔錯，其他配料多款

天水圍的午餐，中午去食火鍋都係第一次，去到門口已很喜歡店內嘅卡通人物裝飾，唔講一定唔知食火鍋！門口店員努力解說火鍋套餐嘅分別，有午市嘅一份肉套餐（限時60分鐘），有任食（90分鐘）又有一人一鍋或4人一鍋嘅分別！結果我哋人多就大鍋會好啲！坐低先揀湯底，鍋邊有木框保護！火鍋配料多，擺位企理，調味料配搭多，飲品、甜品都任食，雖然款式唔多，都唔錯！美國上級進口牛肉放題（$158）上得快無拖延時間，上嘅水準都保持到（唔會越上越差）牛肉薄，牛味濃！丹麥皇冠豚肉：夠薄好快熟，豬肉味濃美洲特選雞腿肉：無食蔬菜配料都好靚玉桂蘋果湯底：幾清甜，昆布湯：清甜蕃茄湯+鰹魚湯：同事食豚骨湯+甜醬油湯：同事食甜品：蕃薯軟雪榚🍠：自己唧，蕃薯味正常但奶味太重，可以加配糖粒（不過我無加）抹茶大福🍵：抹茶粉重手，甘甘地，外皮煙韌，餡料滑紐約芝士蛋榚🧀：太硬，好似乾咗朱古力慕絲蛋榚🍫：慕絲滑，朱古力味正常飲品：熱綠茶：我唔想飲到膩口，所以揀綠茶，茶味正常食物水準不錯，店員有禮有笑容，解說清楚，解釋每款牛肉嘅味道（滑啲，濃味啲）中間我哋將撇除啲油，店員好勤快拎走啲油碗！加點嘅肉係用平板電腦，點咗好快到，再加啲推廣下餐廳嘅優

美國上級進口牛肉- 品質一般, 牛味不夠, 也沒有甘香,最不滿意係每次加牛, 都等超耐都五黎, 要追幾次先黎, 黎牛速度超差. 因只有90分鐘,時間已經少, 專注食牛, 但速度這麼差, 份量又不足, 真的下次都五會再黎外面自助吧食物款式超少, 丸類只有3幾款, 菇類,蔬菜類也不多….一隻牒都裝五滿……牛系列的店, 以他最差, 外面大把選擇,五會再選佢

日本最健康嘅烹調方法，莫過於係蒸煮肉類同蔬菜。今次竟然係牛涮鍋全線分店都可以享用最高級嘅蒸籠火鍋！首先，最低消費係要叫美國特小排牛肉嗰種價錢，當然你可以叫雞肉或者叫豚肉食都得，呢間天水圍店，裏面屬於新設計，出面自助吧，有提供蔬菜丶丸類丶仲有沙律甜品雪糕果汁汽水任飲任食！行入少少，原來入面好大，起碼有40-50張枱，空間感十足！講返正題，特小排牛肉真係好有肉味，肉質較薄，唔會似有染色的鮮紅色，蒸籠本身已經加入左一部份蔬菜，當然每次食完又要再等幾分鐘先可以食得，所以都要用好多時間食！最後總結，食落去同日本食嘅都九成九相似，希望可以長期供應！尤其係呢區要食到真正日本野都好難搵！

食物：日本極上黑毛和牛(鹿兒島)湯底可以鴛鴦，捒左豬骨同魚，牛既脂肪比例好少，完全唔係坊間既劣質肥牛，一碟薄切，牛味唔錯，質素有保證。丹麥王冠豚肉：都係薄切，脂肪少，大大片脂紅既顏色，好味。美國特選雞腿肉：肉質嫩滑，口感厚實，唔小心浸耐左，都唔太影響口感，好味。海鮮雜合：有蝦、章魚、蚌…仲有唔記得左XD蝦幾大隻，口感都尚可，不過煮耐左會變黑色，好似唔夠新鮮，口感都有啲太過韧。以上都可以任添！不過添一輪應該差唔多飽。配菜：選擇少，蔬菜呀龍蝦丸芝士腸粟米呢啲都有既。雖然打邊爐幾唔過癮，不過呢間野真係應該純食牛。甜品好難食…表示唔明點可以將芝士蛋糕整到咁難食。雪糕就…蜜瓜好有蜜瓜味，牛奶好冇牛奶味。總結：食肉好啦各位~環境：幾趣緻可愛，格調明亮活潑，不過衛生就一般。地下枱面好似糊糊的。服務：高智能點餐，用部IPAD就得，上菜都好快。價錢：388+1再一位，呢個價應該唔會食第二次，不過可以食啲平啲既牛既。