牛涮鍋 (Closed)

食物：日本極上黑毛和牛(鹿兒島)湯底可以鴛鴦，捒左豬骨同魚，牛既脂肪比例好少，完全唔係坊間既劣質肥牛，一碟薄切，牛味唔錯，質素有保證。丹麥王冠豚肉：都係薄切，脂肪少，大大片脂紅既顏色，好味。美國特選雞腿肉：肉質嫩滑，口感厚實，唔小心浸耐左，都唔太影響口感，好味。海鮮雜合：有蝦、章魚、蚌…仲有唔記得左XD蝦幾大隻，口感都尚可，不過煮耐左會變黑色，好似唔夠新鮮，口感都有啲太過韧。以上都可以任添！不過添一輪應該差唔多飽。配菜：選擇少，蔬菜呀龍蝦丸芝士腸粟米呢啲都有既。雖然打邊爐幾唔過癮，不過呢間野真係應該純食牛。甜品好難食…表示唔明點可以將芝士蛋糕整到咁難食。雪糕就…蜜瓜好有蜜瓜味，牛奶好冇牛奶味。總結：食肉好啦各位~環境：幾趣緻可愛，格調明亮活潑，不過衛生就一般。地下枱面好似糊糊的。服務：高智能點餐，用部IPAD就得，上菜都好快。價錢：388+1再一位，呢個價應該唔會食第二次，不過可以食啲平啲既牛既。