Video
Exit A1/ A2/ E2, Tsuen Wan West MTR Station
continue reading
Introduction
MOU MOU CLUB是提供日本進口優質和牛的涮涮鍋(Shabu Shabu)放題專門店。除了日本和牛外，也有澳洲及美國進口牛肉以供選擇。客人在別緻優雅的和風裝修的店內，自由地在自助食品區內無限量挑選新鮮野菜及烏冬麵類，更有香滑雪糕放題供應。
continue reading
Opening Hours
*Last Order: 22:30
Mon - Thu
11:30 - 16:00
17:30 - 23:00
Fri - Sun
11:30 - 23:00
Public Holiday
11:30 - 23:00
Above information is for reference only. Please check details with the restaurant.
荃灣店服務非常不滿🤬🤬，坐低第一轉肉半個鐘先嚟，同咗不同職員話冇甜豉油湯，半個鐘都未加，比錢買難受😡足足浪費我1個鐘時間，職員話只補10分鐘，算吧，不會再幫襯呢間分店😡🤬
continue reading
呢日下午得閒過嚟食個飯，唔知食乜好不如就打邊爐啦，入到嚟發覺原來佢哋都未準備好，仲好似有啲亂咁，仲聽到一個好似經理嘅男人喺度鬧員工😅牛涮鍋不嬲都係中規中矩，我揀咗澳洲和牛肩脊肉套餐，$188豬骨湯底，佢呢個餐係冇雞肉同豬肉嘅，但係我個又想食豬肉所以用$25加咗一盤豬肉。澳洲和牛肉質嚟講都OK過得去不過切得真係太薄，冇乜口感，好似食咗陣風咁，其實人哋唔係揀放題好心佢啲肉就俾啲質素好少少嘅，所以呢點令我好失望。出面放題區，我最最鍾意食嘅就係佢個芝士魚腐，呢個我就食得好多嘅，但係其他都冇乜嘢啱食，都係夾咗少少丸類同埋蕃茄同拉麵。我想講佢啲白飯到我食完走佢都未拎出嚟😅想食兩啖白飯都冇，但係啲咖喱就一早煲好，而且埋單嘅時候我完全搵唔到人，最後叫咗喺廚房做嘢嘅人幫我叫人出嚟收錢😅😅😅食過咁多間牛涮鍋呢間嘅質素算係最差，服務又差，同佢哋集團其他分店嘅水平差好遠😅😅
continue reading
邊爐引起😆😆3點幾去到當係lunch+dinner呢個時間冇乜人一人一鍋試到兩個湯👍🏻👍🏻櫻花蝦沙嗲湯😋😋👍🏻有超多櫻花蝦，好香口唔辣，都幾濃味。辛味豬骨湯😋，唔辣，唔算太特別。$138一位加一，丹麥皇冠豚梅肉、美洲特選雞腿肉，雞肉就真係冇乜特別，個豚肉真係好好味推薦👍🏻👍🏻👍🏻有入口即溶嘅感覺🫢😋選擇都幾多，仲會用冰鎮住👍🏻👍🏻👍🏻炸魚旦好正👍🏻龍蝦丸👍🏻金菇👍🏻炸魚皮👍🏻拉麵👍🏻粟米餃👍🏻三文魚丸👍🏻木耳配酸柚子汁，蒜蓉，青蔥👍🏻👍🏻凍櫃有甜品涼拌小食，全部都用保鮮紙包住，好衛生抵讚👍🏻👍🏻👍🏻蜆肉超正好好食😋😋😋推薦雜果涼粉🤣涼拌冷麵，蟹柳絲就麻麻地，好乾身咬感唔太好咖喱飯，個咖喱真係好好食，但係啲飯就硬咗少少麻麻哋記得要食埋個雪糕，超正！必食！
continue reading
荃灣廣場牛涮鍋分店，「美國Prime牛肩脊90分鐘放題」做緊promote，午市有55折（晚市78折）。成人原價$308，折後即係$169.4，加埋一$200.2（加一加原價）。湯底有8款，揀咗沙爹湯底，味道正常，唔太濃，如果再加湯就更加淡味。肉類有5款，坐底會先上一份美國Prime牛肩脊+月見嫩牛肉，之後經 QR code 自助落單。美國Prime牛肩脊，主打食呢款，前後叫咗4份，有2次偏肥，味道比較普通，牛味少。美洲牛胸腹，試咗1份，比較嚡，都冇咩牛味，叫做試吓。丹麥皇冠豚梅肉，叫咗1.5份，肉質都有啲彈牙。美洲特選雞腿肉，試咗0.5份，雞脾肉嫩，叫做試過。月見嫩牛肉，叫咗2份，牛肉滑，牛味少，而且碎，要用兜嚟淥。其他菜類、丸類、麵類、汽水、甜品，自助出去拎。價格反映一切，唔好抱太大期望，但可以自私一人打邊爐，有折嘅話可以試試。
continue reading
為咗打邊爐可以去得幾盡😂黃雨都要去食😂 又要食又要驚肥係咩玩法，我今次係第一次叫午餐，唔係放題😂 原來大家可以嗌唔同餐😍 因為放題大家都一定要一樣🫣 嗌咗個最cheap嘅A餐，食豚梅肉同雞腿肉 ($83)& D餐，全部要晒極上牛頸脊($153)，外面啲丸、菜、茹、飯、麵、甜品好似放題一樣任拎😋 如果你平時食開好多肉，我都勸喻你叫返放題😂 因為啲肉比我想像中少🫣 當然食埋外面的非肉類係絕對夠飽，但食肉獸的你見到放落枱會失望咗一下😂 一放低時，我個伴侶都話”咁樣淨係夠你食㗎咋喎”😂 牛好食不嬲都係，但呢到啲雞真係幾好食😍 你哋都要試下🫣因為金會員有85折，我仲扣咗$100 coupon，所以只係$124.2，原本係$224.2，用午餐嚟計都抵，起碼無嗰心態要迫自己食多啲😂
continue reading