MOUNTAIN

Open Now

Now Closed

之前喺深水埗出名食牛角包窩夫嘅mountain coffee搬咗嚟旺角Moko新世紀廣場，鋪位大咗好多阿🤩！！！行入餐廳就被純白色調包圍住🤍，餐桌上吊燈散發出柔和嘅光線，加上室內卡位設計中加入咗白色乾花作為點綴，與純白色調餐廳嘅風格完美融合，營造出一種清新平靜嘅氛圍☁️。🍔鹿兒島黑豚漢堡•櫻花蝦碎蛋•雙層牛角包窩夫伴薯條呢款感覺好似牛角包版嘅漢堡包咁🤭！豚肉烤到恰到好處亦好juicy🐷，櫻花蝦嘅鹹香同碎蛋嘅嫩滑相互融洽🥚。平時都係食開甜嘅版本多，而呢款加咗濃郁芝麻香氣嘅麻醬喺外脆內軟嘅牛角包窩夫上面🥐，帶來一種不一樣嘅滋味口感！仲有金黃酥脆嘅海苔粉薯條做伴碟🍟，食完真係好飽肚🤭～🥓All Day Mountain Breakfast（香脆煙肉•田園蕃茄•烤田園野菌•日式碎蛋•有機沙律菜，荔枝蜂蜜牛角包）牛角包窩夫配上香甜嘅荔枝蜂蜜🍯，真係令人無法抵抗！香脆煙肉🥓、爽脆蕃茄🍅、濃郁野菌🍄‍🟫同滑嫩碎蛋🥚都帶有荔枝蜂蜜味，令All Day Breakfast更有特色同風味💕！最緊要價錢仲好親民，係Moko都做到呢個價錢，性價比極高👏🏻！🍓士多啤梨脆脆•荔枝雪糕•韓式牛角包脆餅將牛角包壓扁烘焗

深水埗街舖開店一年多啲嘅Mountain Coffee一搬就搬咗上旺角Moko 4樓今次唔止換咗地點舖面面積、裝潢設計、餐單種類都嚟個三級跳呢～新店座位分左右兩個區域右邊古典木系區平日朝早7:30就開啱晒早鳥一族😪左邊純白用餐區梳化卡位闊落舒適朋友仔約會、家庭聚會都好適合食品除咗有舊店嘅Croffle 系列外🧇今次仲加咗唔少主食沙律、意粉、薄餅、All Day、烤雞等款式都唔少🍕甜品有精緻Mont Blanc 外連最近大熱嘅Flat Croissant 都有！🥐新店位置剛好喺戲院對面等開場前去醫吓肚就最方便不過*試業期間出示票尾有9折優惠喔🎬🔖 蒙布朗🌰外層嘅栗子蓉好幼滑入面包住大大一球荔枝雪糕 🍨旁邊加咗唔少得意餅乾同軟糖裝飾🐿️賣相吸引得嚟唔會太膩😋底層係仲有件飽肚Croffle 🥐當正餐都得呢～🔖 Blue Mountain 💙美美富士山特飲 🗻大大一球雪糕上面灑上唔少花瓣💐一切都非常美好⋯直至你開始飲佢😅唔好忘記依家無俾膠飲管呢🥤咁唯有食咗球雪糕先飲啦🫠𢳂𢳂吓、杯飲品就開始「嚟料」當雪糕遇上梳打加上外來刺激泡泡一直流出嚟🌋好彩有隻底碟⋯😅呷一口藍色牛奶梳打口感滑得嚟味道又香甜、唔

今次係第二次食哩間餐廳。第一次食嘅時候，同事介紹餐廳係NGO開辦，幫助有需要人士。今日再去，見到張單寫住幫助自閉症人士。其實上一次食嘅體驗唔係太好，所以一直都無去試第二次。不過今日有同事話想食，於是去食多次。上一次我係食 All Day Breakfast，一向All Day都係最安全嘅食物。但係餐廳調味實在太咸，啲炒蘑菇咸到好似用鹽浸咁。至於炒蛋，奶嘅份量重手咗，完全遮蓋咗蛋香。個牛角包窩夫上面加咗啲有味糖漿，同個包又唔夾。每個食物嘅味道都麻麻哋，然後將全部嘢放埋一齊，係第一次食到難食嘅All Day。全份早餐得個沙律菜最正常🥗上一次黎嘅時候係夏天，餐飲係水果冰茶。飲品完全無味，得啲澀味，杯飲品好細杯，但我都無辦法飲哂。經過上次，今次唔會再食All Day啦，揀返啲更安全嘅食物。英國紳士炸石班：櫻花蝦碎蛋、雙層牛角包窩夫伴薯條 ($128)同事食炸魚薯條，個魚略嫌炸得有啲過火。炸到外皮粉漿有啲硬，不過食落味道唔錯。薯條份量好多，佔咗碟嘅⅓。份餐一共有兩件牛角包窩夫，其中一片灑咗糖漿喺面，另外一片就夾蛋沙律。個蛋沙律要特別介紹佢，因為佢加咗櫻花蝦，個蛋沙律有啲調味之餘，又有少少口感，令

二人餐 有沙律，主食，牛排和兩杯飲品三個食物，兩杯飲杯，在旺角商場，裝修優雅，與朋友聚餐的好選擇。餐廳在戲院對面，最近都多新電影上畫，餐廳出餐都快手好食。整體感覺良好，聖誕約朋友來再幫襯。

Order了一份All Day Breakfast，食物質素很不錯，脆餅很有驚喜，到了餐飲陳皮檸檬…超甜！ 我加了3次水才勉強可以下口！對工作人員反映時，態度非常冷淡，漠不關心！今時今日，如果不重視客人的回應，如何維持在逆市中求生存的競爭力…祝君好運！

呢間lunch 意粉，都幾好食包飲品，秋天有熱飲揀，不用加錢，岩晒我們一班同事食lunch 佢的野食，都好食，又熱，最重要出餐快，office 同事食lunch 真是好趕時間，佢有卡位，岩一行4至6人一起食反傾計

應該是香港最好食的窩夫，我們見枱枱都叫，於是我們一行3人，都是叫呢款，真是好好食，擺盤都好餐廳環境靚，清潔整體氣氛優質，價錢合理由於坐左好耐，再叫多個意粉，可以加錢試新品，咖啡400次，都幾得意，下次再來

由深水埗店幫襯到而家嚟到Moko，食物同環境都比以前出色，牛扒好大份又好食，仲會同時俾芥末醬同茄汁，一啲都唔孤寒，飲品又多選擇，我叫咗杯抹茶latte ，甜度啱啱好，我朋友就點咗杯朱古力咖啡，啡味夠濃，啱晒我朋友，沙律又足料，碟意粉都好大碟，可以喺咁靚嘅環境下有呢啲食物質素，性價比非常高，又接受多人訂枱，喺旺角又係就腳點，如果朋友gathering真係一個好選擇。最欣賞係餐廳好好會請智障人士俾就業機會佢哋，值得支持，張單埋得都開心

睇完戲見對面餐廳幾靚，入去試試 !  點了烤雞和牛排，想不到味道不錯，烤雞JUICE，有肉汁，雞胸都是滑滑有味的!另外大胃王的另一半點了牛排，也吃到飽飽，又薯條又沙律菜又番茄，牛排有肉香，肥瘦適中，軟滑好味! 吃完已經超滿足，不錯的體驗，下次想吃甜品! 

午餐包飲品的餐廳，都幾多晚餐包飲品的餐廳，在旺角東moko大型商場，真是不多見，假日都做set，認真不錯食物好食，環境都ok如果要坐卡位，要4人已上先安排到，今日我們兩個人來，唯有下次約朋友來，再坐卡座

明明出面沒有太多人等，入座不夠幾分鐘，不斷催促到底幾時到齊人。今時今日咁嘅服務態度非常差。其他枱少一個人都不批准轉另外一張枱。喺依間餐廳食，就好似你比個部長監控一樣，佢個服務態度黑口黑面，同個餐廳的休閒氣氛完全不相配。食物又不好吃，無論飯或意粉都水汪汪冇乜味。個Pizza仲好笑，只係焗個餅底，其他食物全部都係最後才加上去，所以一拎起個Pizza食，全部啲toppings 掉曬落嚟，完全係包皮環包皮，餸還餸，完全只可分開食。飲品OK，但食就咪搞。所以不會再去，亦不會建議任何人去幫襯，免得$200一位嘅消費要受汽又冇嘢好食。

夜晚八點幾去到嘅時候，見佢裝修得幾靚，而全場只係得三張枱係有人坐，入到去嘅時候服務員將我帶到其中一張枱嘅隔離，座位距離非常之窄，我禮貌詢問可否坐到卡位，帶位嘅服務員都未出聲，有一位貌似經理嘅中年女人原本坐喺面向大門嘅一張枱度玩緊電話，立即好大聲咁話卡位係比四人嘅，嗰一刻以為自己去咗街邊小食店，卡位係比四人嘅當然明白，但見你間鋪咁多枱，又冇客嘅時候，諗住可以坐得舒服少少啫，同埋用D咁嘅語氣同態度終於明白點解十一國慶成個商場都要等位嘅時候，得你呢間拍烏蠅

牛角包非常之好食，新鮮熱辣辣，種類繁多，任君選擇，今次揀咗個滑蛋牛角包，蛋汁滑嫩，非常好食，仲嗌咗個窩夫，唔會太甜，令人一試難忘，服務態度亦非常之良好，會再一次嚟食！

餐廳吸引的原因是華麗的裝潢！第一次經過，試咖啡同甜品。今次就試晚餐，2件套餐和1份沙律；卡邦尼意粉、豚肉漢堡、雞肉沙律。餐飲就叫黑啡，一定要試！咖啡味道不錯，還有，裝咖啡的玻璃杯內有個富士山，型呀！

間嘢門面好靚，左邊係要糖食嘅右邊可以齋飲咖啡，由於齋飲咖啡嗰邊滿晒，我去咗左邊台式。坐低之後我叫咗杯Flat White, 等咗一陣佢就到啦，杯咖啡係雪山嘅形狀，望落都幾得意。點知杯嘢淡到一啲咖啡味都冇，而且仲要坐低之後，店員會黑口黑面咁望住我，完全唔知發生咩事，坐低勁唔舒服。呢間應該好飲過咖啡最差嘅一間，雖然門面係靚，但係咖啡質素同服務態度完全唔得，性價比其低。咖啡愛好者千祈唔好嚟嚟咗一定後悔，如果淨係食嘢都還可以咖啡就…..