Video
Read full review
2024-06-10
3016 views
之前喺深水埗出名食牛角包窩夫嘅mountain coffee搬咗嚟旺角Moko新世紀廣場，鋪位大咗好多阿🤩！！！行入餐廳就被純白色調包圍住🤍，餐桌上吊燈散發出柔和嘅光線，加上室內卡位設計中加入咗白色乾花作為點綴，與純白色調餐廳嘅風格完美融合，營造出一種清新平靜嘅氛圍☁️。🍔鹿兒島黑豚漢堡•櫻花蝦碎蛋•雙層牛角包窩夫伴薯條呢款感覺好似牛角包版嘅漢堡包咁🤭！豚肉烤到恰到好處亦好juicy🐷，櫻花蝦嘅鹹香同碎蛋嘅嫩滑相互融洽🥚。平時都係食開甜嘅版本多，而呢款加咗濃郁芝麻香氣嘅麻醬喺外脆內軟嘅牛角包窩夫上面🥐，帶來一種不一樣嘅滋味口感！仲有金黃酥脆嘅海苔粉薯條做伴碟🍟，食完真係好飽肚🤭～🥓All Day Mountain Breakfast（香脆煙肉•田園蕃茄•烤田園野菌•日式碎蛋•有機沙律菜，荔枝蜂蜜牛角包）牛角包窩夫配上香甜嘅荔枝蜂蜜🍯，真係令人無法抵抗！香脆煙肉🥓、爽脆蕃茄🍅、濃郁野菌🍄🟫同滑嫩碎蛋🥚都帶有荔枝蜂蜜味，令All Day Breakfast更有特色同風味💕！最緊要價錢仲好親民，係Moko都做到呢個價錢，性價比極高👏🏻！🍓士多啤梨脆脆•荔枝雪糕•韓式牛角包脆餅將牛角包壓扁烘焗
行入餐廳就被純白色調包圍住🤍，餐桌上吊燈散發出柔和嘅光線，加上室內卡位設計中加入咗白色乾花作為點綴，與純白色調餐廳嘅風格完美融合，營造出一種清新平靜嘅氛圍☁️。
🍔鹿兒島黑豚漢堡•櫻花蝦碎蛋•雙層牛角包窩夫伴薯條
呢款感覺好似牛角包版嘅漢堡包咁🤭！豚肉烤到恰到好處亦好juicy🐷，櫻花蝦嘅鹹香同碎蛋嘅嫩滑相互融洽🥚。平時都係食開甜嘅版本多，而呢款加咗濃郁芝麻香氣嘅麻醬喺外脆內軟嘅牛角包窩夫上面🥐，帶來一種不一樣嘅滋味口感！仲有金黃酥脆嘅海苔粉薯條做伴碟🍟，食完真係好飽肚🤭～
🥓All Day Mountain Breakfast
（香脆煙肉•田園蕃茄•烤田園野菌•日式碎蛋•有機沙律菜，荔枝蜂蜜牛角包）
牛角包窩夫配上香甜嘅荔枝蜂蜜🍯，真係令人無法抵抗！香脆煙肉🥓、爽脆蕃茄🍅、濃郁野菌🍄🟫同滑嫩碎蛋🥚都帶有荔枝蜂蜜味，令All Day Breakfast更有特色同風味💕！最緊要價錢仲好親民，係Moko都做到呢個價錢，性價比極高👏🏻！
🍓士多啤梨脆脆•荔枝雪糕•韓式牛角包脆餅
將牛角包壓扁烘焗製成酥脆嘅脆餅，比起牛角包窩夫更加脆口✨！新鮮熱辣牛角包脆餅同冰涼荔枝雪糕，入口形成冰火效果🧊🔥！荔枝雪糕球口感綿密濃郁🍨，加埋荔枝蜂蜜係雪糕上面🍯，每啖都食到芳香嘅荔枝甜味！而士多啤梨脆脆為雪糕增添酸甜果香味🍓，中和番甜膩感，整個甜品口味豐富而清新！
🍫OREO比利時朱古力雪糕•韓式牛角包脆餅
比利時朱古力雪糕嘅濃郁口感同牛角包脆餅嘅質地相互交融，鍾意食朱古力嘅朋友仔一定唔可以錯過😋！
☕️Tonic Espresso Mountain
湯力水慢慢加入濃縮咖啡後，形成好靚嘅漸變色層。濃烈嘅濃縮咖啡同清爽嘅湯力水交織一起，創造出清爽提神口感🤯！
🍵Kyoto京都宇治抹茶牛奶
抹茶嘅苦甜同濃香牛奶混合，口感順滑濃郁，灑上食用花瓣係上面做點綴，啱哂女士打卡阿😆！
📍 Mountain Coffee (旺角)
旺角太子道西193號MOKO新世紀廣場4樓433號舖
Post
