茶飯叁少

Open Now

Now Closed

行街行到攰，是但揀咗間餐廳，見到餐廳有位就入去試下。奇味雞煲 (半隻) $168我個人唔係太好雞煲，一嚟食完啲衫、袋好大陣味；二嚟試過幾次啲雞都斬到好碎，覺得無咩肉食，成煲碎骨；三，我唔係食得辣，所以無人會想同我食😂無論叫烤魚 或者 雞煲，都可以自由加配菜，我哋加咗蓮藕片 ($33)、寛粉 ($33)、鴨血 ($48)。雞煲一上，職員會放底個計時器，差唔多夠鐘，職員會自動嚟幫手打開煲蓋。雞煲有紅蔥頭、白蘿蔔、蔥、芫茜、唐芹。雞肉好滑，味道唔錯，都幾入味，調味唔會太咸。份量偏少，半隻雞兩個人都唔係好夠食。食完雞煲就加湯煮配菜。蓮藕片切得比較厚，所以要煮好耐。因為朋友要就我食唔辣，所以鴨血都係唔辣。我自己唔食鴨血，所以唔知個分別，但係朋友就話唔辣嘅鴨血好難食😂最後，拎咗辣椒油加落去😂咁岩今次3樣配菜都係需要時間去煮，個爐又唔夠力，等湯滾，再煮配菜，都等咗一段時間。君子好逑四季春 ($38)飲品甜度適中，百香果同檸檬味好香，好岩配啲咁濃味嘅食物，可以解膩。餐廳放咗好多檸檬，成疊咁😂寒天有好多，不過口感係煙煙韌韌，同我印象中嘅寒天唔太一樣😅，但味道係可以嘅。食物味道一般，味道唔算出眾，餐廳係走

行過幾次聞到雞煲好香，好少食茶餐廳類型，驚中伏，所以每次都冇食，今日又路經呢度，諗住求其食下午茶就入去試吓🫣環境都幾闊落乾淨👍🏻散叫/午餐都幾多嘢食，但係見到老壇酸菜魚都好吸引，所以下午茶就食咗2-3人份量嘅老壇酸菜魚😍本身有少少辣仲可以選擇中辣/大辣，仲配埋薯粉喺底。嚟到嘅時候好大盆，配料有豆乾皮、薯粉、芽菜、豆卜、萵筍、蓮藕、薯仔、仲有主角黑魚片😋估唔到好好食，又唔會好腥魚味👍🏻👍🏻下次真係要試埋佢嘅雞煲👍🏻

叫咗個雞扒蔥油刀削麵蔥油味濃郁 而且唔會好鹹另外佢配有另上嘅花生🥜不過呢個花生就真係超級鹹所以我都完全冇食雞扒炸得好酥脆皮好薄凍烏龍茶大大杯微甜帶回甘👍🏻服務員姨姨嘅態度對BB好友善嚟緊都應該會係成為我哋嘅飯堂

今日晚餐經Openrice 外賣自取用Payme 比左錢之後請朋友幫手攞，個單就寫19:32可以攞，結果朋友話見到外賣平台 單係咁入去攞，但我地都未有，追問左幾次都話未有，淨係應付外賣平台單，最後先話無我地單，Check完再話張單無Print出黎，結果我朋友等到20:00先攞到，嬲到叫我幫佢投訴……咁就野食黎講唔差嘅，性價比都會理，個人而言都有機會會再幫襯嘅，不過Location問題應該唔會堂食，希望漏Print單呢個問題係個別事件，唔好再發生

一個人去到將軍澳, 夠鐘食個下午茶 食物 : 輕盈老壇酸菜魚片配米線 $58 ~ 米線都好大碗, 夠飽, 魚片都好滑, 湯味夠濃, 都算唔錯 飲品 : 四季春菜 (套餐配飲品, 轉凍飲加 $3) ~ 大大杯夠凍夠解喝, 味道淡淡地, 正正常常 環境 : 下午茶時段比較少人, 坐得舒適 服務 : 職員有禮貌 價錢 : HK$61 (無加一服務費)

好失望 曾經食過一次幾好食 估唔到過左一排再去食差別會咁大 大伏 千祈唔好黎食 圖一嗰個椒鹽杏鮑菇 完全冇味 一d味都冇舊菇得水煮味 我已經揀辣 唔敢想像唔辣係咩味圖二三分別係我同女朋友既酸菜魚幾乎同一時間上一模一樣嘅嘢但係兩碗嘢嘅顏色可以分別咁大好明顯係唔夠湯跟住溝水俾我兩碗嘢嘅味道完全唔一樣 一碗正常一碗剩係得個酸字唯一嗰1分係俾個蒜泥白肉 $38都算係幾大份味道都OK但係總結都係千祈唔好嚟食 除非你淨係想食蒜泥白肉加白飯

二人晚餐初次嗜鮮今日試左呢間已經係坑口開左一段時間既餐廳，入到去覺得似茶餐廳格局。我地叫左京蔥炒牛肉配白飯同蠔仔肉碎泡飯，飲品就叫左大紅袍奶茶同菠蘿梳打水。京蔥炒牛肉一般般，蔥唔夠香無乜味，牛肉份量係幾多，但無乜牛肉味，炒得太油，唔好食。 蠔仔肉碎泡飯用個爐熱住，入面得幾隻蠔，肉碎同飯就相對多，湯有鮮味。最後要提到大紅袍奶茶同菠蘿梳打水，兩杯都一般般，大紅袍奶茶唔夠甜無乜味，又無珍珠，另一杯就無乜菠蘿味🫨🫨

朋友係附近住約出嚟短聚，經過見到呢間川菜餐廳LUNCH價錢都合理，無加一所以試下。 叫咗個漢蜀四寶飯，嚟到都有驚喜，有前菜跟埋（唔知跟餐個前菜會唔會轉，因為花生我個人好一般）啲餸有分開上都幾大碟，唔會係每款得一兩件果種 👍🏻 豬耳夠爽彈，小辣啱啱好，最正係個牛肚，幾入味。我朋友就叫咗酸菜魚，佢話無骨都唔錯。 環境都OK坐得都闊落，不過有少少嘈（可能LUNCH人多，加埋餐廳啲音樂）同朋友傾偈要大聲先得，整體都唔錯，如果去開呢頭都會再幫襯！

賣服務有待改進 1與系統通知時間不符足足多等了15分鐘 才拿到外賣2 漏餐給錯飲料 跑了2次 才把餐拿齊 而且點凍飲 給熱飲 平白無故抹走凍飲費這不是第一次這家外賣出差可以好好改善一下

我想就最近一次喺貴店叫外賣用餐時嘅不愉快經歷同您溝通。我哋本以為能夠享受一頓美味嘅晚餐，但遺憾嘅係，喺我哋嘅食物中發現咗蟑螂。呢個發現令我哋當場感到極度震驚同不安，對貴店嘅衛生標準產生咗嚴重嘅懷疑。我明白喺餐飲業經營中，偶爾可能會遇到一些難以預測嘅挑戰，但衛生同食品安全絕對應該係最基本，也係最重要嘅考量。發現蟑螂嘅事實不單單影響咗我哋當晚嘅心情，更令我哋對貴店將來是否能夠提供安全、衛生嘅食品感到擔憂。因此，我希望貴店能夠正視呢次事件，徹底檢查同加強內部嘅衛生管理措施，確保所有食物都係喺一個衛生、安全嘅環境下準備同提供。同時，我哋亦希望能夠聽到貴店對於呢次不愉快經歷嘅解釋同後續嘅改善措施。我哋期待貴店能夠以顧客嘅健康同安全為先，採取積極嘅步驟回應我哋嘅擔憂，並確保類似嘅事件不會再次發生。感謝貴店嘅理解同合作，希望能夠再次信任並選擇貴店。

響呢間餐廳食早餐，湯裡有頭髮，衛生程度欠佳，已報食環署。d枱櫈永遠無抹好，油膩膩咁都唔抹下先。仲有呢間d店員服務態度認真差，個店長帶頭做到咁衰，其他侍應又跟住個店長咁做，衰到無人有。

最近app做緊promotion 買滿$100就可以減$50😍😍 我就緊係唔執輸 趁今日食平時想食 但又唔捨得食嘅茶飯叁少☺️我一向都好鍾意食酸菜魚 所以就嗌咗金湯酸菜魚片配白飯🥰 呢個價錢嚟講份量好足 有大約十塊魚片 仲有豆腐卜、芽菜、鹹酸菜等等嘅配料☺️ 其實食到一半就已經好飽 碗飯都食淨咗一半😶‍🌫️ 但係魚片只有辣味 無咩酸味同麻香味🤧 如果想平平哋過吓口癮 茶飯叁少絕對係一個選擇 但就唔好要求好似正宗嘅酸菜魚咁有麻香味🥺 作為酸菜魚愛好者嘅我嚟講 食一次就夠！隨餐附送四季春 等我可以解渴解辣解膩😙因為太飽 所以口水雞就留返下餐食 但賣相好靚 仲有平時少見嘅青檸作點綴～

今日行過坑口，喺東港城唔知食咩早餐好，見呢間餐廳開了一段時間，裝修得又唔錯，座位都算舒服，所以決定去試一試呢間……茶飯叁少，食番個平靚正嘅悠閒早餐。總結：平民價錢，整體食物質素可以，餐廳環境亦很舒適，整體評分不錯，經過開坑口真係可以試一下依間平民餐廳。

叫麻辣雞煲，本身另外叫左四款配菜，返去打開後發覺配菜完全係未煮熟的食物。最後要自行在家煮熟再倒落雞煲內。外賣照道理應該煮熟，好彩雞煲味道很好。麻辣味道配合良好，只是未熟的配菜令到整體失色。

坑口區叫外賣普遍啲餐廳喺程式度都會貴好多，咁啱俾我見到呢間有台灣飯盒，價錢又實惠，就一於試吓，其實住呢區都有見過呢間食店，不過門面都是寫住中式川菜酸菜魚為多，估唔到在外賣程式上午餐都有台灣飯盒可以叫，所以就一於去試吓我叫咗個鹽酥雞肉燥飯，外賣送到屋企時都係大大份熱辣，份量嚟講都算幾多，首先鹽酥雞醃得非常好食，可能我個人比較鍾意食重口味，所以覺得佢調味方面醃製得好好味，如果平時清淡嘅人可能會覺得鹹，肉燥方面略嫌佢比較多肥豬肉，不過可能會有好多人鍾意總結：估唔到餐廳都有台式便當外賣，份量大，質素OK，以呢個價嚟講算性價比高