百變蛋君 (Closed)

搭巴士去銅鑼灣一落車就見到呢間鮮黃色既鋪頭仔～係間專賣雞蛋仔同野飲既鋪頭🙆🏼‍♀️雞蛋仔d口味好特別，除左原味朱古力味仲有d紫薯臘腸芝士味😱之前都冇留意呢頭有雞蛋仔賣，就買左黎試下。——————🍫原粒臻子朱古力味雞蛋仔 $32🍫 (7.5/10)‍等左十分鐘左右就有得攞～我哋揀左保險既臻子朱古力味😂一攞到就忍唔住食左幾粒～雞蛋仔本體口感偏煙韌得黎入面唔會太空心，係我中意既個種👶🏻外層亦夠脆，不過就有少少偏硬💁🏼‍♀️朱古力同臻子就真係落得好多好足料，整體都幾好食😋抵讚既係我哋攞到番屋企過左一陣都仲係脆口既☺️———————😋味道：7.5/10🤵🏻服務：7.5/10💰抵食：7.5/10⏳等候時間：10分鐘

晚上揸車經過，見到有雞蛋仔，因為好耐冇食，雖然飽飽哋，都決定要食。行到過去先知原來有咁多新款口味。本來一心諗住買原味嘅我都動搖了。想了好耐，在兩款推介中選了蘋果批味。製作全程可看到，見有唔少蘋果粒，心諗都唔錯。我一向都鍾意食蘋果批，食落呢個雞蛋仔，真係好食過我喜歡的蘋果批。蘋果酸甜味加玉桂味加雞蛋仔balance 得好好味，又一D都唔會膩。差唔多係我食過最好味嘅雞蛋。highly recommended.

原本係因為飲開嘅台式飲品店關門大吉，想起這間新店也有買台式飲品，就試試香芋糯米，順便點招牌蘋果批雞蛋仔。每款雞蛋仔也很有特色很多都想試，店員推介未食過的就是是蘋果批，是很不錯的！我站着等的10分鐘內，也有客人來新嘗試，店主也會介紹一下鹹的或者甜的選擇，覺得服務真的不錯哦！香芋糯米飲品我點的是熱飲，唔好飲..應該話好難飲，我飲了兩三啖就掉了。但蘋果批雞蛋仔很好吃每一個雞蛋裏面都有蘋果肉。服務很好很有禮貌，雞蛋仔是推薦的，飲品就不了。

自新開張到依家食過一次，今次過嚟食第二次。記得上次食過佢嘅朱古力Oreo味雞蛋仔，真係唔錯！今次過嚟想食多次朱古力Oreo味，點知賣哂🙁店員就推薦原粒榛子朱古力味，佢話係比朱古力Oreo無咁甜，於是我就買嚟試下！ ⚠️ 我呢兩次過嚟買都係要嗰樣無嗰樣，如果大家有特別想食嘅款式可能要早啲過嚟買！呢度嘅雞蛋仔味道款式好新穎，有臘腸味、麻辣牛肉味、泰式炒蝦味、D24 榴蓮味，有甜有鹹，新奇有趣！ 另外店舖設計、menu設計、包裝設計都玩味十足，有別於傳統雞蛋仔店，深信會較受年輕人歡迎👀店舖位置其實比較隱蔽，唔係喺大街，由地鐵站/巴士站行過嚟大概要行3-4分鐘。店舖隔離係其他餐廳後巷位置，衛生較為麻麻，但百變蛋君店面尚算乾淨👌🏻❤️ 原粒榛子朱古力雞蛋仔 $32都幾足料，粒粒都有榛子醬，有時仲食到原粒榛子！😛 雞蛋仔蛋香味唔算濃，榛子醬應該係用Nutella，一樣味道。食食下令我諗起金莎，食得多有少少漏，同覺得太甜。建議要配茶飲，邊飲邊食！我覺得都係朱古力Oreo味好食啲🤫包裝方面係幾靚，適合打卡，但食到一半無得包住個雞蛋仔拎翻屋企，有少少唔衛生。好食度：⭐️⭐️⭐️ (3/5)餐廳推薦度：⭐️⭐️⭐️✨ (

星期日夜晚9點幾，條街啲野食好多都冇開，打電話落去佢哋仲開緊，就叫咗個蘋果批味。落到去成間舖頭已經係一陣玉桂味，好香。本來想叫檸檬燉雪梨，不過已經賣晒，佢哋推薦下㨂了香芋Oreo,個芋泥好香，飲得出係新鮮芋頭整，但係最後個Oreo 餅一塊咁效上去，其實係飲唔到嘅，呢點唔夠細心。雞蛋仔粒粒食到蘋果係入面，外脆內軟好好食。第一次見到一間唔賣原味嘅雞蛋仔，不過呢個蘋果批真係好食過平時啲雞蛋仔，好少有餡雞蛋仔可以做到咁足料仲咁外脆內軟，下次仲想試咖喱薯仔。

😌😌食好西就不分晝夜，不分地段。剛剛今日揸車經過原來除咗銅鑼灣之外天后都開咗「百變蛋君」。泊正門口好放便🤩🤩今次食左麻糬•糖不甩見到老闆響度梗要支持下。上次(如圖）佢同我囡同老公真係好似久別重逢咁傾到鷄🐓啄唔斷🐔，今次順便買返屋企比阿囡老同老公😋😋*重點係返到屋企都係脆脆好好味*👍🏻👍🏻今次唔記得捉靚仔老闆影相😝下次搵一樣型仔店長影番補數🤓佢哋知道係老闆親自炮製，唔洗5 分鐘已經食晒兩底落肚😋😋有時候，我哋就係要e 份人情味💕💕去除走生活中嘅負能量🥰🥰絕對係值得100%推介嘅小店😍

平時食開銅鑼灣嗰間，今日同屋企人落炮台山食飯，點知發現開咗分店！即刻停低買返底，啱啱好門口有得泊車，就買咗我最愛嘅糖不甩味。話說呢隻雞蛋仔嘅內餡係台灣直送嘅麻糬同花生芝麻，係佢哋招牌，雖然叫糖不甩，但係一啲都唔甜，芝麻味仲好出，有種芝麻糊嘅香味。老闆係銅鑼灣同一個老闆，佢話而家係佢自己兩邊走，有食開銅鑼灣嘅應該都知佢哋好好傾，因為銅鑼灣以前冇疫情時要排最少半個鐘先到手，等嘅時候就係同老闆吹水度過。平時係銅鑼灣飲開JCL Kiwi，今日天氣凍老細推薦我飲新野，暖嘅檸檬燉雪梨，好好飲！滋潤得黎，仲有果肉咬下。題外話，佢哋呢間一直都唔賣原味嘅，老細話佢哋啲餡真係自己每日煮，唔係求其加啲罐頭嘢即食嘢香精嘢就一個味嗰啲。雖然價錢唔算平，但我最求食好西嘅，最緊要啲料係新鮮同足料，雞蛋仔啖啖都好食，嘢飲唔會死甜飲唔到食材嘅味。杯雪梨為例，半杯都係雪梨肉，親眼睇住老細放一個雪梨落去整嘅。連個包裝都用心思架，令人可以唔使用手掂而直接食，又keep到脆度（當然，加咗膠袋就真係神仙難救啦）。自己平時好少寫食評，不過見佢咁難得逆市開就鼓勵下佢哋啦！

完全不是想像中的，可能普通的一份也會好好味過佢。店舖和 menu. 好想花了心思，但是主角卻令人失望。服務態度也非常差！跟飲品減五蚊，客人話不用，便馬上黑面！幾十蚊杯飲品基本在這地方是不值

呢間雞蛋仔嘅款式係小編見過最特別嘅，有鹹有甜，但甜味都唔係一般朱古力抹茶個類咁簡單🤤款款都好想試，老闆見我地糾結咗咁耐，介紹咗幾款人氣雞蛋仔俾我地😭老闆仲聲稱啲材料係由台灣直送架🤤.🥞麻糬•糖不甩即叫即整，熱辣辣脆卜卜，小編一路寫食評一路回味緊，好想再食🥰餡料係花生芝麻加麻糬，花生芝麻味好香濃，但小編就覺得再比多少少會好啲😛好後悔冇試蘋果批味，個陣隔離買嘅人個個都話呢款好食🍎價錢就真係偏貴嘅，不過見佢地製作認真，又比較有新意，都抵比嘅！.🍽味道: 3.4/5🏙環境: 3.5/5‍👨🏼‍🍳服務: 4.2/5💧衛生: 3.8/5💰價錢: 2.8/5

店員話香蕉朱古力會好濕，唔咁推薦，介紹我食$38招牌蘋果批雞蛋仔。已經係即整但都係凍... 加上呢個時勢，包裝上都係無遮無掩，半個雞蛋仔佈露喺街上，會唔會太危險....好失望，唔worth呢個價...