Mr & Ms Burger (Closed)

今日黎到荃灣好想食burger,知道附近有幾間都好食既,但係之前食完路德圍呢間好正,好想再encore!咁又再黎過喇😆今次心血來潮想試試佢既熱狗,咁就叫左個薯條set加埋芝士醬,估唔到熱狗都有芝士醬喎哈哈,都幾得意,賣相好吸引,熱狗就比我想像中既一般,可能之前食burger太高期望,亦都可能係因為佢係burger店,熱狗係差少少既,同埋薯條點解少左咁多,好傷心😭😭😭之前成個bucket既薯條轉左得番幾條,比想像中落差大了,希望薯條會多番啦！

今日去左荃灣同朋友食飯,本身諗住去citywalk果邊食既,但係其實都食過好多次,無咩岩心水,所以朋友提議話不如去路德圍附近坐低食野,路德圍去得多,但多數都係掃街同飲珍奶多,平時好少留意路旁既餐廳,今次朋友帶我去左間食漢堡既餐廳,入到去就叫左個signature既安格斯牛堡,配埋芝士醬薯條,一上堂無諗過咁大份🙈首先佢個burger已經好大舊,成坐山咁高,仲要同圖片一樣真係有2層牛肉,omg~~~隔離成桶buket咁多既薯條,真係淨食薯條都飽,好正,成個餐都係80幾咋

一向鐘意食burger, 不過未有機會試呢間係荃灣既mr & ms burger, 今次咁啱有位唔駛等, 即管一試。 Classic American burger 傳統美式漢堡 個包做到外脆內軟, 塊牛肉係好厚, 雖然唔係優質級數既牛肉, 不過非常juicy, 而且burger入面有好多配料, 包括生菜, 洋蔥, 蕃茄, 煙肉, 芝士, 食落口感同味道都好豐富同有層次。 薯條係好粗身既薯條, 上枱時熱辣辣, 食落滿滿既薯仔味, 應該係即叫即炸, 幾新鮮。 整體而言, 食物唔算好突出, 不過都唔算差, 下次可以試試其他burger。

根據我幾秒內嘅又觀察 呢間應該係有兩個舖位嘅 (應該係 除非唔係)... 而我地就坐係有廚房果邊嘅高櫈... 可能係我太肥 (一定係 無得唔係) 我覺得好逼 坐得唔舒服... 另一邊廂應該會好坐D...Anyway... 我地叫咗個 double cheeseburger share... 果兩塊牛肉 patty 係幾厚嘅 菜都新鮮.. 好食 但對我黎講未至於好 outstanding... 反而個薯條就一流啦 我唔識形容個薯條有幾好食... 有薯仔味? 口感好 新鮮出爐 etc etc...另外有好多唔同嘅 craft beer... 配上個一流薯條 係幾嘅

好想食burger, 老公又鍾意食炸魚薯條，每次行過哩間餐廳，都無沖動入去嘗試，可能因為睇落坐得唔太舒服。今次行過，睇睇餐牌，價錢合價又係我地想食嘅野入去嘗嘗。好驚喜，佢地有手工啤，好啦同老公啤一啤其實坐就真係唔多好坐，但勝在食物真係幾好味，唔係得個樣（餐牌入面個樣）叫左手工啤，炸魚著條，蝦多士，一個大burger..burger唔想得影相呀可能啲食物太好咪，同老公傾傾講講。。。就唔記得影相食到好飽，下之再想黎食

一到假期，只要訓晏少少就好多只要好少少既all day都要排長龍！今日又係，係屋企open rice定，不過去到兩間都排到打哂蛇餅，又係局住係附近求其揾間亂入今次亂入呢間，質素都唔錯唯一可惜係無熱啡，得可樂，柚子蜜，啤酒經典漢堡$68+汽水，薯條餐(唔記得幾錢，廿幾)汽水有片檸檬，即時正左啲薯條勁粗勁有薯味，不過唔好睇佢個杯禁深，比張紙頂到上頂，雖然好好味，只係數埋10條都無，我覺得唔好比個杯，就禁放係盤上面，感覺會良好啲個漢堡好軟熟，好多肉汁正餐牌上竟然見到有all day$98，即時surprise 左份量黎講，食開all day既我，覺得真係貴左，呢個價錢，連腸都係得好細既一條仔，沙律亦無汁！最好食係啲菇粒，其他無特別而且無餐加，亦唔跟野飲，餐牌上提供既飲品，亦同all day完全唔夾，水都無杯比！黎呢間都係食返漢堡好啦

難得有一日假期，便同老婆去搵間burger食下，諗住relax下，最後揀左呢間，簡直失望到極……女店員由落單開始已態度已經好冷淡，好似唔想做我地生意咁，全程黑面到爆~由於我地一開始係坐喺門口位，佢每次開完門都唔關返門，今日天氣又勁熱，啲熱氣係咁攻埋黎，每次都係我幫手關門，以為自己做左店員……落完order知道原來隔離鋪都有位，就要求轉去隔離鋪位，食物到左，叫左兩客漢堡包括一客慢煮雞排同一客傳統漢堡，再加一客黑松露菇，客菇黎到，個位有好性格嘅女店員一野就將成碟食物放左喺我部手機上面，勁無禮貌，跟著就依舊黑面轉身離開。漢堡嘅質素一般，個黑松露菇幾乎食唔出有黑松露嘅味。食食下仲冷氣機滴水滴正喺背脊，唔好意思都無講聲。總括黎講，一定唔會再去，黑面女店員黑面到一個點，完全影響哂我倆嘅心情。

經常經過呢間餐廳都坐滿人咁岩今日行過見無人就走試下嗌左兩款burger：傳統美式漢堡同慢煮雞扒漢堡 一個要薯條 一個係薯塊美式漢堡係牛肉黎既！牛肉整既漢堡都無得輸，味道唔錯、牛肉都好多汁、煙肉唔會太乾、個包係微熱、整體黎講係好食既另外雞肉漢堡就好普通、雞肉煮到有少少過左火、但都接受到、不過成個包黎食就無咩味、普普通通薯條同薯塊都係即炸既薯條就正正常常薯塊就好正 大大塊 外脆內軟整體黎講美式漢堡同薯塊係幾好食，值得一試

星期六瞓到自然醒本身已經好爽 瞓醒仲去食個 burger 🍔🍟🥤爽到冇朋友坐低我地叫左一個burger set + fish 🐠 & chips 🍟果度播住 hey Jude/ let it be... 🎶🎵🎶 感覺好輕鬆好relax 💆🏻‍♀️☺️唔錯👍🏻抵讚 1 ：即叫即整，但又唔駛等好耐Best Seller : 雙層漢堡 set👍🏻抵讚 2 ： 味道唔錯，份量好足 👎🏻薯條加芝士醬加 $8 唔抵，得面個浸，芝士味亦唔特出我同老公都覺得食過最好食既 fish & chips 係 Fremantle 碼頭，真的好好食不過老公話有d 地方有生之年或者只會去一次 😭😭Fish & Chips ：個魚唔係一般薄脆漿，而係偏向吉列那種，收$88 份，但都用返鱈魚都算Ok 有厚度有口感整體來說 $230 二人午餐貴了一點，但食物質素Ok 幾好味，久唔久食下都幾好，當撐下小店。會再來的 😊

黎開中旅社攞證件，順便試下出名既Burger。我地點左一人一個經典Burger ($68)，其中一個跟餐($28)，著條加芝士醬 ($8)，飲品轉凍水果茶 ($10)。最好味係芝士薯條，薯條好粗，有炸但係唔太熱氣，裡面仲係薯蓉咁軟熟，調味都啱啱好，可能係我地食過最好既薯條！經典漢堡正正常常，無乜邊樣配料既味道好突出，唔係Burger King個種重口味，不過整體既味道好協調，渾然一體。好期待既安格斯漢堡扒唔係好濃牛味，係淡淡既香味，口感都幾豐富。蕃茄生菜好新鮮好多汁，MRMS醬汁係一半芥末一半蛋黃醬，味道温和。上面塊包好有份量，唔係打左空氣既，食完非常飽肚，由下晝飽到夜晚！水果茶不過不失，紅茶唔係特別好，水果份量就好多，篤多幾下都係夠味既。總結黎講性價比唔錯，好味得黎食得好飽，其實我地兩個share一個double經典Burger，再加個小食都可能夠。一開始黎錯左個double burger，份量好驚人，早知唔叫老闆娘換單層burger比我地。。。。因為佢之後話唔好意思，請我地食一份薯條，再之後後生女店員話唔小心炸多左份薯條，又請我地食，我地卒之食左3份薯條。我地坐左門外既摺枱，因為老

荃灣好味漢堡店，非Mr &Ms莫屬！經濟實惠得來，漢堡包同熱狗嘅質素都係荃灣之冠！佢個經典漢堡中嘅牛肉肉質鮮味多汁、當中嘅蔬菜蕃茄亦都非常新鮮。加錢變成套餐嘅薯條，係非常之粗條，外面脆卜卜，裏面好粉！套餐配汽水，不過可以加錢配手工啤，咁樣係最抵嘅組合！

一向係荃灣搵食，當然知道有好多好食店，講到有質素嘅漢堡及啤酒，荃灣區云云咁多間，最得嘅都係算係路德圍呢間Mr & Ms！今個聖誕節陪仔仔去完新開的super park 狂歡玩後，已經9點鐘，又攰又餓，我仔二話不說要食漢堡薯條，即刻飛車返荃灣去MR&Ms.一向知呢間漢堡店嘅分量十足，所以只叫了兩個餐，另外再加手工啤兩支。🍺🍺我哋一向都係食佢材料最豐富最好味嘅招牌漢堡，所以一定會叫一客，但今次囝仔堅持要試食hotdog，我哋之前未叫過熱狗，竟然有出奇嘅驚喜，麵包軟林林夾住脆卜卜嘅大熱狗腸，仲有好新鮮嘅青瓜生菜蕃茄同美味嘅醬汁，熱狗腸上面淋滿左好香口嘅芝士醬，阿仔不斷話好好味！其中一客薯條加錢加芝士醬，真係超好味！冇得頂！Mr &Ms環境佈置一向走型格路線，加上聖誕嘅裝飾氣氛非常之和諧，配合有氧嘅音樂！呢個聖誕節，係好平安好舒適嘅環境之下渡過了！Merry christmas!🎄🎁🎉🍺

每次去荃灣海霸街，都會在街角經過一間鋪頭，起初還以為是一間酒吧，直至有一天抬頭看看，才發現原來時一間漢堡包店。Mr & Ms Burger 裝修用心特別，牆上貼滿舊報紙，感覺懷舊，富有小店風品。至於漢堡包，今次點選了Mr & Ms Classic American Burger，包的入口鬆軟；煙肉煎得香口，蕃茄新鮮，且切得厚，富口感；生菜新鮮爽口；至於漢堡包的靈魂方面，漢堡才八尚算厚身，肉汁亦能保留，牛肉味突出。如果行經荃灣，Mr & Ms Burger 是一個不錯的漢堡包選擇，它會給你一種輕鬆的假日感覺。

熟悉荃灣嘅話都會知道呢個位之前一路都係做唔住，直至呢間漢堡店嘅出現！佢終於改寫命運，但係我覺得今日試過之後都係10分普通今日叫咗一個溫泉蛋沙律好簡單賣相幾好，但係竟然冇乜汁，好似生吞啲菜，終於忍唔住叫店員俾多少少我叫咗一個burger唔記得咗帶乜鬼嘢牛肉，仲加左菠蘿添食落去真係冇乜特別，牛肉亦唔覺得出色醬汁亦都係冇任何令我覺得佢俾人出眾嘅地方！只可以講試一試OK囉！好味就講唔想架啦普普通通囉，咁樣食咗160幾蚊好似有啲貴！所以都係試過就算因為都見到個餐牌冇乜特別嘢吸引到會再來

今日下午講起肉汁burger ,就產生左食burger 既念頭喇，同💁🏻‍♂️去左荃灣try try 小店既技術，由於之前喺elements IFC try個好多burger ，百幾元一個都無肉汁，已對香港漢堡包失去信心，仲要勁掛住澳州既juicy burger 去到小店，麻雀雖小，五臟俱全。為左try佢有無肉汁，就order 左傳統美式漢堡，💁🏻‍♂️就order 左炸魚流心蛋漢堡。手工draft beer 不錯哦我既美式漢堡，個包係我鐘意既淋淋包，加上店家烘左，好食，不過美中不足，係個牛咸左d ,不過咬埋個包加生菜加蕃茄，中和翻都可以接受，不過main point 有小量肉汁，以依個價錢嚟講，5錯，個薯角新鮮炸出嚟，熱辣辣💁🏻‍♂️叫既炸魚burger ，個魚好脆，加埋店家醬汁，不錯，粗薯條好食，有咬口，5係m 記overcook n 幼chips 總括來說，因為個chips n 薯角，I will be back