Mr & Ms Burger (Closed)

As an ex-pat American ABC born and raised in NYC relocated to HK, I now find myself constantly in search of cuisine and food that reminds me of home.  While on HK island there are some fairly authentic Western food restaurants available, the farther away from the epicenter of HK island one goes, it seems obvious the quality of Western cuisine plummets.  No surprise really and not a criticism of HK - just stating facts.Recently finding myself spending more time in Tsuen Wan, I found myself cravin

今日打算去荃灣搵野食，原本7點幾經過見到都幾多人，所以去左另一間食左小小野先，8點幾9點幾時候番番去，已經無人等位，見到有人坐人出面食，覺得好吸引，所以同男朋友都即刻坐低食。我地因為岩岩食完另一間餐廳，所以2個人簡左一個貝羅黑松露芝士漢堡（＄58）同加＄28跟左個薯條同可樂，個薯條可以加＄5加芝士。唔洗點等，好快就有，可能人唔係好多。首先上左薯條同可樂先，薯條幾熱下，岩岩上就脆d，不過放左一陣就開始唔係好脆，都算大份，而d芝士就同之前m記果隻差唔多。個飽個size ok，有貝羅菇，黑松露醬，車打芝士，火箭菜，蕃茄同秘制醬汁。整體都ok，個菇幾juice，d醬都唔錯，不過就無咩cheese。我個人食野比較鐘意坐門口，呢到如果你夜小小，坐係門口都幾舒服，同埋裝修比較有特色。 

《Mr & Ms Burger》創業不是不好，但最好不要造藝未深便創業貨色是好是壞，難道覺得客人會食不出來？價錢與質素不成正比，整體面言，CP值低 參考此餐廳前陣子的某食評，覺得好同意，講得好岩！借以引用一下：「餐廳始終係是餐廳，應以食物為本」見罷此句，當下心中無限認同餐廳真係好細好細，細到底個客人都坐唔到但地理位置差＋資本不足情況下，可體諒始終 有頭髪邊個會想做癩痢吖餐廳設計還不錯，以低成本造出還可見大眾，不錯的效果開放式廚房，客人一覽無遺先講講漢堡包，叫了牛肉芝士漢堡頂層既麵包有烘過，呈乾身，幾好可惜最底層嘅麵包無烘過+有生菜水等關係一拎上手未食已發漲，濕濕的，手感變得好差💔牛肉漢堡無肉汁無牛肉味，入口無彈性無牛香，肉質勁為鬆散，只有感覺重重的黑胡椒味👎🏻而且醬汁方面無心思，講咩特製醬汁都好，其實都根本唔特製，勁平庸😠番茄生菜係食落新鮮既，但真心不值一提，因為實在太太太普通了整體味道欠層次，雜亂無章既味道，亂七八糟😩😩－－－－－－－－－－－－－－－－－－－－－－－－－－－－－－唯一慶幸，薯條炸得幾好食，下回分解雙重芝士薯條薯角平心而論，$58+$28=一個餐= $86要我食質素如此

朋友介紹多時，終於有機會一嘗舖頭細細，但係好有浪漫feel!!!very like因朋友遲到，所以先點炸魚薯條同雪碧嘆下炸魚柳即炸好正！係薯條再熱返啲就完美！朋友到後，嗌左松葉蟹餅包，同黑松露菇菇包。Size夠晒大！好滿足啊！特別要贊黑松露菇菇，菇味香到爆😳😳😳最後係食唔晒要拎走！店員會細心幫手包起！最最後要讚handmade啤酒，果味濃😳再去會叫多次！

今日約左朋友係荃灣食飯，又突然好想食Burger, 又唔想食連鎖式果D, 上網一搵就搵到呢一間，應該開左唔係好耐，我唔係荃灣人，但估唔到門面已經咁吸引，明顯就係有心設計過！加分！👍由於朋友遲到既關係，又怕會好多人，所以決定排住隊先，突然有個唔知係唔係老闆娘既人，渣住一罐可樂，問我洗唔洗飲番杯可樂先？因為天氣好熱，雖然係夜晚！一個字：體貼！一路排隊果陣已經諗定食咩，朋友一黎到已經可以落Order, 叫左一個Crabby(松葉蟹肉餅漢堡），睇個名已經吸引！個汁好好味，個包脆得黎又好鬆軟！蟹肉餅唔洗講都好味！係門口望到有手工啤酒，所以都叫左兩支黎飲！估唔到荃灣都係手工啤，仲要唔係貴！好啦！去相～～總括：服務5星 食物5星地方4星半（因為真係細左小小，但係係舒服同靚既）我會番黎再食！

因朋友仔試過le 間burger 話都ok，所以一心諗住黎食下，點知。。期望過高😅先講下環境，係唔錯😊幾有feel，但始終細咗少少，枱都係得5-6張，所以其實真係有排排😅我地叫左一個Classic burger同deep blue sea，然後加左1個combo，有薯條同一杯野😊Classic Deep blue sea 2個burger都一般，d sauce 唔夠特別，肉唔夠熱，食落去有d凍凍地，所以排一次食完我唔會再特登排隊食😅但薯條ok既，夠熱，但唔夠味😂另提一提，服務員態度幾好，有禮貌👍🏼繼續努力💪🏼

我個人都幾鐘意食burger ，今次試呢間burger 真係超出預期。去到見到舖頭幾細，要排隊等位，座位都幾窄。叫左個double 牛肉漢堡，一個大菇黑松露芝士漢堡，芝士薯條薯角，個大菇黑松露burger 超級好味，大菇juicy 味道夠晒fresh，唔肥唔漏味道一流，牛肉burger 味道正宗，漢堡扒唔會太熱太硬，林得黎多肉汗，但有少少過咸，薯條薯角就無乜特別，加左芝士醬味道ok 。食晒所有野本來都好鬼飽，但最後都忍唔住叫多份bello菇小食，一份兩隻大菇，切開啲汁必晒出黎，真係回味無窮。佢地新開無耐，黎緊應該會有更多唔同野食揀，一定會再返黎食！

廢話唔多講環境簡約優美,帶復古而時尚味道。但是,餐廳始終係是餐廳,以食物為本。對於追求美食既人黎講,薯條還可以,但漢堡包實在唔入流。食過唔少美味的漢堡包,所以對此略為講究。安格斯牛肉芝士漢堡:生菜有光澤,麵包有特色,外觀吸引。然而,牛肉漢堡卻無肉汁,無牛肉味,入口似碎牛肉加水,淡而無味,肉質鬆散。漢堡是漢堡包的精髓,一道食物的靈魂。一個沒有靈魂的漢堡包,沒有品味的價值,兩個字—失敗。再者,醬汁只是平庸的茄汁和芥末,番茄生菜就是正常的番茄生菜,不值一提。整個漢堡吃起來,像沒有溝通的鄰居,沒有關係,沒有層次,同時又存在密不可分的矛盾。同樣道理,麵包、番茄、生菜、芝士和漢堡被人強加起來,看似是漢堡包,其實是雜亂無章的生菜番茄芝士牛肉麵包,劣。可能個人口味異常,或者要求過高.但平心而論,一個如此的漢堡套餐值90大元?講真去Mos Burger同Burger King食仲好啦。不。知慳識儉的倒不如去M記吃個飽。

於路德圍新開左間burger 間， 於荃灣官小對面， 呢個位置由沖哂店到e + (大概4 年) 都已經轉過3間不同類型嘅食店， 呢間burger 應該於7 月尾左右開業， 每次行返屋企時都見到有好幾位客人排於店外等位~ 心諗真係咁好食？ 搵日一定要試下先得lu~今晚諗住買定燒賣同飲品去排隊等位， 點知好好彩地唔使等位。間鋪大概有5張2人枱， 如果逼d都每張枱可以坐到3 個人~整間鋪主要係用美國免費報章貼滿牆壁，再加上用了一d仿烏絲燈泡作為照明， 整個環境都好舒服~餐廳食物種類唔多，只有6款burger，另有炸魚薯條， 薯角 及烤茹。今次我地點左一個傳統美式漢堡同黑松露芝士漢堡，加錢要combo 就跟餐薯條/薯角 及汽水， 間鋪仲申請緊酒牌， 有burger 無啤酒， 真係差左少少。薯條同薯角都係用新鮮薯仔整， 仲要即叫即整，份量又多又好味，薯條同薯角上枱前已經灑左d 黑胡椒碎， 不過我覺得薯角咸左少少。美式傳統漢堡 size 偏細，女仔一定夠飽，男仔食就差d la，蔬菜配料又多又新鮮， 不過漢堡包嘅靈魂~漢堡扒就完全唔掂， 塊漢堡扒啤左大量嘅水， 1 d 咬口都無 , 軟冧冧，完全唔覺

荃灣最近新開嘅呢間漢堡包店，係網上受到好評同推薦但始終礙於太新，未見有其他可參考食評，網上只搵到幾篇或透過FACEBOOK搵到部分相片所以一向鍾意試好野嘅我決定星期六同朋友一齊去食本來餐廳星期六、日開中午12點幾，我地去到發現改左開下午3點臨時改動令我同友人都有點失望，午餐變下午茶後來3點幾再次返去個陣，門口雖然只排左7個人左右，但都要等一個鐘左右先可以入座店外等侯位置唔太好，中午時侯曬到正，座位安排不多(2,3張)，一開始亦無員工告知客人如何安排/等侯好彩情況都唔混亂，但都希望可以改善雖然知道老闆唔係追求食物速度，但等侯安排做得好啲，客人都會食得開心啲店鋪個人認為唔算難搵，係荃灣站A出口經行人天橋落去，行五、六分鐘左右就見到唔知係因為資金不足，定係搵唔到好地方店面比想像中，亦比附近餐廳細好多，走廊空間狹窄到連員工都難以通過至於食物方面，我地三個人都係叫左同一款包-牛肉芝士漢堡，然後跟餐有飲品+薯條(要加28蚊)服務方面，有一個包漏左煙肉，告知店員後都盡快補救返，態度幾好幾有禮貌亦有店員經過會問需唔需要紙巾，細心值得一讚!

今日為大家介紹一家位於荃灣的漢堡店。這家漢堡店應該係今年7-8月左右開業，utravel都有介紹過下，咁當然我地都會去試食一下啦。 這家店唔太大，全店只有6-7個座位左右，而大部分都係兩人座位。先講一下環境，裝修以木系為主，牆壁貼滿外國報紙作裝飾，給予人簡約而舒服的感覺。 餐廳食物種類唔多，只有6個包左右，另有其他小食。今次我地點左一個傳統漢堡同黑松露芝士漢堡，另有跟餐薯條。傳統漢堡：加埋都幾大件，配料都豐富。 但係秘制醬汁唔太出眾，主要以茄汁為主。牛肉雖然有肉味，但係就比較冧同鬆身。黑松露芝士漢堡：漢堡以素食為主，食落幾fresh,菇味好香。 但因為無肉的關系，有朋友可能會覺得唔夠飽，要注意番。結語：性價比頗高，平均每人60-70蚊，服務都唔差，店員都好有禮貌。唯店鋪主打慢煮並實行即叫即做，假日想去的朋友要有耐心等位的準備。