牛扒先生 (新都會廣場) (Closed)

平時食開Mr.Steak嘅半自助餐，味道同質素都有保證，今次見到佢哋推出新春外賣套餐，於是團拜嘅時候就試一試，收到外賣嘅時候都好有驚喜，因為盒盒外賣都大大份🤩❣️燒烤拼盤·4人外賣套餐$698 📍鮮芒果雜果蝦沙律底下係超多嘅雜果撈沙律醬，最鍾意就係食有咬口嘅椰果，而上面就係鋪上大量嘅士多啤梨、芒果、藍莓同大蝦，芒果清甜，大蝦爽口，最重要係份量十足，食極都仲有🤪📍羅宋湯x4普通茶餐廳味道，湯裏面都有大量紅蘿蔔同菜 📍燒烤拼盤 有厚切美國安格斯西冷、澳洲羊骨扒、BBQ醬烤豬肋排、烤美國香草腸、香草燒春雞同埋橄欖油香草烤時蔬，西冷同春雞有d overcook ，肉質較韌同乾，羊骨扒切開肉質仲係粉紅色，唔食羊嘅我食左一細舊，羶味仲接受到，烤腸冇咩特別，反而豬肋排同烤時蔬有驚喜，豬肋排仲係有肉汁，時蔬嘅青紅黄椒、茄子、洋蔥同翠玉瓜吸收左d烤肉嘅味道，好好食，餐廳附上兩款唔同嘅醬汁，一隻係BBQ燒烤醬，一隻係類似紅酒汁嘅醬🤓📍甜品拼盤甜品中嘅朱古力撻同紐約芝士餅最濃味最好食，而且呢度係4人份量，好超值👍🏻好味度：8 （10分滿分）價錢真係好抵，食物嘅份量起碼都有6人份量，所以真心有驚喜🤩

最近疫情嚴重 盡量都買外賣返office食 今日lunch就嚟咗mr steak買飯 順便買埋俾我同事😮外賣午市套餐配咗餐湯 外賣盒就要每個餐加一蚊 等咗大概十分鐘 就有外賣攞 由於想快啲食飯 咁就冇check個飯 拎咗返office🙁一打開個膠袋就知出事 我叫嘅焗米蘭式豬扒飯變咗肉醬意粉 雖然我都啱食 但係價錢差咗十蚊 唯有又拎返落去換 去到餐廳換又等多十五分鐘 咁樣一來一回就lunchtime 就冇咗一半 好嬲😤是日餐湯係忌廉湯 個湯就冇乜料㗎啦 飲落有少少薯蓉嘅質感焗米蘭式豬扒飯 好大塊芝士鋪喺面 食落都幾正 不過可能因為係外賣 唔夠熱 所以冇乜拉絲 飯底都幾香口 豬扒林得嚟都有咬口🐷厚切咸牛脷配番茄汁意大利麵 咸牛脷幾大塊 唔算好韌 粗身嘅意大利麵亦都好啱我口味 不過一樣都係外賣嘅通病 唔夠熱 所以啲意粉食落就硬咗少少本身俾錯外賣已經扣晒印象分 不過啲野食係幾好食嘅 對得住呢個六十幾蚊嘅價錢 但係要記得check清楚餐廳有冇俾錯外賣囉🥺

12月時來食晚餐，叫左兩份西冷牛扒。餐湯同沙律一般啦，普通餐廳水準，份扒就都ok既，但好似煎得乾左少少，即使有啲汁晌度，都掩飾唔到佢既乾身肉質，有少少失望。配菜就唔錯既，蕃茄整得幾靚同埋幾好食，甜品呢。。果日送既甜品係抹茶蛋糕，哇….食完一啖就唔想再食，啲味好似溝左好多水咁，除此之外就係有少少苦既味道，非常失望。但環境唔差，黑黑地好有外國既感覺，啱拍拖去既

今日因為取散水餅跨區午餐疫情下餐廳處處有優惠折扣，這間堂食並無特別優惠，外賣會抵好多。2人同行，一齊選了沙律半自助午餐。餐湯及沙律都尚可甜品不錯，皆因不太甜，適合不好甜度的我。主菜定配薯菜/意粉，無得揀主菜食魚，食吃一半先醒起無影，味道不錯的。不過不失啦，疫情下正價都要支持下食肆，反正都係要食飯。

Mr Steak近來用好多優惠之餘🐮連價錢都優惠咗依家🔹L̲o̲b̲s̲t̲e̲r̲ O̲y̲s̲t̲e̲r̲ S̲e̲m̲i̲ B̲u̲f̲f̲e̲t̲ D̲i̲n̲n̲e̲r̲ S̲e̲t̲ 都只係 $298- 包buffet salad bar 🥗、白/紅酒/果汁🍷、鮮生蠔海鮮拼盤🦪、main🍴、dessert bar🍰同 coffee/tea☕️~🔹而S̲e̲m̲i̲-B̲u̲f̲f̲e̲t̲ D̲i̲n̲n̲e̲r̲ 就$188-$328～分別就係無海鮮拼盤同埋main無海鮮揀～我地點左各一個semi buffet set～🦞《法式芝士焗龍蝦配香煎三文魚》- 龍蝦肉都幾彈牙～🥩而嚟到「牛扒先生」當然要點塊扒～《澳洲150日穀飼肉眼、香煎鴨肝》伴有迷你甘筍，燴野菌白豆同香草燒生薯，牛肉有咬口，同香煎鴨肝一齊食會仲香口，加上燒汁都幾提味～最後食甜品好飽了

其實我好少去葵芳個邊食嘢，不過今日約咗人食lunch , 就四圍行下睇下有咩好食啦。冇咩心水嫁，見Mr Steak 🥩 門口好多人排隊，即刻唔駛諗，就佢啦😁 （排得隊應該唔差得去邊既）半自助午餐，收費視乎你揀嘅主菜。澳洲肉眼扒 對我黎講算大份😂 ，好彩有朋友幫手食。如果唔係就唔駛食其他野。都係留番個肚食水果同甜品😍BBQ 醬烤英國豬肋排正！我本身都成日係屋企自己焗黎食。不過出面食d 醬汁，好似點都好味d 咁😃 任食嘅沙律、甜品吧算多選擇👍🏻 仲好好味🤩 咁低食一定要多d 黎先得吖 ～

真係好想大大推介葵芳呢間Mr steak 既半自助餐（午餐）。好低食$200 有找。一道主菜加一杯餐飲。另外沙律、甜品吧同廚師精選餐湯就任飲任食。本來對任食嘅甜品都冇咩希望。吖..... 點知係咁有驚喜。淨係食甜品都已經覺得值番曬😍 大家快d 睇下係咪好吸引？ 🤤 其實仲有其它款式嫁，不過怕食唔曬浪費，所以冇拎。主菜就揀咗：香煎紐西蘭魚柳·白酒蘋果·刁草忌廉汁淨係賣相睇落都好清新咁，魚既肉質都算滑。加埋忌廉汁一齊食香濃美味。💯

之前想食,要排晒大隊,今日用餐時間7點幾竟然無人排隊.不過上次黎就無左semi buffet,今次有番啦例牌一坐低就沙律菜,好新鮮! 好爽脆! 叫左兩大碟.仲有黑醋&橄欖油,增添唔少風味. 亦有芝士粉及麵包粒配答.幾好南瓜湯都幾好,好濃郁. 但南瓜味就欠奉 爭小小$188 意式肉丸粗管麵個肉丸  真係  差到不得了  我唔期望好似ikea咁但真係仲差過我係超市買既牛丸.....好難食...但係個粗管麵又幾好食....就算數啦...$248 薄西冷牛扒雖然知佢係薄西冷,但都照叫5成,佢又真係整到5成無overcook,呢下西利.味道醬汁亦唔差. 但唔值呢個價...甜品只有歌劇園蛋糕,黑森林蛋糕同埋麵包布甸,其他都好差,甜到溜.不過呢個價錢,食semi buffet,我就覺得性價比算係咁..

午飯嘅時間好想食扒，見到呢度咁多人排隊，都想試吓係咪真係咁吸引！環境：呢度嘅環境唔錯，面積好大，位同位之間有相應嘅距離，所以唔需要擔心坐得好埋或者好迫嘅問題。食物：今次叫咗牛扒，特別叫咗五成熟，可惜嘅係上碟嘅時候有少少over cooked，但好彩嘅係因為肉質靚，所以食落去都唔會好鞋身，有肉汁。但係比較值得可以改善嘅係，牛油可以另上，因為如果放咗牛扒上面，對於唔鍾意食咁多牛油嘅人來講，可能都會被迫食咗好多。特別想講一講呢一度嘅龍蝦湯，龍蝦湯用咗一個好似裝Espresso嘅杯嚟裝，真係得一啖！但係當你飲落就會明白點解會得一啖，係因為呢個龍蝦湯係一個非常濃郁嘅龍蝦湯！如果飲得多可能都真係會有啲濟!整體來講不過不失，有興趣都可以試吓

難得有三日假期，放工後跟老公二人晚餐食豪少少來到 mrsteakhk 就叫個半自助晚餐，老公的龍蝦生蠔好吸引，呢個套餐仲可以飲餐酒一杯，仲有鮮生蠔海鮮拼盤，非常吸引。主菜是法式芝士焗龍蝦配SRF 牧場牛扒也不錯，老公為了我叫七成熟，肉質鮮嫩，油脂分佈平均，芝士龍蝦唔會輸，香濃芝味，加上龍蝦蝦肉結實鮮甜。我叫了香煎三文魚柳加芝士焗帶子配黑松露野菌意大利飯，三文魚用香草醬汁醃過，帶出三文魚柳甘香，三文魚很滑而且很大件，帶子大粒又鮮甜，黑松露飯我至愛。半自助晚餐有湯，沙律吧，甜品供應。湯是南瓜湯很濃郁，沙律吧多選擇，我主要食生果沙律，負責吧檯的服務員不停refill 同切凍肉。另外甜品選擇算多，有豆腐花，不同的糕點，其中我很欣賞歌劇蛋糕很美味，黑森林蛋糕朱古力味濃郁不太甜很滋味。嘆埋杯蜜桃茶，甜甜地好滋潤，老公個餐仲有杯咖啡，好寫意的一餐。

Mr steak約左姊妹去食飯，揀左呢間餐廳，因為6點入去食，望落去冇咩人。入場好迅速😄疫情期間，要做好安全措施，入餐廳要量體溫；叫好野食要清潔雙手，離開座位要戴口罩😄我姐妹叫左個飯，我就單選左個自助沙律吧就算，事實證明我係冇錯嘅，齋叫個自助吧就飽到差啲爆左條褲😂😂😂食物好新鮮好好味👍🏻我姐妹分享左個飯比我食，真係好正，我本身鐘意食軟飯😌加上每一粒都包住蕃茄，有適量的香草同芝士吊起個味，仲有大大粒彈牙熟蝦😋好好味有個小插曲：有個姨姨出沙律吧唔帶口罩並用無線耳機講電話、嚇到我即刻同侍應講番聲，佢地亦都對此即刻採取措施👍🏻反應好快有樣野要彈嘅就係：啲甜品真係唔多得............🙈個撻好酸，士多啤梨同藍莓呢.... 食幾多粒酸幾多粒😖😖😖果隻酸度呢..... 係盲嘅都會開眼，眉頭會夾得死烏蠅😭😭😭

今日去探朋友,順道去了新都會這家MR STEAK試一試午餐因為一直之前都見很多人排隊都沒有機會內進一試,今日湊巧人不算多就決定入去一試之前一直都見網上有很多說這家餐廳蠻抵吃.但一直未碰上機會去嚐試今日點既係午餐SET, 感覺價錢都合理而且份量都蠻大有沙律, 主食,甜品 咖啡式茶沙律方面沒有特別,亦不難食朋友點既春雞感覺也不錯 我點既牛扒屬性價比不俗,始終一個午餐價錢能有這樣豐富既主食.前菜加甜品茶算是不錯.

之前喺青衣城見到牛扒先生嘅晚餐十分之抵食，所以今次專登過嚟葵芳買外賣自取。晚餐方面都係以50-60為主十分之抵食。見到有二人餐，最後我哋而家諗住叫一個二人餐$168再加外賣碗共$171。入邊有炸魚薯條有蝦意大利飯和豬扒，仲有兩碗湯。等咗大約20分鐘就可以有得攞。湯方面我覺得比較杰身味道就比較普通，飯方面份量都幾大份而且蝦十分之大隻都幾爽口。魚柳有點腥，薯條好味，醬多點更好。豬扒厚身但不太入味，醬汁幾好味仲有薯蓉和配菜但偏少。覺得可一試但未必會再買。

星期六日放假去食個西餐Set Lunch都唔錯，有頭盤+餐湯+主菜+甜品+飲品，食到好飽🍽.最有驚喜係個湯同甜品，雖然係Set Lunch包埋嘅，但食落感覺唔錯😍湯係南瓜湯，飲落幾香甜。甜品係chocolate brownies，質感紮實而帶點濕潤，味道香濃，真係幾好😝.我叫咗烤肉拼盤，入面有安格斯牛扒、羊鞍扒、香草腸同埋燒雞髀各一件。牛扒同羊鞍扒食落肉質都唔嚡，冇嗰啲咬極都吞唔到嘅筋位，都OK。腸同雞髀都正正常常，整體份量對我嚟講啱啱好🤪.落完order兩個餐都勁快上枱，唔知係我影相影耐咗定點，啲肉食落唔太熱，扣咗分😣

第一次係 Mr Steak 嘅餐廳食dinner。見佢set dinner 有8折 就決定同男朋友去食啦。 一入去限時間 90 minutes. Appetizer 揀咗法式田螺 同埋肉丸。 兩樣都有薯蓉。 法式田螺都OK 但係 肉丸就真心難食。我哋兩個都以為肉丸係 素嘅添 完全冇肉嘅味道😅。湯就幾特別 香白蘿蔔味。 特飲 係蜜糖茶 就好似超市買1.5公升嘅茶 一樣😅。Main course 有ribs 同埋 pan fried salmon risotto. 兩款食物都算幾好味。Ribs嘅薯蓉有黑松露油嘅香味。我就覺得risotto太creamy。Dessert 係迷你cheesecake。好細件 不過成set 咁食法 再大件嘅cheesecake 我都係食唔曬。