牛扒先生 (青衣城1)

Open Now

Now Closed

一直都知道Mr.Steak嘅牛扒出色，今次出去青衣城行街，記起Mr.Steak嘅牛扒，而且見網上推介Mr.Steak嘅半自助餐，所以鯊仔決定同大家一嚐牛扒滋味~🥩 烤牛小排·帆立貝·啤酒腸·香草雞胸 $205半自助午餐包沙律吧、甜品吧、廚師精選餐湯同餐飲，性價比高，而且沙律同甜品均有不同款式選擇，沙律有芝士通心粉沙律、雞胸沙律同羽衣甘藍沙律等；甜品有林明頓、士多啤梨慕絲蛋糕、芝士蛋糕等，非常豐富。其中牛小排同燒帆立貝最有驚喜，牛小排肉質嫩身，食落唔會有牛筋，油脂分布平均，烤得幾香口，牛味都算出；燒芝士帆立貝同樣好香口，食落有滿滿嘅芝士，口感幾creamy，充滿邪惡感。而啤酒腸同香草雞胸味道則中規中矩，正常發揮，整體味道都算唔錯。🥩 西冷牛扒 $308牛扒嘅肉質唔錯，叫咗七成熟，肉質都唔會鞋身，切開會見到肉汁，雖然就咁食略嫌有少少乾，但配上紅酒汁食，反而更加帶出牛嘅鮮味，食落口感更加飽滿。

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 中學時期充滿回憶的mr steak， 事隔一段時間，再次蒞臨，還蠻memorable 🌼 豬肉眼扒食非常美味。表面是深棕色的，香氣四溢，肉質也有緊實的口感。一口嚥下去，帶有各種調味料的風味保留在口中，加上肉本身嫩又多汁使人情不自禁舔舌大快。此外，它吃起來很具層次感，無法用一句話形容各個細節都能表達出來。🌼 德國豬手以豬蹄為主要成分，通常會經過長時間的煮熟和烤製，以使其表皮變得酥脆，肉質變得柔軟多汁。豬手的口感非常豐富和濃郁，肉質充滿了豬蹄獨特的濃郁味道，並且非常柔軟。烤製的表皮非常酥脆，並且帶有一種微妙的燻味，令人垂涎三尺。⭐️Deal星期一至四晚市供應生日優惠 4送1可減最低價那份餐價要以電子消費結帳🌈服務 ⭐️ 定時定候加水換碟👍🏻⭐️ 環境闊落，沒有嘈吵⭐️ 還會問一下你食物如何😗ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇💌 有咩好野快啲分享比我地知啦 😎 期待你嘅推介 ❤️

一家人到訪晚餐，食物比以往差，工作人員服務態度不太好，以後不了😡😡😡! Semi buffet 選擇少了很多，除了薯仔沙律比較好，其他也不是太好吃，甜品方面，完全唔掂🤦‍♀️🤦‍♀️.以前無論semi buffet ，甜品都好出色，現在已經退步好多!

Semi dinner buffet set is the only reason I come to visit. The salad variety is great and the dessert area isn’t that satisfying. The quality of dishes is normal and the whole dining experience was nice

呢間之前伏過一次，今日屋企人話嚟就嚟啦。假日午市半自助餐$128起自助區有沙律、湯、甜品，全部都算正常嘅，但唔好期望好高質，畢竟百幾蚊有自助區仲想點。沙律菜超市都要$2x一包啦。材料好多都係菜/罐頭製品，味道無乜特別。甜品亦大部分都係行貨，拎貨拆袋就上得枱，所以味道都係普通。豆腐花寫明係自製，但又唔覺特別滑，如果有薑汁就更好。主菜叫咗迷迭香烤雞 $155無乜味，有啲鞋，特別雞胸位都幾柴。紐西蘭青口忌廉汁意大利扁麵 $128呢個反而幾好，都有三粒青口，個汁又調得ok。總括而言，呢個價錢嚟講算收貨，想平平地食到半自助餐，或者想搵個地方同朋友舒服地吹下水，呢度都係唔錯嘅選擇。

跟小朋友開心地說有半自助晚餐吃，進餐廳正常程序，晚餐時間餐廳入座不多，所以安排坐了大桌子，旁邊的都是吉座餐牌選擇也多，同行3位大人1位4歲小朋友1bb,， 我們想點餐時，找了2個白衣恤衫的也說她們不會下單，只會加水... 揮到手軟才有一位過來下單最後點了3份半自助形式的餐。下單後，有1位西裝帶眼鏡微胖身材的男店員過來，說小朋友不點餐，便要加78元吃自助吧食品，包一客意粉及果汁，也算合理半自助的小食選擇十來款連甜品，小朋友吃得高興就好，味道不過不失吧餐飲是指定的，有甜甜的橙味主菜上枱速度非常非常快美國安格斯薄牛扒2大塊，看上去也不薄，味道不錯帶點煙韌，薯菜也幾款雞肉野菌忌廉意大利粉意粉較硬身，忌廉汁很香，小朋友吃得很開心秘製醬烤英國豬肋排賣相非常好，先挑了小的切開分享，但與朋友的反應相同，超級辣！再看看滿是黑椒，找了剛剛西裝男過來，給他看看分別只吃了一口，真的辣得吃不下去，菜單也沒註明是辣的，大的豬肋排還在碟上，完全沒碰過的可以不要黑椒嗎？但西裝男說，汁是調配好的，覺得辣的話自行把汁刮掉便可以（下？？？）我著他去廚房試試味道，因為真的辣得太誇張了，只吃到濃濃黑椒味道那種辣。他說試了也沒辦

紐西蘭青口忌廉汁意大利扁麵：忌廉汁都幾濃味但扁麵偏硬，青口就正常唔會太老！迷迭香烤雞香蒜蜜糖汁：雞都有汁出來，啖啖肉！其他食物都是半自助取來食，質素就正常，有得食下罐頭桃、啫喱糖、桂花糕等，又坐得舒服，性價比算高！

時間關係，又想食鋸扒西餐，行過見到午餐餐牌，價錢好似幾實惠喎，求其坐低試吓。有兩個餐牌，一個係普通嘅lunch set，另一個係半自助午餐。入座時快眼睇咗自助頭盤吧枱上面嘅食物質素⋯⋯哦，唔使客氣啦，費事浪費自己quota。其實普通lunch set嘅餐牌，上面都算幾豐富，有餐湯、沙律、主菜、甜品、飲品，都只係呢個價錢，算係咁啦，今時今日，茶餐廳食個鐵板餐，加杯凍飲，視乎你食乜都要一舊水左右啦！唔想食咁多澱粉質落肚，又唔想食牛，見到有雞豬拼，啱晒！不過發現佢中英文譯名有少少出入，中文就講到塊豬柳好似英國來貨咁，英文就冇寫清楚，但係另外嗰個半自助餐嘅餐牌，英國豬柳係寫明English的🤣🤣🤣，貴$40⋯⋯但算吧啦，呢個價錢⋯⋯好啦，先來嗰餐湯，質素係慘不忍睹。用漿糊嚟形容真係非常貼切，好明顯係用麵糊加雞湯推開嘅所謂忌廉湯，至於裏面有冇落忌廉，小弟真係食唔出。至於味道，我只係食到雞精加砂糖嘅甜味，即係扮出嚟嘅鮮甜🤣🤣🤣。沙律都冇乜驚喜，普普通通。就係啲沙律菜上面放兩半車厘茄，加啲雜菇，再加幾粒所謂香草燒雞，就係咁樣。沙律菜冰凍都係好事嚟，因為咁樣先顯示到係新鮮，但估唔到啲雜菇同埋香草燒雞都

以下是本人發至Mr. Steak的投訴信，但至今仍沒人回應本人寫信是為了表達我對我在 9 月 19 日晚上在Mr. Steak Tsing Yi 遇到的糟糕服務感到非常憤怒和強烈不滿。當時，一個沒有名牌的白衫年青男員工為我們服務。我們的第一個人叫了龍蝦+生蠔餐，第二個人詢問兩份$268的牛排餐有什麼區別。在詢問過程中，一名戴著名牌的灰衫肥胖年青男員工突然走出來拉開正在回答中的同事，然後告訴我們「我地唔會同你地落單，你地諗掂先叫人。」我在其他餐廳從未遇過如此糟糕的態度！即使繁忙沒時間回答客人，亦只會說先替客人落已決定的食物，我從未遇過「連已點餐的食物亦不給予下單」的員工。何況當日星期一晚上客人不到50%。但由於名牌實在太小，我看不到他的名，但餐廳內只有一位「灰衫穿得很擠迫的年青胖員工」。我跟這名灰衫胖子男員工說「我已經點咗龍蝦生蠔餐，你意思係呢個唔同我地落？」他不回應我，亦不讓白衫男員工繼續替我們下單。我再說「我在問menu上$268安格式的區別，即係你地無法回答有咩分別？」然後該胖子很粗魯地回答我「要靚就叫最底最貴果２個行」我無法想像你們Ｍr. Steak下的分店會有如此對待客人，服務

今日約咗老婆同兩位朋友去青衣食飯，我哋book咗Mr Steak。本身對佢哋食物嘅印象麻麻，所以好耐都無再去過。不過今晚嘅食物令我哋感到好意外，可以話係完全改觀。我哋叫咗semi-buffet，食物種類好多，蔬菜、生果、甜品、湯、scone⋯多到試唔晒，味道都好好👍🏽。澳洲150日穀飼肉眼·香煎鴨肝牛扒叫咗medium，不過有少少overcook咗，不過肉質仍然鮮嫩，肉汁豐富，牛肉味香濃。鴨肝味道好濃郁，口感嫩滑，入口即化🤤。蜜糖芥末烤英國開心豬柳豬柳厚身，但好嫩滑，一啲都唔嚡熠熠，食完真係好開心🥳。醬汁好惹味，甜甜哋同豬柳好夾。食物有驚喜，服務就有少少驚嚇。有一位服務員態度真心麻麻，回答問題同叫我哋埋單時都幾唔耐煩同無禮貌，好似唔想做生意咁，同埋佢哋好趕住收碟，擺到明未食完都好似想拎走咁，希望餐廳可以留意吓。

完全唔會再去青衣呢間分店Around 6pm 食， 得3-4枱客，吉枱多見buffet bar 冇咩選擇（同銅鑼灣差好遠）所以我地order set冇介紹是日餐湯係咩，問staff 時，佢都係答今日餐廚師餐湯，唔係好清楚😑（可能staff 係新人？ ）Entrée salad 竟然比肉遲黎， 肉質素差，牛已經5成熟，鞋😞 order pork ribs , 一d 都唔淋奇怪服務員，高速收碟，食完即收，快過茶餐廳🤣（重點係餐廳得幾枱客，吉枱多） 衛生OK

一句講晒：家常餐廳，唔食沙律吧嘅，星期一至五先好嚟話說當日朝早食完buffet，夜晚繼續聽屋企人介紹Mr. Steak，諗住質素唔錯叫一個Main Course後加＄20加自助沙律吧同埋少少餐湯甜品嘢飲得一杯蜜桃紅茶，冇飲品放題（雖然成晚我淨係係出面食左碗豆腐花同舊芝士蛋糕）最後主菜嚟到又有驚喜喎（可能因為嗰日係父親節）首先夠熱，夠JUICY，薯蓉又creamy，份量啱啱好Risotto嚟講佢乾左啲，但係味道都唔錯

是日即興出外進餐，久違了Mr Steak ～晚餐有半自助餐，雖然自助餐款式不多，但有主菜已食飽一大半海鮮併盤芝士龍蝦併牛柳，海鮮分別有2隻生蠔、2隻青口、2隻凍蝦，生蠔新鮮有咸咸海水味而唔腥，青口鮮味爽口唔老，蝦鮮甜肉質彈牙，好味之選龍蝦芝士～芝士濃香龍蝦有膏之余，肉質彈牙鮮甜可口好新鮮，牛柳order 5乘熟，嚟到應該都成7乘熟，但好彩牛有牛味肉質唔硬，也算淋滑，但有些位置有少少根，有點遺憾，但整體都好味另配上一杯白酒，白酒比較平凡酒味唔太香醇，一般般軟殼蟹炒飯，軟殼蟹內充滿蟹膏，鮮甜可口，配上飯，可口美味另有一杯蜜桃水果茶，甜甜香香另自助餐有不同款沙律、亦有凍食鑼絲粉、各種甜品蛋糕，我覺得最好味是“豆腐花”順滑而有豆味，餐後甜品最佳選擇整體晚餐都是美味豐富，餐廳內座位望著青衣海旁景色，進餐中加上美景，心廣神怡

Weekend冇咩好去處屋企人見就腳就去食個半自助餐價錢係取決於主菜嘅選擇我揀咗個豬鞍好似$138頭盤同甜品都係自己攞頭盤都唔係好揀到落手湯係意大利雜菜湯沙律就有薯仔呀, 腸仔呀, 粟米, 南瓜, 蘋果之類仲有碟雜菌 味道非常一般見到我碟嘢就知有幾多選擇主菜個presentation就唔錯嘅不過個豬鞍真係好乾好乾只可以切成好舊放入口否則係冇辦法咬開其他屋企人叫咗薄西冷無論係七成同五成嘅都好靭把刀又唔係好夠利所以食得有啲吃力甜品除咗水果之外仲有兩款cake包括綠茶同士多啤梨, 仲有chocolate brownies另外啫喱糖我最欣賞桂花糕都好似唔錯, 豆腐花就唔係好夠滑百幾蚊就價就貨都明嘅所以都冇咩特別期望我就應該未必會再去

今日係父親節～～難得青衣城消費夠400蚊有兩個鐘免費泊車咁就揀咗去青衣城食Mr Steak 半自助餐我同老豆都叫咗海鮮拼盤加龍蝦牛扒海鮮拼盤入面嘅蜆、蝦、青口都比較淡味反而生蠔算鮮甜有驚喜！而牛扒有幾濃嘅牛味龍蝦都新鮮但係兩樣都過熟啦😢咁當然半自助餐嘅重點梗係佢出面嘅自助區沙律款式多 推介嘅有蘋果沙律 甜品都唔錯 朱古力蛋糕👍🏻有下次！