牛扒先生 (東港城) (Closed)

不知怎的，之前常經過Mr. Steak都沒有衝動去幫襯，一來餐館名稱打正牛扒之家，令我想起之前一家曾很出名的餐館，二來記得曾看過餐牌價錢頗貴。今天和太太在東港城買東西，大約五時半，正躊躇晚飯在那裹吃還是回家煮之際，步經此店，看到一班人在研究門前放著的餐牌，我也湊熱鬧看看。餐牌寫著$148 半自助餐起，並列出各款主菜選擇，由$148 至＄258，價錢好像有點相宜。 店員正在準備530 pm 開店，還未招呼客人，在門口可以遠遠的看到半自助餐的陳列，看來都很有水準，於是萌起不如一試的念頭。有一班己訂了枱的客人已一早來到，好像今日的晚餐是他們的重大節目，他們被安排座位後就立即出擊到bar 區拿食物。  我們在座後也跟著去拿東西，以一個半自助套餐，選擇算是足夠。 我們拿了幾輪，差不多每款都試了，各款前菜味道都很好。 至於主菜，我們選了脆炸軟殻蟹野菌意大利飯和蜜糖芥末烤英國豬柳扒。 意大利飯煮得很地道，雖然軟殻蟹配搭比較特別，但效果不錯。 豬枊扒份量大，醃味很濃。西式甜品有多款選擇，但不夠精緻，反而中式豆腐花相對做得好。套餐還有果茶送，令人覺得整個晚餐樣樣都有。整體來說，一星期工作了整整五天，星期

首先講食物：我們共兩個人，吃的是半自助晚餐，點了兩份牛排，味道都還可以。5成同7成熟，煎得不錯。其次自助菜品種類不多，水果沙律和一些甜品，也還可以吧。但是，關於價格，想吐槽的是：在門口的價格表，一個大大的“148”，我估計很多人都以為半自助餐是148HKD吧。呵呵，你想多了，結果不是，是“148起”，這個 起 字，需要放大鏡才能看見吧？其實你們明明白白寫出價格，也沒什麽，東西也不難吃。你們這樣，搞得很xx。而且，你寫“148起”，只用中文寫，不用英文寫，是不是更xx！

今晚同朋友約左試下新餐廳，又係成日見到門口好多人等位，應該唔差掛！呢間係食semi buffet既，一個main dish，然後你食得落既話可以無限出去salad bar度拎沙律同甜品。我地四個人一人叫左一款，薄西冷牛扒，安格斯西冷牛扒，英國豬柳扒，pork rib。先講薄西冷牛扒真係同茶記早餐塊牛差唔多既厚薄，個汁好鹹，個牛都好鹹，成餐飲左好多杯水。個牛五成熟都煎得好老。到再貴少少既安格斯西冷牛扒，呢塊叫左七成熟，同樣既結局，好老，講真真係唔好食。豬柳扒個賣相好似幾好，但同一個問題，好硬，好似煎到過哂龍。蜜糖芥苿味我一啲都食唔出。最好食就係pork rib啦！啲肉好嫩，而且味道都處理得比較好，唔會太鹹，比較推薦呢一個。Salad bar都算幾多選擇，有個泰色木瓜，薯仔沙律，螺肉沙律，芝麻醬豆腐都幾好食。甜品方面我淨係覺得豆腐花係可以接受。總括黎講，煎豬煎牛都唔得，咁俾呢個價入去食沙律，就睇你覺得值唔值啦。同埋可能？新開，啲侍應都唔係好知個set有啲咩。

自助晚餐越來越貴，隨便一餐自助晚餐，收你五百幾，都係閒閒地。所以考慮吃半自助餐，Mr. Steak有推出半自助午餐和半自助晚餐。可以點一客主菜，就可以任食自助沙律吧及甜品吧的食物或甜品啦!主菜價錢由$148起。一份迷迭香蒜檸檬燒雞， 一整隻燒雞只是$168, 較有特式的，還有脆炸軟殼蟹野菌意大利飯，脆炸軟殼蟹外脆內軟， 野菌意大利飯，很多忌廉汁，味道香軟。至於自助沙律吧更是精釆， 有餐湯; 羅馬生菜沙律等十多種特式食品，任君選擇。

難得同老公二人世界,近近地就選擇了東港城商場新開的店-Mr Steak House星期四人這麼少不用訂檯,6點45分到達直接入座,當時已幾乎坐滿了客. 客人都是走來走去,同埋食得好快下. 先看餐牌,主菜有很多款式,例如卡邦尼意粉, 牛扒, 燒雞,肉排(RIBS), 總之各式西餐主菜都有, 一定可以選出你的最愛, 最後我們定了主菜雜扒餐及牛扒餐. 前菜及甜品是自助形式, 真的很合我心水,食幾多夾幾多,幾款沙津當中,我最喜歡一粒粒正方形的芝士粒沙津. 其次水果及豆腐花竟然是最美味的甜品.主菜來了, 雜扒餐(牛扒,雞骴及(餐牌寫是羊扒,但侍應指可改為豬扒)配燒汁,羊不太適合我,可以轉太好了). 肉類是無醃的,我自己反而覺得底味略淡.牛扒細細塊7成熟剛剛好,是最好味的一塊扒.而另一碟牛扒, 亦是7成熟,但主人家覺得五成熟可能較好. 可惜已不能回頭.當晚都多侍應招呼, 他們都很盡責. 一食完就會快快收你隻碟走.整體都ok, 菜式豐富多選擇及一定飽. 都抵架.

東港城竟然開咗Mr Steak當然去試試，捧下新鋪頭場我同爸爸媽媽都係一開舖嘅時候就去食大約11:30到達坦白說這裏的服務態度有點差好有禮貌地對店員的時候但竟然換來一個無禮的態度好繼續介紹食物先！這個半自助形式的午餐我最期待真的是沙律和甜品吧因為沙律和甜品都可以任食的叫完主菜後就立即出去沙律和甜品吧攞嘢食啦我覺得款式都尚算幾多有不同選擇對於一個11點仲未食早餐嘅我我覺得都幾好味當你食完一輪之後個主菜都差唔多到我叫咗個黑松露飯呢個飯真心推介 因為好重黑松露味如果你同我一樣都鍾意黑松露 一定要試試佢每個主菜都會配一款餐飲我就梗係揀熱檸茶啦總括嚟講呢間Mr steak甜品和沙律吧係OK嘅但係如果每一次去的甜品和沙律係唔同就好啦 如果下一次去都係同一款就會好悶坦白說呢度啲員工嘅服務態度真係幾差未入鋪頭之前 企門口嗰個店員已經好差好似好唔想做生意咁然後當你埋單嘅時候店員總會扮睇唔到你但係又會吹你交枱

見佢新開無耐，一家大細去試一試，沙津吧還好，選擇都幾多，我叫左雜扒，完全係伏黎，價錢貴成舊水，見到時真係火滾，未見過雜扒個份量會咁少（正常一塊牛扒一開三），味道亦一般。另外叫了一個意大利飯，又係細到無朋友。

眼見感多人都對呢間感失望感我又住得近 就緊係試下啦呢個夜晚就同成家去食沙律同甜品吧就免費既沙律既選擇都唔小我就食左啲薯仔啊生菜啊粟米啊其實全部既味道都唔差而主菜就緊左蕃茄肉丸意粉個意粉都幾濃蕃茄味 肉丸比起ikea個啲好明顯係真係豬肉去整成幾好味食完意粉緊係食甜品甜品選擇都好多有中式豆腐花有jelly有撻有蛋糕有donut有和菓子我最推薦係個個和菓子 裡面係紅豆蓉 幾好味又唔會太甜啲甜品都唔差其實總括黎講又無啲人講到感差可能因為我無食到個啲牛扒啊個啲啦😐

今日一家人第一次試下呢間新鋪，諗往叫得牛排先生招排菜一定係牛排，叫左一個$128特色牛排，$198澳洲肉眼排，一個意大利飯，一個卡邦尼意粉。個經理話$128牛排一定是全熟，心諗應該係薄牛排，點知中伏。先贊吓個沙津吧，沙津款式多，材料新鮮，佈置大方衛生；意大利飯同意粉味道都高於標準。問題黎啦，個肉眼排勁薄，但要求七成熟都可以做到，味道其實ok，但真係好薄，所以口感一般。特色牛排黎到時真係O嘴，成寸厚，全熟！！睇見隔離左右既特色牛排最多七成熟，就越食越㷫。比錢時問個經理點解只可以全熟。佢答我因為控制唔到火侯所以會同客講只可以全熟。你係咪牛排專家，成吋厚牛排控制唔到火侯要個客全熟！？重要其它客有七成熟既牛排！？真係好特色！

我地一家三人兩星期前已經book左年30晚去尼間新開既分店食飯，5:30去到見到好多空位，我地要求想坐卡位，侍應好寸話已經安排俾左俾其他人，以我地理解以為係有人book左，點知2分鐘後一家三人walk in卻立即安排坐卡位，我地問個侍應點解？佢即發難叫我地去問門口佢同事，態度極端惡劣，惱到我地唔食即走😡過年想開心食飯都唔得，以為提早book會安排好d，點知未食已一肚氣，永遠blacklist間食肆😡

眼見食評麻麻，但住得近，無理由唔去試下總結成晚沙律吧係比預期中好，有幾樣都幾好味主菜就差了一點點，幾個人去，牛，豬，雞都有叫，幾樣都唔得，個豬背骨比IKEA仲差湯同甜品就一般服務都一般囉，行貨無笑容果種話哂都叫Mr Steak 建議主菜真係要做好啲才滿足到顧客嘅期望

東港城二樓(近一田超市附近)最近終於完成大翻新工程 增加了不少新商店 其中食店的比例更多原本在一樓火鍋店等位 後來母親見到以下的menu決定改去這間新店用晚餐(不用等位)全因母親大人想試這裡的半自助晚餐(主菜加自助吧包括湯品、沙津、冷盤、甜品)而選擇來的沙津、冷盤種類款式多 味道不錯 當中的薯蓉及南瓜沙律 甚至比主菜的伴碟的薯蓉更好味相反甜品就… 賣相已經不吸引 味道未食已知會中伏 只有啫喱糖比較正常好吃四個人各點一個餐美國安格斯西冷·巴黎烹調($238) 忘記拍照當我心急地切開第一下 已經非常失望牛扒較薄片點medium rare出來是medium well…所謂的巴黎烹調應該只那個醬汁 外面已經不好看一堆黃色輕微焗過的醬汁 味道只是死咸絕對不值得這個價錢吃 ～秘製醬烤焗英國豬背排($178)一條排可以切到八條骨左右 焗得比較乾身加燶 但肉的質地不會是偏淋 整體還好的脆炸軟殼蟹野菌意大利飯($158)意大利飯勁淋身多汁 味道好淡口 意大利香草肉丸蕃茄汁扁麵($158)這個蕃茄汁扁麵算是不錯 味道中規中矩整餐飯好一般 應該不會再去

新分店開了不久，專登去捧場食午餐，分店裝修一般。叫了两客特式香料牛扒配黑胡椒汁，女待應話牛扒會煮約七成熟，我唔明点解冇得𢵧。沙律選擇一般，但木瓜沙律很好吃，值得一讚👍🏼。西式西蘭花湯味道可以，但口感較浠。牛扒份量夠，但煮得太熟，差不多全熟，估唔到Mr Steak的牛扒水準咁差。埋單揚手很久，待應都扮睇我唔到，氣憤😡。埋單時，待應一直和旁邊另一待應傾計，我簽完卡後，待應隨手把卡及單據給我，過程中一直和另一待應傾計，對我（作為顧客）一些尊重都沒有，當然，連一句多謝都沒有。沒想到Mr Steak的水準會咁差，佢哋指定牛扒七成熟，真係未聽過！以往去銅鑼灣及沙田分店食都有一定水準，服務亦好，東港城新分店實令人失望！

行完一田超市後, 見到開左好多新餐廳, 有韓式炸雞同燒肉, 仲有拉麵添!! 行過少少見到Mr. Steak開左喇, 啱啱好有下午茶餐, 可以同同事試試新嘢。佢地除左有普通下午茶餐, 仲有afternoon tea set!! 價錢唔算貴, 正常價格。自家制炸魚柳配薯條, 即炸上枱, 熱辣辣, 魚柳香脆可口, 肉都嫩滑, 冇腥味!! 薯條脆口, 可惜店員俾茄汁係"畢"落你隻碟, 有啲奇怪, 而且可能仲係新開業, 魚柳嘅他他醬係漏左上的, 店員之後補返俾我地。西西里鮮茄豬柳焗飯轉左做焗意粉, 面頭嘅芝士焗到溶哂, 好吸引!! 豬柳份量唔算多, 茄醬味道唔錯, 唔會太甜, 加埋芝士, 味道更濃郁!!! 可惜意粉有啲淋。博洛尼亞牛肉醬意大利麵即係肉醬意粉, 灑上少許芝士碎, 賣相冇豬柳意粉甘吸引, 牛肉醬味道偏淡口, 唔夠濃郁, 相比之下比較遜色。如果肉醬味道濃郁啲, 一定好好多。佢地有半自助午餐同晚餐, 希望有機會再試~

好耐好耐無在openrice寫食評，但呢間餐廳令我忍唔住寫返次。之前去過銅鑼灣同一品牌食buffet都算唔錯就試試將軍澳新開張的這間半自助buffet。兩公婆叫海鮮盤，龍蝦牛扒餐，叫完野食可以食住沙律等main course，但等左半小時再問侍應先知漏單，又再食沙律海鮮盤等等等...主菜終於上場。牛扒叫medium但接近全熟好dry同得半塊，龍蝦overcooked, 從以下圖片你會略知一二，龍蝦個殼都dry 到裂開（可能天氣乾燥啦）龍蝦肉乾爭爭變左蝦乾!連仔仔食完都話做咩咁硬既，雖然我知道出聲要求換實可以換但算了，無晒mood。反而沙律係好食過牛扒好多。