菲爾斯曲奇專賣店 (Closed)

某信用咭簽帳滿一千蚊就可以換一個朱古力月餅，咁容易0既要求，可惜太遲去換，換罄，無緣試到朱古力月餅，用咗八塊曲奇代替，有朱古力、果仁、乾果等，第一次佢0既曲奇，仲以為係好脆果種，一入口，原來係淋淋的，唔同平時d曲奇質感，而且勁甜，連我哩個嗜甜者都覺得有d頂唔順，食一塊已經要收口，味道係ok，但真係甜得過份，要俾錢就一定唔會買囉...

$18 也要一試的new product --- Ring Cake, 只因它有齊所有我最愛的元素：香蕉, 合桃, 芝士, cake (還有另外3種味--芝士 / 朱古力 / 唔記得)好可惜, 它卻讓我失望。... ( 街頭隨便買個香蕉旦糕都比他好食~ )口感：食落頗油, 好lup, 唔似muffin的鬆軟, 太黏口, 味道：完全無蕉味, 內裏係有一粒粒芝士, 但芝士味都是好啖~唯一可取是合桃尚算多*** 已嘗試叮熱及雪涷, 都改變唔到他的不濟, 挽救不了掉$18進咸水海的命運

食完tea, 落到樓下, 經過mrs fields曲奇, 俾陣香味吸引住左揀右揀, 最後買o左塊雙料朱古力曲奇食其實一塊十二蚊, 都幾肉赤, 不過無辦法, 因為實在係太香了豐富的牛奶味, 加埋香濃的朱古力味, 味道已經足夠口感係件餅最出色的一個環節, 唔係脆的, 而係有種煙靭的感覺, 我好鍾意鍾意食曲奇餅的人, 一定唔可以錯過

又黎啦喂~哈哈，前日未試到隻雙料朱古力曲奇，唔底得今日再去買黎試下~~$10.5。雙料朱古力：朱古力味道果然勁濃香，陣陣朱古力味從紙袋中已飄出，仲有粒粒朱古力，特濃朱古力味好正！$19。6件。杏仁、合桃、雙層朱古力Brownies ：每隻味都好好味，果仁類的又不乏果仁味，朱古力超濃，正啊！

聽聞9.30pm後是優惠時段，鬆餅買二送二,曲奇買三送三，咪突登早d去囉，點知見早得濟，咪上去行下先囉，crazy架，點知之後落到黎已經有成十個人排緊隊，心知不妙，激死，不太好朱古力製品的我，都一心來試試那個雙料朱古力，點知售罄了。蝕晒…惟有等下次！本來好想同佢地排好隊影靚相架，可惜太多了，一時間何來地方呢，加上在途中已在吃了，而且其實我都好想逐件打埋名出黎，同大家詳細分析下各種曲奇既味道，但無奈太多了，記不清，掃掃下是但喇，向來不愛吃果仁類的我，見眼花瞭亂，就傻左咁係咁話唔該呢件呢件同呢件，咁就一下買左共12塊，約$60，原價$10.5@，家陣買三送三喎，咁底梗買硬啦，哈哈！！！以我記憶盡寫啦~~純朱古力、南瓜白朱古力合桃、甜心朱古力、朱古力合桃、朱古力果仁、牛油拖肥、牛奶朱古力、牛奶朱古力力果仁、牛奶朱古力合桃、麥片提子朱古力、花生牛油、牛油曲奇..總括黎講，呢度既曲奇餅較大塊，因加了燕麥粉，所以口感較煙un，有咬口，朱古力味亦很香濃，可是我還是較愛傳統曲奇鬆化的感覺，另外，不過唔知點解，食晒12塊都唔會感覺好飽既，OMG~sorry！可能係我既問題(砂你應明豹的~~)tell m

和朋友逛完街已很晩的時候，我趁這個時候買三送三曲奇的優惠和買二送二鬆餅的優惠，買了曲奇餅和鬆餅鬆餅中我最喜歡咖啡的味道，但全部款式也很甜，作早餐就太飽肚了，又因爲太甜，留在口中的甜膩就是有點受不了，可能我本身不喜歡吃甜的東西曲奇餅就不怎樣甜，味道也算不錯，但若平日沒有優惠的約十元一塊對我來說就有點不值了

我最愛佢的藍梅鬆餅，我係最近先食返，因旺角ｍｔｒ開左一間，但有個問題唔明白﹖點解開店的時間有時又唔同，見其他的分店開８：００，但ｌｅｅ間９：００先開門，我地ｄ　ＯＬ　返９點的，所以好少機會在早餐時段買到，可唔可以返映吓８：００開舖呀＆有奶茶呀，你地Ｄ奶茶好好飲嫁，我問過話無水位，ｓｏ無得賣奶茶，但一定有其他方法的，啉啉佢好嗎﹖　有賣奶茶一定生意一定更加好，因你地Ｄ奶茶都有好多ｆａｎｓ。我每次都是去買早餐，有套餐呀，＄２２有兩個ｃｏｏｋｉｅｓ　ｏｒ鬆餅＋飲品（咖啡ｏｒ鮮奶ｏｒ果汁先生）＄１５有一個＋飲品

買左兩件牛油toffee味既cookie,每件十蚊!食落去覺得好脆,幾好食,toffee既味比較甜,但係唔算好漏,一啖一啖食都幾正!不過十蚊件唔算好抵食!

除了曲奇餅好吃，這裏還有什麼其他美味的呢？這次就試試Dream bar吧，很動人名字，很飽滿的fillings，好吃嗎？只可以用一個字來形容——甜。外身的朱古力勁甜，夾層（似乎是牛油果仁之類的混合）一點都未落下，沒有不甜，只有更甜。吃上幾口，就已經覺得“漏”了……我想，大多數人應該都不會很喜歡它吧。不過，我就依舊是美滋滋的把它清掉，無計，“小漏漏”嘛~p.s.朋友亦試了choc muffin，不及blueberry，不過都算不錯。

早前聽食趣相投的朋友話這裏的曲奇餅最好味，不過我一直覺得價錢有點貴就未試，今次路過看到有promotion，終於沒能抗住誘惑，買了Triple choc, butter choc, 提子麥片味曲奇共六件，仲有樣子吸引的Blueberry muffin。最喜愛是Triple choc，三重朱古力的力量果然強大，用料夠足，入口即食到濃濃朱古力的甜美。Butter choc就普通些，有較濃的牛油味，但特色不足。而提子麥片的甜度則相對緩和，混合麥片使餅身很咬口,提子味亦比較濃。相比之下，blueberry muffin倒沒有曲奇那般抵贊，都算松化，但是熱度不夠，blueberry味亦不夠出，還是曲奇更美味些。喜歡上這間，亦非僅僅因為它的甜點，更因為那些幾得意的熊仔呢，真想拎一個回家

今日買左朱古力muffin 我反而覺得muffin唔太好食..可能我不嬲唔鍾意muffin又買左2磅個d朱古力糕又唔記得左睇咩名!不過真係好好食

天氣變涼，秋意漸起；加上收到Mrs Field的月餅，原來還有一個月又是中秋節~　傳統的雙黃蓮蓉月固然是我所愛(當中以恆香的白蓮蓉月最正!)，不過這個新派月餅也不遜色：厚厚的朱古力外層，實實淨淨的朱古力批內餡，極甜極濃朱古力味，是嗜甜者的心魔!　連續兩年食，感覺都一樣：好好味~

朝早食咗個cream cheese muffin，牛奶朱古力曲奇就做tea！兩樣都正…muffin 有牛油香味，裡面又有芝士粒粒，好彩佢d 牛油香味適中，起碼等我食咗都冇咁內疚！^^v曲奇個texture 正合我心意，煙煙靭靭咁~ 我淨知，合格的brownies 類曲奇係應該咁架！想一食再食，兼且想試勻晒佢d cookies 同muffins！肥斯太太, 你記得等我呀！

Double Chocolate Chip + Mocha 既muffin好好食~~~個面好脆........不過買左要親早吃, 不然面上的chocolate chip會溶掉~

9:30後買3送3真係好抵…通常bf都係揀晒佢至愛gei chocolate favour…最多都係每次要一隻無chocolate gei…不過d味多到我都唔記得有咩la…淨係記得有隻好濃gei朱古力…好似叫triple chocolate…定double choco chip咁上下la…佢d cookies 係好正煙煙靭靭咁…正…但對我黎講有d太重牛油味la…所以多數都係bf食…最多都係試一啖仔…但已經覺得d朱古力味好正…hehe…