Ms B's Cakery (Closed)

小朋友一歲生日，見佢幾鍾意蝴蝶，所以揀呢間嘅蛋糕。生日正日知道可能趕唔切八點關門前拎蛋糕，打電話去舖頭（利東街）問可唔可以等埋，趕緊過去，職員問係咪一定會黎拎，話盡量hold俾我。結果真係遲左三分鐘，但舖頭已經關門，無人聽電話。如果連三分鐘都唔會等，點解係電話入面你唔講，我唔洗趕過去，直接買過另一個蛋糕啦！第二日收工過去拎，舖頭係關八點，我五點去到又關左門，打電話無人聽，分店都無人聽，問左利東街管理員話原本有開，唔知幾時關左。第一日就話係自己衰遲到，第二日會早收/唔開門你都通知聲吖，有無咁過份！超無交帶，令人留下十分失望嘅回憶！人生第一個蛋糕，就咁無左

10月份係老闆生日當然要買個靚靚生日蛋糕比佢打卡呃like啦，預先訂左呢間灣仔利東街既Ms. B Cakery，款式都幾多花多眼亂，每款都咁靚，最後揀左個粉藍色既Blueberry Joy比佢Blueberry Joy ($580 / 4 inches)賣相超級靚，靚到唔捨得食呀，四吋既蛋糕上面加左糖製既藍色花花，手工好精細，入面有海綿蛋糕配埋藍莓mousse，食落好輕盈唔會覺得好漏，而且用上低糖配方唔怕肥，藍莓mousse中間仲有黑加侖子啫喱同黑莓，口感豐富，好睇又好食

呢個蛋糕既忌廉係我食過最好味的，它是幼滑得嚟充滿牛奶味的，而且又唔甜。蛋糕外面雖然係白色，但入面係七彩繽紛的，而且每個顏色有唔同既生果。紅色係士多啤梨🍓，綠色係奇異果🥝，黃色係桃，紫色係芋頭。成個蛋糕係雜果味既加埋啲忌廉，同埋啲有吸引力既蝴蝶，令蛋糕既味道進入咗另一個層次。呢個蛋糕有一磅，很大個的。喜歡蝴蝶既人不妨可以幫襯呢間。

個蛋糕今年2022年一月買落，買左好耐，剛剛記得呢間野難食所以幫手寫下食評，外表就如香港既港女質素，有包裝但冇內涵，影相記念就還可以，蛋糕層🍰真心難食，追求質素既各位，奉勸大家真係唔洗試，正方蛋糕款外層糖霜都預咗係甜到喊既，都唔緊要，因為顧及造型既關係，入面蛋糕好硬，可能加多左啲麵粉固定造形，當食落去一啲都唔鬆化，求其去麵包舖買啲蛋糕都冇佢甘差呀，諗住朋友生日680$買黎試下，真係非常失望冇下次。

前年我生日太太買咗一個yuzu fresh 蛋糕給我，樣靚，味道唔錯，價錢唔算貴。所以今年佢生日我就買一個佢鍾意食的栗子蛋糕比佢。點知瀨晒嘢。個六吋蛋糕要$880，一切開個蛋糕真係火都嚟埋，原來栗子cream剩係得面頭嗰層，中間零零碎碎有啲栗子碎。啲栗子cream食咗都唔覺有栗子味，夠膽在website叫 ”the Best Chestnut Cream Cake that you’ll ever taste”。另外想投訴的係佢哋的服務態度。攞蛋糕當日係聖誕節，佢哋舖頭的裝修10分漂亮，我問幫我和太太在他們的聖誕樹前影一張相，佢話唔可以。真係唔好再幫襯。

尋日朋友話帶我去食Cake，位置就係灣仔既利東街內，舖面係彩虹色，帶比人開心歡樂既感覺。入到去有一棵好靚既聖誕樹，再有好多不同既聖誕飾物。店員都好Nice。我都選擇了2個聖誕蛋糕仔，一個係插著白鴿圖案，蛋糕顏色色彩繽紛，中間個層夾著櫻桃味既jelly糖，另一個係插著聖誕鹿圖案，朋友話係薄荷味，好香濃薄荷味，叫我下次一定要試下。2款都好靚，好有聖誕節既感覺。店內仲有好多大大小小不同款式既蛋糕，色彩繽紛既蛋糕令我地對眼目不轉移停留在蛋糕上。

Always love their beautiful cakes... there is a convenient branch in wan chai and we bought some cakes for office and to celebrate colleague's birthday. Very difficult to for them to be off the mark. My favourite is usually the chocolate cake followed by their coconut is statue and other delightful flavours.