Ms. Hot 麻辣燙 (Closed)

去試了最近在元朗鬧得滿城風雨的Ms.Hot，不知是否見報後很多人來湊熱鬧，是晚全店滿座的。水可在自助水吧度斟，餐具在櫃桶裏，蠻自助的。食物17/100g，有一般丸丸腸腸，菜，菇等。還有豆制品，肉類，海鮮等，但肉同海鮮是按份計的。湯底有四款，只有麻辣湯係辣的，其餘三款都唔辣。見網民個個都話貴，咁就夾少少試下先啦，夾左幾片筍，冬菇，蠔菇，秀珍菇，百頁結，韓式豆卜，鴨血，大腸同貢菜，麵方面拎左一份紅薯粉，磅起上黎81蚊，貴唔貴就見仁見智啦，只少都唔係網民所講連碗磅。拎卡仔等上碗等了約15分鐘上枱，即磅即煮熱辣辣，份量都大碗嘅。湯底選了酸菜湯，上面果然有大量的鹹酸菜，鹹鹹酸酸好味喎，而且湯底不油膩，飲左好多。磅了的食物全部都啱數仲多左蘿蔔同蒿筍，送的？紅薯粉吸飽了湯好正，好鍾意佢煙煙韌韌嘅口感，一碗好豐富的車仔麵。再加左一杯檸檬益力多，跟麵半價（$13），益力多加上酸酸的檸檬，夠凍夠解渴。好得意的卡片味道係好味的，價錢同食一碗拉麵差不多，不過夾餸方面就真係要就一就，唔覺唔覺就會夾左好多。食慣左車仔麵模式咁加一個餸加幾蚊，而加要自己磅就真係唔知價。

話說昨天同台灣朋友去行元朗,途徑尼間MS.HOT 麻辣燙,見到入邊d客人個個都大大碗咁食,好似好特別咁,跟住兩條友就懷著好奇心中左入去😂店員態度幾熱情,唔洗等位,一入去就介紹點樣點餐,原來佢係有d半自助形式,自己揀嘢食,照重量計100g$15蚊,有4款免費湯底,餐牌簡單有幾款小食同水煮類菜式,我地跟指示自己拎盤夾食物,雖然有兩個長雪櫃,但眼見食物種類全部係d普通打邊爐既丸類同蔬菜,所謂海鮮就有蜆同青口...麵類,有出前一丁同普通烏冬麵,車仔麵等等..總結都係一d平價食材冇乜驚喜。我地最後成功點餐,盤連菜一齊磅500g$80蚊,再加一個酸菜爆炒肥腸飯$52蚊,嘢飲另計麻辣燙只有辣冇麻,唔係本人喜歡既口味,雖然賣相尚算ok,大大碗...但$80蚊食幾條菜同兩串豆卜實在有d搵笨feel🙈

見到新開，就去試一下。宜家仲係試業期間，安排坐位方面都係有少少亂，叫D客走來走去，但理解的。但係張枱真係太迷你。價錢方面由之前見到post 既$17/100g減到 $15/100g...亦都無之前D post 既話連個碗都磅埋，不過最後埋單係應該有磅埋個一個透明盆，何況你係見唔到個重量的，基本上佢話幾多就幾多。最後一個普通份量既車仔麵就差唔多90，連埋野飲就過百。兩個人就200大元，認真講元朗有更多好既choice！！

佢呢間係辣媽嘅分店，對佢期望都大，今日就即管去試吓。因為是麻辣燙，我選擇都是蔬菜為主！佢＄17/100g，其實對重量都冇乜概念結果.......我第一次食一碗麻辣燙要$160再加飲品$22，平均一個人$180屬唔屬於偏貴，就見仁見智喇兩個人食一個lunch加加埋埋都要三百幾蚊，因為我哋一人叫咗一碗與其要比呢個價錢，我寧願去返辣媽食川菜，我諗會仲抵衛生環境都OK（始終都新開）佢啲湯底 辣度 其實都未夠正宗所以有待改善 總括嚟講：我覺得四川麻辣燙變咗叫港式麻辣燙 😌

冇留意價錢入佐去，兩個人就住夾食物都要$2xx食物一般，麻辣湯底有一陣羊騷味。但我碗野都冇羊，都唔知點解有陣騷味！！！我只係揀佐啲菜，菇，幾粒丸，一份薯份，都要100。埋單嚇佐一跳，永不錄用！我前面個大叔一碗野要二百幾蚊。我見佢都呆佐，可惜一切已經太遲。食物味道一般，鴨血淡而冇味。麻辣湯有羊騷味，多辣油但唔香。丸都係一般貨色。唯一係飲品有半價，十幾大洋有一杯。當你都食緊百幾元一碗麵，十幾大洋又算什麼⋯⋯😏堅冇下次，食材又多水分冇得自己秤下先。食完有被宰嘅感覺

唉....話說知道有間野新開起教育路，老婆話想試，咁咪去睇下囉，門面係幾好睇既夠光（費話，人地新裝修）。但我同老婆都企左陣唔知入唔入好，本住唔好食都只係一次既大原則就入左去。點知就真係最後既一次。OMG.....就真係中伏，仲要係十面埋伏，原因係入左去先有寫$17/100g, 我同老婆即係打左個突，100g咩料呀夾糖最貴都只係$9/100g。我只可以話係車仔麵既做法，酒店既價錢，打邊爐既餸，如果真係好鍾意食車仔面既朋友，元朗仲有好幾間好過佢同好食過佢既車仔麵，唔需要去黎間挨貴餸。如果係打手or比左錢賣廣告要交代既朋友，請用個心寫，而某「xx男女」就寫-食家對餸既重量無計算，咁不如話，商人就係睇中食家無重量既意識先用「克」黎計，想食平d都唔係唔得，2條菜2粒（迷你）丸再加生根（生根夠輕呀嘛），麵底都唔要（麵底先最呃錢最重，都唔明點解個麵會唔包），應該可以控制到$40樓下埋單（不過各位巴絲，佢地有最抵消費，所以要小心，當然就緊係無最高消費，你堆到成座山，佢地會仲更加開心）。各位仲要小心既係有部分餸係唔計重量直接收你$35-$40不等（如：蝦）我地咁就食就左差唔多$200,同塲都聽到其他食客

間中都會食下辣，仲會約埋辣得之人一齊去尋辣，不過到左夏天就一定要有冷氣先會食。今次來到元朗尋辣，當要首要係有舒適既冷氣。餐廳好多食物"辣字"當頭，睇圖都已經有生理反應(吞口水)。可以先到自助區選擇配菜，有成30款不同的常見火鍋食材可以選擇。其中一般丸類，豆腐蔬菜類，麵類都是$17/100g；肥牛$35/一份；海鮮$45/一份。食材的費用已包括湯底，湯底可選麻辣，龍骨，酸菜，蕃茄。而餐廳設最有低消費$40。隨手已經揀左一大盤，勁豐富。付費後會有號碼咭，放在枱上就會將食物送到枱上，其實咁大碗自己拎的確有難度，這個服務不錯。麻辣湯非常大碗的麻辣湯烏冬，配菜選了肥牛，一些丸類和烏冬。紅紅的湯底，未食已經聞到麻辣香，望住麻辣湯底，會不停的吞口水。麻辣湯的"麻"和"辣"平衡度唔錯，對於愛吃辣的我就吃得十分開胃。辣子黃金蝦黃金蝦伴上大量辣椒，除了咸香以外，其實不算太辣，而蝦亦很香脆。另外十分喜歡中間的花生，同樣夠脆，食唔停口。少見的選餐形式，加上非常吸引的辣味，對於愛辣的我的確非常吸引。

點可以用火煱湯底嚟做湯麵湯底㗎！以火煱湯底嘅濃度，套落一個湯麵度，真係食到冇晒胃口。模式係車仔麵咁樣，不過係自助，$17/100g，搏你唔覺唔覺夾多D餸，但係食材質素差過晒元朗區是旦一間車仔麵，午餐肉唔似午餐肉，款式又唔多，全部都係丸，又貴！九十幾蚊一碗「車仔麵」😤原包出前一丁但熟到出嚟似係普通公仔麵。整體嚟講，山寨質素，酒樓價錢。以磅收費，極其取巧。花巧有餘，實際不足。以看似新穎的自助模式收取比實際更高的價錢。

位於元朗的Ms. Hot，是一間新開的川菜麵館。今天雖掛上八號波，但也無阻我和一班好友吃晚餐的決心。晚上齊齊來到元朗吃麻辣燙。自選系列的碗麵，類似車仔麵，自行點選湯底，自行選配料。湯底有麻辣湯底，龍骨湯底，酸菜湯底，蕃茄湯底。配料則可自行夾入盆中，配料$17/100g，肥牛$35，海鮮$45。非常開心夾了一大盆，結脹時付款便可以了。自選麵$230非常大一碗的自選麵，我和媽媽二人共同享用。湯底選擇龍骨湯底，非常清甜，毫不油膩，我喝了好多碗哦。配料的選擇超多，單憑我的記憶，也有極多可選。例如: 牛丸，小魚蛋，大魚蛋，墨魚丸，龍蝦丸，海膽丸，菠菜丸，八爪魚丸，蝦丸，雜丸，黑椒腸，芝心腸，廚師腸，雲吞，響鈴，炸腐皮等等。當中我最推介菠菜丸和雲吞。麵條有公仔面，烏冬，米線，薯粉等等，超飽肚的離開。

1）頁丸2粒2）好細粒豬肉丸 2粒3）生菜幾條4）響鈴 一條5）豆皮 幾條6）萵筍 3塊7）紅薯粉 一碗仔酸菜湯底每100克$17，已經大部份都係菜，盛惠$102，埋單個陣吓左一聲，仲諗住陪啊媽夾完之後到我同男朋再夾，個價錢嚇到我叫男朋友嗌個飯算，我同我媽食一碗算。碗野黎到好大啊..係個碗好大啊...真係我食過最貴既麻辣燙，一個極度唔合理既價錢，隔離檯啲食客都話貴，咁既價錢，質素又唔係特別好，雪櫃仲有啲菜係爛，去其他餐廳食米線好過，做一次水魚算，怪自己唔識計數17蚊100克...唔會再黎！ 同千色後面佐料佑麵同一腦細.. 雖然唔關依間鋪事，但咁樣劏街坊.. 對依個集團好反感，

好歡喜麻辣既我第一次滿心期待走去食Ms. Hot一進店內就見到個開放式既雪櫃見到食物種類都ok多大部份都係平野咁就好興奮啦諗住簡簡單單食個麻辣燙點知...見到雪櫃上標明食物$17/100g就諗起Frozen yogurt都係差唔多價錢見到呢個涼浸浸既價錢店內又標明夾左出黎既食物係唔可以夾返入雪櫃所以夾食物既時候都有就住夾夾左一個麵（乾既）滑牛、一D豆製品（豆卜、腐皮之類）好少菜、木耳、芋絲、蓮藕、雞腎除左木耳夾左大概5舊，其餘以上每樣一兩舊再加一碟黃喉（$40）好喇，上磅啦原來Over 400g係非常容易既事盛惠$113當堂嚇一跳😂然後就...咁"服務員"佢地又係幾好既咁個個麻辣燙湯底又係幾惹味幾夠刺激既湯底同滑牛又係夾得天衣無縫既但如果時光可以倒流我會只夾個麵同滑牛因為其他餸真係唔係好值呢個價錢😅

已往很喜歡去不同地方旅遊，除咗可以體驗當地文化、生活，更可吃到該地方的地道美食。而我其中一個喜歡的地方就是成都，可能長時間逗留過的關係，特別喜歡四川菜、重慶菜式。令人流哂口水當然係四川餐廳每家都有獨特嘅辣味，色、香、麻、辣間間不同，但要好吃亦缺一不可。可惜回到香港後亦很難吃到一間正宗的＂辣店＂，今次朋友就帶我去呢間Ms. Hot 麻辣燙試試。（睇個名我估應該係辣妹開。）餐牌內有多款菜式，串串香鍋、前菜小吃樣樣都齊，特別麻辣燙更有多款湯底選擇：麻辣湯底、龍骨湯底、酸菜湯底、蕃茄湯底。一開始可以去凍櫃選取自己鐘意嘅麻辣燙材料。蔬菜、丸類、肉類、海鮮樣樣都齊。食材亦擺放都非常整齊、衛生。整體食物大概都有30款選擇。最後就同朋友揀咗一大盤食材。之後再俾員工"上磅"，$17/100g，如果選擇海鮮就40蚊左右一大碗。磅完之後就可以揀湯底，同時店員就會俾張咭，插係你坐嘅位置，食物煮好就會即時送刑你面前，非常方便。一上枱成碗嘢已經非常巨型，而佢個龍骨湯底湯底亦非常鮮甜。麻辣燙整體味道都唔錯，特別鐘意佢個土豆、海帶，煮得剛剛好。個人建議可以叫佢嘅腐皮等豆製品，因為可以吸哂湯底精華相當惹味。串串香鍋賣相

今次介紹呢間係元朗新開嘅麻辣燙對於嗜辣嘅我真係難以抗拒入到門口位置就可攞膠盤同夾去選食物款式種類都幾多，維生程度都唔錯👍揀好哂就可以攞去磅 $17/100克之後侍應就會攞入廚房煮熟，湯底有4款選擇（麻辣，龍骨，酸辣，番茄）呢碗約$160，材料食落都好新鮮加上維生程度不錯，個麻辣香中帶微麻辣，唔會蓋過本身食物味道，當然你食大辣之人可叫佢加辣，跟湯底飲品半價酸菜桂花魚 $189上檯時已聞到好香，面頭會有一層薄油，其實係得你食到尾都保持到仲好熱，桂花魚熟度剛好，魚肉好嫩滑，而個湯酸度剛好，又濃味

🙋🏼辣媽fans 知道轉角位開左新野 即刻去試有幾十款食物可以自己簡我簡左芋絲 豆串 魔芋 蒿荀 金菇 鴨血 豆皮 海帶結 X丸X丸 加埋個薯粉 再加辣 👍🏼👍🏼👍🏼👍🏼👍🏼👍🏼👍🏼👍🏼100g $17 我嗰碗盛惠$60大食又唔食得辣嘅男人 簡左龍骨湯 好好飲😋大量牛肉 鴨血 菜 午餐肉 菇 黑椒腸 芝士腸其實除左海鮮 樣樣都夾左D盛惠$100加埋杯椰果益力多 大滿足老闆娘推介鵝腸麵 但咁啱賣哂🤦🏻‍♀️下次要再去試

見佢開張左幾日、人氣一般都已經覺得中伏、你知元朗一開咩新店，一定大排長龍、呢間一入去有位、2個人仲比4人枱，感覺舒服、自己出夾拎個盤夾、有兩個雪櫃、放左好多唔同種類既丸、蔬菜、烏冬面之類，$17/100g....海鮮另計、第一次去夾左幾款菜、丸類加個烏冬。點知中伏開始、一碗野百幾蚊、一包烏冬剩重200g 、叫包烏冬成為$34蚊、仲有浸過水既菜，一碗野順理成章$1xx ...中左一次伏，兩個人一人一碗食左$3xx