妹記大排檔 (Closed)

有朋自遠方來！有朋友喺星加坡嚟香港玩，因為要返工所以唔係全日嘅佢哋。所以佢哋就嚟尖沙咀接我放工一齊食飯。佢哋話由細到大睇香港電視劇對大排檔好有憧憬😂😂但係最近又熱辣辣，要去有冷氣嘅地方食飯🤭🤣最後諗起妹記，又有冷氣，又可以體驗香港嘅大牌檔文化。3個女仔叫左4個送鬼馬油炸鬼 就必點嫁啦  明知熱氣都要食啊 XD蒜香骨 夠脆，辣辣地 好野味！ 金銀蛋浸白菜仔 Good！ 雖然我地係無飯人士，但係依個送飯一流！豉椒炒蜆 正正常常，但係我食到一粒有沙， 朋友話無食到有。 係妹記，當然係要叫支啤酒用戰鬥碗飲呃下Like3個人晚餐都係每人100蚊左右，係尖沙咀黎講真係一個唔錯ge選擇！

有朋友由外地黎香港旅行想試香港地道美食第一樣諗到既就係大排檔😆佢話想搵間乾淨既咁就妹記啦😚6點左右黎到都已經有1/3入左座本來侍應安排我地住中間較窄既4人枱我地問旁邊大d既枱坐唔坐得佢地都ok 只要7點半前還枱無問題啦🤣用戰鬥碗飲啤酒都算係妹記特色🤣食大排檔梗係要啤啤佢！4個人只叫左3個餸因為同行朋友好細食😂但份量都唔細 尤其係豬手豬手外皮香脆 有點肥膏同筋有一兩舊比較難咬但整體都水準以上配埋泰式酸辣醬更加正！金沙蝦球呢d香口野自然冇得輸🤣🤣極快清碟帶子炒西蘭花都好味！唔太油膩之餘 帶子份量亦唔少食落爽口今次人少食唔到好多野覺得餸菜味道都好但冇乜鑊氣勝在環境有特色

是晚喺尖沙咀放工後趕上落大雨，偏偏又口痕想吃大排檔小炒，醒起朋友之前推薦過呢間室內大排檔，不妨上去一試。復活節前晚7:30pm，正是最旺場時刻，上到門口至少有20人在等位，在此奉勸大家一定要提前book位呀。好彩我們肯搭檯，有最後兩個位可以立刻入座。蒲坐下，侍應就立刻送上餐牌，茶水，碗仔，非常有效率。個環境抄足傳統大排檔，氣氛非常熱鬧，但因為是室內，樓底較矮，略顯吵雜。看過餐牌，價錢和傳統大排檔亦是差不多，亦不收加一。強烈推薦砵仔雞蛋焗魚腸非常足料香口，不是很多地方可以食到喇！

朋友生日，佢地投票來呢間食。上到去勁多人，密密麻麻咁，搵左好耐先見到我啲朋友。由於樓底矮，又多人，周圍都好嘈，結果成晚同朋友好似鬧交咁講野，同埋其他隔離檯既人都係咁，全場就鬥大聲講野咁，總之就唔鍾意個環境啦。另一樣不滿就係，我打去訂位時，問有冇切餅費，佢話要收每人$50蚊，真係好貴（雖然好多餐廳都有）最後我地都無預備蛋糕不過講返食物質素先，佢啲味道都幾好的啲碗用黎飲酒好有江湖味😊避風糖茄子好熱氣但又好美味 呢個筍殼魚好多骨但又好好食的薯仔牛肉豬手蝦卷乳鴿

Do you like "Dai Pai Dong"?  But do you hate sitting outside under the scorching sun, sweating and fighting off mosquito while sitting on uneven stools and eating off a rocking table that is stabilized by a piece of flimsy cardboard?  Well, this is the place to go.  Located in an upstairs indoor air-conditioned location in the busy area of TST.Drinking cold beer out of a chilled bowl like cup?  Yes Please.Who doesn’t like oysters, now make a congeee out of it, less carbs than rice, but have the

尖沙咀妹記上了樓搬到加拿芬廣場5樓做番大排檔午餐連湯40$起玻璃窗位靚到不得了價錢十二分吸引不加錢送可樂,健怡可樂或芬達鹽焗雞很多分量驚人一小碟薑蓉芥蘭菜熱湯可能是全個餐最好的帶涼瓜肉排可能雪雞入貨已平無什麼味道加上處理倉促很鞋咸咸地但雞肉特別是胸部白肉都幾惡性的硬實平野無好這個鹽焗雞飯中晒不過良心說價錢係好難得一罐好凍可樂一個煲出誠意的苦瓜肉排湯40$價錢我不會苛求總之下餐轉換第二樣要合理要求人家也是搵食服務普通40$可吃飽

伙記嘅態度一流👍🏻食物比起以前輸蝕左少少不過都唔錯！😋 油炸鬼墨魚依然係我最愛，仲有豬手！黑椒牛柳粒！仲有蠔餅！都係每次必點嘅小菜🤤🤤🤤 加上有噱頭嘅戰鬥杯，不論係慶功宴生日飯！大家圍埋一齊隊幾支啤酒真係好有氣氛🤪

响加拿芬廣場上完堂，同朋友落樓下妹記食午餐。因為佢嘅午餐响尖沙咀嚟講，有老火湯同罐裝汽水，係幾抵食，上次食過味道又唔錯。是日老火湯係粉葛去濕湯，呢排回南天，人易覺得攰，啱晒！豉椒排骨炒麵好香，顏色又幾靚，麵底炸得夠脆，不過就油啲，排骨正正常常ok咁啦，份量好大，小女子吃不完。同學的蠔仔肉碎湯飯好多芫茜，幾香，蠔仔唔算多，同學成碗食曬，應該唔錯飲咗湯，飲唔落汽水，可以唔開住，成罐拎走，慢慢先飲。佢好似仲有啲三十幾蚊嘅餐，無影相，所以唔記得係咩嚟嘞。

曾幾何時！呢間d出品係唔差的大排擋，但今日響加拿芬廣場呢間分店食到好失望！可以用食到黑曬面咁埋單！服務員態度十分惡劣！連負責任都覺得呢啲唔係一個問題！話說我們四個人叫咗四個餸！第一個咕嚕肉，咕嚕肉入邊無肉，只係炸左一團粉漿之後再上茨汁嘅咕嚕粉！唔係咕嚕肉！另一味蠔餅，有蛋漿冇𧐢嘅𧐢餅！再另一味係炸大腸，炸完之後係咬唔開嘅！最後一味係好似一隻鞋型既避風塘茄子！出品個樣同一隻小朋友既鞋仔差不多大，但內裏嘅茄子size大概好似一塊香口膠咁大，又扁又薄，堪稱得上刀工了得！朋友仔們都覺得好唔對路之下，就叫咗服務員過嚟！同服務員講解，點解以上四個餸會咁樣！第一服務員就話可以幫我哋問下，跟著又有另一位服務員埋嚟問乜事，當然我哋重複一次講發生咩事，但果一位資深服務員說好多客人都係咁食架啦！從來都無人好似我哋咁，無人投訴過！覺得我地説的不合理！問我地究竟想點！我哋話想搵負責人或經理問一下。而嗰位服務員說你哋想點啫，搵左又點！態度非常惡劣！跟著就有個可以話得事既女士行埋嚟就講不如取消一碟俾你地啦！其實問題不在於想比少一碟錢，而是想該公司應該反映一下食物質素而已！但該食店服務員態度非常惡劣，實在好難令人繼續

#妹記大排檔 (尖沙咀)尖沙咀加拿分道20號加拿芬廣場5樓-----🐷原隻脆皮炸豬手（$198）個皮炸得超脆 肉質夠嫩 配埋有d似麥當勞泰式辣醬ge醬汁食 令人忍唔住食唔停口 🍤金沙大蝦球（$118)鹹蛋黃味濃 不過可能d汁水分太多 食ge時候已經有d唔夠脆 😛沙拉骨（$68）整得嫩滑多汁 唔會難咬 唯一略嫌d醬多得好誇張 醬味蓋左少少肉味🤣🤣 蠔仔粥（$98）大大鍋 好多蠔仔 蠔仔又大隻份量又多 非常抵食 😛蒜蓉炒豆苗就不過不失啦 正常水平 豆苗幾靚 味道清清地配下炸野食 幾好幾健康～😄整體黎講 食物都係中上水平 炸豬手最驚艷 其他都還不錯 配埋青島啤酒（$24-大支）整班朋友仔一齊用戰斗碗黎乾杯係幾正😁-----B仔整體評價：8/10個👍🏻B仔抵食程度：7/10個👍🏻(份量唔太多 食小菜黎講偏貴)B仔環境評分：7.5/10個👍🏻(比較靚ge大排檔lor)B仔味道評分：8.5/10個👍🏻B仔回頭機會：8.5/10個👍🏻-----跟住我一齊吞食香港啦！#swallowtst

Mui Kee Cookfood Stall is an upstairs indoor "Dai Pai Dong" in the middle of Tsim Sha Tsui. Ice cold Harbin beer served in the traditional semen cup. Refreshing! 😋Fried calamari, not that great. More batter than calamari, some pieces was batter only! Disappointed.Clam porridge. Good flavour, but nothing special. Black pepper beef and potato cubes. Best dish of the night. Generous amounts of tender beef cubes paired with potato and thick sauce. Would recommend! 💯Overall an average experience, and

妹記一向都出名係城區大排擋。帶住呢個名堂相信帶來不小人慕名而來，再重溫一大斑人係大排檔嘅氣氛。今晚幾個friend 黎挑戰戰鬥碗睇下佢地質數如何。🍻🍻首先，椒鹽鮮魷。🤔不能不說，是有點失望。粉太厚，其實食落真係唔覺有魷魚。如果唔係拆開d 厚厚嘅粉都唔知完來真係魷魚🤦🏻‍♂️🤦🏻‍♂️平平冇奇的炸子雞。🦐黃金蝦🦐都算唔錯，鹹蛋黃夠多，🦐都新鮮，肉實實👍🏻蠔仔粥就。。蠔仔都算多，但味度就差小小水準。食物普通，但係一斑friend 黎嘅話氣氛都唔錯！

－ 炸蠔餅小編真係好失望對於佢地既蠔餅，原因其實我每一次去食潮州打冷都會叫蠔餅，但妹記大排檔既蠔餅真係一大堆炸芫荽，相反主角蠔仔真係得五隻都唔知有無，超級離譜！同埋真係好油，放係蠔餅底下既油紙都滲透曬。－ 脆片炸豬手依道可謂妹記大排檔經典中既經典，豬手係偏瘦既但都有d脂肪，所以口感真係好豐富同埋岩岩好，同埋份量真係幾夠如果依個價錢黎講，食落真係超級香同埋香脆，小編認為真係唔可以無酒如果order依道菜。－ 粉絲蒸元貝元貝size都算及格，唔會話太細隻。同埋都幾鮮甜，睇得出妹記大排檔都注重海鮮新唔新鮮，同埋粉絲吸曬元貝既鮮味同埋醬汁！推薦！

今次對食很有要求嘅話食依間餐廳咁咪試吓囉。兩個人叫咗四味嘢。第一味係講到招牌菜咁巴閉嘅油條墨魚滑。炸得都脆口嘅。配搭埋彈牙墨魚滑係少見嘅創意。唔點汁都ok。不錯。金沙鮮魷。個汁有濃濃嘅咸蛋黃味。本身好正。可惜有三分之一嘅魷魚都炸到好硬好靭。依味嘢就變成高膽固醇練牙力佳選。健康及戴假牙人士注意！再嚟就係炸蠔餅。賣相是不錯的。食落都好香口。可惜幾油膩吓。不過都係要比個喊喊佢。因為入面大部分都係芫荽。說好的蠔仔只見幾隻。或者依味嘢應該叫炸芫荽更為貼切。食咗咁多炸嘢緊係要清一清啦。終於有味嘢可以讚吓喇。就係海鮮什菜煲。啲菜好清甜。又多海鮮。又大煲。好refreshing。總括嚟講嘢食就ok啦普普通通。價錢算大眾化嘅。分量都唔太少。想食大排擋風味又唔想去真。大排檔都不妨一試嘅。

一班朋友聚埋一齊中午食飯，當然搵一間大排擋先夠位坐啦，今次呢間仲要係室內，真係好特別。平時大排擋一係開係大街上，一係就熟食市場入面，點會開係呢到呢？真係少之又少⋯⋯先有碗湯飲下，味道都ok多人完全可以叫多餸，先試左炸豬手。皮脆，但肉就鹹左dd再叫多兩樣炸物，好脆口，呢樣好食至於炸墨魚，個人覺得好辣，是太多辣粉影響。宜家豆苗當造，煮得好好食。呢樣我十分喜歡。蠔仔粥我認為水份太多，太少米了。最後薯仔牛柳粒超級贊，醬汁調配得好恰當。最後，是一間很值得再光顧的一間大排擋。