妹記大排檔 (Closed)

今日家庭聚同屋企人去食妹記,好耐之前未搬時食過一次,今次再番黎,都係食到lamlam脷😋由細到大都同屋企人食過好多唔同既大排檔,深水埗,沙田既都唔差,如果講尖沙咀既,妹記算係幾出色,今次唔算好多人,叫左4個餸,食個家常便飯,我覺得牛柳粒同蛋蒸魚腸都好好食👍🏻出面又好多牛柳粒,一係用黑椒,一係用京都汁去蓋過左個牛味,用黎掩飾唔新鮮既牛柳粒,但呢到既食得出牛肉唔會太韌,連埋爽口薯仔好有咬口,而魚腸,係因為父親大人所以叫既,屋企得我同佢會食,所以平時屋企食飯好少叫,而出去食好多魚腸都會太苦,一係就太少魚腸,呢到比得好足料👍🏻美中不足既地方係同屋企人食飯唔會好似同fd食咁,啤啤佢,我都想試下用戰鬥碗

如果有一大班人柴娃娃聚餐 好自然就會揀多啲位熱鬧啲既地方 毫無疑問就揀左一間好有名但冇食過既大排檔1. 鬼馬油炸鬼 ($78)一擺落口係唔熱亦都唔脆 墨魚膠都唔彈牙 對於我呢啲箍緊牙既肥妹仔黎講 有啲難咬開2. 香麻小雞雞 ($68)呢碟前菜真係咸到不得之了 佢就好似口水雞咁樣 有辣油芫荽蔥同芝麻拌雞腿肉3. 炸豬手 （配甜酸醬）($198)正常水準既豬手 普普通通 價錢略貴4. 炸蠔餅 ($68)終於食到一碟算熱辣辣既餸 炸粉同蠔既比例適中 蠔都算大隻 不過不失5. 鹹魚茸飛天通菜煲 ($68)唔係特別香口 唔係特別好味 普通幾條通菜係個熱辣辣既煲仔裡面 好normal6. 椒鹽九肚魚普普通通 正正常常 份量較少7. 海鮮雜菜煲全晚最清淡既餸 小棠菜西蘭花魷魚蝦帶子菇總結就係所有野都好普通 可能我地冇嗌到招牌菜或者拿手小菜 但如果我地嗌左七八個餸都係呢個質素既時候 我相信呢個價錢會有更多選擇

需要炒得幾香，但味道一般，沒有想再吃的感覺，奶茶夠香濃香滑夠熱，午餐送例湯，淡而無味，好似水咁，試左一淡無飲，13:53入單，人流唔多得幾台客，都等左半個鐘先有得食，已經唔想再黎第二次，食完都差唔多3點

如果要選擇一個聚會好吃處，小編會揀妹記！特別之處系佢顛覆左大排擋污糟既問題; 以乾淨、舒服既環境，全新展示出新式大排擋，並保留住舊式既鑊氣味道٩(˃̶͈̀௰˂̶͈́)و！睇下佢環境，盡量保留住大排檔既格局。而且系室內，夏天都吾怕滴曬水咁食啦！舒服嘅環境，就算同女朋友嚟食，都吾洗驚佢詐型啦(;´༎ຶД༎ຶ`)ﾉ應該！黑椒薯仔牛柳粒(hkd$128) 妹記招牌菜之一。牛柳粒肉質細嫩; 薯仔外脆內軟。配上黑椒汁更惹味，送飯一流♪(´ε｀ )！原隻脆皮豬手(hkd$198) 妹記招牌菜之一。豬手份量好充足，外皮極脆，肉質吾腍帶少少肥; 咸度調味剛好，再沾上少少醬汁，更開胃。咸魚茸飛天通菜(hkd$68) 妹記招牌菜之一。炒得好香; 不過，鹹魚味不突出、太油，令整體略為失色。魚香茄子煲(hkd$78) 送飯之選。味道中規中矩。小編幾中意佢加上蒽花，令味道無咁單調同更香。除左有吾同既招牌菜式。呢到最特別莫過於系戰鬥碗。佢特別之處系經過冷凍處理，碗中仲有個”勝”字，用黎飲酒就仿似切身於古時，那份豪氣在現代再次呈現！十分過癮，值得一試！

同屋企人食野，梗係要平靚正，咁妹記就係尖沙咀云云選擇性價比最高喇。想飲酒有酒飲，想食打冷有打冷。今次叫左3樣餸，必食金沙鮮魷，霸王雞(不過俾正啲無咁滑既位)仲有魚湯浸覓菜魚肚。食大排檔又點可以無啤酒呢?

約左班好朋友食飯，大家都話想食d*麻甩野*就揀左妹記大排擋。7點幾去到出面已經好多人等緊，但入面又好多位，點解呢？完全要等齊人先入得，一個都不能少！我地企左一陣人齊就入得，好鬼肚餓即刻叫野食！野食好快就到金銀蛋蕃茄白菜仔，好好味！白菜仔煮到好淋配蕃茄湯超正！沙拉骨係我要求～好內無食過，好邪惡但好好味，d汁好夠多夠味，d骨又唔係得骨有肉食～食大排檔點可以唔飲勝豆腐好正啊，炸到外脆內軟麻辣小雞雞，夠辣但不夠麻，雞肉唔太滑，係雞扒黎干炒牛河，夠乾身，好味！d色水都好靚

同日跟好友聚會後，他們建議到妹記食晚餐選擇妹記是因為有大排檔風味得來，又企理！最重要的是還可以訂位呢！基本上炒的小菜都蠻大碟的～而且味道也是不過不失的！·西蘭花炒鮮魷豉椒炒蟶子 ～ 超惹味啫啫雞煲配飯一流必點～桶蠔京都骨吊燒雞～燒得很香脆另外喜歡飲酒的人🍻不妨來支哈爾濱啤酒，用戰鬥碗來飲，看上去已經夠有Feel啦整體來說：餐廳的食物確是不錯的，而且價錢平民！小炒平均一碟$60～$70不等～唯一缺點是會有漏單情況

當日同一班係台灣黎香港玩既朋友食飯，佢地想去食d香港地道d既野食，大排檔就一定唔少得啦😜佢地住尖沙咀，於是搵d近佢地既大排檔啦，其中一個香港朋友介紹妹記，藍妹同男朋友都未試過，不過我地冇更好既選擇，咁就去妹記啦！我地遲左少少去到，佢地已經等左一陣位，一去到就咁岩有位，好彩✌🏻果到係爆場，全部枱都坐滿人，同普遍既大排檔一樣，超級熱鬧（嘈）。-果到有個特色，就係飲酒唔係用杯，係用碗！佢隻碗印左大大隻字「勝利碗」，酒飲到底會見到碗底既「勝」字，名副其實既『飲勝』‼️咁樣飲酒都係第一次，不過好爽快，好有以前古代人既豪邁感🤪-因為冇影menu，當日既菜式名都係憑記憶。金莎黃金蝦黃金蝦係用咸蛋黃炒剝左殼既蝦，一碟既份量比較少，大約得6隻左右，如果多人既話要叫2碟咸蛋黃炒，一定係偏咸，撈飯一流既。表面好粉，入面既蝦炸得唔錯，爽口既。-豉椒炒蜆藍妹唔太食蜆，只係食左一件，有鮮味，芡汁既味道冇平時食果d咁濃味。-蠔餅⚠️有芫茜請注意份量大份，炸得鬆脆，但略嫌油份太多，如果炸得夠好，應該可以走油，迫走d油份。好厚粉，唔知點解佢有芫茜，但成個餅完全冇味，冇蠔味，冇粉漿味，冇芫茜味，淨係好似食緊一pat冇味既炸餅

朋友團年飯聚會，大家話食大排擋喇，地方較大又可以食一啲有鑊氣既小菜。地址一發出來，樓上舖？乜大排擋唔係係街邊舖果啲咩？以為都係取名效應當天，一出Lift就見到好熟悉既畫面，就係平時食，大排擋既感覺喇！我地叫左平時大排擋食開既野食，有蕹菜，水蛋，甜酸骨，小菜兩味等，朋友們還叫左三支啤酒，用碗來飲特別舒暢妹記，是一間極具大排擋的特色；還有一個樓上舖可以傾計談天說地的一晚晚上的人流比較多，可以考慮九點後入去食吧

我同個朋友平日星期四去食飯，叫左三個餸，有鹹魚茸飛天通菜，豉椒炒蜆同秘製龬鍋雞，叫完叫夠3分鍾炒蜆即到，5分鐘內其他兩個餸都到埋，一見到心知不妙，3個餸係熱但所有汁醬及獻汁係‘結’的的，完全係煮定好keep住熱，雖然見到全場滿座，但真心覺得係給遊客去食及趕返枱，食物質素同味道失望

一班人食飯揀左妹記, 有得訂位, 黎到唔洗等。蠔餅: 好一般, 好粉, 炸得太勁, 蠔冇咩鮮味黃金蝦球: 唔錯蛋黃好多, 味好重, 份量都夠一人一粒勝利碗係SIGNATURE蝦膠油炸鬼: 好食, 蝦膠都好彈牙, 送酒一流沙拉骨: 骨還骨, 醬還醬, 排骨有d硬, 一般豉椒炒虎皮尖椒: 好食, 炒得好爽, 味道都好好椒鹽豆付: 炸得夠乾身, 豆付都好滑蠔仔粥: 一般飛天通菜煲: 都幾油, 不過炒得好味同埋唔老, 幾好味一班人聚會都0岩黎食既

之前食過一次,覺得普普通通,所以之後都無打算再食,但因為外國朋友來,話要去呢度,唉.唯有赴會.搬左新地點之後.星期日中午可以90%空位,所以大家要試的話,唔使怕無位~我地簡單叫左幾款有鑊氣gei菜式黃金蝦同大家認識gei有好大出入,我仲以為叫左甜酸蝦...點知佢真係黃金蝦...黃金呢???黃金味道好弱都算,但蝦肉本身都好粉,證明唔夠新鮮叫左個招牌鬼馬油炸鬼,以前覺得還不錯,但今次覺得好油,中間麵粉成分都幾多,如果唔點醬真係唔係太食得落,但外層係炸得幾好的炒通菜好難出事,唔算油,有鑊氣,不過食到底有D咸,最好撈一撈先食未免朋友肚餓,我地勁無聊叫左個乾炒牛河,都幾入味,河粉彈牙,油份少D會更好最有驚喜係蠔仔粥,可能因為無期待,所以食就更加喜出望外,夠清甜,D蠔仔都新鮮,味道唔會太咸,我鐘意水水的感覺.雖然係咁,你問我仲會唔會食,無必要真係唔會,因為價錢偏貴,質素未及價錢的水準.

突然好想食大排檔, 所以趁時間早就黎食左飯先, 唔使有排等位ma, 加上呢度環境舒服又乾淨, 坐都坐得舒服d呀~鬼馬油炸鬼見呢個係推介就點都要試下, 係油炸鬼釀住蝦膠, 外面脆卜卜, 入面就好彈牙, 份量都有好多, 2個人食都差d食唔哂飛天通菜煲呢個一上到檯就感覺到好有鑊氣, 仲要勁香, 通菜又多汁又鮮, 真係食唔停, 送飯一流呀豉椒炒聖子平時多數會叫炒蜆, 今次就試下聖子, 呢個聖子有好多, 而且又大隻又爽口彈牙, 配埋豉椒汁送飯都好正

麻辣雞，麻香味夠又辣，雞肉夠嫰唔會”鞋”，唔錯！炸豬手，本人超鍾意食，外面個皮脆得嚟唔會太乾，真係好好食呀！！😍個蠔餅都好得，炸得夠鬆脆又唔會話好油，個粉又唔會太多岩岩好。蠔仔粥都好足料，唔會話細細粒蠔仔。記得訂咗位先嚟因該都好Full

去完中環微電影 event 後，終於等齊成班朋友仔食晚飯。浩浩蕩蕩黎到沙咀都 11 點喇﹗哈爾濱啤酒，從未聽過呢，第一次飲。清清淡淡，微甘不苦，易入口。金銀蛋鮮茄浸白菜仔，有創意，從來無諗過依個配搭，感覺良好喎。大量咸蛋皮蛋，非常重手。番茄將雞湯染紅，咸味番茄夾著白菜仔，獨特的味道。薑蔥魚下巴煲，即係啖啖肉既魚三角，炸得香口不乾鞋，保有魚汁，外香口微脆黏黏，炆得惹味香噴噴，索盡濃濃薑蔥芡汁，重口味但可口。風沙豬手，招牌菜？原隻黑椒炆豬手賣晒，無食神眷顧，好失望。乾柴硬掘掘，出盡九牛二虎之力搏鬥，扯出皮肉咬咬趙趙，討厭。碧綠花枝片，脆玉瓜夠熱多汁，不過花枝片太腍不爽脆口，夾住一齊食也不錯。鬼馬油炸鬼，脆卜卜油條釀上蝦膠，不幸地蝦膠硬實陰沉，不嫩不彈，鮮味欠奉。沙拉骨，遺忘了的菜色，炸京都骨勁兜沙律醬。脆化 Juicy 肉香彈牙炸豬扒，半溶酸酸甜甜沙律醬，好開胃喎。豆腐香菇扒菜心，因有位靚女食齋，所以揀選此道。靚女喎，梗係無所謂啦！菜芯爽甜，彈滑香菇蠔油芡搭上索味豆卜，意料之外的滿意。炸墨魚咀，油淋淋閃令令喎。趙落爽脆夾嚥韌，墨魚味濃加上蒜蓉份外惹味！馬拉盞通菜，鑊氣迫人，香噴噴。翠綠通菜