梅園餐室

Open Now

Now Closed

茶餐廳，總有一間係你附近，但舊式嘅茶餐廳就真係買少見少喇！既然咁岩路過，又見到佢有古老地板，仍然keep到果仲懷舊味真係好難得，一於入去食個特餐先！一入去真係人頭湧湧呀！呢個鐘我都係第一次見，唔知以前係咪好流行架呢？呢間嘅特餐，餐牌上無得揀沙嗲牛肉，係有少少失望。叉燒意粉賣相好似好淡味但食落夠味叉燒份量可改善油份較少健康之選餐肉通粉餐肉有光澤通粉細細粒易入口通粉沾滿湯汁好味奄列奄列賣相好好煎到好似一個荷包咁漲卜卜餡料夠多多士加$1可轉多士值得一提，呢度多士同奄列會分開上，麵包唔會佔滿油份，細心！

早上, 因事經過梅園, 餓了, 決定吃個早餐.點了百搭早餐($34), 餐肉+炒蛋配雪菜肉絲麵, 多士(加$1), 凍咖啡(加$2).不一會, 先送上餐肉+炒蛋, 餐肉煎得香香的, 炒蛋切開仍有蛋汁, 嫩滑!很久都沒喝凍咖啡了, 這杯凍咖啡挺濃郁的, 有著一種特有的舊式咖啡味道.雪菜肉絲麵, 雪菜肉絲份量不少, 像座小山一樣, 哈哈. 配上煮的軟硬度恰當的福麵 , 正!最後是多士, 兩面都烤的香脆, 加上點點牛油, 非常好味!牆上掛著的舊式掛鐘, 估計有一定年份了, 有機會你也可以留意一下.

由上小學到中學，再到現在， 小編只會去這區內最好味嘅茶餐廳―「梅園餐室」， 以黃大仙區來說，食物算是不錯， 價錢符合性價比， 不少街坊都會黎捧場， 平日午餐時段更會爆場，稱得上為學生食堂！😂 11點前可以食到百搭早餐（$32）。 🐮沙嗲牛肉麵 🍜 麵用上福字公仔麵， 麵煮得剛好，唔會太淋， 沙嗲牛肉很入味，肉質軟腍有嚼勁！ 火腿炒蛋🍳 唔好以為呢到嘅炒蛋係平時澳牛或華星食到嘅炒蛋， 呢到嘅炒蛋是用拌均嘅蛋加火腿絲一起煎成， 係港式茶餐廳的風格～ 外表煎得扁扁，裡面半生熟😋， 仲有蛋汁流出來，正！ 其他講得出嘅蛋配搭都有， 餐肉、火腿、腸仔等炒蛋、煎蛋、熟蛋都得。😂 奶醬多 如果跟餐， 唔特別要求的話就會係牛油方包， 加$1就可以轉做牛油多士， 再加多$1就可以轉奶醬多、奶油多、油占多，抵！ 茶走 茶底茶味重，加左煉奶之後，香醇幼滑。😋

港式All Day Brealfast 系列(2) -- 梅園餐室今次去到屋企行過D 既梅園餐室, 係黃大仙蒲崗村。間野開左無30年都有20年, 一副舊裝潢, 完全唔洗去果D羅X記/火水X 果D餐廳扮晒懷舊FEEL的餐廳。港式All Day Brealfast 一睇就知咪又係果D, 姐係早餐呀, 午餐呀, 常餐呀, 特餐呀, 果類囉。我十一點半去到, 早餐就無喇(28蚊), 不過想食番呢D野可以叫奄列餐(36蚊)個餐就係張相GAM多野, 火腿奄列, 沙哆牛米線, 熱奶茶。個奄列at least 用左3隻蛋, 所以比早餐貴8蚊 (OK 啦, 洗咩食3.6牛X 餐廳丫....蛋多自然就夠滑)蛋汁一路食一路流, 太好吃了。沙哆牛米線就一般般, 無得強求。熱奶茶水準OK GA, 我估佢粗的茶葉無放很多, (因無咩苦澀味) I Like it。服務唔好預好nice 好nice 呀, 始終係住附近的師奶呀姨, 不過食得多先感受到果種人惰味。

今日帶亞仔去鳳凰村附近返英文班，就到附近食個下午茶！其實呢間我成日都食，係一間好有人情味的老店，在這個社區應該都很久歷史！雖然只係普通茶餐廳食一般茶餐廳食物，但係呢度食到嘅就係人情味街坊溫暖！我特意寫這個食評想讚下他們員工服務親切友善，所有要求都可以滿足你當然佢哋嘅味道都係好好，一生食得最多嘅就係茶餐廳，呢間都係頭10名內今日我就食咗呢個下午茶餐，吉列西多士，點左麵包糠去炸，特別脆口，裏面仲有查咗我最愛的花生醬，yummy茶餐廳凍檸茶紅茶檸檬味perfect~

每次都是星期六或日經過梅園, 每次入面都坐滿人.今天正好有事, 忙完已經接近12點了, 早餐也沒有吃, 路過發現有卡位, 就入去試一下.過了11點的早餐時段, 正好開始提供午餐, 但不是太餓, 所以就點一個特餐好了.特餐有牛油方包, 火腿奄列, 餐肉湯意粉和飲品, 是不是很豐富呢?先來的是凍檸檬茶, 茶味還算濃郁, 沒有過淡的感覺, 要是少點冰會更好!餐肉湯意粉, 我將意粉轉成麵(不是一丁麵), 麵軟硬度剛好!再加上牛油方包, 火腿奄列, 吃的我飽飽的, 十分不錯!

最簡單既野係最難整得好食，呢個道理等同阿媽係女人一樣（雖然現在好多阿媽都係男人）💁🏿係鳳德呢個區入面，要搵間好食既早餐真係好難！除左我之前寫過一篇英都沙牛麵好食之外，都無咩幾間我係食完想再番去食既。（可憐既係，英都換左整早餐既哥哥，現在搞到好難食）🙅🏿‍♂️但我發現呢間既蛋治真係整得唔錯，區內既蛋治我都差唔多食過哂，係呢間既蛋治整得有啲水準！蛋夠滑，有蛋味，有蛋汁，夠香，配埋個牛油，真係夠好正好邪惡！識整個蛋一定唔洗用鹽，靠個牛油帶小小咸味就足夠！一份早餐黎講，唔算薄，岩岩好，但當然個蛋厚啲就正啲囉！🤤除左個蛋治正，佢既蛋牛治都唔錯！咸牛肉足料真係無揸流攤，唔似出面個啲咁，我差啲以為我叫錯野。同埋佢個咸牛肉夠熱阿！媽，夠熱真係好重要，大佬，出面個啲蛋牛好似無煮過咁，搞到我心理唔平衡，成日以為唔熟。另外，佢個蛋牛治係蛋牛分開既整法，唔係撈落去蛋個種。不過我就無咩所謂既，好食咪得！😳 單拼$15 雙拼就$18 ，老實講，早餐黎講都算貴，但出面現在係咁既價😢不過總好過食雪櫃雪個啲啦，呢啲新鮮啲好食啲嘛😉提提你：你唔出聲，阿姐姐會幫你飛邊！識食三文治就一定留邊既！因為除左會飽啲之外，又可以環保啲

由搬左去黃大仙之後，我就鍾意左呢間門口細細，望落好似好舊嘅梅園餐室。搬左嚟禁耐，差唔多間間餐廳都試過晒，有d係唔錯，但如果要推薦 我一定揀梅園。同樣叫一個沙嗲牛麵，如果淨係睇價錢，梅園同區內嘅茶記可能差唔多。但係真心講同樣價錢，梅園比嘅係福麵而唔係其他茶記嘅大光麵，淨係呢一樣我已經覺得抵番晒。我特別鍾意星期日同星期四去梅園，因為有羅宋湯！梅園嘅羅宋湯係我唯一會係出面餐廳叫嘅羅宋湯。唔知太家會唔會同我有一樣諗法，我總覺得羅宋湯比起忌廉湯個d更容易中伏。可能大部分嘅餐廳都好注重成本控制，d羅宋湯無嘜料，好淡好難飲，但係自從有次我試過我朋友係梅園外賣番嚟嘅羅宋湯之後，我發現我之前飲個d全部都唔可以叫做羅宋湯。細心d睇梅園嘅羅宋湯面層有d紅色嘅茄油，濃濃嘅蕃茄味加埋小小嘅辣，碗入面有一半都係湯料仲經常會有牛腩粒，即使係餐湯都唔馬虎。梅園比人感覺好唔同，無論係出餐嘅份量，食物嘅質素，都好有人情味。我覺得梅園係d細節位到一份執著同要求，而唔係一般茶記為做生意而唔顧食物水準，值得一讚

由上小學到上中學到現在🎒都很喜歡去這間茶餐廳以黃大仙這個區來說這裡的食物確實不錯價錢又便宜平日午餐時段必定爆場絕對是學生食堂唔再係學生的我住附近🎓每weekend的早餐都會食百搭早餐$32有交易😌🐮沙嗲牛肉麵 🍜這裡的公仔麵係用福字公仔麵煮的除非加錢轉出前一丁😏否則就是用福麵🙈🙈🙈麵煮得剛剛好 不會太淋沙嗲牛肉的牛肉很入味 肉質彈牙火腿炒蛋🍳不要以為是平常在澳牛或華星吃到的炒蛋🐣這裡的火腿炒蛋是用發均了的蛋和火腿絲一起煎成的完全是港式茶餐廳的風格😂雖然個人都很喜歡食澳牛和華星的炒蛋但這裡的火腿炒蛋 卻有與別不同的味道🙆🏽外表煎得扁扁的裡面卻半成熟😋一切下去蛋汁就會流出來 正☺️另外這裡其實什麼樣配搭都有😇有餐肉或火腿或腸仔等炒蛋 煎蛋 熟蛋 你講得出咩要求都會盡可能做到 咩都有😂奶醬多如果跟餐 平常不作特別要求的話就會是牛油方包加$1就轉牛油多士再加多$1就可以轉奶醬多 奶油多 油占多😎真係好抵😍😍😍而且十分足料👍🏻👍🏻👍🏻👍🏻茶走這裡的茶底好重茶味加入煉奶後很香醇幼滑總括而言係呢個小社區𥚃面這間茶餐廳一直屹立不倒可想而知 這間茶餐廳深受街坊歡迎

今日去黄大仙買餸，見到下午茶時間想食個多士。之後男人見到一間懷舊冰室，門口仲有個寫coffee牌係門口。因為賽馬日都比較多人，地方都叫乾 淨同待應速度好快問食咩。 今次我地叫左個午餐和一個下午茶餐。 羅宋湯：普通味，都見到有材料足，酸度都可以接受，不俗。 咖喱魚柳飯：魚柳炸得香口又大舊，最開心係又吾油，咖喱味重，薯仔入味同淋。仲要夠辣度，所以好飽的我都忍不住食了2口.... 下午茶：心諗吉列西多士即係平時食的西多士啦..點知黎到見到同平時真的不同，一睇都好脆口，食落真係同吉列魚咁脆但又吾油，應該因為吉列原因用 大油炸而包吾會太油。有少少花生醬加糖漿真係吾錯的配撘。飲品叫左谷古，好多地方都已經用朱古力取代，係要舊式coffee 才可有。但飲落有失望，因為偏淡。 總結：味道比心目中好，而衞生程度乾淨。這間茶餐廳必定會再黎食午餐，仲要價錢平宜，都大約80有找...平靚正！

KsMeow每當看見歸家的小巴站排滿長長人龍，多數也會選擇放棄，乖乖的徒步回家！那刻天氣炎熱又正值Tea Time，倒不如嚐一份下午茶後，才為食記遊記作戰吧！（笑）．．．黃大仙鳳凰村有兩間梅園，一間是環鳳街新梅園，而這間梅園餐室則位於銀鳳街斜路燒臘店旁！她是我讀中學時飯堂之一，當年飯錢有限（實際是慳錢敗家，嘿...）又不太講究吃是何物，所以只會點快餐與常餐，學生價才19個大洋！因緣際會下路過那里，雖不知是否轉了手，人面全非...但裝潢依舊是粉紅粉藍小格階磚、翠綠色牆身、還有那個當年新張誌慶的掛牆鐘，格局跟以前一模樣，時間就像靜止了！小妹跟早肥先生各自點了一份下午茶餐，他本身不愛甜，卻偏偏對茶餐廳的西多士極為迷戀。等候時間頗長，猜想這里的西多士是（27個大洋連凍飲）即製，滿有期待！但... 美滿幻想空間，被外表極像泄了氣的皮球破滅了！西多士明顯炸得不夠香酥，入口更覺淋身，感覺只是一個吸滿油的麵包，令人頗失望！再來的檸檬茶，茶底薄弱，企圖用甜味掩飾一切！縱使大方給了多片厚身檸檬，仍無補於事！最後出場的脆脆豬扒包（25個大洋連凍飲），舌頭感到重生！外表烤得超脆，新鮮生菜、蕃茄、沙律醬亦下得恰

到九龍城公幹，辦公完畢，被同事帶到黃大仙梅園。十一時五分坐低，還好仍可叫早餐。見有久未食過的福麵，當然不可放過。另加火腿蛋麵包，熱奶茶。福麵煮得太腍，不合我脾胃，其他的一般，杯熱奶茶幾好飲。

以前星期六日 阿媽無煮飯就出街食試下呢間 以前未試過還可以到而家已經食到厭!晚飯黎黎去去都係個d~ 又唔轉下d新野鐵板餐仲唔抵 $45 牛扒好普通 仲要唔厚既忌廉湯好浠 無乜味唯一想講豬扒同雞扒都幾好味既

現講緊係斜路嗰間梅園又黎食煲仔飯, 價錢比往年貴, $33煲仔飯 + $6油菜, 送例湯, 水準如一排骨滑雞煲仔飯 餸舖滿飯面, 份量多, 排骨唔肥, 雞夠滑 師傅會落好多薑葱舖係餸面一齊煲的, 故成煲飯都香噴噴(拍照前已撥走薑葱)不過要等好耐, 因只有企係店舖門口的師傅一個人煲, 而爐頭又唔多精心製作, 夠火喉, 要等都係值得

九月廿一日晚, 又走埋嚟樓下《梅園餐室》,四個人各自叫一個鐵板餐 ($45/一個餐), 老公都係叫雜扒餐跟炒飯, 我同284都係叫咗個「黑椒牛柳鐵板餐」, 跟薯菜, 仲有件牛油多士, 不過冇影...今晚突然想飲忌廉湯, 呢度既忌廉湯普通啦~ 啖咗少少。主菜, 嘩! 好似好正咁喎~~ 不過佢落單時冇問我哋幾成熟,嚟到已經八、九成熟, 由於鐵板關係, 好快已經變成十成熟啦... 所以過熟咗少少,但啲汁都幾好味, 份量又足, 啲薯條都炸得幾香口幾好味呀, 係啲菜求其咗啲少咗啲囉~加埋杯餐飲凍檸茶, 四十五蚊咁既質素真係算係咁, 幾抵食。更詳細資料及圖片請看 : http://hk.myblog.yahoo.com/joycewai616/article?mid=10996