億饍 (Closed)

有日上網搵野食 無意間發現左呢間有fusion菜既餐廳(近油麻地地鐵站 行幾分鐘就到了，好方便！)餐廳裝修中西合壁，主色以鮮紅為主，出lift右手面有張類似吧枱既地方。另外仲有露天環境供客人用餐，十分有格調。Menu上面食物種類繁多，諗左一陣食咩好。最後揀左4道小食、1個主食同埋1盅燉湯。軟殻蟹牛油果卷(4件) $116賣相精緻，食落有好香既蟹味。另外配埋清菜同牛油果，一啖食落去有豐富口感。串燒沙爹雞肉 (1串) $18 及 串燒安格斯牛肉 (1串) $22串燒以鐵支作支架，相較普遍用木支更容易和完整地把肉拉出。雞肉肉質有彈性，口感嫩滑，味道岩岩好。牛肉不會太韌，容易入口。蒜香牛油雞翼 (4件) $68外皮金黃色咬落香脆可口，唔會有過多的炸粉。吃落味道濃郁，而且雞肉嫩滑，牛油味十分突出。鮮蝦蟹肉金邊粉 $123份量足夠兩人食，金邊粉食落唔太乾身，每啖都有蟹肉。另外配上泰式醬汁，更能突出味道。鮑魚烏雞燉湯 $96足料燉湯，湯水清甜。鮑魚唔會煮得太過火，食落韌度可接受。

想飲茶唔一定要去茶樓, 今日就相約朋友嚟到呢間集合中、越、泰三國菜式嘅億膳, 邊嘆中國茶邊飲冬陰功 (茶介$12/位)。冬陰功海鮮湯河(午市套餐) $62 冬陰功湯酸辣醒, 蝦肉爽口彈牙, 加入菇類令湯頭更鮮。套餐附送餐湯餐湯味道清淡, 正合我口味。套餐附送熱飲, +$8轉飲咸檸七牙車快 $86以玻璃杯盛載牙車快, 雖然份量不多但賣相精緻, 椰菜絲上鋪上雞絲、蝦米、花生碎等配料 混入越式酸甜醬汁, 感覺清新。串燒安格斯牛肉、串燒沙爹雞肉 $80安格斯牛肉肉質柔軟, 雞肉串燒配沙爹醬就最夾。

去開附近睇相機, 睇到一半想食野, 見到樓下派傳單就上左黎。坐lift一出黎就係餐廳, 我坐近窗梳化卡位幾舒服。 因為基本上冇麥人坐lift坐呢層, 停親都係入黎食野既, 所以坐得幾舒服。午餐 抄金邊粉$56金邊粉十分香口, 蛋味重, 芽菜 洋蔥,韮菜, 蝦仁 十分足料。 仲有辣椒醬俾你自由添加。 。加8蚊轉咸檸七覺得個咸檸可以再咸d跟餐有餐湯。 今日係排骨冬瓜湯。 叫左份牛油雞翼, 啖啖牛油香和雞肉十分美味。 強烈推薦!最後叫左份芒果黑糯米飯$68黑糯米加左好多水, 吸水力超強, 因為糯米飯好軟綿綿。 而芒果十分香甜。 必食之選。臨走時見到餐廳都有做12人一圍果d餐。 2千幾蚊。 下次圍年飯又有多個選擇。提提你: 每位收$12蚊茶費同加一。 我就覺得個茶太濃了, 朋友就覺得杯茶都幾好飲。

星期五夜晚book左3位黎食 俾左最入入既位置我地 氣氛唔錯 都坐得舒服 傾下計又唔會太嘈一開始未人齊 我地叫左d小食食住先 點知等到個fd黎都未黎d野 再叫野食先催一催先到 沙喇雞串 正正常常 冇特別驚喜 雞翼唔錯 好香 同炸皮唔厚 食落去好野味 湯係主打 不過好多都賣曬 得返呢兩款 好濃味唔錯下次會再叫牛油果軟彀蟹卷 本身叫通菜 又冇曬 不過呢個都ok 整體野食都ok 不過好明顯佢人手唔係好夠 我地坐係裡面成日都叫唔到人 上野食既速度都係偏慢

秋風起，涼涼地， 經過油麻地近旺角嘅彌敦道( 九龍行對面)見到譽發商場, 望下原來都好多食肆， 今次揀咗4/F呢間東南亞美食嘅億膳, 全層都係佢哋嘅餐廳。由於我都係早段入座， 侍應安排咗我哋坐四人枱。 一路食飯，一路都好多人入座， 想食記住book枱。呢個菠蘿炒飯影真豐富， 用呢個碗仔都不到六碗滿， 仲要有好彈牙嘅大蝦加新鮮菠蘿去炒，yummy 。避風塘野生辣龍蝦， 咁大個女第一次食， 果然冇令我失望， 賣相已經好靚， 食落去啲肉好新鮮， 而且十分彈牙， 辣嘅程度亦可以俾你揀， 我哋揀咗小辣都覺得辣，小心小心。均衡飲食法則， 有澱粉質、有肉、 點少得蔬菜， 愛辣嘅我哋叫咗馬拉盞通菜， 捧過嚟已經香噴噴， 上枱已經令我哋流曬口水，全部分量都好足夠，三樣野巳經飽曬。

第一次黎食， 聽聞係中泰菜， 食落的確有D mix 既感覺，有4人餐無叫到，因為好多野想試， 所以散叫。😏首先冬陰公湯，同泰國餐廳飲過嘅有啲唔同，蕃茄較多幾特別較易入口，唔錯都好好飲😋。前菜係軟殼蟹牛油果紙米卷，點泰式辣醬食， 真心推介好食，同個醬好夾另外叫左個避風塘野生辣龍蝦， 都係推介要食，好正， 好啱鍾意食辣嘅我。😋😋之後就係菠蘿炒飯，都係好好食，入邊有扎肉，有蝦，比其他餐廳好食最後叫咗兩隻乳鴿仔，需時較耐， 要早D 叫定， 唔知佢點整啲便可以好軟，有啲入口即溶嘅感覺，喊到適中唔會太鹹，都唔錯👏🏻👏🏻總結，服務，環境及態度幾好，嘢食比想像中好食，推介👍🏻👍🏻👍🏻

朋友生日好有食福呀（＾ν＾）(^.^)^_^,好友共聚啦，4個人食晚飯，有人中意泰國菜，有人鍾意中國菜，於是我哋就揀咗呢間餐廳呀（＾ν＾）所有食物和飲料都太好了 ，一出電梯就已經係間鋪，唔使搵，環境好舒服，比較寧靜，所有工作人員都很好人，招呼同服務都好好，經常浸水俾我哋，主動提出幫我掉個空樽，《食飯前剛飲完支茶擺左喺檯😂》我哋都比較多要求，但店員還是保持親切非常友好，非常專業! 叫咗個招牌桂花BB鴿，避風塘野生辣龍蝦，仲有佢極力推介嘅軟殼蟹牛油果紙米卷，都勁正，仲叫多咗個菠蘿飯，分量四個人食啱啱好，全部都係意想不到嘅好味，足料，比較創新，尤其乳鴿，肉質好入味，乳鴿必食。如果食得落，真係好想食埋黑魚翅湯呀，，，，（＾ν＾）中泰越美食, 在油尖旺區, 又係一個很好的聚會點! Happy Happy 食物好味，會再去幫襯��

晚上走到旺角油麻地到處都是人，找間樓上鋪，價錢合理食評也好的店來試試。泰國越南，加上中國的燉湯，找到了。幸好我先來一步，過了不到15分鐘已經坐不差不多坐滿。在油麻地地鐵站，碧街A2出口，向旺角方向直行一分鐘。在旺角潮流特區行落油麻地方向也是走一分鐘。咖喱牛筋腩煲 $118咖喱加上牛筋腩，是友人的摯愛，怎可以不落單。咖喱味道不會搶，有椰汁的香味，濃汁不會太稀，牛腩腍滑有咬口，不是入口融化的那種。他搶著牛筋不停食，因為實在煮得腍滑又入味， 兩個人食，汁與牛腩全部食清。法式蒜蓉包 $55蒜香的麵包蘸滿咖喱汁很好味，如果麵包能夠做得更加扎實，相信會取得更加高分。原先想食粉或飯的我們，見到咖哩即轉軚食麵包，實在逃不出這個配搭。越式炸春卷 $68朋友叫我選越式蒸粉包或春捲，我當然選擇春卷啦。春卷包在生菜中，加上越式的甜酸汁，醒胃好味。這裏是微酸微甜，蒜頭乾蔥頭不突出，適合不喜歡蒜頭或蔥頭的人食用，其實春卷炸得鬆脆，餡料本身有點兒味道，再加甜酸汁會更加好味啦。馬拉盞通菜 $72朋友搞笑的想來個馬拉盞炒絲瓜，侍應幫他問了，最終都是改回馬拉盞通菜。通菜份量足，馬拉盞汁全掛通菜上，淨食略鹹，用來送飯較合適

家中長輩生日，佢喜歡食中式小菜，同時又想食泰國野，最後俾我地揾到呢間，中泰越各國菜式齊全，包羅萬有。桂花 BB 鴿 $90堅係妙䶖鴿，皮好滑，肉好嫰，其實連骨都脆脆地。是用滷水浸到剛剛熟，唔會過老，先有呢個效果。除了滷水，仲食到濃濃的桂花味，一試難忘。馬拉盞炒通菜 $72香口又惹味，辣辣地好滋味，上枱熱辣辣還在冒煙。好送飯，但如果冇白飯就咁食菜，就偏咸左少少。菠蘿生炒骨 $95好大碟，肉骨多，配料更多。生炒骨比較大件，炸得未夠鬆化，食到有點筋位，比較難咬到。配料有菠蘿有三色椒，清甜爽口，又帶點酸，好開胃。泰式明爐海斑$198一般泰菜的明爐魚，都會用上烏頭或者鱸魚。呢間用了海斑，而且價錢不貴，當然要一試。初上枱時見到魚的真身，係煎香了的海斑，都幾大條。仲附上泰式辣汁可以點魚食。然後，待應會幫忙加泰式酸湯，仲有雜菜，好多菇同埋肉粒。條魚即刻變得好豐富呀！有個火爐響下面滾呀滾，食起上來十分滋味，最後俾我地全條清曬！原個菠蘿炒飯$123菠蘿炒飯，初初以為唔多，原來個底都挖得幾深，三四人 share 食都夠。配料有蝦 、元貝、鮮魷同菠蘿，炒得夠乾身，好好食。芒果黑糯米 $68又係好大份，shar

天氣帶點涼, 加上近來公私兩忙, 人也有點疲態; 朋友知道後, 就說要帶我去喝碗靚湯, 滋補驅寒飯店就在彌敦道很方便, 裝修與食物都有點 crossover, 既有中式桌椅, 又有西式酒吧 餐牌都幾多選擇, 有泰越菜, 串燒, 小炒類及燉湯還有私房菜提供朋友第一時間叫我點湯, 她要了一盅豬肺排骨萬壽果燉湯, 萬壽果即木瓜, 試了一口, 很香甜; 自己不吃豬肺, 朋友則說味道很豐富, 而且火喉很夠我就叫了茶樹菇排骨燉湯 - 這盅湯頗大size, 加上多材料的關係, 喝完這湯已經飽了三成; 茶樹菇味道非常特出, 加上排骨及豬展的肉味, 湯燉得非常香濃, 喝下去感覺著熱湯由口腔緩緩流入食道再走到胃中, 那道暖流令人非常舒服,  讓人有種沉澱下來的平靜感覺;  怪不得朋友不斷要拉我來喝一盅 , 喝過後一身感覺舒泰另外還叫了兩個菜, 一個是軟殼蟹牛油果卷, 特別的是我們兩人明明吃著都有很香的牛油果味, 但又不見牛油果的踪影?! 應該是打成了醬混入了火煎菜及軟殼蟹當中了. 第一次見到煎流心芝士肉餅, 當然試試; 芝士味道不是很濃的那種, 沒有蓋過肉餅的味道, 淡淡地在肉餅中滲出; 而且調味剛好,

出mk做facial順便 同個我美容師朋友食個lunch知道呢間有燉湯飲依家個個都話要--養生 所以就食呢間la呢度裝修都好open同埋都好闊落帶有d西洋風因為咩都未食所以就叫lunch+小食+燉湯香茅豬扒撈檬呢個唔係我食ge但睇賣相 已經見到好多香茅豬扒朋友話呢度ge豬扒等於出面兩碗份量朋友話個汁夠酸 好開胃海南雞飯一上個飯 熱到出煙d海南雞有6 件 而個飯都係雞油飯但我食落口 好香椰漿香味份量都唔少而個海南雞 好滑身仲有海南雞專屬膠原配埋薑蓉 同 辣汁 軟殼蟹牛油果米紙捲好耐無食過軟殼蟹 加上見menu有哈哈笑通常都係推介果然無失望 有好大隻軟殼蟹配上新鮮珊瑚生菜 沾配個甜酸汁好醒胃椰子烏雞排骨燉湯呢個好推 雖然要$78但時間 材料 都已經值回票價超多材料 都可以分到4 碗仔飲得出啖啖心機 同好鮮甜果然慢工出細貨

又想食泰菜鳥.....朋友話.....你上星期先食完啊, 咁快又食？So 今晚一於來個泰越菜....來一個”一箭雙鵰”, 億饍位於油麻地地鐵站附近的樓上食品, 交通便利,  shopping 更便利。牛油雞翼、生牛肉河、香茅豬扒檬、原隻菠蘿炒飯......全部都想食, 結果有人話唔食生嘢, 有人話唔想食凍嘢.......野~~真煩！好多樣都叫唔到！佢地原來仲有個12人私房菜牛油雞翼（$68/4隻）越南代表, 牛油雞翼有層薄薄的脆漿, 入口脆卜卜, 雞亦系king size, 巧大隻, 雞翼炸得皮脆肉嫩, 雞肉好鹹鹹地好 juicy, 牛油令雞翼更香口, yummy。原個菠蘿炒飯（$123）泰國代表, 菠蘿超大隻, 炒飯材料豐富, 用雞蛋炒得乾身香口, 粒粒圓潤, 炒飯還下了菠蘿粒、帶子、觸柳粒、翠玉瓜粒、大蝦及魷魚等, 味道很錯, 清香不鹹膩菠蘿夠熟, 香甜多汁, 連炒飯都帶有菠蘿果香及甜味, 菠蘿味道原來同帶子魷魚都夾得埋。猪肉鮮蝦米纸卷 （$72）米纸卷系越南比較健康食物豬肉己調味炒香, 夾雜埋爽甜大蝦、清脆生菜、濃香炸蒜粒及清淡越南米粉等作為餡料, 再以紙米包住食, 健康得嚟有少

燉湯對於我來說，真的一年四季都喜歡飲。前幾日，老友又有好介紹，推薦我們去旺角譽發廣場的億饍，餐廳有多款燉湯選擇，愛飲燉湯的我必定要去品嚐下 ~餐廳設計時尚，環境整潔舒適。這𥚃以兩三張細枱合拼為長枱，可分開或合併，較為彈性，環境整潔舒適，感覺不錯。餐牌上有滋補燉湯、手打肉餅、多款滋味小食、特色炒粉麵、焗飯、煲仔菜、越式湯粉、泰式沙律、甜品等，亦有全席私房菜訂座，各式各樣，種類繁多，很好的選擇。鮮蝦蟹肉炒粉絲    $123一絲絲的炒粉絲，爽口乾身，醬料香濃，口感順滑，粉絲加入彈牙的大大隻鮮蝦、鮮甜的蟹肉、雞蛋絲，材料非常豐富，吃完一口又一口，不覺油膩，超喜歡這菜式。安格斯牛柳粒紅飯     $123濃厚的牛柳粒，肉汁豐郁，香味四溢，口感有點軟淋，有咬口，配合紅飯和什菜一起吃，與安格斯牛柳粒味道非常相配，香氣濃郁，非常惹味。花膠烏雞香菇燉湯     $96進入秋冬天，是時候要開始補下啦！我最喜歡是烏雞湯，還有較貴的材料 - 花膠、大冬菇，燉湯味道清甜，烏雞肉質嫩滑鮮美。這個燉湯滋補養顏，滋潤皮膚，特別適合女士飲用。豬肺排骨萬壽果燉湯     $78如果在家清洗豬肺，實在花太多功夫。這餐廳有

成座大廈都是餐廳，可能會有更好選擇...服務態度很好，但食物水平跟不上，質素比較普通，可填飽肚，食完都諗唔到邊樣最好味，腦海浮現一句好一餐唔係餐。環境：地理位置ok, 不過一出𨋢就係餐廳，有兩張枱almost喺𨋢口，如果有訂枱就可以坐入去柚子沙律：柚子比較乾 Portion細蝦餅：有蝦味既面粉一大餅菠蘿炒飯：還不錯，不油，粒粒飯串燒：係最低分的一樣，無串燒香味，肉沒有肉味，一大串但是無風味食東南亞菜最緊要風味同過癮，這家小店欠奉，但是員工是好的。

香港地舖租貴，令愈黎愈多食肆大廈出現。億饍位於油麻地一棟頗新淨的食肆大廈內，鄰近地鐵站，交通方便。億饍的菜式選擇十分豐富，是走多國菜的路線，名符其實嘅 Multi Taste。Corona $31先來墨西哥的代表Corona, Happy hour只需$31，非常抵玩。7-up $28再來是美國代表7-up，夏日必備大杯冰底，消暑解渴。花膠烏雞香菇燉湯 $92中國代表，非常清香的一道燉湯！烏雞和排骨肉燉至鬆化，近乎入口即溶！内有兩顆特大香菇，是清香的來源。馬拉盞炒通菜 $72來自馬來西亞的代表非常惹味，份量亦足。可是吃到底有點沙，要扣分。咖哩豬炒飯 $98泰國代表一直傳來很香濃的咖哩香，飯粒分明而且香口，份量亦很多，很不錯的炒飯。桂花BB鴿 $90最後再來中國的代表，桂花鴿外觀有點像滷水鴿。比起一般的炸鴿，桂花鴿真的非常juicy，而且肉質也算細嫩。