億饍 (Closed)

秋風起，涼涼地， 經過油麻地近旺角嘅彌敦道( 九龍行對面)見到譽發商場, 望下原來都好多食肆， 今次揀咗4/F呢間東南亞美食嘅億膳, 全層都係佢哋嘅餐廳。由於我都係早段入座， 侍應安排咗我哋坐四人枱。 一路食飯，一路都好多人入座， 想食記住book枱。呢個菠蘿炒飯影真豐富， 用呢個碗仔都不到六碗滿， 仲要有好彈牙嘅大蝦加新鮮菠蘿去炒，yummy 。避風塘野生辣龍蝦， 咁大個女第一次食， 果然冇令我失望， 賣相已經好靚， 食落去啲肉好新鮮， 而且十分彈牙， 辣嘅程度亦可以俾你揀， 我哋揀咗小辣都覺得辣，小心小心。均衡飲食法則， 有澱粉質、有肉、 點少得蔬菜， 愛辣嘅我哋叫咗馬拉盞通菜， 捧過嚟已經香噴噴， 上枱已經令我哋流曬口水，全部分量都好足夠，三樣野巳經飽曬。