貓山皇 (Closed)

話說某日打開收音機，聽到幾位吃貨DJ提及在元朗吃過一款超讚的榴槤甜品。我第一個反應是立刻上網搜尋，默默記在我的「待吃清單」。上週末難得有半天閒，正好拖著蛋白君來元朗覓食～( ´ ▽ ` )ﾉ身邊友人都不大喜歡吃榴槤這玩意兒，有時候就算遇到品質好的新鮮榴槤，也沒有分享對象。為了解饞，我只好四出尋找好吃的榴槤甜品。名字叫得貓 ‧ 山 ‧ 皇，就知道店家最自豪的是什麼，敢用榴槤當主角的甜品店，想必有一定的水準。甫坐下，馬上來一個貓山皇脆皮夾餅($30) ，現點現做的熱脆餅，中間夾著一球微冰的鮮榴槤肉；一口咬下，真材實料的榴槤肉，甜香充斥口腔，難以形容的感動! 可惜蛋白君不吃榴槤，無法跟他分享這份來自天堂的美味....(嘆)

晚餐後，一如以往大家都顯得有點意猶未盡，於是就打算去吃甜品，由於我對元朗區不熟識，就請K小姐決定地點好了。K小姐問我：「喜歡吃榴槤嗎？」我回答：「當然喜歡。」原來她早就想好了要帶我到榴槤甜品專門店－貓山皇。十時左右，E先生亦剛好來到跟我們匯合，於是一行三人跟著K小姐的帶領來到貓山皇，卻不禁被正在門外等候的十多二十人嚇了一跳，領了個堂食號碼之後，心裡正盤算著要等上多久，就發覺門外等候的人多數是外賣，立時鬆了一口氣。趁著等侯的時間，我們就看看門外的餐牌，商量一下一會兒要點的甜品，餐牌上各款以貓山皇做成的甜品，的確令人有點眼花繚亂之感，心大心細不知點那一款才好。話說來自馬來西亞的貓山皇榴槤是榴槤中最貴的一種，不但香味濃郁，入口嫩滑細緻，堪稱榴槤中的極品。而這間以「貓山皇」命名的甜品店一樣是不容小覷，因為它是全港第一間專門做貓山皇甜品的專門店，愛吃榴槤的朋友真的有口福了。等候了二十分鐘，終於能夠入座了，店舖面積不大，有大約廿多個座位，裝潢甚具特色，這邊牆上安了鏡子，上面有一個代表貓山皇的「貓」字icon裝飾，最為搶眼。門面、廚房均由廢置貨櫃切割組合而成，經過翻身並髹上鮮艷奪目的黃色及藍色，同時

想黎好耐, 因為超級鍾意食榴槤, 所以呢晚同朋友食完飯就黎呢度食甜品。去到拎飛, 已經有好多人等緊, 大約等左廿分鐘倒, 終於到我地, 當時又嘈所以唔係第一時間聽到佢叫我地張飛, 個店員就好冇禮貌咁話叫左我地咁多次都聽唔到; 入到去坐低, D位好窄, 地方又細, 最遠果張枱都只係離counter 10呎倒, 但要每一個食客出去點野食, 我都覺得好出奇, 咁都唔緊要啦, 但叫緊野食果陣, 店員d態度又係其差, 好似好唔耐煩咁。到最後我叫左個外賣走, 佢淨係比左個紙袋我, 咁問佢拎個膠袋仔比我抽住, 係個男店員拎比我, 仲要係極之唔情願果隻, 仲講左句野暗示我要快d走, 但我仲有朋友係未食完, 激氣!總括黎講, 我覺得全程都食得唔係咁開心d甜品係幾好食, 不過相比價錢就唔係咁抵食, 其實價錢都算, 最大問題係店員令我地感覺好差, 好冇禮貌, 完全唔憂做咁0既心態, 咁樣好難令人有下次會再去。

貓山皇夢幻榴槤雪糕，杯底有特別設計，有啲煙噴出黎，有迷幻感覺。個榴槤雪糕有好香榴槤味，軟雪糕口感做得好好，好滑溜! 側邊仲有啲果汁珠珠好得意，杏仁片再加一條酥餅同個雪糕都好襯!

之前見到有人分享貓山皇夢幻雪糕相，覺得好特別，下面就乾冰遇到水以霧煙，上面就又香又滑既榴槤雪糕加爆珠，千層餅同杏仁片食到停唔到口向來唔係好食榴槤味既野，竟然愛上榴槤雪糕！仲等咩，快d去食喇

從永年士多慢步兩個街口左右，又來到了貓山王，準備繼續點選上次未曾點過的甜食。食客於假日下午茶時段擠滿了整間食店，甚至店外仍有數位食客正輪侯入座，我倆決定來個外帶，邊行邊吃也可以很滋味。今次點選貓山皇脆皮夾餅($30/件)分享，這款似乎是最方便外帶食用的。付款過後，能在外透過玻璃廚窗看到夾餅的制作過程，爐具整潔乾淨烘煎著兩塊餅皮。兩邊烘煎至金黃成熟，負責人於雪櫃中取出一大匙貓山果肉放置於夾餅中央位置，再對摺一下，夾餅便送到我手。夾餅煎得金黃色，入口脆身，夾在內裡的貓山果肉淡黃，入口味道濃甜、甘香幼滑，部份果肉有甜中帶回甘的餘韻﹔啖啖貓山果肉，至愛榴槤的我吃得十分滿足。另一半輕嘗過後，我整件慢慢品嘗，特別一提，貓山果肉回甘味厲害，突如其來的一下飽嗝，貓山皇氣味依然後勁十足、真材實料，只是苦了隔鄰的另一半，我卻忍不住偷笑。

出街食完飯,行行下聞到榴槤香,就來貓山皇睇下,好似好吸引咁~因為店面比較細,要等好耐位........終於坐到入去啦.....入面好細,好窄,幾乎掂到隔嚟枱.....又完全聽到人地講咩....落單要出櫃位落,但間鋪都坐滿人啦,仲點行出去,行出行入好麻煩,行到出去又話哩樣冇嗰樣冇,問到先話冇,點解唔貼張紙出嚟話冇呀仲有佢個榴槤雪糕,堂食就一定要兩杯一齊叫,好似被迫咁,唔可以試下GE.....結果就要食晒兩杯,好濃的榴槤味,又有果肉,都幾好另外叫了榴槤布丁.....又貴又不好食一句講晒,唔會再嚟!!!

全店獨孤一味賣榴蓮甜品真係好有市場策略，當然一定做過調查知道有好多榴蓮愛好者，否則好難淨賣榴蓮甜品！好似見到有1、2樣唔係榴蓮，但都好難吸引唔酷榴蓮人入嚟，因為成間店已經充斥著濃烈既榴蓮味！首推必食一定係------「貓山王榴蓮軟雪糕」!!!!噴哂煙既賣相已經加哂分！口感係好濃郁既榴蓮味，唔溜，食哂成杯感覺剛好！好正！另外榴蓮拿破崙都係必食！雖然D Filling顏色有點Artificial，但咬落去都係好Rich既榴蓮味，皮好鬆，自家製嚟講算唔錯！下次會試埋榴蓮Pancake同蛋糕先得！

父母本身都不好榴槤, 是小時候麻麻教我食果王的! 之前亦有幸於東南亞食過貓山王及D24，一試難忘！早前知道元朗開了”貓山皇”已經很雀躍, 但次次經過都好多人, 亦或者同行者視果王為臭臭...今日同媽咪阿妹早就於元朗食完晚餐, 別人食晚飯時我們已經食甜品, 終於有機會來朝聖! 門口已經有MENU一覽! 好吸引呀~還有標明各款的濃度店內不算大，6,7檯左右，OPEN KITCHEN 設計，而檯櫈有東南亞的感覺～幾貼題！牆身好似貨櫃，幾得意～坐底後睇睇MENU先，絕大部份都是榴槤甜品。而這裡是先到櫃台落單及付款，就會有一個號碼牌，店員就會按號碼奉上食物～阿妹點了夢幻榴槤雪糕 HK$55 share食，差不多見到檯檯都會叫，當然乾冰噴煙賣相是亮點，聽到不止一個客人指住別人的說要一客呢～賣相雖緊要，但對我來說最重要都是味道。果然是皇牌之選，雪糕有超濃烈的榴槤味，齒頰留香，就好似在食比較滑的榴槤，伴隨還有水蜜桃爆爆珠及杏仁條，爆爆珠普通啦，沒有亦不太大影響，杏仁條略為不夠脆～我還點了榴槤奶昔 HK$45，榴槤味濃郁就一定，好挺好杰身，用匙羹食都得！所以是用粗飲管飲的，如果幼的睇怕天光都未飲完呢！唯

隔幾個鋪位都聞到陣香味，榴槤友點可以唔試，雖然價錢唔平，不過偶然食下冇壞。今日試左榴槤班㦸周榴槤脆餅，完全冇失望，真係好濃榴槤味，唔似出面用啲熟到苦既榴槤整比你食。裝修都幾特別，唯一美中不足我地叫左兩樣野都唔比叫杯廿八蚊既榴槤雪糕堂食，如果可以搭入一齊叫，相信會更好。一定會再黎食！

榴槤愛好者, 另一半專誠帶我來試試。店內空間小,但員工及上菜速度快, 輪候時間不會過久。拿破崙, 必食, 內有豐富榴槤蓉及忌廉,餅底極脆。招牌菜, 榴槤雪糕, 附上乾冰。輕煙出來效果極美, 味道很好,濃郁的榴槤味,亦不會太甜。個人認為,情侶或朋友一齊孖住食呢個雪糕, 份量會剛剛好。夾餅, 價錢最划算, 豐富榴槤蓉,但價錢是三款食品中最低一道。愛好榴槤之發燒友們, 真的要來試試呀！

襯放假周圍搵好野食，今次去到元朗，之前睇食評寫到佢咁正，榴槤fans ge 我就專登踏車去食。 我係元朗路痴，但都唔算難搵 榴槤拿破崙 俾返個good 先得，好香榴槤味，D24 果然唔同啲，香過其他甜品店出品，正正正

是日一家人出外食飯，食完後不足二十分鐘，就走到貓山皇要戰食甜品，並不是晚飯食得不夠飽，而是經過實在難忍。這時候接近九時 還未有人排隊 我地係門口等左大約十五分鐘 就入得 Menu叫左2，4，6，8夢幻雪糕，一向唔食榴槤既妹妹都食呢個雪糕 仲讚好好食 差唔多成個雪糕比佢食哂 如果本身唔食榴槤既人可以先試呢個 雖然佢既濃味程度係爆燈 但亦好易接受到！一試難忘！👍👍推介榴槤pancake 好香好濃味 最岩超鍾意食榴槤既人 而且cream不是太多 絕對物有所值👍👍推介Durian napolean濃味程度只有3 整體黎講都唔錯 食完亦會有飽腹既感覺 可以一試糯米糍就比較遜色少少，同出面既都差唔多 皮味都有點重 榴槤既香味都難掩皮既味道另外仲有榴槤夾餅 係店內可以見到有店員整夾餅 榴槤果肉亦都有相當既份量 都係👍👍推介 但當時一見到就忘記影相了😂😂總體來說，雪糕、pancake 同埋榴槤夾餅都係必食推介 同埋最好平日去啦 因為假日無論係咩時間都一定要等好耐位！

這店開張應該三、四個月了吧，但它的「臭名」早在Facebook、Instagram遠播咯，這次還不輪到我一試：P這天是星期五，門口都堆滿被臭臭果的名氣所吸引的食客。等候時間可以接受，大約等了廿分鐘左右。可能我們只有二人的關係，室外有兩三張大枱，但室內卻六七張細枱，所以比較快就安排位置了。店舖裝修以貨櫃作主題，而且顏色黃黃綠綠，與我們的水果之王—榴槤似的。不過店舖較為狹窄，有點迫，位置數目也不多。餐牌，共有二十一款的甜品供選擇，有數款是店舖推介的。夢幻榴槤雪糕（$55），下面的乾冰營造出夢幻的感覺，有趣且特別，只限堂食的啊。先說旁邊的配角，脆條、杏仁片、黃色的爆爆珠，使整杯的層次感豐富。主角當然是榴槤雪糕咯，雪糕既有濃郁的榴槤味，做得又綿滑，實在太棒了吧！喜歡榴槤的朋友，這個必定要試啊～～注意：此雪糕要盡快影下來，才有夢幻效果呢^ ^榴槤班戟卷（$58），旁邊一小杯應該是蒟蒻條配上稍酸的提子果醬吧，感覺清新，而青綠色的班戟皮做得很薄，裡面的餡則有忌廉和榴槤肉/茸，果肉佔大部份，Creamy之餘又充滿果肉香～～有機會再來試吧，亦會點選那夢幻十足的榴槤雪糕，其他甜品亦可以一試。但個人認為把整

  當日打完邊爐後家人提議食榴槤甜品，所以就到黎新開不久，但係元朗已有一定名氣既貓山皇，當日由於平日，好好采唔洗等位，四人坐左係小圓枱，舖內裝修參考貨櫃，幾有特色，位唔係好多，有少許迫，但無阻我地黎朝拜既決心。  榴槤班戟好好味，裏面既cream一啲都唔膩，啖啖都係榴槤肉，唯一杯內既蒟蒻有啲甜。極度推介好似食緊新鮮既榴槤咁，裏面既爆爆珠令個雪糕添上一份特色。熱食，唔會太甜，蛋白加入暖暖地，唔會影榴槤既香味，大讚！！雖然價錢貴左啲但物有所值，下次再去食其他