Video
Additional Information
主要外賣，少量坐位供堂食。
Opening Hours
Today
11:30 - 20:00
Mon - Sun
11:30 - 20:00
Public Holiday
11:30 - 20:00
Public Holiday Eve
11:30 - 20:00
Above information is for reference only. Please check details with the restaurant.
Signature Dishes
今晚突然想飲燉湯，喺火炭飲燉湯既選擇唔多，走去大家x見得皮蛋湯，就走去銀禧睇下，估唔到喺街市入口就有間燉湯。$55一個燉湯，如果加埋飯就total$73。 感覺上有少少貴，行近啲睇佢啲燉湯係用錫紙兜一個個獨立燉好包裝好既。因為真係好想飲湯，最好係清清地，有啲排骨食下....就買一set黎試下啦。我嗌左個姬松茸螺頭淮山杞子燉排骨湯，加個蔥油豬扒飯。兩樣野買上手都熱辣辣，個湯一打開，有幾舊好腍既排骨，有螺頭，有好多松茸，味道好濃，感覺好足料，湯面無咩油。雖然有少少失預算，因為我本身以為係清清地既湯🤣點知咁濃味...只能怪自己對燉湯唔認識🤣🤣個湯好大碗，食+飲左半碗就已經飲唔落，太飽啦！個湯飲完一啲口渴都無，我相信都係無落味精。至於個豬扒，因為太飽緣故，無食到留番俾屋企人第二日帶飯。打開見到有五塊豬扒，豬扒下面有8-9條大菜芯，飯量都好多。後黎問番屋企人，佢話都幾好食。呢個餐以呢個份量，呢個味道，同埋健康無味精黎計，$73我覺得唔貴啊。不過份量真係太多，兩個人食一個餐都已經夠，或者等下次餓啲既時候再嗌啦！😆
continue reading
第一次食依間，我平時鍾意响餐廳入面食，不過最近武肺咁勁，就多咗買外賣。依間舖頭响銀市集入面，响市集入口附近，細細間只做外賣。之前傻吓傻吓咩都唔知，原來可以whatsapp order, 到咁上下直接攞，下次要醒目啲。買飯+湯套餐，加埋$68, 一開始覺得少貴，食完之後覺得真心好抵! 我今日食蕃茄肉片飯，湯要咗個姬松茸湯。先講講個包裝，買飯附贈黃色手提袋，我都唔知個袋係咩物料，似紙又似膠，不過隻黃色好靚好sharp 我鍾意❤蕃茄肉片飯用紙兜裝，入面有個膠兜將飯同餸分開。我成日俾朋友笑似小朋友，食飯鍾意撈汁，最鍾意嘅係茄汁，今日依然係小朋友口味🤣其實成個lunch 嘅主角係個湯，個飯係唔錯，不過個湯先係重點! 係咁依介紹吓個飯先，蕃茄汁甜甜哋，用嚟撈飯好開胃。肉片我估係豬肉，落order 嘅時候可以揀要魚片 or 肉片。等我食完成個飯+湯已經飽到胃氣攻心，實在太飽，下次試吓可唔可以要少飯先。主角! 係個湯! 個湯係邊個煲㗎? 我想嫁俾佢! 💍姬松茸湯用錫紙兜裝，封實晒，完全唔怕攞外賣時會倒瀉。入口第一啖已經知係用料好足，唔係味精湯，飲落口非常非常非鮮甜! 真係老母煲嘅湯都無咁足料無咁好飲! 湯同渣份量大概係一半一半，本身食完個飯已經飽咗9成，食埋啲湯渣飲埋個湯，飽咗120%。我知道飽就停唔好再食，但真係好好味唔食埋佢感覺好浪費🙈 而且飲依個湯係一種享受，我慢慢飲囉~最後嚟2張menu, 除咗飯同湯仲有糖水同埋自家製飲品。糖水非常有興趣，但市集只開到4點定5點，依個時間未想食糖水。下次可以當下午茶試吓。今日全日因為依個lunch 而好滿足❤ 下次試吓其他湯先，相信依然會有驚喜。
continue reading
係火炭反工。。位於銀禧街市入面，一間用心製作既一間小店，每日會有數抹不同既燉湯同午飯，今日叫左勝瓜炒肉片和椰子螺頭杞子百合燉排骨，燉湯非常足料，無味精，椰子燉湯非常鮮甜，65蚊一個燉湯一個飯，簡直物超所值，加油
continue reading
第一次寫食評，因為真係十個讚👍🏻其實想寫呢個食評好耐，但每次都心急食咗無影相😝今次終於記得！所有湯品都非常足料無味精，基本上所有湯同材料我都會食晒😋 前幾日連續飲咗兩日八珍湯，成個人暖笠笠，今日再飲補一補吓氣血，啱晒手腳冰冷、成日坐冷氣、寒底嘅人🤩每個湯都跟一個飯，味道唔錯，食飽飽👍🏻每次經過都會好想買番個靚湯歎吓，老闆親切，值得推介！
continue reading
住在火炭的朋友推薦這一間賣糖水，及湯的小店。他對飲食素來有要求，為何會鍾情這裡的小店？ 今日，我和他一起到了這小店。他買了湯及糖水。之後，他只與我分享糖水，而對湯，他就敬之如寶，不能分享。 因此，我估個湯一定很好味。他解釋，$58 是湯加台式肉的飯。一共兩樣食物。結果，我立刻去買。我發現小店提供枱給堂食的客人。恕我不習慣大庭廣眾開餐。所以，我買了外賣。$58 連湯連飯。坐了50分鐘火車加地鐵，先坐下食。果然好味。湯足料冇味精。雖然過了55分鐘，飯湯都是暖。
continue reading
You may be interested in