My Burger (東廣場)

Open Now

Now Closed

呢間漢堡包店 真係係非常之抵食🤑大隻佬漢堡包非常之足料🍔漢堡扒好厚身 隻蛋仲係流心雞蛋🥚再加埋鹹香芝士🧀煙肉🥓清甜嘅洋蔥🧅紅菜頭等等 真係夠晒豐富😍而且只係$70 抵到爛💕

夜晚經過，聞到陣香味，好耐前食過，覺得幾好食，咗岩又見有位，就入去食。點左個煙燻牛肉漢堡加薯條，再加多杯奶昔。漢堡size都 ok，幾多汁，醬汁都唔錯，幾好味👍👍不過汁太多，攪到包紙都都濕埋，小心食到爆汁😆😆😆薯條份量唔多，約m記細包size，不過係原條切，加上新鮮炸起，好脆，好快就食哂😋😋奶昔幾大杯，但係呢。。。明明圖中既奶昔有埋cream，但係我既就冇cream😱😱😱，問佢地，佢地就咁答冇喎。。咁即係點？係冇哂貨定係一開始就冇？呢樣我真係幾不滿🤬🤬🤬🤬🤬剩係呢樣已經扣哂分😡😡講真，佢地啲野係唔錯，不過奶昔問題，我諗都要隔好耐，心血來潮先會再去。

大隻佬漢堡：（有牛肉、沙律菜、蕃茄、紅菜頭、芝士、流心蛋、煙肉、洋蔥）好犀利，一個漢堡可以放咁多材料入去，足料又滿足你睇！條煙肉都飛咗出嚟。漢堡包軟熟，餡料唔會將個包浸到濕哂油哂。配搭了芝士，特別流心蛋 真係極之好食，令成個包食落不會乾，第一次食漢堡有流心蛋。

今日送完貨，泊底部車，睇下觀塘有咩野好食，比我見到間賣包 ， 好多人排隊 ， 我就試下佢好唔好食。間賣包店叫My Burger 大大個burger ，可以配薯角/薯條洋蔥圈大啡菇牛肉漢堡大啡菇牛肉芝士漢堡現場好大個，根本好難一口咬到底，可自己分開少少再食，牛肉同啡菇勁juice , 醬汁很好👍🏻👍🏻👍🏻👍🏻價錢$68 送汽水人均約$60-80觀塘My Burger#香港美食#美食#搵食團 #搵食 #搵食兵團 #foodie

好少出觀塘，但尼親都要去食尼間。My Burger 🍔 超抵食大大個burger 仲可以配薯角/薯條🍟/洋蔥🧅圈今次簡左大啡菇牛肉漢堡同辣雞漢堡大啡菇牛肉芝士漢堡真係超巨型😍個口根本一啖食5曬全部料😂超滿足，牛肉同啡菇勁juicy ，醬汁好好味另外辣雞漢堡略覺有d乾，味道好味😋都係食得飽飽$6x 仲送野飲同薯條真係抵食之選不過就無乜配件，如手套/紙巾/濕紙巾要自備————————————————滿分5🔆🏝環境🔆🔆 🔆 🛋服務🔆🔆 🔆 💲價錢🔆🔆 🔆 😋食物質素🔆🔆 🔆 🔆 💥翻兜指數🔆 🔆 🔆 ————————————————人均約$60-80📍觀塘My Burger#香港美食#美食#搵食團 #搵食 #搵食兵團 #foodie

My Burger 有次係觀塘睇完戲，記得有朋友介紹過附近有間平價但有質素既burger店，咁我地就去試下佢係咪咁好食。餐廳唔算好大，但當時已經過咗食晏時間，所以都唔洗點等位就入得。打開menu，發現呢到都唔係剩係得burger，仲有炸魚薯條，all day breakfast等等。。。但一場黎，梗係試下佢既burger先！Burger既款式都算多，除咗豬牛雞魚之外，仲有素漢堡比大家揀！作為食肉獸既我地，就揀咗經典牛肉漢堡同埋牙買加辣雞堡。Burger 黎到，都算幾大個。男仔應該勉強可以一咬得晒個包，但女仔就未必得了。面包都係似意式軟包既質地。而且個包佢地有烘過，又搽咗少少牛油，令面包唔會太硬同乾。而漢堡亦都包得好密實，令醬汁唔會滴到四圍都係，挺讚！首先，經牛肉漢堡塊牛好大塊下，而家食落仲好juicy。其他配料包括酸瓜，生菜，洋葱蕃茄同芝士。蕃茄唔會切得太大塊，好唔好就見仁見智。就我而言，細塊係好既，因為咁就唔會令到個包太多水份，食到一半個包都仲夠乾身。而牙買加辣雞堡，聽個名就知佢既調味係會比較刺激既。呢個漢堡係幾辣既，唔食辣既朋友就千奇唔好叫啦！除咗辣，你仲會食到好重香料味。不過可惜

呢間漢堡係東廣場開咗好耐但一直都冇食過佢嘅漢堡😳餐廳嘅坐位唔係好多😺繁忙時間可能要等位😬而員工都好nice🥰🔸大啡菇芝士牛肉漢堡套餐 $65+$20大啡菇好juice😚牛肉漢堡係handmade 嘅🙌🏻仲要好大一塊😍沙律醬都有好多😋配料仲有番茄🍅洋蔥🧅成個包係好豐富❤️‍🔥🔸薯角🥔薯角係要另外加多5蚊🤑薯角每一舊都好大舊😍仲要熱辣辣🌶好脆🤤薯仔比例都好多👐🏻🔸凡惠顧一個漢就可以加$20升級為套餐,咁就包埋薯條加飲品

經典牛肉漢堡 $49 漢堡包🍔有牛肉🥩、沙律菜🥗、蕃茄🍅、酸瓜🫒、芝士🧀同洋蔥🧅牛肉好厚🍔肉質尚算鮮嫩 稱唔上juicy 但無渣唔韌 牛味正常 中規中矩既漢堡扒🥩沙律菜🥗蕃茄🍅一大片新鮮💯咬落去好脆 可以清下味蕾 清新解膩✅酸瓜🫒一條切半味道唔會太酸質感爽脆👏🏻芝士🧀呈半溶狀口感煙煙韌韌芝士味唔算突出奶香欠奉🍼洋蔥🧅份量頗多煮至淋身幾惹味😋但好似同成個burger唔係好夾🤔麵包選用意式麵包麵包對半切開🥯塗上牛油🧈烘到香脆做到外脆內軟唔錯👌🏻不過稍嫌麵包同餡料比例唔成正比 牛肉🥩同醬汁🫕太多 麵包相較之下較少 食到最尾會無麵包夾住🍞會鹹左少少🤭整體而言， 牛肉漢堡牛肉質素唔算超好 勝在burger性價比高💰價錢唔算貴但份量十足 成個漢堡包餡料豐富 超挺身🍔好難一啖咬曬所有餡加麵包 想斯文咁食會有啲難度😹加上burger係即叫即整新鮮熱辣♨️加分👏🏻一試無妨😋

今日早D放工去觀塘攞貨，下午茶時間順便去揾美食。揀左不用上工廠大廈的餐廳方便快捷些。東廣場內有好多小食店，品種多，有羊肉麵、西式、港式、台灣美食……等。下午茶時段竟然不是所有餐廳都有供應下午茶餐。最後揀左間食評不錯的【My burger】。室內裝修簡約，有工業風又有美國風，一貫美式漢堡包店格局 。 以快餐店經營模式，先排隊買飛落order，然後坐低等店員呈上食物。漢堡包有豬、有雞、有海鮮、有素及新興的未來肉，當然以牛為主。沒有標榜採用什麼名堂的牛肉，估計都是普通牛肉。Menu 寫住"The best burger in town" 真係令人期待！【大啡菇芝士牛肉漢堡 $65】亮點是這個花型麵包，好可愛好自愈。這個Burger 不巨型，筆者可以用手拿起整個食。食材有一片生菜、蕃茄、芝士、洋蔥、大啡菇及漢堡牛扒，因此Burger 有一定厚度，要盡快KO它否則食材容易掉出來。另外，Burger juicy，食到最後必定雙手沾滿汁，可是餐廳沒有供應紙巾或濕紙巾……好彩筆者有……否則好狼狽。一大啖咬下去，大啡菇不是想像中厚身，而且漢堡牛肉不是想像中Juicy，不過有大啡菇的菇汁剛好補足漢堡牛肉的

呢間係朋友介紹既餐廳而家係第五次過嚟食🥰🥰餐牌大啡菇芝士牛肉漢堡$65套餐有薯條和飲品加$20轉蕃薯條+$5轉Oreo朱古力奶昔+$19大啡菇芝士牛肉漢堡豐滿嘅肉汁好juicy大啡菇煮得夠 水份好多洋蔥爽口 又有用汁煮過牛肉漢堡唔乾 又有牛味到底仲墊左好大塊羅馬生菜食幾多都唔滯份量好足足足有我隻手咁大番薯條係細條嗰種成條都好脆入邊有小小嘅番薯肉係淋既個奶昔就一般奶味唔夠重反而覺得佢水份多有Oreo，但朱古力味好少

今日係觀塘做完野就搵朋友去食飯，發現觀塘又一商場開左好多餐廳，選擇就更多更有唔同菜式。而星期日人多😵，眼見間間都爆滿人，真係十分旺場。而小編既朋友突然想食漢堡包🍔，係商場入面都有一間係以漢堡包為主題，既然搵到啱心水就不如試下啦👆。✦✦✦✦✦✦✦✦✦✦✦✦✦✦🎈大隻佬漢堡 $68以價錢嚟講同出面食到既漢堡包價錢稍為平，入面既醬汁係用咗千島醬，仲要多到瀉出嚟添🤯，小編仲差啲將啲汁流落條褲到。入面有煙肉、番茄、流心蛋、沙律菜、牛肉同洋蔥，而芝士份量唔多，感覺比牛肉味蓋過咗😖。食呢個當然主打係牛肉，外層經過煎之後變得惹味香口，食落仲多汁💦，漢堡包最正既地方就係要將食物一啖擺晒入口，要一口咬入口咁。個人認為呢間餐廳既漢堡扒係區內選擇之一。 ✦✦✦✦✦✦✦✦✦✦✦✦✦✦🎈薯條小編認為就唔太好食，非常油膩既感覺。越食得多，小編越覺得只食到油膩，口渴得好很。所以味道真係只係食到油膩既感覺，不太良好。裡面亦有啲空心，炸得太耐，有啲乾。✦✦✦✦✦✦✦✦✦✦✦✦✦✦總結:東廣場依家變成一個小型既food court咁，而當中有平有貴，有簡單有cafe。呢間既漢堡包餐廳亦有分雞肉、牛肉、魚類同素食類畀你去選擇

MY BURGER經典牛肉漢堡🍔$49牛油果軟芝士烤雞堡🍔$62*薯條➕飲品（加$20）食一個就飽到嘔的感覺😂，特別雞肉堡，三塊雞肉，不過味道相對淡，都係牛肉比較好食😋薯條好食，熱辣辣好新鮮！

觀塘工廈區一向多野食，但講到食漢堡，我次次都係去依間My Burger度食，因為性價比高同好味！今次叫左大隻雞加菠蘿，同行朋友叫左經典牛肉漢堡加菠蘿，跟餐叫左雞翼同炸薯條。首先，薯條真係每次必叫，因為一定係即炸，上到枱熱辣辣，外脆內軟，真係好好食👍🏻朋友話雞翼辣左少少但都係唔錯😋而經典漢堡牛肉味香而且大大份。加埋菠蘿係超juicy好好味😍但朋友係女仔，mark大口度左好多次位先塞得落😂😂😂到我自己個大隻雞burger🍔個漢堡一樣大到正常男人個口都一啖食唔到，但咁足料真係好正。🤣首先個包似係英式包，好夠香軟，雞多汁好味，醬汁好夾，每一層既料都好正好夾，我下次都一定再叫番依個包！

今晚第一次係東廣場試下呢間Myburger呢到有牛/雞/豬/魚 既漢堡甚至有蝦堡，炸軟殼蟹 ，連龍蝦既Burger 都有有不同口味選擇，一間細細既鋪有咁多款都幾厲害😋仲有d 小食添我地揀左食Classic Burger 經典牛肉漢堡跟餐+20 要薯條 飲熱柑桔蜜柑桔蜜幾香濃，係港式果隻黎薯條都算新鮮 ，算係粗薯條🍟，點茄汁幾好味，不過份量真係唔多 食多幾啖就食完了🥺Burger 來了 個burger真係好大個 Mark 到最大個口都咬唔曬haha塊包烘過脆脆地 仲有陣陣牛油香塊牛肉幾厚幾juicy ,洋蔥亦有佢自己既醬汁同夠甜，係嫌塊蕃茄細塊左d同太薄整體黎講 成個包都好Juicy重點係價錢ok 唔算太貴下次會想再黎試下其他的

9月3日（FRI)今晚Dinner 唔想食飯/麵係東廣場試豆呢間Myburger見隔離個個攞住大大個burger知道一定份量夠飽了比大家睇下Menu 先主要有牛/雞/豬/魚 既漢堡甚至蝦堡，炸軟殼蟹 連龍蝦既Burger 都有認真多口味選擇一間細細既鋪有咁多款都幾勁Menu後面仲有d 小食不過無影到， 記得仲有fish n chips我地揀左食Classic Burger 跟餐+20 要薯條 飲熱柑桔蜜熱柑桔蜜同炸薯條率先到柑桔蜜幾香濃，係港式果隻黎薯條係粗薯 都算新鮮炸起點既茄汁好味 不過份量真係唔多食多幾啖就食完了主角Burger 來了 幫佢影張靚相先個burger真係好大個 Mark 到最大個口都咬唔曬要細細啖咁慢慢逐層食 haha塊包都好厚個面仲有紋又有層白色麵包粉 好高級咁烘過底脆脆地但又夠鬆軟仲有陣陣牛油香塊牛肉夠厚好juicy ,洋蔥亦有佢自己既醬汁同夠甜係略嫌蕃茄細塊左d同太薄有半邊包係無蕃茄食整體黎講成個包都好Juicy係好滋味既一餐重點係價錢ok 丫唔算太貴因見過出面有d burger 未係set 都接近一百蚊下次會想再黎呢到呀再試多d另外口味既Burger